Premierulu italian la Bucureşti

premierulu italian la bucureşti România şi Italia sunt parteneri strateghiţi cari susţân ideea a unei Europă unită, solidară şi puternică – sunt concluziile a adunaril’ei a premierului italian, Paolo Gentiloni, cu preşedintile Klaus Iohannis, la Bucureşti. Discuţiile si concentrară pi r

România şi Italia sunt parteneri strateghiţi cari susţân ideea a unei Europă unită, solidară şi puternică – sunt concluziile a adunaril’ei a premierului italian, Paolo Gentiloni, cu preşedintile Klaus Iohannis, la Bucureşti. Discuţiile si concentrară pi relaţia bilaterală, apreciată di amişdoaule părţâ dreptu privilegiată, pi cooperarea economică, calificată ca excelentă şi pi rolulu a emigraţil’ei a italian’ilor şi, respectiv a român’ilor. Klaus Iohannis si spuse cu chefea faptă tru ţe mutreaşte situaţia român’ilor din Italia, şi dzâse că nu sunt maşi acceptaţ, că sunt şi integraţ. Klaus Iohannis:  ‘Amindoil’i him multu pi chefe şi cu  bucuril’e că aeste comunitaţ reciproţe nu sunt maşi acceptate, că şi si integrară multu ghine. Şi italiani’l’i sunt multu ghine viniţ şi integraţ în România, ună comunitate cu foarte mulţâ oamen’i di afaceri, iar comunitatea românească, care easte multu numeroasă, 1.300.000 di român’i bâneadză tru Italia, easte ună comunitate multu ghine integrată şi foarti ghine acceptată tru Italia’. Iohannis consiideră că relaţia anamisa di România şi Italia easte multu bună tru multe domenii şi aduse aminte poziţiile aproapea identiţe tru ţe mutreaşte politica europeană. Analţâl’i ofiţial’i au discutată di  v’initorulu spaţiu comunitar, ama şi dispre priluarea di cătră Romania a li preşedinţil’e a Consiliului a li Uniunei Europeană la 1 gh’inar 2019. Paolo Gentiloni  sumcundil’e că ghestionarea a migraţil’ei prinde să hibă ună di mările priorităţ a li UE. ‘Prinde/acaţă loc să insistăm să m’earzdem pi calea comunitară. Tru interiorulu  a liştei cale comunitară exiistă şi implicarea comună asupra tematiţâlor migratorii şi cred că Italia îşi feaţe lucurlu a lui. Are faptă un efort importantu, ama aesta lipseaşte să hibă ună di mările priorităţ a  Uniunil’ei, şi nâheam câte nâheam, să ghestionăm aestu fenomen’ –  declarăă premierulu italian. Cu Viorica Dăncilă, primulu ministru italian zburâ, în principal, tendinţile economiţe pozitive di-tru ambele ţări şi nevol’ia a unui impulsu dat a relaţiilor economiţe bilaterale. Uidisit cu spusa a ofiţialului român, Italia repreziintă un partener strateghic trâ România, volumulu a lâximintilor comerciale bilaterale agiungânda, anulu trecut, la aproapea 14 miliarde di euro, un nivel recordu trâ ultimulu decheniu. Totunăoară, Italia easte interesată să investească în România tru agricultură, inovare tehnologhică, energhie sau apărare. El’i  discutară şi di comunitatea românească din Italia, ama şi di aţea italiană din România, Gentiloni spunânda că integrarea român’ilor tru Italia easte tut mai bună. Premieril’i si achicâsiră ca, după formarea a v’initorului guvernu di la Roma, să hibă organizată ună şedinţă comună la nivel guvernamental, şedinţă care va poată să consolideadză, ama şi să diversiifică, cooperarea tru domenii importante cum suntu securitatea, apărarea, economia, energhia, mediul şi sănătatea, pricum şi tru alte sectoare.  

Autor: Daniela Budu

Armânipsire: Hristu Steriu

 


www.rri.ro
Publicat: 2018-04-20 21:57:00
Vizualizari: 601
TiparesteTipareste