Ahurheasti anlu universitar

ahurheasti anlu universitar  La 1 di sumedru, ahurhi naulu an universitar tru instituţiile di nviţămintu superior dit România.Aproapea giumitati di miliuni di studenţa suntu aştiptaţ la tuti ateali trei cicluri di nviţămintu: licenţă, mastearat şi doctorat. Tut cu tut, suntu 54 di...

Easti 1 di sumedru şi ahurheasti naulu an universitar tru majoritatea a unităţlor di nviţământ superior dit România. Aproapea giumitati di miliuni di studenţa suntu aştiptaţ la tuti ateali trei cicluri di nviţămintu: licenţă, mastearat şi doctorat. Tut cu tut, suntu 54 di instituţii di nviţămintu superior, di care şapte militare. La majoritatea a universităţlor anlu şcolar 2018 - 2019 are 32 di sătămâni di cursuri, s-nica şase sesiuni di examene şi patru stămâni di vacanţă, pi ninga atea di di veară. Aproapea u cirec di totalu a studenţalor nveaţă la universităţ dit Bucureşti. Masi la Academia di Studii Economice suntu ngrapsit cama di 22 di n’il’i di studenţa, dit aesta 5 n’il’i boboci. Târgu Mureş (centru) ş-discl’isi porţale, estan, una nauă universitate cu specializări di medicină, farmacie, ştiinţe şi tehnologie. Thimil’iusita meslu ti tricu, prit unificarea a atilor dauă instituţii di nviţămintu superior dit casaba, aesta aşteaptă aproapea 11.000 di studenţa.

 

 

Ia ti na spusi Călin Enăchescu, prorectorlu a Universitatil’ei dit Târgu Mureş: “Cu chirolu, efectele suntu categoric hairlatiti prit adunearea stog a resurselor umane, materiale, prit fatearea ma bun actulu didactic tru cadrul a unei universităţ ma mari cu posibilităţ şi financiare, şi tehniti, şi administrative şi dit tuti punctele di videala.” Anamisa di prprotili probleme cu care s-ampulisescu studențal’ii, și estan, sa-aradapsescu slaba finanţare a nviţămintului superior, cum și ixichea a locurilor di cazare. Ase, tra mulţa părinţa şi studenţa, anlu universitar ahurgi multu ma ayon’ea, cu alagarli ti loarea cu nike udadzl’I ti durn’eari. Nai cama caftati suntu garsonierele, cate sntu si ma ieftine, tru contextul tru care chiriili crescu cathi anu. Tru tuti centrele universitare suntu puțane locuri di cazare, care agiungu tra puțani studenţa.

 

 

A deapoa Petrişor Laurenţiu Ţucă, prezidentu Alianţa Naţională a Organizaţiilor Studenţeşti dit România cundil’e: “Există puţa pisti 107.000 di locuri di cazare, dimi la una isapi scurta va videmu că aproximativ 23% dit studenţa va s-aiba un posibil loc di cazare, atea ti easti multu lahtarosu dit videala a noastra.” Și Cluj Napoca (nord-vest), unu dit nai ma marlii centre universitare dit România, aurhira şcoala aproximativ 100 di n’il’I di sudenta, mastearandz şi doctorandza. Cama di 5 n’il’I dit arada a alor suntu xen’i, majoritatea viniţ la Facultatea di Medicină a Universitatil’ei "Iuliu Haţieganu".  Aoa nveata nai ma marea comunitate di tiniri francofoni dit România, care misura cama di una n’il’e di membri ti yinu dit Franţa şi dit alte vasilii iu sa zburasti limba franceză, cata cum Tunis ica Algeria. Tru România, numirlu a studenţalor scădzu cabaia tru an’l’I dit soni, di itia ca scadzu natalitatea, cum şi numirlu di locuri dit facultăţile private. Kipita tru atea ti mutreasti numirluu di studenţa s-nregistra tru anlu 2007, când eara ngrapsit la ciclul di licenţă cama di 900 di n’il’I di studenţa.

 

Autor: Mihai Pelin

Armanipsearea: Tascu Lala


www.rri.ro
Publicat: 2018-10-01 12:46:00
Vizualizari: 627
TiparesteTipareste