Festivalul UNTOLD, la a ţinţea ediţie

festivalul untold, la a ţinţea ediţie A ţinţea ediţie a Festivalui Untold aduţi Cluj-Napoca numi mari a muzicâl’ei cata cum Robie Williams, Armin van Buuren ica David Guetta.

Vini şi oara multu aştiptatâ di fan’il’i a muzicâl’ei electro dance - festivalul Untold -  una di nai ma impresionante producţii dit Europa, cari s-dizvârteaşti, di gioi până duminică, Cluj-Napoca (nord-vest). Organizatorii tâxescu show-uri ti niagârşeari la cari suntu aştiptaţ anvârliga di 350.000 di inşi tru tuti ateali patru dzâle di gimbuşi, cari yin dit cama di 100 di vâsilii tra sâ-l’o veadâ atel’I cama di 200 di artişti tra cari furâ ndreapti 10 scene. Evenimentul ari un buget di aproximativ 14 milioane di euro. Atel’I cari lucrarâ ti ndridzeri montarâ cama di 1500 di metri pătraţi di ecrane led şi, tutunâoarâ, adusirâ cama di 30 di camioane cu decoruri tra atea că Untold, agiumsi la a ţinţea ediţie, easti un festival cunuscut em ti calitatea a muzicâl’ei ndreaptâ di nai cama bun’l’i DJ dit lume, em şi ti itia a efectilor cu lun’ina. Prota atracţie a gimbuşilor cari va s-tânâ pânâ tru hâryie easti una di nai ma mâri sţene di concerte dit Europa, ndreaptâ nâuntrul a stadionului Cluj Arina, avânda unâ lărdzimi di 90 di m şi unâ anâlţimi di 30 di m, ecrane LED pi unâ suprafaţă babageanâ şi 1000 di spoturi lun’inoase.

 

 

Anamisa di nai cama aștiptate momente dit estan ss-arâdâpsescu  show-ul a britaniclui Robbie Williams, show-ul unic Armin Untold, un oaspi di aradâ a casâl’ei la Untold, multu aștiptatlu trio, 3 ari Legend (Steve Aoki, Dimitri Vegas & Like Mike) ama și yinearea diznâu pi sţena prinţipală al Martin Garrix. Nica şi David Guetta s-toarnâ diznâu Cluj-Napoca tra ediția aniversară a festivallui Untold și tâxeasti un spectacol ti nipistipseari, sâ spuni tru un comunicat a organizatorilor. Autorităţile s-aascumbusirâ, şi nâsi. Cama di 1000 di agenţi sum anvâleari suntu viniţ la festival, tra s-alumtâ la iţi infracţiune. Tru idyiul chiro, suntu 3000 di reprezentanţ a autorităţilor cari patrulează tru uniforme. Poliţiştii, agiutaţ di cân’i specializaţi, va s-facâ controale pirotehniţe preventive şi va s-hbâ tru punctele di acces, pi tut chirolu ali manifestari. Fu ndreaptâ unâ secţie di poliţie temporară tra chivernisearea hâirlâticâ a sesizărilor şi tra intervenţie unâ ş-unâ tru iţi catastisi.

 

 

 

Furâ bâgati şi tendi tru cari yeatârl’i va s-da agiutoru la tuţ atel’I ţi au ananghi di aistenţă medicală cu arastea a unlui ahtari festival. Ma s-aibâ vârâ catastisi di ananghi, optu ambulanţe şi autospeţiale tra transport personal şi victime multiple va s-hibâ tru perimetrul a festivalui. Prima editie a festivalului s-tânu tru 2015, cându câsâbâlu Cluj-Napoca fu aleptu tu harea di Capitală Europeană a Tiniramil’ei, a deapoa dupu hâirlâtica ţi u avu festivalu fu tin’isitu cu premiul Best Major Festival, ţi s-da tu arada a galâl’ei European Festival Awards, cari s-tânu tru Olanda.

 

 

Autor: Leyla Cheamil

Armânipsearea: Tascu Lala


www.rri.ro
Publicat: 2019-08-01 12:09:00
Vizualizari: 529
TiparesteTipareste