Acordu di colaborari Radio România - BBC Radio

acordu di colaborari radio românia - bbc radio Tru arada a Conferințăl’ei Media 2020, Graham Ellis, Controller of Production BBC Radio & Music şi Georgică Severin, Președitte Director General Radio România, simnară ază un acordu di colaborare anamisa di aţeali dauă instituții publiţi di media.

Tru arada a Conferințăl’ei Media 2020, Graham Ellis, Controller of Production BBC Radio & Music şi Georgică Severin, Prezidentu Director General Radio România, simnară ază un acordu di colaborari anamisa di ateali dauă instituții publiţi di media. Acordul yini dupu alanti dauă simnati cu Radio France şi RAI, şi faţi parti dit strategia di colaborari a Radio România cu nai cama cunuscuti instituţii media publiţi dit Europa.


 

Radio România şi BBC îmbărţiteadză idealuri europeani comune tru arada European Broadcasting Union (EBU). Ateali dauă organizaţii publiţi di media thimil’iusiti pi valori vărtoasi și avândalui ună misiune importantă - aţea tra s-hăbărisească, prăxească şi s-yină dininti cu programi di divertismentu tră publicu – duc ma largu pirmitusearea a văsiliilor a lor işişi nu maşi cătră publiclu dit Regatlu Unit ali Mari Britanii și România ama şi cătră tută lumea.

 

"Ază nă lom angajamentul tra să spunem căndăsearea a noastră că putem s-băgăm tru practico storytelling-ul modernu şi s-mbărţităm şi valorli a noastri ca serviţii publiţi di media multu cama ghini prit ună colaborare constantă. Nă lom angajamentul ta s-lucrăm deadun tra s-avem hăirlăticu cu serviţiili şi programili ţi li silighim tră publicu.

 

Pi ună piaţă cari agiundzi s-hibă tut ma globală, publiclu dit România şi dit Marea Britanie caftă programe şi servicii tu ligătură cu bana işişi şi cultura. Tru ună perioadă di niachicăseari, cum easti aestă vărnăoară nu fu ma importantu s-yilipsimu şi s-reprezentăm diversitatea a comunităţlor a noastre. Tru ună lume tru cari dezinformarea s-arăspăndeaşti ntrăoară, avem ananghi ca serviciile publiţi di media s-aducă tră societati hăbărli şi analiza tru cari oamin’il’i s-poată s-pistipsească.

 

Tru un momentu tru cari reinventăm turlia di pitriţeari serviţiili a noastre cătră năili bărnuri, nă adunăm stog puterli tra s-mbărţitămu idei tu ligătură cu modalităţli tra s-avem năi audienţe, iara echipili a noastre va s-caftă năi modalităţ comuni di lucru.

 

Va să zburăm tru ligătură cu năili tehnologii, căndăsinda publiclu cătră programili a noastri on air şi off air.

 

U lom borgea tra s-ndridzemu moeabeţ perioditi anamisa di companiile a noastre, em bilateral, em prit intermediul EBU", s-cundil’eadză tru acordul simnat ază tru arada a Conferințăl’ei Media 2020.

 

Agiumtă di cabaia chiro ună adeti tru dialoglu media anamisa di Europa şi arealul Asia-Pacific, Conferinţa Media 2020, organizată la iniţiativa Radio România, tru parteneriat cu Asia-Pacific Broadcasting Union (ABU), agiumtă la a ţinţea ediție, işi tru videală ca una di nai ma discl’isi şi constructive platforme di dialog anamisa di Europa şi Asia tru plan mediatic. Conferinţa s-dizvărteaşti cathi anu, alternativ tru România şi tru ună vâsilie membră ABU. Nica di la prima ediţie, scupolu a evenimentului fu aţel tra s-nveaţă difuzorl’ii media publiţ cu strategii concrete ţi au scupolu s-da apandisi la provocărli a nauăl’ei eră digitală - anlu 2020 fu apufusitu ca reper, a deapoa ediţia cu numirlu 5 di estan ari ca temă Crossing Borders in the Digital World.


 

Armânipsirea: Tascu Lala

 

 


www.rri.ro
Publicat: 2019-10-03 18:28:00
Vizualizari: 504
TiparesteTipareste