Teatrul, tru prim plan

teatrul, tru prim plan Cădzu pirdelu pisti Sibiu, căsăbălu cari eara nicukirlu a Festivalul Internațional di Teatru, unu di nai ma mări ditu lumi și nai marli eveniment ahărdzitu dedicat artilor spectacolui ditu România.

Sibiu  s-bitisi Festivalul Internaţional di Teatru (FITS).Tema ditu 2022 fu "Muşuteaţă". Chiro di 10 dzăli, publicul avu parte di aproapea 800 di spectacole di teatru, muzică, dans, circ, multi reprezentaţii pi geadii, expoziţii, conferinţe şi alti evenimenti, susţănute di pisti 3.500 di artişti ditu 75 di văsilii. Uidisitu vu organizatorlli, s’estimeadză că media ndzuuă di participanţi fu di 85.000 di persoane. Spectacole, suti di minute di aplauze și ovații ncicioare, emoții și lacărñi di harauă era parti ditu măyia a evenimentului și tu aestu an, tru spații diverse, di la săli di teatru până la păzări, geadii, sinagogă și tru alte multi locuri. Avea și evenimente speţiale, conferințe și lansări di carte cu născănţă di tu mnai ma importanță profesioniști tru domeniile a lor, arhitecță, artiști, manageri, creatori, facilitatori culturali, ambasadori, scriitori, jurnaliști și critiţ di teatru. Aesta fu nai ma amplă ediție di până tora, ama și aţea cari nă aduţi – a ñeia și la tută pareia - nai ma mari harauă și haristuseari di până tora, spusi Constantin Chiriac, prezidintul FITS. Evenimentul nregistră ţifri impresionante şi tru atea ţi mutreaşti prezenţa tru mediul online. 

 

Tru premieră absolută, pi thimellilu a parteneriatlui cu şingirlu di socializare Tik Tok, FITS transmisi primlu spectacol di teatru, live, tră ufilisitorlli di pi aestă platformă, diadunu cu alti patru evenimente. Tut cu tut, tru ateali dzaţi dzăli di Festival, hashtag-ul #magiaFITS s-hărsi di pisti un milion di vizualizări pe TikTok, cu 150.000 di ufilisitori cari mutriră live transmisiile. Tut tru aestu domeniu, Bistriţa fură tiñisiti, tru cadrul a aţillei di a 30-a ediţii a Galăllei Uniunillei Teatrale ditu România - UNITER, nai ma buni creații a teatrului românesc ditu anlu 2021. Eara prezenţă nai ma apreciaţ artişti români aluştui kiro, profesionişti ditu lumea culturală ică aprukeaţ a fenomenului teatral. Premiul tră nai ma bun spectacol fu amintatu di "Plugarul şi Moartea" di Johannes von Tepl, dramatizarea și regia Silviu Purcărete, Teatrul Naţional "Vasile Alecsandri" di Iaşi. La categoria "nai ma bună regie" fu tiñisitu Horia Suru, tră integrala "Trilogia Minelor" di Csaba Székely, Teatrul Dramaturgilor Români ditu București, iara nai ma bună scenografie ăli si diadi al Cosmin Florea, tră spectacolu "Trei piese triste", scenariul și regia Radu Afrim, Teatrul Naţional "Vasile Alecsandri" di Iaşi. 

 

Nai ma bun spectacol di teatru radiofonic fu disemnat "Un secol di teatru românesc la Chişinău - Revanşa memoriei interzise", scenariul Mariana Onceanu, adaptarea radiofonică Magda Duţu, regia artistică Petru Hadârcă, producție a Societatillei Române di Radiodifuziune. Premiul di Excelență fu durusitu In memoriam al Ion Caramitru, fostu director a Teatrului Național București și fondator al UNITER. Evenimentul fu promovat și tru mediul online, hiinda transmis live pi frăndza di Facebook şi Instagram a UNITER.

 

Autoru: Mihai Pelin

Armânipsearia: Taşcu Lala

 

 

 

 


www.rri.ro
Publicat: 2022-07-05 18:18:00
Vizualizari: 317
TiparesteTipareste