Guvernul di la București aprobă, aieri, a doaua și ultima rectificare bugetară di anulu aestu. Pâradzâl’i acoapiră hărgile obligatorii, ţeale di bună funcţionare a tutulor instituţiilor a statului până la finalul al iştui an, hărgile di asistenţă suţială,
Guvernul di la București aprobă, aieri, a doaua și ultima rectificare bugetară di anulu aestu. Pâradzâl’i acoapiră hărgile obligatorii, ţeale di bună funcţionare a tutulor instituţiilor a statului până la finalul al iştui an, hărgile di asistenţă suţială, precum și plata a ndrepturilor salariale. Totunaoară, fură redistribuite fonduri tră programile derulate la nivelul a ordonatorilor principal’i di credite/împromuturi, cu impactu/efectu în economie şi tru agiutarea a populaţilei şi a companiilor. Totunăoară, si asiguripseaşte finanţare tră acordarea a unui agiutor di stat a producătorilor agricoli ţi au înhiinţată culturi în toamna anului 2021, ama care fură afectate/avură zim’ie di seaţita/xerea pedologică. Nu fură agărşite niţe fondurile necesare tră derularea a proiectilor europeane. Ţel’i mai mulţă păradz l’ia ministerile a Finanţilor, Lucrului, Agriculturălei şi Economiilei. Mai puțâne fonduri m’ergu, pi di altă parte, la ministerile a Energhiilei, di Interne, a Sănătatilei şi a Transporturilor. Conform a prognozălei macroeconomică di toamnă care sta/care şed la baza rectificarilei, veniturile di pâradz a statului au crescută cu 500 di milioane di lei (echivalentul a aproximativ 100 de milioane di euro), tut aşi, ama, şi hărgile. Deficitulu bugetar si mențâne la 80,1 miliarde di lei (circa 16 miliarde di euro), şi scădzu nâheamă, ca procentu în PIB, di la 5,84 la 5,74%. Ministrulu a Finanților, Adrian Câciu, mai precizăa:
ʺAclo iu fu necesar să suplimentăm sume di pâradz avem suplimentată, aclo iunde nu s-au realizată angajamentile pi care ordonatoril’i di credite şi le-au loată prin anumite capitole bugetare fu ananghe să faţim restructurări di hărge. Nu si ţânu isape di criteriul politic în niţeun caz.ʺ
Pe di altă parte, premierulu Nicolae Ciucă spune că instituțiile di evaluare europeane spun că România înreghistră creaștire economică și pi al treilea trimestru al iştui an și că nu exiistă premize tră intrarea într-ună recesiune economică:
ʺSigura, him foarte realiști, depindem foarte multu di tot ţi înseamnă contextul economic și parteneril’i a noștri economiţ. Ună parte di aeste probleme va afecteadză și economia românească. Di aţea aform’ie, avem nevol’ie în continuare de misuri și decizii prin care să continuăm să agiutăm investițiile, di prudență, di echilibru.ʺ
Nu va hibă agărşiţ, ama, niţe român’il’i vulnerabil’i. În vizită în țară, premierulu Ciucă are anunţată că Guvernul va alocă întră 800 şi 900 de milioane di euro, din fonduri europeane, aluştor persoane, tra să li agiuută să treacă cu ghine piste aestă iarnă, ama şi piste iarna v’initoare. Păradzâl’i va hibă acordaț ca agiutor tră pentru plata a energhiilei, a aghentului termic și a leamnelor di foc/tră îngăldzare.
Autor: Roxana Vasile
Armânipsire: Hristu Steriu
Link-uri ti agiutor
Copyright © . All rights reserved