Tru chirolu anda mini\u015ftril\u2019i ali Ap\u0103rari ditu Rom\u00e2nia, V\u0103rg\u0103ria \u015fi Turchia eara tu muabeti, n\u2019ercuri, tr\u0103 meatrili di vigl\u2019eari ali naviga\u0163ie \u0163ivil\u0103 tu catandisea mutrinda atacurli un-alantu ruso-ucraineani, tru Amarea Lae avea si s-fac\u0103 un n\u0103u in\u0163identu. Un\u0103 pampori comercial\u0103 cari avea anchisit\u0103 ditu portul israelian Haifa \u015fi s-ndripta c\u0103t\u0103 a\u0163elu rom\u00e2nescu Constan\u0163a eara agudit\u0103 di droni aproapea di coasta ali V\u0103rg\u0103rie.<\/p>\n
Easti a \u0163in\u0163ea pampori comercial\u0103 atacat\u0103 di drone, meslu aestu, tru largul a coast\u0103l\u2019ei v\u0103rgar\u0103 ali Amarea Lae. Iara, di la ahurhita a vear\u0103l\u2019ei, nu ma p\u0163\u0103nu di 11 di pampori comerciali fur\u0103 aguditi ic\u0103 nicati aproapea di coastili ali V\u0103rg\u0103rie \u015fi ali Rom\u00e2nie. In\u0163identili s\u2019fea\u0163ir\u0103 cu victime, ama \u015fi cu z\u00f1\u2019ii babageani.
\nCara tu ahurita eara zborlu ti in\u0163identi fapti aoa-aclo, crea\u0219tirea dzuu\u0103 di dzuu\u0103 a numirlui a lor agiumsi s\u2019hib\u0103 unu semnu di l\u0103htari salami, naviga\u021bia hiindalui b\u0103gat\u0103 tru un cadealihea piricl\u2019iu di dronili ic\u0103 minili marini aruse\u0219ti ic\u0103 ucraineani cari agiungu tru zon\u0103. Emu, Amarea Lae easti un nod strateghicu di lig\u0103tur\u0103 anamisa di Europa, Asia Tentral\u0103 \u0219i Orientul di Mesi. Di aest\u0103 itie, controlu \u0219i stabilitatea alu\u015ftui bazin suntu esen\u021biali tr\u0103 securitatea energetic\u0103, comercial\u0103 \u0219i militar\u0103 tru continentulu european.<\/p>\n
Dup\u0103 un\u0103 andamasi a CSAT di Bucure\u0219ti, un Consiliu Nord-Atlantic la Bruxelles \u0219i muabe\u0163, Strasbourg, tru Parlamentul European \u2013 tuti st\u0103m\u00e2na \u0163i tricu, n\u2019ercuri s-\u0163\u0103nu, Sufie un\u0103 andamasi a mini\u0219trilor Ap\u0103raril\u2019ei ditu Rom\u00e2nia, V\u0103rg\u0103ria \u0219i Turchia. Tru muabe\u0163li a lor, Radu Oprea, Dimitar Stoyanov \u015fi Ya\u015far Guler spusir\u0103 \u2013 uidisitu cu un comunicat ali MapN rom\u00e2n \u2013 meatrili an\u0103nghisiti ti anv\u0103rtu\u015fearea emu a cooperaril\u2019ei aliati la Amarea Lae, emu a cooperaril\u2019ei trilateral\u0103, cari s-curm\u0103 escaladarea, vigl\u2019earea oamin\u2019iloru \u015fi disv\u0103rtearea tru sigurl\u0103chi a activit\u0103\u0163loru \u0163ivili ditu Amarea Lae.
\nMinisturlu Oprea cutugursi susta atacurli mutrinda naviga\u0163ia comercial\u0103, cundil\u2019indalui c\u0103 aestea suntu un\u0103 crea\u015ftiri cabaia mari a piricl\u2019urloru tu lig\u0103tur\u0103 cu polimlu di agresiune ali Federa\u0163ie Rus\u0103 contra ali Ucrain\u0103. El cundil\u2019e ananghea tr\u0103 tin\u2019isearea libirtatil\u2019ei di naviga\u0163ie \u015fi protec\u0163ia a pamporiloru \u0163ivili \u015fi a infrastructur\u0103l\u2019ei maritim\u0103.<\/p>\n
Demnitarlu rom\u00e2n p\u0103r\u0103stisi implica\u0163iili directi alu\u015ftoru evolu\u0163ii ti securitatea ali Rom\u00e2nie \u015fi simasia mutrinda agiutorlu NATO tr\u0103 anv\u0103rtu\u015fearea capacit\u0103\u0163loru di vigl\u2019eari, timbihi fapt\u0103 di cu chiro \u015fi com-b\u0103tearea dronilor. Tutun\u0103oar\u0103, cundil\u2019e ananghea ti anv\u0103rtu\u015feari misurli di protec\u0163ie a infrastructur\u0103l\u2019ei critic\u0103 \u015fi a obiectivilor energhetic\u0103 ditu zona economic\u0103 exclusiv\u0103 ali Rom\u00e2nie.<\/p>\n
Tru lig\u0103tur\u0103 cu crea\u015ftirea a cooperaril\u2019ei tru trilatearal\u0103, s-achic\u0103sir\u0103 ti f\u0103\u0163earea ma cu h\u0103iri cunu\u015ftearea a catandisil\u2019ei maritim\u0103, cri\u015ftearea al\u0103xerloru di informa\u0163ii \u015fi anv\u0103rtu\u015fearea coordonaril\u2019ei anamisa di for\u0163ili navali a a\u0163iloru trei stati. Tutun\u0103oar\u0103, fu eviden\u0163iat\u0103 importan\u0163a continuaril\u2019ei cooperarea tru cadurlu a ini\u0163iativ\u0103l\u2019ei trilatearal\u0103 di com-b\u0103teari a minilor marine MCM Black Sea. Di itia c\u0103, securitatea ali Amarea Lae easti disimasie tr\u0103 securitatea ali Rom\u00e2nie, a reghiunil\u2019ei \u015fi tr\u0103 tut\u0103 Alian\u0163a Nordu-Atlantic\u0103 \u2013 spusi ministurlu ali Ap\u0103rari, Radu Oprea.<\/p>\n
Autor: Roxana Vasile
\nArm\u00e2nipsearea:Ta\u015fcu Lala<\/p>\n","protected":false},"excerpt":{"rendered":"
Tru chirolu anda mini\u015ftril\u2019i ali Ap\u0103rari ditu Rom\u00e2nia, V\u0103rg\u0103ria \u015fi Turchia eara tu muabeti, n\u2019ercuri, tr\u0103 meatrili di vigl\u2019eari ali naviga\u0163ie \u0163ivil\u0103 tu catandisea mutrinda atacurli un-alantu ruso-ucraineani, tru Amarea Lae avea si s-fac\u0103 un n\u0103u in\u0163identu. Un\u0103 pampori comercial\u0103 cari avea anchisit\u0103 ditu portul israelian Haifa \u015fi s-ndripta c\u0103t\u0103 a\u0163elu rom\u00e2nescu Constan\u0163a eara agudit\u0103 […]<\/p>\n","protected":false},"author":187,"featured_media":1077055,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[69],"tags":[46880,146726,152260,199177,199178],"coauthors":[116465],"class_list":["post-1077800","post","type-post","status-publish","format-standard","has-post-thumbnail","hentry","category-actualitati","tag-amarea-lae","tag-aparari","tag-atacuri-ro_ar","tag-pampori-comerciali","tag-radu-oprea-ro_ar"],"acf":[],"yoast_head":"\n