Festivallu Na\u021bional di Teatru (FNT) \u021bi s-dizv\u00e2rtea\u0219ti Bucure\u0219ti \u2013 proiectu cultural strateghic finan\u021bat di Ministerlu a Culturil\u2019ei \u2013 agiumsi, estan, la 36-a edi\u021bie. Evenimentul adrat di Uniunea Teatral\u00e2 dit Rom\u00e2nie ahurhi tu 16 di sumedru \u0219i, chiro di dza\u021bi dz\u00e2li, p\u00e2n\u00e2 tu 25 di sumedru, \u00e2l\u2019i c\u00e2lisi tu s\u0103li di spectacoli tu\u021b a\u021bel\u2019i \u021bi vor s-h\u00e2rseac\u00e2 di a\u021beali 36 di spectacoli aleapti ufi\u021bial dit cama di 150 di produc\u021bii ali stagiuni 2025\u20132026.<\/p>\n
Perspectivi, formuli s\u021beni\u021bi \u0219i themi ahoryea\u2026 tuti s-fea\u021bir\u00e2 anv\u00e2rliga di thema gheneral\u00e2 a edi\u021bil\u2019ei \u2013 \u02ba[\u2026]perfectu uman\u02ba, \u021bi pripuni un\u00e2 mutreari a perfec\u021biunil\u2019ei ic\u0103 a imperfec\u021biunil\u2019ei, a vulnerabilitatil\u2019ei \u0219i-a turliel\u2019ei cum n\u00e2 aspunem adz\u00e2, lig\u00e2turli cu alan\u021b\u00e2, cu su\u021bietatea \u0219-cu tehnologhia. Alidzearea a\u021bilor 36 di spectacoli easti, ama, ma\u0219i nucleulu a programlui. Pi ninga aesti, Festivallu Na\u021bional di Teatru aleapsi s-aspun\u00e2 \u0219i spectacoli \u0219i evenimenti \u021bi s-aib\u00e2 direc\u021bii proprii. Acutotalui, 88 di reprezenta\u021bii tu 24 s\u0103li di spectacoli dit Capital\u00e2.<\/p>\n
Republica Moldova fu c\u00e2lisit\u00e2 Bucure\u0219ti cu dau\u00e2 produc\u021bii di Chi\u0219in\u0103u: Richard III-lu, tu versiunea s\u021benic\u00e2 \u0219i regia al Petru Had\u00e2rc\u0103, adrat di Teatrul Na\u021bional \u201eMihai Eminescu\u201d \u0219i Macbeth, tu regia al Slava Sambri\u0219, adrat di Teatrul Republican \u201eLuceaf\u0103rul\u201d. Dapoaia, modulul FNT Educa\u021bional, \u021bi easti la 5-a edi\u021bie, pripuni andamusi cu teatrul ti elevi \u0219i hilandzr\u00e2. Modulul ari, tutn\u00e2oar\u00e2, conferin\u021bi, atelieri \u0219i andamusi ah\u00e2rdz\u00e2ti a lig\u00e2turil\u2019ei anamisa di teatru \u0219i educa\u021bie.<\/p>\n
Tu programlu a Festivallui ari Dialog cu tuti artili, prit spectacoli di oper\u00e2 \u0219i operet\u00e2 \u2013 easti zborlu di produc\u021bii ali Oper\u00e2 Na\u021bional\u00e2 Bucure\u0219ti (\u201eCarmen\u201d di Georges Bizet, regia artistic\u00e2 \u0219i light design Ada Lupu Hausvater \u0219i \u201eLakm\u00e9\u201d di L\u00e9o Delibes, regia Andrei \u0218erban), cata cum \u0219i un spectacol adrat di Teatrul Na\u021bional di Operet\u00e2 \u0219i Musical \u201eIon Dacian\u201d (\u201eRomeo \u0219i Julieta\u201d, regia KERO \u0219i ap\u00e2nghisit di aestu: \u201eElixirlu a vrearil\u2019ei\u201d, regia Laura Maria Vl\u0103doiu). Nu nai tu soni, Festivallu Na\u021bional di Teatru intr\u0103 \u0219-tu dialog Interna\u021bional, prit \u02baMigration Diary. New York City Edition\u02ba, spectacol multimedia di Carmen Lidia Vidu, adrat di Teatrul Experimental La MaMa (New York) deadun cu Institutlu Cultural Rom\u00e2n di New York, a curi l\u00e2 si ad\u00e2vgar\u00e2 \u00a0\u0219-alti evenimenti adrati cu Institutili Culturali di Bucure\u0219ti.<\/p>\n
Neisi, dialoglu ali edi\u021bie di estan a Festivallui Na\u021bional di Teatru cu publiclu a lui va s-dz\u00e2c\u00e2 cama di 50 di alti evenimenti: spectacoli-lectur\u00e2 (adrati pi textili a un\u00e2l\u2019ei astri\u021beari di dramaturghie rom\u00e2neasc\u0103 \u0219i pi apridu\u021beri dit dramaturghia contemporan\u00e2 pripusi di instituti culturali), moabe\u021b, conferin\u021bi, expozi\u021bii, scuteri di car\u021b\u00e2, instala\u021bii performativi, andamusi cu arti\u0219\u021b\u00e2, spectacoli di teatru radiofonic \u0219i spectacoli di teatru TV.<\/p>\n
<\/p>\n
<\/p>\n
<\/p>\n
Autor: Roxana Vasile<\/p>\n
Apridu\u021bearea: Mirela Biolan<\/p>\n