Tru Rom\u00e2nia va s\u0103 s-\u0163\u0103n\u0103 dupu un an, alidzeri locale, la cari cet\u0103\u0163ean\u2019il\u2019i va s-apufuseasc\u0103 cari va s-hib\u0103 primari ama \u015fi componen\u0163a a consiliilor locale \u015fi jude\u0163eani. Nica \u015fi preziden\u0163\u0103l\u2019i di consilii jude\u0163eani va s-hib\u0103 alep\u0163\u0103 dizn\u00e3u prit vot directu la scrutinlu local, a\u015fi cum pruveadi un\u0103 ordonan\u0163\u0103 di urgen\u0163\u0103 apufusit\u0103, luni, di guvernu. Uidisitu cu \u0163i spuni executivlu, va s-creasc\u0103 a\u015fe, legitimitatea, reprezentativitatea ama \u015fi, responsabilitatea a preziden\u0163\u0103lor di consilii jude\u0163eane, cari tru aestu chiro suntu num\u0103si\u0163 di consilieri, dupu p\u0103z\u0103r\u0103pserli \u0163i s-fac anamisa di partidi.<\/p>\n
\n
<\/p>\n
\n
<\/p>\n
\n
<\/p>\n
Ia ti spusi vi\u0163epremierlu social-dimocrat Dan Suciu: Vrem s-adu\u0163em cet\u0103\u0163eanlu multu ma aproapea di actul decizional. Dimec, una di nai cama importanti \u015fi reprezentativi ipotisi la nivelu a jude\u0163lui, a\u0163ea di prezidentu a Consiliului Jude\u0163ean, lipseasti s-hib\u0103 aleapt\u0103 directu, uninominal, prit vot secret di c\u0103tr\u0103 tu\u0163 cet\u0103\u0163ean\u2019il\u2019i, tama tra s-hib\u0103 legitimu \u015fi responsabilu i\u0163i aleptu local dit i\u0163i jude\u0163u\u201d<\/em><\/strong>. Furn\u2019ia tr\u0103 cari l\u2019ia aest\u0103 apofasi, executivlu di st\u00e2nga PSD — ALDI easti a\u0163ea a un\u0103l\u2019ei c\u0103ftari vinit\u0103 — spuni n\u0103su — dit partea a 30 di preziden\u0163\u0103 di consilii jude\u0163eani, nica \u015fi dit opozi\u0163ie, dimecu trei cirecuri dit totalu a lor. Tut di la PSD, Marcel Ciolacu, prezidentul di la Camera a Deputa\u0163lor, spusi c\u0103 al\u0103xearea putea s-hib\u0103 adoptat\u0103 ma\u015fi prit ordonan\u0163\u0103 di urgen\u0163\u0103, tra s-poat\u0103 s-hib\u0103 b\u0103gat\u0103 tru practico la yinitoarili alidzeri. Al\u0103xearea intempestiv\u0103 a nomlui electoral fu cutugursit\u0103 susto, pi fondu ama \u015fi pi form\u0103. Preziden\u0163\u0103l\u2019i di consilii jude\u0163eani suntu anamisa di nai cama importan\u0163\u0103 oamin\u2019i dit jude\u0163 \u015fi di el\u2019i \u0163\u0103ni tu nai cama marea parti repartizarea a p\u0103radzlor la prim\u0103rii. Easti un\u0103 ipotisi pi cari tuti forma\u0163iunile politi\u0163i vor s-u amint\u0103, iara al\u0103xearea a nomlui electoral adu\u0163i un avantaju a preziden\u0163\u0103lor di consilii dit aestu chiro, lugursea\u015fti prezidentul Klaus Iohannis.<\/p>\n
Easti un\u0103 concesie pi cari premierlu Viorica D\u0103ncil\u0103 u fa\u0163i a baronilor locali di la PSD, spusi purt\u0103torlu di zboru ali Preziden\u0163il\u2019e, M\u0103d\u0103lina Dobrovolschi: PSD nu achic\u0103si ici \u0163iva dit aesti alidzeri( europarlamentare – n.red), pi cari li chiru tru un\u0103 turlie catrastrofal\u0103, \u015fi ufilisea\u015fti iara sfinduchea cu ordonan\u0163i di urgen\u0163\u0103, \u015fi aest\u0103 turlie va tra s-al\u0103xeasc\u0103 regula a agioclui tamam tru chirolu anda s-dizv\u0103rtea\u015fti aestu agiocu, lucru \u0163i nu s\u0103 s-tr\u0103xea\u015fti\u201d.<\/em><\/strong> Niifharistusi\u0163 di aest\u0103 ordonan\u0163\u0103 di urgen\u0163\u0103 suntu \u015fi liberalii, cari dim\u0103ndar\u0103 c\u0103 au fapt\u0103 c\u0103ftari la Avocatlu a Popului tra s-adar\u0103 conteas\u0163ie la Curtea Constitu\u0163ional\u0103. Pi idyea minduita easti \u015fi prezidentul PRO Rom\u00e2nia, Victor Ponta, cari spusi c\u0103 PSD nu achic\u0103si c\u0103 oamin\u2019il\u2019i numata vor aranjamenti prit ordonan\u0163i di urgen\u0163\u0103. Adu\u0163em aminti c\u0103, la referendumlu \u0163i s-\u0163\u0103nu tora ayon\u2019ea \u015fi convocat di prezidentu un\u0103oar\u0103 cu euroalidzerli, rom\u00e2n\u2019il\u2019i s\u0103 spusir\u0103 tru un\u0103 propor\u0163ie babagean\u0103 tr\u0103 niapruchearea ali amnistie \u015fi ali gra\u0163ieri tru cazurli di aru\u015ffeti \u015fi tr\u0103 niapruchearea a ordonan\u0163ilor di urgen\u0163\u0103 tru dumenea ali justi\u0163ie. Apofasea a executivlui yini dupu alidzerli tra Parlamentul European, pi cari PSD li chiru dinintea a PNL. Liberalii va s-aib\u0103 10 eurodeputa\u0163, PSD 9, iara Alian\u0163a 2020 USR — PLUS, di opozi\u0163ie, 8. Forma\u0163iunile PRO Rom\u00e2nia, Partidlu Minarea Popular\u0103 \u015fi UDMR va s-aib\u0103 c\u00e2ti doi europarlamentari.<\/p>\n
Autor: \u015etefan Stoica<\/p>\n
Arm\u00e2nipsearea: Ta\u015fcu Lala<\/p>\n
<\/p>\n","protected":false},"excerpt":{"rendered":" Tru Rom\u00e2nia va s\u0103 s-\u0163\u0103n\u0103 dupu un an, alidzeri locale, la cari cet\u0103\u0163ean\u2019il\u2019i va s-apufuseasc\u0103 cari va s-hib\u0103 primari ama \u015fi componen\u0163a a consiliilor locale \u015fi jude\u0163eani. Nica \u015fi preziden\u0163\u0103l\u2019i di consilii jude\u0163eani va s-hib\u0103 alep\u0163\u0103 dizn\u00e3u prit vot directu la scrutinlu local, a\u015fi cum pruveadi un\u0103 ordonan\u0163\u0103 di urgen\u0163\u0103 apufusit\u0103, luni, di guvernu. Uidisitu […]<\/p>\n","protected":false},"author":110,"featured_media":74116,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[69],"tags":[],"coauthors":[],"class_list":["post-184038","post","type-post","status-publish","format-standard","has-post-thumbnail","hentry","category-actualitati"],"acf":[],"yoast_head":"\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n