\n
<\/p>\n
Tu prot di sumedru, la Pro Cinema di Bucuresti, s-feati premiera a filmului \u201c Anamisa di Pidimo si Amin\u201d , tu regia al Toma Enache, dupu scenariul minduit di el, deadun cu Elena Enache, redactori RRI si Eugen Cojocariu,secretar general a idyiului postu. Sala fu amplina di oaspit ti mutrea gailipsit pidimolu a personajilor,multa di ei cu numi armanesta, tiniri cu stepsu mas ca pistipsea tu Dumidza, lucru nistraxit di cumandusearea ateii, comunista. Cata dzatl\u2019ii di n\u2019il\u2019ii di oamin\u2019i ti fura bagat tu hapsani fara stepsu, personajili a filmului trec prit multi tiran\u2019i cu umutea ca va s-aleapida di pistea si acsiili a lor.Anda s-bitisi proiectia, regizorlu cu pareia di actori s-alinara pi scena si Toma Enache zbura ti cat greu fu ta s bitiseasca filmul, protlu tu ti mutreasti xanapraxearea cu zorea di Pitesti si tutnaoara haristusi a sponsorilor ama si-atilor ti-lu agiutara tu aestu mari proiectu. Tu soni, actori si oaspit featira moabeti si biura una chelchi di sampanie.<\/p>\n
\n
<\/p>\n
\n
<\/p>\n
\n
<\/p>\n
Marli futboleru arman, Gica Hagi deadun cu nicuchira vinira ta s-u andrupasca feata a lor, Kira Hagi ti adra un rol ti anami tu filmul, ti s-harsi di succes si ti minduim ca prit ateali 40 di promotii tu multa casabadz dit Romanie, ama si prit atea ca dit 4 di brumar easti tu cinema, vazea a lui va s-creasca.Hiratimati a reghizorlui, a scenaristalor, a scenograflor, a pareil\u2019ei di actori, ti tut ti adrara gaireti ca aestu filmu s-armana tu isturie.Dutet-va si videt filmul tu cinema cate \u2018 Anamisa di Pidimo si Amin\u201d easti dit arada Must see (Lipseasti videari)! Catse dzac aestu lucru?!<\/p>\n
\n
<\/p>\n
\n
<\/p>\n
\n
<\/p>\n
Prota ca easti una premiera tu ti mutreasti astiptarea di 30 di an\u2019i a roman\u2019ilor ca varna reghizor s-acata ta s-adara un filmu ti traghedia a atilor ti tricura prit nai ma sertu experimentu politic dit chirolu a comunismolui: xanapraxearea cu zorea dit hapseanea di Pitesti.Nascanta s-chirura bana tu aesti tran\u2019ipseri, multa arman\u2019i. Ti atea, ahurhindalui cu protlu personaj, aflam cabaia numi di arman\u2019i. Mintea an\u2019i si dusi la scriitorlu Dumitru Bacu, ti tricu s-el prit aesta hapsani si ti cari scrie cartea \u201c Pitesti- chentru ti xanapreaxeari a studentalor\u201d , dit cari anvitam multi di ateali ti s-featira tu aestu fuviros experimentu.<\/p>\n
\n
<\/p>\n
\n
<\/p>\n
\n
<\/p>\n
Tu filmu aflam multi pirmithi ti li dgivasim i li avdzam martirii di la atel\u2019ii ti tricura prit lahtaroasili \u201cpraxeri\u201d.Io, avui tihea sed arada tu sala di cinema ninga prezidentul a hapn\u2019iatit\u2019lor politit dit Romania (AFDPR), Octavian Bjoza a curi isturie di bana u steam si ti s-uidusea cabaia cu atea a personajlui printipal. Al videam cum sidea cu mari menga s-nu cheara niti una secunda dit atea ti s-fatea pi ecran. Cu mutrita la el si cu mintea la tut ti aveam dgivasita dit cartali pi aesta thema, putui s-mutrescu scenili multu serti cu parjin\u2019il\u2019ii prescavi, cu agresivitati di tuti turliili, ti di arada nu va s-puteam s-li straxescu. U videam aynanghea si tin\u2019isita armana, amintata tu hapsani, Zoe Raduleascu, feata alumtatorlui faptu curbani, Gogu Puiu.Cu mintea la ahanta eroi arman\u2019i si nu mas, mutrindalui la tin\u2019isitlu Bjoza, lacarn\u2019il\u2019ii an\u2019i cura si durearea isea cu uhtari ama candasearea eara mari ca maca el\u2019i putura s- treaca prit tuti aesti si io va s-pot s-mutrescu ma largu filmul.<\/p>\n
\n
<\/p>\n
\n
<\/p>\n
\n
<\/p>\n
Avdzaii dapoia di la multa ca filmul easti multu sertu, nascanti mul\u2019eri nu putura su-l veada pana tu cap si l-u antribai Prezidentul a Sutatal\u2019ei a Hapsan\u2019iatitlor desi al\u2019i si pari ca easti asi. \u201cEasti putan andicra di tiran\u2019ili ti li tricum tu zandani\u201d. Tut nas dzasi ca ari mari ihtibari ti arman\u2019il\u2019ii ti l\u2019i ari cunuscuta tu ahapsi, ca fura andrepta ca tiva cupaci, ti nu s-prida\u201d.Lucru ti easti yilipsit tu filmu prit catuyursea a tran\u2019ipsitorlui sef ti avea zori ca \u201cvoi, tintaril\u2019ii hit ca tiva muli, cu anvartusata besa\u201d. A dapoia, domnul Bjoza spusi ca tu aesta 30 di an\u2019i di anda cadzu comunismolu,sidzu di zbor cu ma multa reghizori ta s-adara un filmu ti alumta anticomunita si xanapraxearea di Pitesti ama mas Toma Enache, putu s-duca pana tu cap proiectul: \u201c Anda n\u2019i spusi ca easti arman, steam ca el va-l bitiseasca filmul\u201d, adavga nas. L –u antribai desi tora s-luyursescu \u201c arazbunat\u201d ?, stiindalui ca martiril\u2019ii dit hapsan\u2019il\u2019ii comunisti alasara dyiata s-nu hiba arazbunat, dimi s-nu hiba vatamat cana di atel\u2019ii ti al\u2019i tran\u2019ipsira, cate el\u2019i, dupu pistea cristina al\u2019i l\u2019iarta.Nas dzasi ca luyurseasti filmul ca un semnu di namuzi si un lucru ti lipsea adrari ti atea ca memoria s-hiba yii, a atilor ti trapsira ahat, a atilor ti s-featira curbani ama s-ti barnurli ti yin ta sa stiba ca isturia s-nu xanafaca.<\/p>\n
\n
<\/p>\n
\n
<\/p>\n
\n
<\/p>\n
Tu ti mutreasti simasia a distributiei dit filmu, pot sa spun ca reghizorlu adusi deadun actori roman\u2019i si arman\u2019i. A s-aduc aminti ti Kira Hagi, to rolu a soral\u2019iei al Tase Caraman, protlu personaj, un rol greu ama adrat cu masturlachi di tinira actrita. Aua videm curbanea a soral\u2019ei armana ti fratili a el\u2019i si angricarea spirituala cu cari s-andreapsi ti aestu rol, stiindalui di la paplu di partea a dada-sa-i pidimolu dit chirolu anda fu anclis di comunista.Dimi, ea vidzu aestu \u201c agiocu\u201d ca una borgi ti fumeal\u2019ia a l\u2019ei si ti tut alanta arman\u2019i tran\u2019ipsit di reghimlu totalitar. Teodora Calagiu, intra tu rolu a iatrisal\u2019ei buna si mintimena, etima ti iti curbani ti memoria a afenda — su-i arman, s-na candasi ti profesionalismul a el\u2019i, ti l-u cunustem. <\/p>\n
\n
<\/p>\n
\n
<\/p>\n
\n
<\/p>\n
Tascu Lala, jurnalistu di arada, s-filisi aua boatea si harea tu rolu a giudicatorlui. S-nu-l\u2019i agarsim Adrian Culetu, museata Tina Malama si ficiuritl\u2019ii hariosi Batu Sofia si Luca, tut uidisit ti ti lipsea s-adara. Ama lipseasti sa zburam ti rolu\u201d magnific\u201d a ca el fu \u201c malefic\u201d a tran\u2019ipsitorlui sef, adrat di cunuscutlu actor Constantin Cotimanis. Poati seada arada di marl\u2019ii actori premiat la fetivalurli di filmu si minduescu ca va-l\u2019i yina arada ti una ahtari pricunusteari. Al\u2019i si cadi! Un agioc chischin di la agonie la extaz l-u ari Vali Parvu, actor cu mari sensibilitati si puteari di triteari di la imireata la anvirinari, anvartuseari si alti ahanti sentimenti ti li scoati tu migdani tu rolu a personajlui ahat multu tran\u2019ipsit ama anachisitor, Tase Caraman.<\/p>\n
\n
<\/p>\n
\n
<\/p>\n
\n
<\/p>\n
Al videm tu ahurhita, un tinir muzician, ti s-toarna di Viena an hoara, iu taifa l-u astipta ta s-treaca deadun una arada safi armaneasca, Alasarea Preasini, yilipsita cu hari si hazi tu filmu. Cu dhoara di muzician si cu pisti tu suflit el anyrapsi una piesa \u201c Oda Lui Dumnezeu\u201d,\/ \u201c Alavdari al Dumidza\u201d. Un stepsu \u201c mari\u201d, contra a ideologhiei comunista ti vrea ta s-baga \u201c arada a el\u2019i nibuna\u201d tu sutiitati, dit cari Dumidza prindea s-hiba avinat si ancarfusit diznau ti totna. Dol\u2019ii frat Caraman, fura laot cu zorea dit fumeal\u2019ii si anclisi fara s-la si spuna cabatea. Di aua s-dizvartescu tut pidimadzl\u2019ii si alaxerli prit cari trec personajili. Uidisit ti protlu rol,Tase ( Vali Popescu) leaga un pirmith di vreari si dureari cu Lia (Ana Parvu), ti mas tinireata curata si cu arachi di flitur poati su-l duca. Aesta vreari easti atea ti-l tani tu bana tu nai ma greali momenti, anda \u201cmurea\u201d tu man\u2019il\u2019ii a gilatlor si \u201canyea\u201d tu hrisusitili aduteri aminti a chirolui tricut deadun cu museatal\u2019i vruta.<\/p>\n
\n
<\/p>\n
\n
<\/p>\n
\n
<\/p>\n
Tut actoril\u2019ii, nai multa tinir sa spusira apufasit tu agioclu a lor, aravdara multi sihat tu zandanea arcaroasa, macara parjina, fura ancarfasit pi cruti, li aravdara tuti cu umutea ca va s-poata sa spuna isturia a atilor eroi ti dealihea li tricura aesti. Reghizolu al\u2019i baga s-treaca prit tuti hopili a experiental\u2019ei di Pitesti, iu lipsea sedz nimacat, s-l\u2019eii parjina multa, s-ti tradz azvarna ca tiva pravdza, s- tret prit colasi ta s-ti aleapidz di sot, di valori, di pisti. Si anda tret prit aesti, vedz cari ta easti alithea puteari. Nascanta nu putura s-treaca ma largu si s-alipidara di cruti, di acsii, di frati. Dramatismul a aiusutui experimentu easti ca nu eara duri s-ti aleapidz , ama lipsea s-tret di partea a pridatorlui, a tran\u2019ipsitorlui.<\/p>\n
\n
<\/p>\n
\n
<\/p>\n
\n
<\/p>\n
Si asi videm cum frati cu frati agiungu s-bata si ca tu una ideograma,un easti yin, di partea buna, alba si alantu treati tu yang, di partea laii, araua. Trayic, ama dealihea! Ama pana tu soni, fratili \u201c arau\u201d ari sansa sa s-aspeala constiinta si sa- si ascapa suflitlu. Ti aesta easti zborlu tu filmu, ti noima a banal\u2019ei, ti ascaparea a suflitlui tu nai sertili situatii. Si aua reghizorlu fati una turnari la Vivlii, la cartea cu anvitaturli ti ta aspuni calea a banal\u2019ei cu averurili ti lipsescu tin\u2019iseari .Easti ca una alinari pi Golgota, iara momentul di ancarfaseari pi cruti cata cum Hristolu easti cipitlu.Cutrimuburata di aesta imaghini l-u antribai un teolog ti mindueasti, s-nu hiba vidzuta di atei i alta ca blasfemie. An\u2019i apandasi atea ti minduiam si io: noi tut him dupu uidisearea a Hristolui si tut him climat ta s-agiundzem la samtisiri.Si di alta parti, isisi Hristolu alasa dyeata ca \u201cmaca pi mini mi tran\u2019ipsira, si pi voi va va pidipseasca\u201d.<\/p>\n
\n
<\/p>\n
\n
<\/p>\n
\n
<\/p>\n
Eroiii aesta banara idyiul pidimo, ama u bagara tu practichie pistea si anachisira. Ama, filmul \u201cAnamisa di Pidimo si Amin \u201cva videari si ti atea ca easti una ti anami pirmituseari vizuala. Imaghinea limpida mi dusi cu mintea la filmul Tess, tu regia al Roman Polanski, ti ari amintata premiul Oscar ti imaghini si atel\u2019ii ti au vidzuta filmul pot sa si aduca aminti ti musuteata fara preacl\u2019ii a cadurlor di fisi ama, nu mas. Simnata di Alexander Sachs, ti lu stim di la \u201cNu hiu faimos, ma hiu Arman\u201d, imaghinea na aspeala ocl\u2019I\u2019lii ca apa a unui izvur di cristal , dit cari azvom lacarn\u2019i di pon si dureari ama ti s-afla limpidzamea anda ti dizn\u2019iarda tu cadurli di fisi, dip ca tu paradis. Aesta alaxeari di imaghini fu multu ghini minduita di reghizor, ca una buna furn\u2019ie ti mutritori ta s-ascapa niheama di presia emotionala a scenilor greali, si macsus ta s-na da s-a naua, a specatatorlor s-achicasim cum putu protlu personaj, Tase Caraman, ta s-ascapa dit colasea a hapsanil\u2019iei mas prit ascaparea tu aduterli aminti a ayapil\u2019ei banata tu una fisi adamica.<\/p>\n
\n
<\/p>\n
\n
<\/p>\n
\n
<\/p>\n
Vruta, interpretata di museata Ana Parvu, ari canda idyea chischineata si naturaleti ali Nasstasya Kinski, tu rolu al Tess, ti, a ca, filmul fu adrat cu multa an\u2019i ninti, n\u2019i-armasi tu suflit prit aesta candoari, adil\u2019iatic anghelic a personajlui. Idyea mutrita spastrita u vidzum si tu ocl\u2019ii al Vali Popescu, actor imir ama cari ari cuvetea, ti yini dit vartoasa pisti, ta s-anachiseasca zurleata a priscavil\u2019ei prit cari treati. Tihea a lui: pistea, museatili aduteri aminti si muzica. Simnata di Adrian Flautistu si Eduard Gore, muzica, prit sonurli a contrabaslui ti pitreati tu alta havaii, a banaril\u2019ei macsus di trup, a alinaril\u2019ei a spiritlui tu una lumi cama aproapi di Dumidza, asi cum martiriseasti si peronajlu printipal, ti mi arisi cum s-dusi rolu pana tu cap.Scena iu el greasti peanarga arigeaia \u201cTatal a Nostu\u201d pi dultili grai, mina multu suflitlu armanescu si da giueapi ti cohea ascumta ama neasteasa a duchearil\u2019ei ahandos cristina a arman\u2019ilor ti s-featita bana curbani ti pisti si aver tu zandan\u2019il\u2019ii comunisti.<\/p>\n
\n
<\/p>\n
\n
<\/p>\n
\n
<\/p>\n
Filmul easti dit aestu punctu di videari el isisi una Oda\/ Alavdari al Dumidza. Adrat ca una frandza ti eara xichi dit cartali di isturie, aesta pirmituseari chinematografica va s-armana martirie macsus ti experimentul di xanapraxeari di Pitesti, ti nu va agarseari pute di tinirli barni. Ti atea, cum dzateam, va videari! S-ma multu ca, asi cum duchim dit apandisea dit sonea a filmului a tran\u2019ipsitorlui, aflat tu chirolu ali \u201cdemocratii\u201d tu ipotisea di cenzor, filmul cu averlu a lui ascapa mas di furn\u2019ia ca va s-hiba aprucheat ca una fictiuni.Sigura, ca iti opera artistica, chinematografica di aesta arada, filmul easti creatia a scenaristului si-a reghizorlui, cu metafori, fictiuni ama cu umutea sa scoata tu padi un ascumtu aver istoric si spiritual.<\/p>\n
\n
<\/p>\n
\n
<\/p>\n
\n
<\/p>\n
Duchim, tu soni, cum pistea si vrearea suntu daima anchisitoari.Cata cum 13 –li Aver dit \u201cNu hiu faimos\u201d , ma hiu arman, easti Vrearea asi si tu aestu filmu, Vrearea easti Calea prit cari s-agiundzi aclo iu suflitlu s-afla arihatea, nu mas tu iamea di chiro \u201cAnamisa di Pidimo si Amin\u201d, ama ti daima.<\/p>\n
\n
<\/p>\n
\n
<\/p>\n
Autor: Aurica Piha<\/p>\n
\n
<\/p>\n
<\/p>\n","protected":false},"excerpt":{"rendered":"
Tu prot di sumedru, la Pro Cinema di Bucuresti, s-feati premiera a filmului \u201c Anamisa di Pidimo si Amin\u201d , tu regia al Toma Enache, dupu scenariul minduit di el, deadun cu Elena Enache, redactori RRI si Eugen Cojocariu,secretar general a idyiului postu. Sala fu amplina di oaspit ti mutrea gailipsit pidimolu a […]<\/p>\n","protected":false},"author":179,"featured_media":184102,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[69],"tags":[46993,46992,46990,46989,46994,46995,46991],"coauthors":[],"class_list":["post-184101","post","type-post","status-publish","format-standard","has-post-thumbnail","hentry","category-actualitati","tag-deadun-cu-elena-enache","tag-dupu-scenariul-minduit-di-el","tag-premiera-a-filmului-anamisa-di-pidimo-si-amin","tag-pro-cinema-di-bucuresti","tag-redactori-rri-si-eugen-cojocariu","tag-secretar-general-a-idyiului-postu","tag-tu-regia-al-toma-enache"],"acf":[],"yoast_head":"\n