\n
\n
<\/p>\n
Numirlu a a\u0163iloru cari murir\u00e2 tru Rom\u00e2nia di itia-a infec\u021biillei cu n\u0103ulu coronavirus n\u00e2stricu praglu di un\u00e2 \u0148ille. Uidisitu cu h\u00e2barea-a Gruplui di Comunicari Strateghic\u0103, cari da tru \u015fteari cathi dzuu\u00e2 \u0163ifrili ufi\u0163iali dim\u00e2ndati di autorit\u0103\u021b, di c\u00e2ndu i\u015fi tu migdani protlu caz di coronavirus tru Rom\u00e2nia, tu in\u015fita-a meslui \u015fcurtu, l\u00e2ndz\u00e2dz\u00e2r\u00e2 anv\u00e2rliga di 16.000 di oami\u0148i tru v\u00e2silie. H\u00e2barea bun\u0103 easti c\u0103 aproapea giumitati ditu ae\u015f\u0163\u00e2 s\u2019vindicar\u00e2 p\u00e2n\u00e2 tora. Cama di dau\u00e2 st\u00e2m\u00e2\u0148i, cazurli activi di coronavirus ditu Rom\u00e2nia armasir\u00e2 anv\u00e2rliga di 7.300-7.500. Nica \u015f-ma multu, media-a a\u0163iloru vindica\u021b ahurhi s\u0103 s\u2019aproaki ic\u00e2 s\u00e2-lu n\u00e2streac\u00e2 tu n\u00e2sc\u00e2nti dz\u00e2li numirlu a cazurloru n\u0103i dim\u00e2ndati cathi dzuu\u00e2. Alliumtrea, numirlu a a\u0163iloru l\u00e2ndzidz di COVID-19 \u0219i interna\u021b tru sec\u021biile di tearapie intensiv\u0103 armasi idyiulu tru aestu kiro, anv\u00e2rliga di 250 di cazuri tru cathi dzuu\u00e2.<\/p>\n
\n
<\/p>\n
\n
<\/p>\n
\n
<\/p>\n
P\u00e2n\u0103 tu aest\u00e3 oar\u00e2, pi livelu na\u021bional, eara prilucrati aproapea 270 di \u0148illi di testi. Uidisitu cu is\u0103kili, Rom\u00e2nia easti cratlu ditu Evropa Tsentral\u00e2 \u015fi ditu Apirit\u00e2 cu nai cama marli numiru di mor\u0163\u00e2 ditu reghiuni. Tru \u0163i mutrea\u015fti catandisea-a cet\u0103\u021bea\u0148ilor rom\u00e2\u0148i \u0163i suntu tru alti stati, uidisitu cu h\u00e2b\u0103rli loati di misiu\u0148ili diplomati\u0163i \u0219i ofi\u0163iili consulari ali Rom\u00e2nie tru xin\u00e2tati, aproapea trei \u0148illi di cet\u0103\u021bea\u0148i rom\u00e2\u0148i eara spu\u015fi ca hiindalui infecta\u021b cu n\u0103ulu coronavirus. Cama di giumitati ditu ae\u015f\u0163\u00e2 suntu tru Italia, ama ari multi cazuri \u0219i tru Spania \u0219i Ghirm\u00e2nie. Ditu ahurhita-a pandemiillei di COVID-19 cama di un\u00e2 sut\u0103 di cet\u0103\u021bea\u0148i rom\u00e2\u0148i afla\u021b tru xi\u00e2tati murir\u00e2, nai cama mul\u0163\u00e2 tru Marea Britanie, Italia \u0219i Fran\u021ba — nica dim\u00e2nd\u00e2 is\u0103kili ufi\u0163iali.<\/p>\n
\n
<\/p>\n
\n
<\/p>\n
\n
<\/p>\n
N\u00e2sc\u00e2nt\u00e2 di speciali\u0219\u0163\u00e2 spunu c\u0103 b\u0103rba\u021blli, mllerli \u0219i cilime\u0148illi lli-aca\u0163\u00e2 idyealui, multu di multu, nica \u015f-tu numiru mari, infec\u0163ia cu n\u0103ulu coronavirus, ama crip\u0103rli suntu di len turlii. Nai cama multu angreac\u00e2 ilikia, l\u00e2ngorli croni\u0163i, ama \u0219i sexul. Uidisitu cu spusili a Organiza\u021biillei Mondial\u00e2 a S\u0103n\u0103tatillei, nai cama multu suntu agudi\u0163 au\u015flli \u0163i tragu di l\u00e2ngori cardiovasculari, diabetu, hipertensiuni, l\u00e2ngori a sistemlui adilleaticu \u0219i harkinu. L\u00e2ngoarea a pulmu\u0148iloru di itia-a n\u0103ului coronavirus fea\u0163i ma multi victimi tru arada-a b\u0103rba\u021blor — nica u spuni tu isapea-a llei OMS.<\/p>\n
\n
<\/p>\n
\n
<\/p>\n
\n
<\/p>\n
Tu \u0163i mutrea\u015fti cilimea\u0148illi, ae\u0219\u0163\u0103 nu s\u2019ar\u00e2d\u00e2psescu anamisa di, pareili \u0163i li\u015foru pot s\u2019hib\u00e2 aguditi, dinintea-a coronaviruslui. Nica s\u00e2 spunemu c\u0103, dup\u0103 doi me\u015fi di catandisi di ananghi, tru Rom\u00e2nia yinu 30 di dz\u00e2li di catandisi di ascumbuseari\/ alert\u0103, cari nsimneadz\u00e2 h\u00e2binisearea-a sertiloru restric\u021bii, ama \u0219i n\u0103i borgi. Autorit\u0103\u0163li dim\u00e2nd\u00e2 c\u0103 easti ananghi \u015f\u2019ma largu di meatri tr\u00e3 alumtaticu ta s-nu s\u2019ar\u00e2sp\u00e2ndeasc\u00e2 viruslu, ac\u015fi, di viniri, easti apufusit\u00e2 purtarea a prusupid\u00e2llei\/ a masc\u00e2llei tru loc\u00e2rli publi\u0163i ic\u00e2 tu urdinarea cu transportulu n\u2019comun. Rom\u00e2\u0148illi va s\u2019poat\u00e2 s\u2019ias\u00e2 din cas\u0103 f\u00e3r\u00e3 declara\u0163ia pi a lui giueapi, ama nu va s\u2019poat\u00e2 s\u2019ias\u00e2 ditu c\u00e2s\u00e2b\u0103 f\u00e3r\u00e3 aest\u00e2.<\/p>\n
\n
<\/p>\n
\n
<\/p>\n
Ngr\u00e2psearea: Daniela Budu<\/p>\n
\n<\/p><\/div>\n
\n
<\/p>\n
Arm\u00e2nipsearea: Ta\u015fcu Lala<\/p>\n
\n
<\/p>\n
<\/p>\n","protected":false},"excerpt":{"rendered":"
Numirlu a a\u0163iloru cari murir\u00e2 tru Rom\u00e2nia di itia-a infec\u021biillei cu n\u0103ulu coronavirus n\u00e2stricu praglu di un\u00e2 \u0148ille. Uidisitu cu h\u00e2barea-a Gruplui di Comunicari Strateghic\u0103, cari da tru \u015fteari cathi dzuu\u00e2 \u0163ifrili ufi\u0163iali dim\u00e2ndati di autorit\u0103\u021b, di c\u00e2ndu i\u015fi tu migdani protlu caz di coronavirus tru Rom\u00e2nia, tu in\u015fita-a meslui \u015fcurtu, l\u00e2ndz\u00e2dz\u00e2r\u00e2 anv\u00e2rliga […]<\/p>\n","protected":false},"author":107,"featured_media":184300,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[69],"tags":[47090,35339,163055,47091,47092,47089,47047],"coauthors":[],"class_list":["post-184299","post","type-post","status-publish","format-standard","has-post-thumbnail","hentry","category-actualitati","tag-romani-tu-xinatati","tag-coronavirus","tag-covid19-ro_ar","tag-gruplu-di-comunicari-strateghica","tag-meatri","tag-morta-romania","tag-restrictii"],"acf":[],"yoast_head":"\n