Parlamentul di Bucure\u015fti apruchie statutlu a parlamentarilor
\n
\nTem\u00e2 di moaube\u0163 apreasi \u00eentr\u00e2 putearea social liberal\u00e2 \u015fi opozi\u0163ia democrat liberal\u00e2, statutlu a parlamentarilor, fu apruchiat di Leghislativlu di Bucure\u015fti. Documentul ari \u00eengr\u00e2psit un multu zbur\u00e2t articol cari priveadi c\u0103 un aleptu aflat incompatibil di Agen\u0163ia Na\u0163ional\u00e2 ti Integritati poati s-contest\u00e2 apofasea tu un chiro di 45 di dz\u00e2li, andicra di 15 dz\u00e2li c\u00e2t eara tu vecl\u2019iu statut, ahurhinda cu data a notificar\u00e2l\u2019ei a Parlamentlui. Prezidentul Traian B\u0103sescu avea pitricut\u00e2 disn\u0103u proiectul tu leghislativ, spun\u00e2ndalui – printr\u00e2 \u015f-alti lucri – c\u0103 aest\u00e2 easti tu contradic\u0163ii cu recomand\u0103rili dit a\u0163el di tora ayoniea raportu pi giusti\u0163ii ali Comisii European\u00e2, tu \u0163i mutrea\u015fti incompatibilit\u0103\u0163ili, conflictili di interesi \u015fi imunitatea a parlamentarilor. Opozi\u0163ia pistipsea\u015fti c\u00e2 textul \u0163i fu apruchiat da, a\u0163ilor \u0163i suntu ale\u0163\u00e2, un\u00e2 superimunitati \u015fi contest\u0103 statutlu la Curtea Constitu\u0163ional\u00e2.
\n
\n
\nComisii parlamentar\u00e2 adrat\u00e2 Bucure\u015fti ti al\u00e2xearea a Nomlui di Timel\u2019iu a statului
\n
\nParlamentul rom\u00e2n apruchie, tu aest\u00e2 st\u00e2m\u00e2n\u00e2, componen\u0163a a comisil\u00e2\u2019ei special\u00e2 cari va s-cum\u00e2diseasc\u00e2 tut proceslu di al\u00e2xeari ali Constitu\u0163ii. Referendumlu pi aest\u00e2 tem\u00e2 va s-hib\u00e2 di toamn\u00e2. Structura a Leghislativlui, statutlu a parlamentarilor, limpidzarea borgilor a prezidentlui ali Rom\u00e2nii suntu ma\u015fi \u00eendoi dintr\u00e2 scupadzl\u2019ii a mouabe\u0163lor parlamentari, la cari va s-l\u2019ia parti \u015fi societatea civil\u00e2 \u015fi mediul academic. USL, \u0163i ari un\u00e2 majoritati parlamentar\u00e2 cama di dau\u00e2 treimi, lucru \u0163i-i asiguripsea\u015fti votlu ti i\u0163i priectu, pledeadz\u00e2, \u00eendrupa\u015fti luc\u00e2rli ti un parlamentu bicameral. Ama opozi\u0163ia democrat-liberal\u00e2 caft\u00e2 tin\u2019isirea referendumlui dit 2009, c\u00e2ndu s-vot\u0103 ti un parlament unicameral di 300 di membri.
\n
\nCaplu ali diploma\u0163ii di Bucure\u015fti, Titus Corlatean, zbur\u00e2 cu omologlu a lui olandez, Frans Timmermans, di aderarea ali Rom\u00e2niei la Schengen
\n
\nApruchiarea ali Rom\u00e2nii tu spa\u0163ilu european di libir\u00e2 urdinari Schengen, fu un\u00e2 dintr\u00e2 temili zbur\u00e2ti, Haga, di ministrul rom\u00e2n di externi, Titus Corl\u0103\u0163ean, cu omologlu a lui, Frans Timmermans. Titus Corl\u0103\u0163ean salut\u0103 scutearea dit programlu di guvernari al executivlui olandez di tora, a unei privideri \u0163i d\u00e2dea cali ti niapruchiarea ali v\u00e2s\u00e2lii tu Schengen. El c\u00e2ft\u0103 \u00eendruparea Oland\u00e2l\u2019ei tu \u0163i mutrea\u015fti un\u00e2 apofasi bun\u00e2, favorabil\u00e2 di intrari ali Rom\u00e2nii tu Schengen, un\u00e2oar\u00e2 cu furn\u2019iea a Consiliului di Giusti\u0163ii \u015fi Afaceri Interni dit 7-8 di Mar\u0163u. Autorit\u0103\u0163ili rom\u00e2ni \u00ee\u015fi tin\u2019isescu multu ghini borgea \u0163i u au la frontiera estic\u00e2 ali UE, ama \u015fi criteriili di aderari, stabiliti tu acquis-lu Schengen, lucru confirmat \u015fi di Comisia European\u00e2, dz\u00e2si Titus Corl\u0103\u0163ean. \u015ei ministrul olandez, Frans Timmermans, dz\u00e2si c\u0103 guvernlu dit cari adar\u00e2 parti, mutrea\u015fti multu ghini aflarea, tu Mar\u0163u, a unui r\u0103spunsu concret ti aestu lucru. Olanda b\u00e2g\u0103 contr\u00e2, p\u00e2n\u00e2 tora, ti intrarea ali Rom\u00e2nii tu spa\u0163iul di libir\u00e2 urdinari, zbur\u00e2ndaei di p\u0163\u00e2nili progresili tu \u0163i mutrea\u015fti alumtarea cu aru\u015ffetea.
\n
\n
\nRom\u00e2nia nu ari c\u00e2bati tu scandalu european \u0163i mutrea\u015fti carnea di cal, vindut\u00e2 ca hiindaei carni di vit\u00e2.
\n
\nAncheta adrat\u00e2 di autorit\u0103\u0163ili francezi arat\u0103 c\u0103 nu avu c\u00e2bati furnizorlu rom\u00e2n \u0163i fu b\u00e2gat tu scandalu a vindear\u00e2l\u2019ei di carni di cal, cu etichet\u00e2 di carni di vit\u00e2. Tu aest\u00e2 catandisi, dz\u00e2\u0163i guvernul di Paris, un\u00e2 firm\u00e2 francez\u00e2 ari tuta c\u00e2batea, hiindaei protlu agentu a filier\u00e2l\u2019ei cari b\u00e2g\u0103 \u015ftampila pi carnea di cal vinit\u00e2 dit Rom\u00e2nii. \u015ei autorit\u0103\u0163ili di Bucure\u015fti mutrir\u00e2 ghini dauli abatoari rom\u00e2ne\u015f\u0163\u00e2 \u0163i exportar\u00e2 carnea di cal \u015fi nu aflar\u00e2 ici nereguli. Cama di 4,5 milioani di produsi, fabricati dit 750 di toni di carni di cal psfetu etichetat\u00e2, fur\u00e2 vinduti tu 13 di v\u00e2s\u00e2lii europeani. Carnea di cal tocat\u00e2 \u015fi v\u00e2ndut\u00e2 ca hiindaei di vit\u00e2 avu un\u00e2 cali greau, complicat\u00e2, prit ma multi stati, ta s-agiung\u00e2 ambalat\u00e2 \u015fi comercializat\u00e2 di magazini. Oficiul European di Poli\u0163ii, Europol, va s-adar\u00e2 un\u00e2 anchet\u00e2 tu aest\u00e2 catandisi.
\n
\nApofasi giudic\u00e2ture\u015f\u0163\u00e2 ti scutearea ic\u00e2 condamnarea la hapsi a unor cunoscu\u0163 politicien\u2019i rom\u00e2n\u2019i \u015fi lideri sindicali
\n
\nGiudic\u00e2torl\u2019ii rom\u00e2n\u2019i apruchiar\u00e2 – mar\u0163\u00e2 — c\u00e2ftarea di libirari ma ayoniea a premierlui social-democrat di ma ninti ali Rom\u00e2nii dit chirolu 2000-2004, Adrian Nastase, ama apofasea nu easti definitiv\u00e2. Adrian N\u0103stase este nai ma marli demnitar \u00eencl\u2019isu ti aru\u015ffeti tu Rom\u00e2nia postcomunist\u00e2. Ama parlamentarlu \u015fi emburlu George Becali fu condamnat la trei an\u2019i di hapsi cu suspendari, tu un dosar tu cari fu pitricut la giudicat\u00e2 ti ar\u00e2chirea a mai multor oamin\u2019i. Dupu apofasea ali instan\u0163\u00e2, el \u015fi-h\u00e2b\u00e2risi demisia dit PNL (la guvernari). \u015ei a\u0163el di ma ninti lider sindical, Marius Petcu, fu condamnat definitiv, ama la \u015fapti an\u2019i di hapsi cu executari, ti fapti di aru\u015ffeti. El lu\u0103 v\u00e2r\u00e2 1,4 milioani di lei (ic\u00e2 v\u00e2r\u00e2 320 di n\u2019ii di euro) di la administratorlu ali un\u00e2 firm\u00e2, ta s\u00e2-i da un contractu.
\n
\nRomania avu cri\u015fteari icunumic\u00e2 tu in\u015fita a anlui \u0163i tricu
\n
\nRom\u00e2nia amint\u0103 s-afireasc\u00e2 di intrarea nica un\u00e2 oar\u00e2 tu recesiuni tehnic\u00e2, tu in\u015fita a anlui \u0163i tricu, uidisit cu estim\u0103rii a Institutului Na\u0163ional di Statistic\u00e2. Produslu Internu Brut criscu, tu a\u0163ei dit soni trei me\u015fi, cu 0,2%, andicra di trilu trimestrul \u015fi cu 0,1% andicra di idyul chiro dit 2011. Reprezentan\u0163\u00e2l\u2019ii a Fondului Monetar Interna\u0163ional pistipseau, tora ayoniea, c\u00e2 Rom\u00e2nia va s-aib\u00e2 estan un\u00e2 cri\u015fteari icunumic\u00e2 di 1,5%. Uidisit cu Oficiul European ti Statistic\u00e2 (Eurostat), recesiunea dit zona euro s-\u00eengriun\u00e2 tu trimestrlu patru dit 2012. Tuti m\u0103rli icunumii ali zon\u00e2 euro – Gherm\u0103nia, Fran\u0163a, Italia \u015fi Spania – avur\u00e2 un\u00e2 sc\u00e2deari icunumic\u00e2 tu in\u015fita a anlui \u0163i tricu.
\n
\nDau\u00e2 echipi rom\u00e2ne\u015f\u0163\u00e2 di fotbal, Steaua Bucure\u015fti \u015fi CFR Cluj, chirur\u00e2 meciurli dit 16-le a Lig\u00e2l\u2019ei Europa
\n
\nNiamintari ti echipili rom\u00e2ne\u015f\u0163\u00e2 di fotbal Steaua Bucure\u015fti \u015fi CFR Cluj, tu deplasari, tu giocurli tur dit 16-le a Lig\u00e2l\u2019ei Europa. Steaua chiru cu 2-0 dinintea a ghinic\u00e2n\u00e2scut\u00e2l\u2019ei forma\u0163ii olandezi Ajax Amsterdam, iara clujen\u2019ii chirur\u00e2, Milano, cu idyul scor, mecilu cu italien\u2019ii di la Internazionale. Meciurli retur va s-gioac\u00e2 tu Rom\u00e2nii, pi 21 di \u015ecurtu.
\n
\n
\nArm\u00e2nea\u015fti: Cristina Mina
\n <\/p>\n
<\/p>\n","protected":false},"excerpt":{"rendered":"
Parlamentul di Bucure\u015fti apruchie statutlu a parlamentarilor Tem\u00e2 di moaube\u0163 apreasi \u00eentr\u00e2 putearea social liberal\u00e2 \u015fi opozi\u0163ia democrat liberal\u00e2, statutlu a parlamentarilor, fu apruchiat di Leghislativlu di Bucure\u015fti. Documentul ari \u00eengr\u00e2psit un multu zbur\u00e2t articol cari priveadi c\u0103 un aleptu aflat incompatibil di Agen\u0163ia Na\u0163ional\u00e2 ti Integritati poati s-contest\u00e2 apofasea tu un chiro di […]<\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[46389],"tags":[46545,47878,46431,28976,33056,29414],"coauthors":[],"class_list":["post-185531","post","type-post","status-publish","format-standard","hentry","category-eveniment-top-ro_ar","tag-comisia-europeana","tag-contitutia","tag-curtea-constitutionala","tag-schengen","tag-titus-corlatean","tag-traian-basescu"],"acf":[],"yoast_head":"\n