Intrarea ali Rom\u00e2nii tu spatilu di libir\u00e2 urdinari – Schengen – am\u00e2nat\u00e2 nica un\u00e2 oar\u00e2
\n
\nIntrarea ali Rom\u00e2nii \u015fi ali V\u00e2ry\u00e2rii tu spa\u0163iul Schengen fu disn\u0103u am\u00e2nat\u00e2. La Consiliul di Gousti\u0163ii \u015fi Afaceri Interni, di gioi, di Bruxelles, mini\u015f\u0163r\u00e2l\u2019ii europen\u2019i di Interni s-achic\u00e2sir\u00e2 ca aest\u00e2 tem\u00e2 s-hib\u00e2 zbur\u00e2t\u00e2 p\u00e2n\u00e2 tu in\u015fita a anlui, ta s-afl\u00e2 un\u00e2 solu\u0163ii ti aderarea tu dau\u00e2 etapi. Nisc\u00e2nti v\u00e2s\u00e2lii condi\u0163ionar\u00e2 apruchiearea lor di yinitorlu raportu pi giusti\u0163ii ali Comisii Europeani, cari va s-hib\u00e2 \u00eengr\u00e2psit tu Andreu. Hiindalui la Consiliul JAI, ministrul di Interni, Radu Stroe, dz\u00e2si c\u0103 Bucure\u015ftiul \u00eendreadzi un\u00e2 al\u00e2xeari di strategii \u015fi, deadun cu V\u00e2ry\u00e2ria, va s-ahurheasc\u00e2 tu chirolu \u0163i va s-yin\u00e2 un\u00e2 ofensiv\u00e2 prit cari va s-adar\u00e2 moaube\u0163 directi cu v\u00e2s\u00e2liili \u0163i \u00eendrup\u0103scu apruchiearea lor, ama maxus cu a\u0163eali cari nica nu vor s-da cali la intrarea tu spa\u0163iul di libir\u00e2 urdinari – Gherm\u0103nia, Olanda \u015fi Finlanda.
\n
\nDeputa\u0163\u00e2l\u2019ii rom\u00e2n\u2019i nu paruchiar\u00e2 prota mo\u0163iuni simpl\u00e2 ali opozi\u0163ii dit leghislatura di tora
\n
\nGuvernul cum\u00e2ndisit di Victor Ponta s-alumt\u0103 cu prota mo\u0163iuni simpl\u00e2 dit legislatura di tora, b\u00e2gat\u00e2 di opozi\u0163ia democrat-liberal\u0103, pi tema a catandis\u00e2l\u2019ei a combinatlui Oltchim R\u00e2mnicu – V\u00e2lcea. Deputa\u0163l\u2019ii nu apruchiar\u00e2, mar\u0163\u00e2, mo\u0163iunea cari giudic\u00e2 Executivlu ti catandisea a combinatului, unlu dit nai ma m\u0103rli dit Europa di Est. A\u0163ei \u0163i \u00eengr\u00e2psir\u00e2 motiunea c\u00e2ftau demisia mini\u015f\u0163r\u00e2lor di Finan\u0163i, Daniel Chi\u0163oiu \u015fi a\u0163ilui di Icunumii, Varujan Vosganian, a curi l\u00e2 adu\u0163i c\u00e2bati di intrarea ali Oltchim tu insolven\u0163\u00e2, ama \u015fi c\u0103 proceslu di privatizari \u015feadi, nu s-du\u0163i c\u00e2t\u00e2 iuva.. Combinatlu ari nisc\u00e2nti borgi di suti di milioani di euro. Guvernul c\u00e2t\u00e2p\u00e2\u0163i, tu toamna \u0163i tricu, s-vind\u00e2 pachetlu majoritar di ac\u0163iun\u2019i, ama privatizarea nu amint\u0103. Puterea dz\u00e2\u0163i c\u0103 griut\u0103\u0163li di la Oltchim vinir\u00e2 un\u00e2oar\u00e2 cu lipsa di responsabilitati a guvernilor di ma ninti.
\n
\nCaplu ali diploma\u0163ii di Ungaria – tu vizit\u00e2 Bucure\u015fti
\n
\nMinistrul ungar di Externi, J\u00e1nos Martonyi, adr\u0103, luni \u0163i mar\u0163\u00e2, un\u00e2 vizit\u00e2 oficial\u00e2 tu Rom\u00e2nii, cu furn\u2019iea a yurtusear\u00e2l\u2019ei a 10 an\u2019i di la simnarea ali declara\u0163ii mutrinda parteneriatlu strategic \u00eentr\u00e2 dauli v\u00e2s\u00e2lii. Tu minduita al Martony, ni\u0163i un dintr\u00e2 dauli stati nu vor s-asparg\u00e2 parteneriatlu strategic chiola suntu nis\u00e2cnti tensiun\u2019i ma n\u2019i\u0163 ic\u00e2 ma m\u0103ri intr\u00e2 Bucure\u015fti \u015fi Budapesta. Titus Corl\u0103\u0163ean spusi: Tu minduita a noast\u00e2, parteneriatlu strategic \u00eentr\u00e2 Rom\u00e2nia \u015fi Ungaria easti \u00eemprustarea natural\u00e2 a lig\u00e2tur\u00e2l\u2019ei di bun\u00e2 vi\u0163in\u00e2tati \u015fi di achic\u00e2seari \u00eentr\u00e2 dauli v\u00e2s\u00e2lii..\u201d Corl\u0103\u0163ean \u015fi Martony evaluar\u00e2 stadiul a Parteneriatlui, zbur\u00e2r\u00e2 ti \u00eendau\u00e2 turlii di avansare, di cri\u015fteari a proiectilor \u0163i li au deadun, inclusiv a\u0163ilor \u0163i mutrescu afirearea a minorit\u0103\u0163lor na\u0163ionali dit dauli stati. Caplu ali diploma\u0163ii dit Rom\u00e2nii dz\u00e2si c\u00e2 asumarea ali identitati ali un\u00e2 minoritati na\u0163ional\u00e2 nu lipsea\u015fti s-calc\u00e2 nomlu a statlui iu b\u00e2neadz\u00e2. Lig\u00e2turli rom\u00e2no-ungari fur\u00e2 tensionati ti furn\u2019iea c\u0103 Budapesta \u015fi-ar\u0103t\u0103 a autorit\u0103\u0163lor locali dit a\u0163eali trei giude\u0163i ali Rom\u00e2nii iu ma multu b\u00e2neadz\u00e2 maghiari. Aesti treili vor s-l\u00e2 si da cali s-aspindzur\u00e2 hlambura a\u015fi-dz\u00e2slui \u0162inut Secuiescu\u201d pi institu\u0163iili publice, lucru cari, prit nom, nu easti apruchiat.
\n
\nLeghisla\u0163ia mutrinda retrocederea a casilor luati zorlea di regimlu comunistu — disn\u0103u tu moaubetea a autorit\u0103\u0163ilor di Rom\u00e2nii
\n
\nGuvernul di Bucure\u015fti analizeadz\u00e2 un n\u0103u proiectu di nom \u0163i mutrea\u015fti darea n\u00e2poi a casilor nationalizati di regimlu comunistu, un\u00e2 lucru \u0163i easti ca un schin di ma ghini di 20 di an\u2019i. Rom\u00e2nia ari chiro p\u00e2n\u00e2 pi 12 di Apriiur s-tin\u2019iseasc\u00e2 c\u00e2ftarea ali Curti Europeani ti \u00cendrepturili a Omului ta s-\u00eendreag\u0163 aest\u00e2 problem\u00e2. CEDO \u201cs-alumt\u00e2\u201d cu mutli pl\u00e2ngeri a a\u0163ilor \u0163i s-ved ca hiindalor f\u00e2r\u00e2 \u00eendrepturi. CEDO dz\u00e2si c\u0103, tu lipsa ali unui nom cari s-\u00eendreag\u00e2 aest\u00e2 catandisi, va giudic\u00e2 un dupu alantu, tuti cazurili \u015fi va s-stuhin\u00e2 statlu rom\u00e2n s-da desp\u00e2gubiri multu m\u0103ri. P\u00e2n\u00e2 tora, statlu rom\u00e2n deadi desp\u0103gubiri di 5 miliardi di euro \u015fi lipsea\u015fti s-mai da nica 16 miliardi. Premierlu Victor Ponta h\u00e2b\u00e2risi c\u0103 va ca executivlu s-\u015fi tin\u2019iseasc\u00e2 borgea \u0163i u ari tu Parlament pi yinitorlu proiectu di nom \u015fi s-\u00eendreag\u00e2 aest\u00e2 problem\u00e2. Victor Ponta: \u201cVoi s-\u00eencl\u2019idem pi 19 di Mar\u0163u aestu capitol dit isturia ali Rom\u00e2nii \u015fi am n\u00e2dia c\u0103 va s-adr\u0103m aestu lucru c\u00e2t s-poati di ghini. Easti prota oar\u00e2 c\u00e2ndu ufilisescu aesti instrumentu di turlii constitu\u0163ional\u00e2. \u015ei ni\u0163i nu voi s\u00e2-l mai ufilisescu tu chirolu \u0163i va s-yin\u00e2. S\u00e2\u015fti\u00e2 c\u0103 voi s-hib\u00e2 un\u00e2 apofasi asumat\u00e2 di tuti for\u0163ili di turlii politica — \u0163i au borgi.\u201dUidisit cu n\u0103ulu proiectu, proprietarl\u2019ii di ma ninti a casilor luati zorlea di regimlu comunistu cari nu pot s-hib\u00e2 desp\u0103gubi\u0163 tu natur\u00e2, va s-l\u2019ia puncti cu p\u00e2h\u00e2 di un leu, raportat la valoarea a cas\u00e2l\u2019ei, cu cari va s-pat\u00e2 s-ancup\u00e2r\u00e2, prit licita\u0163ii, casi \u015fi terenuri agricoli scoasi la vindeari di stat.
\n
\nSteaua amint\u0103 Bucuresti mecilu cu campioana ali Europi la fotbal, Chelsea Londra
\n
\nSteaua Bucure\u015fti, goala echip\u00e2 rom\u00e2neasc\u00e2 di fotbal \u0163i easti tu primvearea a competi\u0163iilor continentali, h\u00e2rsi nica un\u00e2 oar\u00e2 inimli a fan\u2019ilor a ei \u015fi nu ma\u015fi. Stelis\u0163\u00e2l\u2019ii amintar\u00e2, gioi, pi teren propriu, cu scorlu di 1-0, tu pota etap\u00e2 a optimilor di finala a Lig\u00e2l\u2019ei Europa. Multu c\u00e2n\u00e2scuta echip\u00e2 englez\u00e2 \u201cChelsea\u201d easti pi prtlu loc tu clasamentul mondial a cluburilor, pi meslu \u015ecurtu. Returlu va s-gioac\u00e2 pi 14 di Mar\u0163u, Londra.
\n
\n
\nArm\u00e2nea\u015fti: Cristina Mina
\n <\/p>\n
<\/p>\n","protected":false},"excerpt":{"rendered":"
Intrarea ali Rom\u00e2nii tu spatilu di libir\u00e2 urdinari – Schengen – am\u00e2nat\u00e2 nica un\u00e2 oar\u00e2 Intrarea ali Rom\u00e2nii \u015fi ali V\u00e2ry\u00e2rii tu spa\u0163iul Schengen fu disn\u0103u am\u00e2nat\u00e2. La Consiliul di Gousti\u0163ii \u015fi Afaceri Interni, di gioi, di Bruxelles, mini\u015f\u0163r\u00e2l\u2019ii europen\u2019i di Interni s-achic\u00e2sir\u00e2 ca aest\u00e2 tem\u00e2 s-hib\u00e2 zbur\u00e2t\u00e2 p\u00e2n\u00e2 tu in\u015fita a anlui, ta […]<\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[46389],"tags":[46583,47885,46545,47882,46400,47883,28976,33056,47884],"coauthors":[],"class_list":["post-185534","post","type-post","status-publish","format-standard","hentry","category-eveniment-top-ro_ar","tag-cedo","tag-chelsea-londra","tag-comisia-europeana","tag-consiliul-jai","tag-janos-martonyi","tag-oltchim-ramnicu-valcea","tag-schengen","tag-titus-corlatean","tag-varujan-vosganian"],"acf":[],"yoast_head":"\n