B\u00e2g\u0103ri tu ipotisi la Curtea Constitu\u0163ional\u00e2 ali Rom\u00e2nii \u015fi la Ministerlu di Giusti\u0163ii
\n
\nCurtea Constitu\u0163ional\u00e2 ali Rom\u00e2nii va s-aib\u00e2, dit Cire\u015far, un\u00e2 nau\u00e2 componen\u0163\u00e2. Caplu a statlui, Traian B\u0103sescu, \u015fi doil\u2019i uda\u0163 a Parlamentului di Bucure\u015fti \u015fi-alepasir\u00e2, tu aesti dz\u00e2li, a\u0163ei 3 reprezentan\u0163 la CCR, a curi mandati eara ietimi s-expir\u00e2. Institutia deveni, tu ae\u015f\u0163\u00e2 dit soni an\u2019i, un actor multu importantu pi scena politic\u00e2 romaneasc\u00e2, pi timeilu a sesiz\u0103rilor baia mutrinda legalitatea n\u00e2sc\u00e2ntor acti normativi. Ama intereslu ti Curti \u015fi, implicit, ti b\u00e2garea pi ipotisi a membrilor ali\u015ftei criscu \u015f-ma multu dupu \u0163i institu\u0163ia arbitr\u0103, tu veara \u0163i tricu, alumta greau di turlii politic\u00e2 \u00eentr\u00e2 Puteari, reprezentat\u00e2 di USL, \u015fi Opozi\u0163ia democrat-liberal\u00e2 (di dreapta), diun\u00e2oar\u00e2 cu \u015feflu a statlui, Traian B\u0103sescu. A\u0163ei trei giudic\u00e2tori di la CCR cari va \u015fi-li\u2019a, la vear\u00e2, mandatili di 9 an\u2019i suntu Daniel Morar, cari asiguripsea\u015fti interimatlu ali ipotisi di Procuror general ali Rom\u00e2nii \u015fi cari, ninti, cum\u00e2ndisi Direc\u0163ia National\u00e2 Antiaru\u015ffeti (DNA), pripus \u015fi numit di caplu a statlui, Valer Dorneanu \u015fi Mona Pivniceru, doil\u2019ii nominaliza\u0163i \u015fi apruchia\u0163 di Leghislativ. N\u0103ili b\u00e2g\u0103ri tu ipotisi deadir\u00e2 cali la un \u201cstog\u201d di al\u00e2xeri. Premierlu Victor Ponta, co-lider ali USL (alian\u0163\u00e2 di centru-st\u00e2nga) lu\u0103, ti niham chiro, portofolilu ali Giusti\u0163ii di la Mona Pivniceru, \u015fi ari maximum 45 di d\u00e2zili ta s-adar\u00e2 un\u00e2 nau\u00e2 pripuneari ti aestu postu. Ponta dz\u00e2si c\u0103 priorit\u0103\u0163ili a lui dit chirolu a interimatlui reprezint\u00e2 un\u00e2 reform\u0103 dealihea ali Giusti\u0163ii, b\u00e2garea tu practico a n\u0103ilor Coduri di procedur\u00e2, ama cu ah\u00e2t ma multu b\u00e2garea tu ipotisi a \u015fefilor a Parchetlui General \u015fi ali Direc\u0163ii Nationali Antiaru\u015ffeti, un lucru \u0163i a\u015fteapt\u00e2 di multu. B\u00e2garea pi ipotisi a \u015fefilor a\u015filor dau\u00e2 institu\u015fii easti c\u00e2ftat\u00e2 tu aestu dit soni raportu ali Comisii Europeani dit cadrul a Mecanismului di Cooperari \u015fi Verificari pi Giusti\u0163ii.
\n
\n95 di an\u2019i di la unirea a zon\u00e2l\u2019ei isturic\u00e2 romaneasc\u00e2 Basarabia (tora, tu Republica Moldova, majoritar rom\u00e2nofon\u00e2) cu Rom\u00e2nia.
\n
\nPi 27 di Mar\u0163u, Rom\u00e2nia \u015fi Republica Moldova yurtusir\u00e2 incl\u2019idearea a 95 di an\u2019i di la unirea ali Basarabii (az\u00e2 tu Republica Moldova, vi\u0163ina) cu Rom\u00e2nia. Ministrul delegat ti rom\u00e2n\u2019ii di iut\u0163ido, Cristian David, lu\u0103 parti, n\u2019iercuri, la Chi\u015fin\u0103u, la manifest\u0103rli \u00eendreapti tu v\u00e2s\u00e2lia vi\u0163in\u00e2, cu aest\u00e2 furn\u2019ii. Aduc\u00e2nda aminti di a\u0163el chiro, ministrul Cristian David dz\u00e2si: \u201dData di 27 di Mar\u0163u easti, ti noi, tu\u0163 rom\u00e2n\u2019ii di pi dauli maluri a Prutlui, un lucru di suflit, easti un momentu \u0163i \u00eenseamn\u00e2 \u201cdeadun\u201d, \u201capruchiari\u201d, \u201cnodii\u201d \u015fi \u201dyinitor\u201d \u015fi nu digeaba aleapsim prota yineari a mea aoa ta s-hib\u00e2 ligat\u00e2 di un\u00e2 dzuu\u00e2 cari s-hib\u00e2 di hatari turlii, di suflit. Oficialu rom\u00e2n s-andamusi cu prezidentul Nicolae Timofti \u015fi cu premierlu tu ipotisi Vlad Filat, cari haritusi a Bucure\u015ftiului ti \u00eendruparea cu cari agiut\u0103 tu ae\u015f\u0163\u00e2 dit soni an\u2019i Republica Moldova tu ma multi domenii, ama \u015fi maxus tu proceslu di integrari european\u00e2. Cristian David adusi aminti nica un\u00e2 oar\u00e2 di lig\u00e2turli privilegiati dintr\u00e2 dauli v\u00e2s\u00e2lii \u015fi confirm\u0103 \u0163i va Rom\u00e2nia, s-creasc\u00e2 colaborarea cu Republica Moldova.
\n
\nRomania sum neau\u00e2
\n
\nRomania, ca multi alti v\u00e2s\u00e2lii dit Europa, s-a alumt\u0103 tu aest\u00e2 st\u00e2m\u00e2n\u00e2 cu un n\u0103u episod di iarn\u00e2 dealihea — mult\u00e2 neau\u00e2 \u015fi temperaturi sc\u00e2dzuti — chiola Mar\u0163u easti, tu calendar, un mes di primveara.. Maca st\u00e2m\u00e2na \u0163i tricu, intemperiili agudir\u00e2 estul ali v\u00e2s\u00e2lii, tu aesti dz\u00e2li, giumitatea dit sud, inclusiv Bucure\u015ftiul, fur\u00e2 sum cod galbin \u015fi portocaliu di neau. Mar\u0163\u00e2, tu capital\u00e2 \u015fi tu nica \u00eendau\u00e2 giude\u0163i dit sud s-\u00eencl\u2019isir\u00e2 gradini\u0163ilii, sculiili \u015fi liceili. Traficlu di pi suc\u0103chi \u015fi a\u0163el a c\u0103il\u2019iurilor di hier fu multu laiu, ca tu iarn\u00e2, ama nu avum c\u0103il\u2019iuri \u00eencl\u2019isi ic\u00e2 blocati.
\n
\nS-deadir\u00e2 Premiili Gopo cari recompenseadz\u00e2 nai ma bunili produc\u0163ii di cinema romane\u015f\u0163\u00e2
\n
\n\u015eaptea edi\u0163ii a Premiilor Gopo \u015fi-alea\u0103si, pi 25 di Mar\u0163u, amint\u00e2torl\u2019ii la 19 categorii, cari recompenseadz\u00e2 nai ma bunili produc\u0163ii di cinema rom\u00e2ne\u015f\u0163\u00e2 dit 2012. Vedeta ali edi\u0163ii di tora fu filmul Tut\u00e2 lumea dit fumeal\u2019ia a noast\u00e2\u201d, tu regia al Radu Jude, cari amint\u0103 nai ma importantili trofei: Nai ma bunlu filmu, Nai ma bunlu regizor, Nai ma bunlu actor tu un rol principal – \u015eerban Pavlu, ama \u015fi premiili ti roluri secundari, dati a actri\u0163\u00e2l\u2019ei Mihaela S\u00e2rbu \u015fi a actorului Gabriel Spahiu. Tutn\u00e2oar\u00e2, aestu filmu amint\u0103 \u015fi trofeulu ti nai ma bunlu scenariu – Radu Jude \u015fi scriitoarea Corina Sab\u0103u, jurnalista la Radio Romania International. “Tu un loc la Palilua”, debutlu tu lungmetraj a c\u00e2n\u00e2scutlui regizor di teatru Silviu Purc\u0103rete, lu\u0103 premiili ti nai ma bunili costumi, decoruri, muzic\u00e2 originali, sunet, montaj \u015fi nai ma bun\u00e2 imagini.
\n
\nRom\u00e2nia fu invitata di onoari la Salonlu a C\u0103r\u0163\u00e2lor di Paris
\n
\nLa edi\u0163ia di estan a Salonlui di C\u0103r\u0163\u00e2 di Paris, un\u00e2 dit nai ma m\u0103rli manifest\u0103ri interna\u0163ionali di aest\u00e2 turlii, Romania fu invitat\u00e2 di onoari. Cama di 50 di autori dit tuti genurili literari, mai multu di 1.000 di titluri tu limba rom\u00e2n\u00e2 \u015fi 600 tu limba francez\u00e2 fur\u00e2 prezentati a publicului francez, cari vru s-c\u00e2noasc\u00e2 literatura rom\u00e2n\u00e2. Dovada alu\u015ftui interes easti vidnearea di carti, \u0163i tricu di 60.000 di euro. Standul national fu vizitat di prezidentul ali Fran\u0163\u00e2, Fran\u00e7ois Hollande, cari dz\u00e2si, cu aest\u00e2 furn\u2019ii, c\u0103 \u201cRom\u00e2nia easti un\u00e2 mari v\u00e2s\u00e2lii francofon\u0103, cari va multu cultura francez\u00e2”. Presta\u0163ia ali Rom\u00e2nii la nai ma importantul evenimentu di pi p\u00e2zarea editorial\u00e2 dit Fran\u0163a fu niham aspart\u00e2 di refuzlu a n\u00e2sc\u00e2ntor c\u00e2n\u00e2scu\u0163 scriitori ta s-l\u2019ia parti la aest\u00e2 manifestare, ca semnu di protest andicra di naua politic\u00e2 a Institutlui Cultural Rom\u00e2n.
\n
\nArm\u00e2nea\u015fti: Cristina Mina
\n
\n <\/p>\n
<\/p>\n","protected":false},"excerpt":{"rendered":"
B\u00e2g\u0103ri tu ipotisi la Curtea Constitu\u0163ional\u00e2 ali Rom\u00e2nii \u015fi la Ministerlu di Giusti\u0163ii Curtea Constitu\u0163ional\u00e2 ali Rom\u00e2nii va s-aib\u00e2, dit Cire\u015far, un\u00e2 nau\u00e2 componen\u0163\u00e2. Caplu a statlui, Traian B\u0103sescu, \u015fi doil\u2019i uda\u0163 a Parlamentului di Bucure\u015fti \u015fi-alepasir\u00e2, tu aesti dz\u00e2li, a\u0163ei 3 reprezentan\u0163 la CCR, a curi mandati eara ietimi s-expir\u00e2. Institutia deveni, tu […]<\/p>\n","protected":false},"author":107,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[46389],"tags":[46517,46431,148335,29501,47899,47894,47895,47896,47897,46849,47898,33854,38544],"coauthors":[],"class_list":["post-185538","post","type-post","status-publish","format-standard","hentry","category-eveniment-top-ro_ar","tag-basarabia","tag-curtea-constitutionala","tag-dna-ro_ar","tag-francois-hollande","tag-institutlui-cultural-roman","tag-ministerlu-di-giustitii","tag-mona-pivniceru","tag-parchetlui-general","tag-premiili-gopo","tag-republica-moldova","tag-salonlu-a-cartalor-di-paris","tag-silviu-purcarete","tag-valer-dorneanu"],"acf":[],"yoast_head":"\n