\n
<\/p>\n
Candidaturi ti alidzerli preziden\u0163iali dit toamn\u00e2<\/strong><\/p>\n
Premierlu Victor Ponta, protlu lider a partidlui PSD, h\u00e2b\u00e2risi, Gioi, c\u0103 va s-candideadz\u00e2 la alidzerli preziden\u0163iali dit Brumar. El dz\u00e2si c\u0103, st\u00e2m\u00e2na \u0163i yini, tu Consiliului Na\u0163ional, va s-caft\u00e2, ofi\u0163ial, andruparea a partidlui a lui. Ponta spusi c\u0103 PC \u015fi UNPR, so\u0163l\u2019ii al PSD tu su\u0163ata di la co-guvernari, va lu-andrupasc\u00e2 \u015f-eali. Tut st\u00e2m\u00e2na aest\u00e2, primarlu a Sibiului, Klaus Iohannis, caplu a protlui partid dit opozi\u0163ii, PNL (\u0163entru-dreapta), fu apruchiat candidat la preziden\u0163iali di partea a forma\u0163iun\u00e2l\u2019ei a lui.<\/p>\n
PNL apufusi s-adar\u00e2 su\u0163at\u00e2 cu PDL, tut opozi\u0163ia di \u0163entru-dreapta, \u015fi s-aib\u00e2 un candidat deadun la preziden\u0163iali, aleptu, dupu un\u00e2 cercetari di turlii sociologic\u00e2, \u00eentr\u00e2 Iohannis \u015fi C\u0103t\u0103lin Predoiu, candidatlu pripus di democrat-liberali. Kelemen Hunor, liderlu UDMR (la co-guvernari) \u015fi Cristian Diaconescu, di partea PMP, fur\u00e2 apruchia\u0163 \u015fi ei candida\u0163i ti marea ipotisi dit v\u00e2s\u00e2lii.<\/p>\n
Meatri cu impactu di turlii icunumic\u00e2 <\/strong><\/p>\n
Un\u00e2 delega\u0163ii ali FMI vini, st\u00e2m\u00e2na aest\u00e2, Bucure\u015fti, ti moaube\u0163 mutrinda prota al\u00e2xeari bugetar\u00e2 pi 2014. Ti estan, autorit\u0103\u0163li rom\u00e2ni \u015fi FMI apruchiar\u00e2 deadun un defi\u0163it bugetar di 2,2% dit PIB. Avur\u00e2 maoube\u0163 tu sinfuniili tu cari datili ofi\u0163iali spun c\u0103, chiola veniturili criscur\u00e2 tu pro\u0163l\u2019ii \u0163in\u0163i me\u015fi, eali suntu ma n\u2019i\u0163 andicra di \u0163i a\u015ftiptau. Ma multu, guvernul lipsea\u015fti s-andreag\u00e2 \u015fi problema a sc\u00e2dear\u00e2l\u2019ei a veniturilor, vinit\u00e2 un\u00e2oar\u00e2 cu n\u2019ic\u015furarea CAS la angajator cu 5%, a\u015ftiptat\u00e2 ti Sumedru.<\/p>\n
Prezidentul Traian B\u0103sescu pitricu iara tu Parlamentu, ti analiz\u00e2, proiectul di nom mutrinda n\u2019ic\u015furarea ti cari zbur\u00e2m, spun\u00e2ndalui c\u0103 andrupa\u015fti aest\u00e2 meatr\u00e2, ma c\u0103 ari \u00eendau\u00e2 antrib\u0103ri legati di sursa di finan\u0163ari a defi\u0163itlui di la fondul di pensii. Uidisit cu caplu a guvernului, aest\u00e2 meatr\u00e2, \u0163i mutrea\u015fti un p\u00e2h\u0103 di 4,8 miliardi di lei cathi an, poati s-hib\u00e2 agiutat\u00e2 prit cama multi p\u00e2radz dit contribu\u0163iili so\u0163iali mutrinda n\u0103ili locuri di lucru adrati, p\u00e2radz ma mul\u0163\u00e2 dit TVA dupu n\u0103i investi\u0163ii, luarea n\u00e2poi a borgilor di la firmi tu insolven\u0163\u00e2 \u015fi sc\u00e2dearea a evaziun\u00e2l\u2019ei fiscal\u00e2.<\/p>\n
Catandisea dit Ucraina<\/strong><\/p>\n
Rom\u00e2nia caft\u00e2 ca resursili militari ali NATO s-nu scad\u00e2 pi partea estic\u00e2 a Alian\u0163\u00e2l\u2019ei Nord-Atlantic\u00e2. Zborlu easti a prezidentului Traian B\u0103sescu, tu minduita a curi, uidisit cu Rom\u00e2nia, tu estul ali Ucrain\u00e2 ahurhi un polim hibrid, spun\u00e2ndalui c\u0103 aest\u00e2 c\u00e2bati u au terori\u015f\u0163\u00e2l\u2019ii, ama \u015fi Federa\u0163ia Arus\u00e2, cari agiunsi so\u0163lu alu\u015ftor.<\/p>\n
Caplu a statlui rom\u00e2n lu\u0103 parti, st\u00e2m\u00e2na aest\u00e2, Var\u015fovia, la un\u00e2 andamusi a \u015fefilor di v\u00e2s\u00e2lii dit Europa \u0162entral\u00e2 \u015fi di Est, cari avu ca proti temi ti moaubeti – catandisea regional\u00e2, maxus criza dit Ucraina, \u015fi andridzearea a summit-lui NATO dit Yism\u00e2rciun, dit Marea Britanii. UE adun\u00e2 alti numi pi lista cu sanc\u0163iun\u2019i contra ali Arusii. Easti zborlu ti 15 oamin\u2019i, cet\u0103\u0163en\u2019i aru\u015fi \u015fi ucraineni pro-aru\u015fi, \u015fi 18 institu\u0163ii giuridi\u0163i – nau\u00e2 companii \u015fi naua institu\u0163ii — a curi l\u00e2 si adu\u0163i c\u00e2bati c\u0103-i andrup\u0103scu pi separati\u015f\u0163\u00e2l\u2019ii dit estul ali Ucrain\u00e2.<\/p>\n
Tu iydea dzu\u00e2, Olanda ahurhi pro\u0163eslu di c\u00e2ftari a trupurilor dit laia tragedii aviatic\u00e2 dit Ucraina, iu chirur\u00e2 298 di oamin\u2019I, \u00eentr\u00e2 cari 193 di cet\u0103\u0163en\u2019I ucrainieni. Aclo eara si un rom\u00e2n cu dau\u00e2 cet\u0103\u0163enii. C\u00e2batea mutrinda c\u00e2dearea a aeroplanlui, s-aspuni c\u0103 s-poati s-u aib\u00e2 separati\u015f\u0163\u00e2l\u2019ii pro-aru\u015fi, \u0163i ufilisir\u00e2 un\u00e2 rachet\u00e2 dit Arusii. Pi di alt\u00e2 parti, Moscova adu\u0163i c\u00e2bati a armat\u00e2l\u2019ei ucrainean\u00e2.<\/p>\n
Rom\u00e2n\u2019i di Gaza, adu\u015fi n\u00e2poi tu v\u00e2s\u00e2lii <\/strong><\/p>\n
19 cet\u0103\u0163en\u2019i rom\u00e2n\u2019i \u015fi fumeili a lor fur\u00e2 adu\u015fi tu v\u00e2s\u00e2lii st\u00e2m\u00e2na aest\u00e2 dupu \u0163i catandisea dit gaza s-adr\u0103 cama lai. St\u00e2m\u00e2na \u0163i tricu, 84 di cet\u0103\u0163en\u2019i rom\u00e2ni \u015fi fumeili a lor fur\u00e2 \u015f-ei adu\u015fi n\u00e2poi tu v\u00e2s\u00e2lii, dit Gaza, iu alumtili, ahurhiti pi 8 di Cire\u015far, v\u00e2t\u00e2mar\u00e2 suti di oamin\u2019I, nai ma mul\u0163\u00e2l\u2019ii, palestinien\u2019i — ama \u015f-mul\u0163\u00e2 israelieni. Ti furn\u2019iea a securitat\u00e2l\u2019ei, m\u0103ri companii aerieni americani \u015fi europeani apufusir\u00e2 s-nu mai pitreac\u00e2 aeroplani c\u00e2t\u00e2 Tel Aviv. N\u00e2sc\u00e2nti di eali, cum easti \u015fi a\u0163ea rom\u00e2neasc\u00e2 Tarom, deadir\u00e2 h\u00e2bari, pi di alt\u00e2 parti, c\u0103 ahurhescu iara cursili uidisit cu proramlu, dupu un\u00e2 pauz\u00e2 ma mari.<\/p>\n
Embargo ali Arusii ti produsi dit Republica Moldova<\/strong><\/p>\n
\n<\/p><\/div>\n
Rom\u00e2nia caft\u00e2 s-agiut\u00e2 Republica Moldova tu catandisea a meatrilor cu cari s-alumt\u00e2 di partea ali Arusii – dz\u00e2sir\u00e2, Bucure\u015fti, premierlu Victor Ponta, ama \u015fi ministrul ali agricultur\u00e2, Daniel Constantin. Federa\u0163ia Arus\u00e2 nu mai aproachi importurili di fructi \u015fi legumi dit Republica Moldova, dupu \u0163i avea b\u00e2gat\u00e2 tu practic\u00e2 idyea meatr\u00e2 \u015f-tu \u0163i mutrea\u015fti carnea \u015fi yinlu. A\u015ftiptat di anali\u015f\u0163\u00e2, embargoulu a aru\u015filor yini dupu angr\u00e2psearea, meslu \u0163i tricu, di Chi\u015fin\u0103u, a acordurilor di su\u0163at\u00e2 cu Uniunea European\u0103.<\/p>\n
Premierlu moldovean, Iurie Leanc\u0103, dz\u00e2si c\u0103 nu achic\u00e2sea\u015fti ici apofasea ali Arusii, cari spusi c\u0103 fructili \u015fi legumli earau asparti. Produsili \u0163i nu li vru Arusia pot s-agiung\u00e2 tora pi p\u00e2z\u0103rli di v\u00e2s\u00e2liili UE, pi p\u00e2zarea arab\u00e2 \u015fi pi a\u0163ea dit Belarus<\/p>\n
Arm\u00e2nipsearea: Cristina Mina<\/span><\/p>\n
Asculta\u0163 aoa –>
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n