{"id":185606,"date":"2014-10-31T12:24:00","date_gmt":"2014-10-31T10:24:00","guid":{"rendered":"http:\/\/devrri.freshlemon.ro\/actualitati\/eveniment-top-01-11-2014-185606.html"},"modified":"2014-10-31T12:24:00","modified_gmt":"2014-10-31T10:24:00","slug":"eveniment-top-01-11-2014","status":"publish","type":"post","link":"https:\/\/www.rri.ro\/ro_ar\/actualitati\/eveniment-top-ro_ar\/eveniment-top-01-11-2014-id185606.html","title":{"rendered":"Eveniment Top – 01.11.2014"},"content":{"rendered":"

Alidzeri preziden\u0163iali tu Rom\u00e2nii<\/strong><\/p>\n


\n <\/p>\n


\n <\/p>\n

A\u0163ei cama di 18 di milioani di rom\u00e2n\u2019i cu \u00eendreptu ti vot, suntu c\u00e2lisi\u0163 Duminic\u00e2, tu protlu tur a alidzerilor preziden\u0163iali, s-bag\u00e2 tu m\u00e2na a unlui dit a\u0163ei 14 candida\u0163 mira a v\u00e2s\u00e2lil\u2019ei ti yinitorl\u2019ii \u0163in\u0163i an\u2019i.<\/p>\n


\n <\/p>\n

S-alumt\u00e2 ti scamlu di cap a statlui 2 reprezentan\u0163\u00e2 di partea a n\u00e2sc\u00e2ntor su\u0163ati, 8 candida\u0163 andrup\u00e2\u0163 di forma\u0163iun\u2019i di turlii politic\u00e2 \u015fi 4 independen\u0163\u00e2. Ahurhit\u00e2 pi 3 di Sumedru, campania electoral\u00e2 fu atins\u00e2 di zboar\u00e2 \u015fi catandisi greali mutrinda un stog di dosari avdz\u00e2ti di aru\u015ffeti dit cari adar\u00e2 parti politicien\u2019i anal\u0163\u00e2 \u015fi m\u0103ri emburi.<\/p>\n


\n <\/p>\n

Exist\u00e2 n\u00e2dia c\u0103 aesti scandaluri di turlii politic\u00e2, \u0163i yin un dupu analtu, s-nu da cali la indiferen\u0163a a electoratului rom\u00e2n, a curi apatii politic\u00e2 s-aspusi nica dit an\u2019ii 90, prit un\u00e2 prezen\u0163\u00e2 la vot tut ma sc\u00e2dzut\u00e2.<\/p>\n


\n <\/p>\n

Rom\u00e2n\u2019ii suntu tora a\u015ftipta\u0163 tu un numir c\u00e2t ma mari, la a\u0163eali 18.550 di sec\u0163ii di votari dit v\u00e2s\u00e2lii \u015fi la a\u0163eali 294 dit tru xeani. S-ascoasir\u00e2 dit tipar v\u00e2r\u00e2 21 di milioani di buletini di vot \u015fi s-adrar\u00e2 cama di 94 di n\u2019ii di \u015ftampili cu zborlu Votat. Cara va s-lipseasc\u00e2, doilu tur a alidzerilor preziden\u0163iali va s-\u0163\u00e2n\u00e2 pi 16 di Brumar.<\/p>\n


\n <\/p>\n


\n <\/p>\n


\n <\/p>\n

Campanii contra aru\u015ffet\u00e2l\u2019ei la nivel analtu<\/strong><\/p>\n


\n <\/p>\n


\n <\/p>\n

Campania contra aru\u015ffet\u00e2l\u2019ei di la nivel analtu, dusi ninti, st\u00e2m\u00e2na aest\u00e2 — iara Direc\u0163ia Na\u0163ional\u00e2 Contra Aru\u015ffet\u00e2l\u2019ei agudi, f\u00e2r\u00e2 s-aleag\u00e2 di eali, \u015fi Putearea \u015fi Opozi\u0163ia, dreapta \u015fi st\u00e2nga, mini\u015f\u0163r\u00e2 di tora \u015f-di ma ninti, parlamentari ic\u00e2 primari.<\/p>\n


\n <\/p>\n

Analta Curti di Casa\u0163ii \u015fi Giusti\u0163ii apufusi arestarea di oar\u00e2 a a\u0163ilui di ma ninti parlamentar so\u0163ial-democrat Viorel Hrebenciuc, unlu dit oamin\u2019ii cu nai ma marea puterari dit st\u00e2nga. A lui \u00eei si adu\u0163i c\u00e2bati c\u0103, anamisa di so\u0163 di partid, di \u00eendoi magistra\u0163i, ama \u015fi deadun cu hiilu a lui, fu implicat tu multu zbur\u00e2tili retroced\u0103ri paranom a dz\u00e2\u0163 di n\u2019ii di hectari di terenuri agricole \u0163i p\u00e2duri.<\/p>\n


\n <\/p>\n

Dit a\u0163ei \u0163i fur\u00e2 nai ma audia\u0163, pi cari Direc\u0163ia Na\u0163ional\u00e2 \u00eei pistipsea\u015fi ca hiindalor a\u0163ei \u0163i avur\u00e2 h\u00e2iri di aesti retroced\u0103ri, s-pari c\u0103 adari \u015fi Prin\u0163lu Paul, hil\u2019iu nipric\u00e2n\u00e2scut a Regelui Carol al II-lea ali Rom\u00e2nii.<\/p>\n


\n <\/p>\n

Uidisit cu DNA, prejudi\u0163ilu ali Regii Na\u0163ional\u00e2 a P\u00e2durilor trea\u0163i di 300 di milioani di euro. Procurorl\u2019ii idyil\u2019ei Direc\u0163ii Na\u0163ional\u00e2 Contra Aru\u015ffet\u00e2l\u2019ei arestar\u00e2 \u015fi al\u0163\u00e2-ndoi so\u0163 politi\u0163 ic\u00e2 finan\u0163iari a prezidentului di tora, di \u0163entru-dreapta, Traian B\u0103sescu, a curi l\u00e2 si adu\u0163i c\u00e2bati c\u0103, ti \u00eendau\u00e2 comisioani paranom, di milioani di euro, agiutar\u00e2 la anyr\u00e2psearea a n\u00e2sc\u00e2ntor contracti supraevaluati cu licen\u0163i IT ti sistemlu di anvi\u0163ari dit Rom\u00e2nii.<\/p>\n


\n <\/p>\n

Dit ae\u015f\u0163\u00e2 adar\u00e2 parti \u015fi a\u0163el di ma ninti ministur PDL (tora tu opozi\u0163ii) di la Comunica\u0163ii, Gabriel Sandu, \u015fi emburlu Dorin Coco\u015f. Aestu dit soni fu, p\u00e2n\u00e2 anlu \u0163i tricu, nicuchirlu ali Elena Udrea, candidat\u00e2 a Partidlui pro-preziden\u0163ial Minarea Popular\u00e2<\/em> la pre\u015fedin\u0163il\u2019ia ali Rom\u00e2nii.<\/p>\n


\n <\/p>\n


\n <\/p>\n


\n <\/p>\n

Dari di \u015ftafet\u00e2 la Comisia European\u00e2<\/strong><\/p>\n


\n <\/p>\n


\n <\/p>\n

Prezidentul \u0163i nica easti, ti \u00eendau\u00e2 dz\u00e2li, la cum\u00e2ndisearea ali Comisii European\u00e2, portughezlu Jose Manuel Barroso, \u0163\u00e2nu, N\u2019iercuri, a\u0163ea dit soni adunari a executivlui comunitar \u0163i s-afl\u00e2 tu in\u015fita a mandatlui.<\/p>\n


\n <\/p>\n

Cri\u015ftearea a Uniun\u00e2l\u2019ei European\u00e2 di la 15 la 28 di v\u00e2s\u00e2lii fu un\u00e2 dit nai ma m\u0103rli amint\u0103ri dit dauli mandati, \u0163i lu avu un dupu alantu, liderlu european \u0163i sidzu nai ma multu pi ipotisi. El s-aspusi anvirinat, ama, di ezit\u0103rli a n\u00e2sc\u00e2ntor v\u00e2s\u00e2lii membri \u015fi lipsa di solidaritati mutrinda n\u00e2sc\u00e2nti apofasi. Gaile easti, tu minduita al Jose Manuel Barroso, \u015fi lipsa di pistusini a cet\u0103\u0163en\u2019ilor tu institu\u0163iili europeani, ama \u015fi problema \u0163i mutrea\u015fti \u00eengiusti\u0163ia so\u0163ial\u00e2, lucri ti cari lipsea\u015fti s-aib\u00e2 ang\u00e2tan, uidisit cu zboar\u00e2li a lui, yinitoarea Comisii.<\/p>\n


\n <\/p>\n

Aest\u00e2 dit soni \u015f-ahurhea\u015fti lucurlu pi 1 di Brumar. Pripus\u00e2 di Rom\u00e2nia tu n\u0103ulu executiv cum\u00e2ndisit di cri\u015ftin-democratlu luxemburghez Jean-Claude Juncker, so\u0163ial-democrata Corina Cre\u0163u va s-aib\u00e2 ang\u00e2tan di domenea a politi\u0163ilor regionali.<\/p>\n


\n <\/p>\n


\n <\/p>\n


\n <\/p>\n

Agiutoari europeani ti Rom\u00e2nii<\/strong><\/p>\n


\n <\/p>\n


\n <\/p>\n

Uniunea European\u00e2 va s-da v\u00e2r\u00e2 650 di milioani di euro ti proiecti di infrastructur\u00e2 energetic\u00e2. Pi list\u00e2 easti \u015fi gazoductlu dit V\u00e2ry\u00e2rii c\u00e2t\u00e2 Austria, cari va s-treac\u00e2 prit Rom\u00e2nia \u015fi Ungaria, a\u0163ea \u0163i va s-adar\u00e2 lucurlu hiinda compania rom\u00e2neasc\u00e2 Transgaz<\/em>, a curi va s-\u00eei da pi m\u00e2n\u00e2 cama di un milion \u015fi giumitati di euro.<\/p>\n


\n <\/p>\n

P\u00e2radzl\u2019ii, yini\u0163 di la Mecanismul European di Conectari<\/em>, va s-hib\u00e2 da\u0163, nai ma multu, ti proiecti di infrastrucur\u00e2 di gazi tu regiunea ali Amari Baltic\u00e2, ama \u015fi tu Europa \u0162entral\u00e2 \u015fi di Sud-Estu. Proiectili andrup\u00e2ti va s-agiut\u00e2 la sicuritatea energetic\u00e2 a Europ\u00e2l\u2019ei \u015fi la adrarea a un\u00e2l\u2019ei p\u00e2zari european\u00e2 di energii.<\/p>\n


\n <\/p>\n

Tut dit partea a Uniun\u00e2l\u2019ei European\u00e2, prit-un program adrat ti tu\u0163i a\u0163eali 28 di v\u00e2s\u00e2lii membri, va s-li\u2019a agiutoari, dupu dzua di 17 di Brumar \u015fi cama di 1.200 di fumel\u2019i \u015fi persoani cu catandisi greali dit Rom\u00e2nii.<\/p>\n


\n <\/p>\n

Po\u015fta pitricu 2,6 di milioani di cupoani cu numili anyr\u00e2psiti, cu un p\u00e2h\u0103 di 128 di lei (v\u00e2r\u00e2 28 di euro), pi timeilu a curi persoanili ti cari zbur\u00e2m m-nsus va s-aib\u00e2 h\u00e2iri di 27 di kiladz di m\u00e2c\u0103ri.<\/p>\n


\n <\/p>\n

Tu idyul chiro, Guvernul di Bucure\u015fti apufusi s-da aproapea 100 di milioani di lei (cama di 22 di milioani di euro) ti andridzearea a infrastructur\u00e2l\u2019ei aspart\u00e2 di nic\u0103rli dit chirolu Alunar-Yism\u00e2rciun. Va s-li\u2019a ae\u015f\u0163\u00e2 p\u00e2radz 171 di c\u00e2s\u00e2badz dit 15 di giude\u0163i.<\/p>\n


\n <\/p>\n


\n <\/p>\n


\n <\/p>\n

Rom\u00e2nia apruchie rezultatlu a alidzerilor dit Ucraina<\/strong><\/p>\n


\n <\/p>\n


\n <\/p>\n

Ministerlu Rom\u00e2n di Externi apruchie Luni, bitisearea a alidzerilor parlamentari dit Ucraina (vi\u0163in\u00e2 cu Rom\u00e2nia) \u015fi aspusi c\u0103 el easti un\u00e2 dit etapili di nai ma marea simasii prit cari crea\u015fti cadurlu democratic dit aest\u00e2 v\u00e2s\u00e2lii tu \u0163i mutrea\u015fti b\u00e2garea tu practico a agend\u00e2l\u2019ei di reformi \u0163i lipseascu ti calea c\u00e2t\u00e2 Europa.<\/p>\n


\n <\/p>\n

Diploma\u0163ia di Bucure\u015fti apruchie, tu idyul chiro, numirlu mari a cet\u0103\u0163en\u2019ilor ucraineni \u0163i s-dusir\u00e2 la vot, aestu lucru spun\u00e2ndalui borgea tin\u2019isit\u00e2 a societat\u00e2l\u2019ei ucrainian\u00e2 ti un yinitor a reform\u00e2l\u2019ei ali v\u00e2s\u00e2lii \u015fi ali societati, la general.<\/p>\n


\n <\/p>\n

Adu\u0163em aminti c\u0103 la alidzerli legislativi di Dum\u00e2nica \u0163i tricu, prooc\u0163identalii ucrainen\u2019i amintar\u00e2 dealihea, cama di trei sferturi dit aleg\u00e2tori andrup\u00e2nda susto minduita a guvernului di Kiev.<\/p>\n


\n <\/p>\n


\n <\/p>\n

Arm\u00e2nipsearea: Cristina Mina<\/span><\/p>\n


\n <\/p>\n


\n <\/p>\n

Asculta\u0163 aoa –><\/p>\n


\n <\/p>\n


\n <\/p>\n

\n <\/p>\n


\n