\n
\n
<\/p>\n
Atel di ma nainti prezidentu ali Rom\u00e2nie, Ion Iliescu, poati s-hiba pusputitu penal tru dosarlu ali Revolu\u0163ie anticomunista dit andreu 1989<\/strong><\/p>\n
Prezidentul ali Romanie, Klaus Iohannis, pitricu a ministrului ali Justi\u0163ie caftarea ti pusputeari penal\u0103 tru cazlu a atilui di ma nainti \u015fef a statlui Ion Iliescu, a atilui di ma nainti premier Petre Roman \u015fi tru cazlu a atilui di ma ninti vitepremier Gelu Voican Voiculescu tru dosarlu ali Revolu\u0163ie, tru cari suntu anchetati evenimentili ti dusira la surparea a regimlui comunistu, tru andreu 1989. Atel\u2019I trei suntu stipsit di infractiuni contra a uminitatil\u2019ei. Uidisitu cu procurorl\u2019i, incidintili armate cari s-featira dupa 22 di andreu, tru un numir mari di localit\u0103\u0163 dit Romania, spuni c\u0103 s-lucra dup\u0103 un plan pri apufusitu, ti avea prot scupo priloarea a putearil\u2019ei di nail\u2019i lideri \u015fi legitimarea a aistor. Di furn\u2019ia a amanarlor dit Dosarlu ali Revolutie, Rom\u00e2nia fu condamnat\u0103 di CEDO. Uidisitu cu Curtea, simasia a aistui caz tra societatea rom\u00e2neasc\u0103 lipsea s-li ascumbuseasca autorit\u0103\u0163li s\u0103-lu instrumenteadza cu celeritati. Isachili ufitiali spun c\u0103, tru andreu \u201989, cama di 1.100 di oamin\u2019I fura vatamat \u015fi aproapea trei n\u2019il\u2019i fura pliguiti, majoritatea dup\u0103 arestarea a dictatorlui Ceau\u015fescu.<\/p>\n
Raportul ali Comisie Europeana tra Rom\u00e2nia<\/strong><\/p>\n
Reprezentan\u0163a ali Comisie Europeana tru Rom\u00e2nia ndreapsi, n\u2019iercuri, conferin\u0163a cu numa Semestrul European: Raportul di vasilie tra Rom\u00e2nia 2018. Uidisitu cu Executivlu comunitar, fura nregistrate progrese limitate tu ligatura cu tin\u2019isearea a borgilor fiscale \u015fi colectarea a impozitilor, educa\u0163ie, tratamentul ambulatoriu, administra\u0163ia public\u0103 \u015fi prioritizarea a investi\u0163iilor publiti. Nu fura nregistrati progresi tru atea ti mutreasti tin\u2019ia di cafi mes minima, ilikia di pensionare \u015fi cadrul fiscal. Al\u2019iumtrea, fura nregistrati nascanti progrese tu ligatura cu achizi\u0163iili publiti, combaterea a lucarlui paranom \u015fi combaterea a pl\u0103\u0163lor informale tru sistemlu di s\u0103n\u0103tati. Rom\u00e2nia ma largu easti pi una crea\u015ftiri economic\u0103 pisti media UE, ama aesta ari la thimel\u2019iu, prota s-prota, consumlu, declara \u015fefa a Reprezentan\u0163al\u2019ei Comisiil\u2019ei Europeana tru Rom\u00e2nia, Angela Cristea: Armani tru idyea scara aestu trendu a crea\u015ftiril\u2019ei economiti, tru idyiul kiro Armani si <\/em>paradoxul a inegalit\u0103\u0163lor sociale \u015fi a ftuhiil\u2019ei, maxus tru grupurile defavorizati. Aest\u0103 crea\u015ftiri ari la thimel\u2019iu ma multu consumlu \u015fi ma pu\u0163an investi\u0163iili. Ari la thimel\u2019iu, tutunaoara, \u00eemparmuturi, iara deficitlu bugetar s-aproaki periculos di praglu di avarie di 3%, kiro tru cari deficitlu structural u duti ma largu tendin\u0163a di devieri semnificativ\u0103 di la obictivlu mediu di 1%<\/em>. Di alta parte, \u015fefa a Reprezentan\u0163ei Comisiei Europene tru Rom\u00e2nia, Angela Cristea, cundil\u2019e c\u0103 \u015fomajlu easti pi nai ma sc\u0103dzut nivel tru aesta 20 ani dit soni, ama ies tru videala probleme di disponibilitate a for\u0163al\u2019ei di lucru, di furn\u2019ia ca popula\u0163ia ausi. Tu arada a lui, ministrul a Finantilor, Eugen Teodorovici, s\u0103 spusi candasitu c\u0103 Rom\u00e2nia nu va u nastreaca \u0163inta di deficit bugetar tru aest an: Una apandisi la aestu raport di vasilie va s-hiba pitricut di Rom\u00e2nia p\u00e2n\u0103 tu bitisita a meslui april, documentu tru arada a curi noi va s-nchisimu un singir di meatri cuantificabile \u015fi cu vadeadz multu limbdz di realizare tra sa spunem cum \u0163anem sum 3% aestu deficit<\/em>. Di alta parte, uidisitu cu isachili INS, inflatia agiumsi s-hiba pi nai ma marli nivel tru tintil\u2019I an\u2019I dit soni. Rata anual\u0103 a infla\u0163iil\u2019ei agiumsi la 5% tru martu, di la 4,7% tru meslu scurtu, tu kirolu anda sa s-cunkira parmatiili nialimentare, a atilor alimentari \u015fi a servitiilor. Tru meslu scurtu, Banca Na\u0163ional\u0103 ali Rom\u00e2nie u ndreapsi diznau prognoza di infla\u0163ie tra biitista a aistui an tru crea\u015ftire la 3,5%, di la 3,2%.<\/p>\n
GRECO, gailipsitu di Nomurli ali Justi\u0163ie dit Rom\u00e2nia<\/strong><\/p>\n
Gruplu a statilor contra ali arusfeti a Consiliului ali Europa — GRECO — sa spusi cabaia gailipsit di nascanti aspecte a nomurlor mutrindalui statutlu a magistra\u0163lor, organizarea a sistemlui judiciar \u015fi func\u0163ionarea a CSM, adoptate, tora ma nainti, di Legislativlu di Bucure\u015fti. Tru un raportu tipusitu n\u2019iercuri, GRECO \u015fi spusi cilastasearea \u015fi andicra di proiectele di amendamente la legisla\u0163ia penal\u0103, zburati tru Parlamentul ali Rom\u00e2nie. GRECO elabora documentul tru baza a unei apofasi adoptata la sesiunea plenar\u0103, dit andreu 2017, a Consiliului Europei mutrindalui evaluarea ntraoara a reformelor dit sistemlu judiciar rom\u00e2nescu, cu acatarea tru isapi ca aesti pot s-calca multu vartos standardili anticorup\u0163ie. Dukiti ca una mindueari asutatal\u2019ei ti easti la puteare PSD-ALDI ti sa-\u015fi subordoneadza magistra\u0163l\u2019ii \u015fi tra s-curma alumta anticorup\u0163ie, ini\u0163iativili di alaxeari ali legisla\u0163ie tru domeniu fura sertu criticate di opozi\u0163ia di dreapta, di pres\u0103 \u015fi di societatea civil\u0103. Multa rom\u00e2ni mutara cap pi geadei contra a aistor ini\u0163iative. Tru arada a lor, reprezentan\u0163al\u2019ii a Putearil\u2019ei spusira c\u0103 alaxerli suntu simfuni cu apofasili a Curtil\u2019ei Constitu\u0163ionale ali Rom\u00e2nie \u015fi a sentin\u0163ilor CEDO.<\/p>\n
Vizit\u0103 fapta Bucure\u015fti di ministurlu frantescu ti Externi<\/strong><\/p>\n
Prezidentul ali Rom\u00e2niei, Klaus Iohannis lu astipta, gioi, ministrul tra Europa \u015fi Afaceri Externe ali Fran\u0163a, Jean-Yves Le Drian, contextu tru cari cundil\u2019e simasia ti Rom\u00e2nia u da ti aderarea la spa\u0163iul Schengen \u015fi u spusi nadia c\u0103 Fran\u0163a va s-ndrupasca una apofasi tru aesta noima. Ministrul Le Drian cundil\u2019e c\u0103 nu ari vara blocaj dit partea ali Fran\u0163a ti nadia ali Rom\u00e2nie tra s-agiunga membru a spa\u0163iului di libira urdinari. El nica spusi c\u0103, tru kirolu ti yini, accentul tru ligatura cu Bucure\u015ftiul va s-hiba bagatu pi dialoglu a temilor europene, ap\u0103rare \u015fi dizvoltarea economic\u0103. Tu arada a lui, Klaus Iohannis scoasi tru migdani nivelu ti anami a ligatural\u2019ei bilaterala, tru contextul a unui an cu multipli semnifica\u0163ii tru ligatura cu Fran\u0163a, respectiv yiurtusearea 10 ani di la simnarea ali Declara\u0163ie di Parteneriat Strategic, lansarea a Sezonului cultural Rom\u00e2nia-Fran\u0163a \u015fi yiurtusearea a Centenarlui tra Marea Uniri, ti cari Fran\u0163a avu una contribu\u0163ie cabaia mari.<\/p>\n
Autor: Leyla Cheamil<\/p>\n
Arm\u00e2nipsearea: Tascu Lala <\/p>\n
<\/p>\n","protected":false},"excerpt":{"rendered":"
Atel di ma nainti prezidentu ali Rom\u00e2nie, Ion Iliescu, poati s-hiba pusputitu penal tru dosarlu ali Revolu\u0163ie anticomunista dit andreu 1989
Prezidentul ali Romanie, Klaus Iohannis, pitricu a ministrului ali Justi\u0163ie caftarea ti pusputeari penal\u0103 tru cazlu a atilui di ma nainti \u015fef a statlui Ion Iliescu, a atilui di ma […]<\/p>\n","protected":false},"author":46,"featured_media":124454,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[46389],"tags":[],"coauthors":[],"class_list":["post-185839","post","type-post","status-publish","format-standard","has-post-thumbnail","hentry","category-eveniment-top-ro_ar"],"acf":[],"yoast_head":"\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n