\n
\n
<\/p>\n
Tu seara a dzuu\u00e2llei di 26 di ciri\u015faru a anlui 1940, ambasadorlu ali Rom\u00e2nie, Moscova eara gritu ntr\u00e2oar\u00e2 la ministurlu sovietic di externi, cunscutlu Molotov. Tru un\u00e2 havaie di glle\u0163u, al Gheorghe Davidescu \u00eelli si da un ultimatum prit cari Uniunea Sovietic\u0103 c\u00e2fta imperativ ali Rom\u00e2nie s\u0103-lli prida Basarabia \u015fi nordul ali Bucovin\u0103. Spusili a ultimatumlui suntu cabaia serti a deapoa tru documentu suntu ar\u0103d\u0103psiti len turlii di abera\u0163ii istori\u0163i. Molotov avea ahurhit\u0103 di v\u00e2r kiro ataca retoric\u0103 contra ali Rom\u00e2nie, tru paralel cu avansul militar nreghistrat di aliatlu di atum\u0163ea a sovietitlor, Ghirm\u00e2nia hitlerist\u0103, pe frontul ditu Asc\u00e2pitat\u00e2. Eara, dimecu, un moment pritu cari Uniunea Sovietic\u0103 \u015f-pripunea s-aib\u00e2 h\u00e2iri, tut simfunu cu Pactulu Molotov-Ribbentrop cari apufusea sut\u00e2llea anamisa di Moscova \u015fi Berlin.<\/p>\n
\n
<\/p>\n
\n
<\/p>\n
\n
<\/p>\n
Num\u00e2situ Pactu di nifuvirseari, tratatlu ruso-ghirmanu fu simnatu tu dzuua di 23 di agustu 1939. Pi thimellilu a ali\u015ftei akic\u00e2seari, Ghirm\u00e2nia nazist\u00e2 \u015fi Rusia comunist\u0103 nkisir\u00e2 s\u2019ampart\u00e2 lumea. Dup\u0103 ma\u015fi un\u00e2 st\u0103m\u00e2n\u0103, Ghirm\u00e2nia atac\u00e2 Polonia, neise, nkisi a\u015fi Doilu Polimu Mondial. Tru idyiul kiro, \u015fi Uniunea Sovietic\u0103 aputrusi Polonia \u015fi li anv\u00e2rlig\u0103 ripubli\u0163li balti\u0163i, Estonia, Letonia \u015fi Lituania. Meslu ciri\u015faru di aoa \u015fi 80 di an\u2019i fu un momentu l\u00e2ht\u00e2roasu tru istoria ali Europ\u0103. La 15 \u015fi 16 di ciri\u015faru 1940, armata sovietic\u0103 aputrusi a\u0163eali trei n\u2019i\u0163 ripubli\u0163 balti\u0163i a deapoa tu Asc\u00e2pitat\u00e2, Fran\u0163a capitula tru polimlu cu Ghirm\u00e2nia. Armisti\u0163iul s-bag\u00e2 tru practico tu 25 di ciri\u015faru a deapoa, a daua dzuu\u00e2, Uniunea Sovietic\u0103 caft\u00e2 ali Rom\u00e2nie, ultimativ, dau\u0103 reghiuni a llei. Ma am\u00e2natu va s-ias\u00e2 tu migdani c\u0103 tuti eara tu simfunie cu un\u00e2 akic\u00e2seari secret\u00e2 apufusit\u00e2 di a\u0163eali dau\u0103 puteri dictatoriale un\u00e2oar\u00e2 cu Pactul di nifuvirseari.<\/p>\n
\n
<\/p>\n
\n
<\/p>\n
\n
<\/p>\n
Tru noaptea-a dzuu\u00e2llei di 26 di ciri\u015faru, Rom\u00e2nia s\u2019vidzu ma\u015fi ea goal\u00e2 dinintea a un\u00e2llei fuvirseari mortal\u00e2, \u0163i ici nu u akic\u00e2sea. Ghirm\u00e2nia nzist\u0103 nu \u015f-pripusi niti unu sticu di oar\u00e2 s\u2019llia ap\u0103rarea ali Rom\u00e2nie. Tu ahurhita-a meslui cirisaru, Berlinlu avea dim\u00e2ndat\u00e2 a Bucure\u015ftiului c\u0103, ma va, tra s-aib\u00e2 garan\u0163ii di partea-a Reichului, lipseasti s\u2019ahurheasc\u00e2 p\u00e2z\u00e2r\u00e2pseri cu Uniunea Sovietic\u0103. Ma\u015fi c\u00e2 Moscova nu aprukea ici v\u00e2r\u00e2 p\u00e2z\u00e2r\u00e2pseari \u015fi pistipsea ma\u015fi tu for\u0163a aputrusearillei militar\u00e2. C\u00e2tu angrica \u015fi garan\u0163iile a Reichului, vrea s-vead\u0103 Rom\u00e2nia dupu ma\u015fi doi me\u015fi di dz\u00e2li di la Ultimatumlu sovietic \u015fi dupu un an di la Pactul di nifuvirseari simnatu cu sovieti\u0163lli.<\/p>\n
\n
<\/p>\n
\n
<\/p>\n
\n
<\/p>\n
Tru agustu 1940, Ghirm\u00e2nia arbitr\u0103\u201d Diktatlu di Viena prit cari, un altu vi\u0163inu, Ungaria, vrea s-an\u00e2p\u00e2deasc\u00e2 un\u00e2 alt\u00e2 reghiuni ali Rom\u00e2nie, partea di nordu ali Transilvanie. Dimecu, tru ciri\u015faru 1940, Rom\u00e2nia eara ma\u015fi ea goal\u00e2 dinintea-a revendic\u0103rlor revizionisti a n\u00e2sc\u00e2ntoru vi\u0163in\u2019i, ndrup\u00e2ti di akic\u00e2seri ntunicati anamisa di m\u0103rli puteri. Apandisea-a rom\u00e2n\u2019ilor, cari eara simfun\u2019i s-ahurheasc\u00e2 p\u00e2z\u00e2r\u00e2pseri, vini dupu doilu ultimatum, tru zboar\u00e2 f\u0103r\u0103 echivoc: pridarea ali Basarabie \u015fi nordulu ali Bucovin\u00e2, dup\u0103 un\u00e2 hart\u0103 pitricut\u00e2 di Moscova, \u015fi evacuarea a askerillei \u015fi ali administra\u0163ie ti ma\u015fi patru dz\u00e2li.<\/p>\n
\n
<\/p>\n
\n
<\/p>\n
\n
<\/p>\n
Dimi, fudzearea-a rom\u00e2nilor s-al\u00e2xi tru un\u00e2 hauu\u00e2 dramatic\u00e2, un\u00e2 cadealihea traghedie umanitar\u0103. Askerea sovietic\u0103, ndrup\u00e2t\u00e2 di bandi locale, nkisi cu provoc\u0103ri, mp\u00e2rd\u0103ri \u015fi crimi. Administra\u0163ia, oficiallii a statlui rom\u00e2n \u015fi armata v\u00e2silikeasc\u00e2 fur\u00e2 aguditi niacumtinatu \u015fi mul\u0163\u00e2 rom\u00e2ni fur\u00e2 v\u00e2t\u00e2ma\u0163. \u015eingiri f\u00e2r\u00e2 bitiseari di arifugat nkisir\u00e2 cu l\u00e2ht\u00e2rseari c\u00e2t\u00e2 ar\u00e2ulu Prut, n\u0103ulu sinuru apufusitu di Stalin. Idyealui s-fea\u0163ir\u00e2 luc\u00e2rli \u015fi tru Bucovina, t\u0103lliat\u0103 ndau\u00e2 di sinurlu apufusitu pritu Ultimatumlu al Molotov. Askerea rom\u00e2n\u0103 avu ordinu s-nu amin\u00e2 tufeki, s-nu aproaki provoc\u0103ri cari vrea u fac\u00e2 ma greau\u00e2 catandisea. Ama tr\u00e2n\u2019ipserli nu s-avea bitisit\u00e2. Tru idyiul l\u00e2ht\u00e2rosu anu 1940, Rom\u00e2nia nica vrea s-da ali Ungarie nordul a Ardealui \u015fi ali V\u00e2rg\u00e2rie, sudlu ali Dobroge. Dizn\u0103u, askerea \u015fi administra\u0163ia suntu trapti \u015fi oamin\u2019illi s-arifugiadz\u0103 ntr\u00e2oar\u00e2, cu multi tr\u00e2n\u2019ipseri \u015fi drami. Dininti, ama s-videa l\u00e2ht\u00e2rosu polimlu.<\/p>\n
\n
<\/p>\n
\n
<\/p>\n
Autor: Marius Ti\u0163a<\/p>\n
\n
<\/p>\n
Arm\u00e2nipsearea: Ta\u015fcu Lala<\/p>\n
<\/p>\n","protected":false},"excerpt":{"rendered":"
Tu seara a dzuu\u00e2llei di 26 di ciri\u015faru a anlui 1940, ambasadorlu ali Rom\u00e2nie, Moscova eara gritu ntr\u00e2oar\u00e2 la ministurlu sovietic di externi, cunscutlu Molotov. Tru un\u00e2 havaie di glle\u0163u, al Gheorghe Davidescu \u00eelli si da un ultimatum prit cari Uniunea Sovietic\u0103 c\u00e2fta imperativ ali Rom\u00e2nie s\u0103-lli prida Basarabia \u015fi nordul ali Bucovin\u0103. […]<\/p>\n","protected":false},"author":124,"featured_media":187746,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[47548],"tags":[48327,47101,1940,48326,48270],"coauthors":[],"class_list":["post-187745","post","type-post","status-publish","format-standard","has-post-thumbnail","hentry","category-focus","tag-doilu-polimu-mondialu","tag-ghirmania","tag-marea-britanie-irlanda-de-nord-zboruri","tag-pactul-molotov-ribbentrop","tag-uniunea-sovietica"],"acf":[],"yoast_head":"\n