Easti kirolu a vacan\u0163ilor di vear\u0103, nai p\u0163\u0103nu tru emisfera nordic\u0103 a globlui, iara elevllii bitisescu cursurile. \u015ei tru Ucraina m\u0103kel\u0103rit\u0103 di Rusia s\u2019bitisescu cursurile, ac\u0103 multi sculii nu mata suntu ca tu kirolu di ma ninti, neise suntu ma\u015f monumenti l\u0103ht\u0103roasi a nibuniillei pritu polimu. Elevlli a \u015fculiillei nr. 134 ditu Harkiv, cari s\u2019ndridzea ti zaeafetea ti bitiseari a cursurilor, s-vidzur\u0103 f\u0103r\u0103 \u015fcoal\u0103, aspart\u0103 tru \u015fcurtu, tru protili dz\u0103li a polimlui. Vinir\u0103, ama, tru stra\u00f1ili a loru di bal, \u015fi giucar\u0103 pi terenul di sport, av\u00e2nda din\u0103poi l\u0103ht\u0103roasa arvali a \u015fcol\u0103llei. Suntu imagini ireale ama nu pritu l\u0103htarea \u0163i u scot utu migdani, neise ana, pritu puterea pi cari u dimonstreadz\u0103, minduinda la yinitor. Cilimea\u00f1illi \u015fi p\u0103rin\u0163\u0103llii a lor suntu apufusi\u0163 s\u0103 znueasc\u0103 \u015fcoala, va lu znueasc\u0103 Harkivul \u015fi tut\u0103 Ucrain\u0103. Pi pamporea ditu Marsilia iu eara caza\u0163i, a\u0163elli aproapea un\u0103 \u00f1ille di arifuga\u0163 ndreapsir\u0103 un\u0103 \u015fcoal\u0103 tr\u0103 cilimea\u00f1i cari fudzir\u0103 ditu v\u0103silia a lor bombardat\u0103 criminal di Rusia. \u015ei tru Rom\u00e2nia s\u2019dizv\u0103rtescu multe ini\u0163iative ti du\u0163eari ma largu a sculiillei tr\u0103 cilimea\u00f1illi ucrianeni arifuga\u0163, i online, cu profesorllii arma\u015fi tru v\u0103silie, i tru s\u0103lile b\u0103gati la dispozi\u0163ie di \u015fcolile ditu Rom\u00e2nia ic\u0103 alti locuri ah\u0103rdziti di autorit\u0103\u0163. <\/p>\n
\n
<\/p>\n
\n
<\/p>\n
Un tiniru confrate jurnalistu ucrainean, fost elev a \u015fcolliurlor ditu Ucraina, s-mut\u0103 tru un\u0103 conferin\u0163\u0103 di pres\u0103 \u015fi \u0103lli b\u0103g\u0103 un\u0103 ntribari a ministrului di externe al Putin, Lavrov. Andicra di tinirlu jurnalistu ucrainean, hillea al Lavrov nu fea\u0163i studii tru Ucraina \u015fi niti barimu tru Rusia, neise tamam tru America, v\u0103silia pi cari Lavrov tora u fuvirsea\u015fti cu arcarea topi, nica \u015fi nuclear. La balurile di absolvire a hillillei a ministrului Lavrov s-giuc\u0103 pi fond di muzic\u0103 bun\u0103, nu pe fundal di aruvali di \u015fcoal\u0103, afumate di explozii. La conferin\u0163a di pres\u0103 ditu Turchia, v\u0103silie membr\u0103 a NATO, jurnalistul ucrainean lu ntrib\u0103 potentatul moscovit \u0163i nica fur\u0103 aru\u015fllii ditu Ucraina, pi ning\u0103 yiptu. Lavrov eara tru Turchia tamam tra s\u0103 zburasc\u0103 ti blocarea \u015fi diblocarea ti exportarea a yiptului lucratu di ucraineni, tru v\u0103silii cari \u0163\u0103nu di aest\u0103 resurs\u0103 alimentar\u0103. Di alt\u0103 parti, g\u0103rnul easti mutat di pi ag\u0103rli aputrusiti ali Ucrain\u0103 tru hambarele a Rusiillei invadatoare. Idyealui cum elevllii ucraineni, agricultorllii \u015f-fea\u0163ir\u0103 luc\u0103rlu p\u0103n tru capu, siminar\u0103 yiptulu, adunar\u0103 birikeatea a diapoa iru\u015fi aputrusir\u0103 pricili-bubulidzi, cu aftukinatli a loru ti v\u0103t\u0103mari oami\u00f1illi, asparsir\u0103 \u015fi furar\u0103. <\/p>\n
\n
<\/p>\n
\n
<\/p>\n
Organiza\u0163iile interna\u0163ionale \u015fi al\u0163\u0103 responsabili ahuhrescu s\u0103 zburasc\u0103 ti foamite, ti ixikea a n\u0103sc\u0103ntoru produse alimentare cari eara adusi ditu Ucraina. Iara polimlu ditu Ucraina agiumsi explica\u0163ie tr\u0103 multe ixiki \u015fi crizi \u0163i s\u2019veadi pisti tut tru lumi. Politicie\u00f1ii \u015fi autorit\u0103\u0163li di lenu turlii di arada fac un\u0103 isapi dupu protili 100 di dz4li a mandatlui a lor, a activitatillei tr\u0103 cari fur\u0103 alep\u0163\u0103. Tricur\u0103 100 di dz\u0103li, \u015fi nica un\u0103 st\u0103m\u00e2n\u0103, di la diclan\u015farea a invaziillei ali Rusie tru Ucraina iar isapea easti l\u0103ht\u0103roas\u0103, ti nistr\u0103xeari. Tsifrili \u015f-keru capacitatea di expresie iara speciali\u015ftilli canda zbur\u0103scu tru vimtu. Nica \u015fi imaginile n\u0103 alas\u0103 f\u0103r\u0103 zboar\u0103, ciudusi\u0163 ti a\u0163ea \u0163i poatoi si s-fac\u0103 tru aestu secol a yinitorlui, kisa\u0163 di oroare \u015fi un\u0103 v\u0103rtoas\u0103 dukimie di niputeari. Ti am\u0103rtie, dup\u0103 110 dz\u0103li di agresiune absurd\u0103 a un\u0103llei ditu ateali nai cama m\u0103ri puteri militare contra a unui stat indipendintu, membru al ONU, imaginile ditu Ucraina suntu ma\u015f cu aruvali, murminte \u015fi cu aruvali-murminte. Iara apandisea la ntribarea a tinirlui jurnalist ucrainean, adresat\u0103 au\u015flui func\u0163ionar diplomatic sovietic, easti aplo: tut. Rusia minduea\u015fti s\u2019fur\u0103 tutu ali Ucrain\u0103 \u015fi ucrainenilor tuti, bana, tricutlu \u015fi yinitorlu, ndreptul la existen\u0163\u0103, limba \u015fi adi\u0163li, resursili di i\u0163i turlie, loclu, oami\u00f1illi, mullerli, cilimea\u00f1illi \u015fi b\u0103rba\u0163llii, va s-lliu xanangr\u0103pseasc\u0103 istoria \u015fi planurile. <\/p>\n
\n
<\/p>\n
\n
<\/p>\n
\u015ei, cu tuti z\u00f1iili fapti nica \u015fi cu v\u0103t\u0103m\u0103ri, siminate di ru\u015fi tru Ucraina, agr\u015fearea a comunitatillei interna\u0163ional\u0103, cari pari c\u0103 s\u2019nvi\u0163\u0103 cu atrocit\u0103\u0163le fapti, ditu Ucraina n\u0103 yin imagini di ban\u0103 mu\u015feat\u0103 \u015fi normal\u0103. Tinirlii valseadz\u0103 pi aruvali, tru oara multu cu anami anda s\u2019bitisea\u015fti anlu scularu, c\u00e2nt\u0103 diadunu cu Pink Floyd, \u015fi s\u2019minduescu, cu n\u0103muzi, la znuearea a v\u0103siliillei, a ban\u0103llei, a \u015fcolliurlor, a ag\u0103rloru, a yinitorlui. <\/p>\n
\n
\n
\n
<\/p>\n
Autoru: Marius Ti\u0163a<\/p>\n
\n
<\/p>\n
Arm\u00e2nipsearea: Ta\u015fcu Lala <\/p>\n
\n
<\/p>\n
\n
<\/p>\n
\n
<\/p>\n
\n
<\/p>\n
<\/p>\n","protected":false},"excerpt":{"rendered":"
Easti kirolu a vacan\u0163ilor di vear\u0103, nai p\u0163\u0103nu tru emisfera nordic\u0103 a globlui, iara elevllii bitisescu cursurile. \u015ei tru Ucraina m\u0103kel\u0103rit\u0103 di Rusia s\u2019bitisescu cursurile, ac\u0103 multi sculii nu mata suntu ca tu kirolu di ma ninti, neise suntu ma\u015f monumenti l\u0103ht\u0103roasi a nibuniillei pritu polimu. Elevlli a \u015fculiillei nr. 134 ditu Harkiv, cari s\u2019ndridzea […]<\/p>\n","protected":false},"author":124,"featured_media":93535,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[47548],"tags":[47117,31957,29934,47783,46459,46510,47650],"coauthors":[],"class_list":["post-187874","post","type-post","status-publish","format-standard","has-post-thumbnail","hentry","category-focus","tag-elevi","tag-lavrov","tag-putin","tag-razboi","tag-rusia","tag-ucraina","tag-vacanta"],"acf":[],"yoast_head":"\n