Anamisa di an\u2019il\u2019i 1946 \u015fi 1949, tru Gartia s-tanea un sandziros polim tivil anamisa di gherilili comunisti finan\u0163ati di URSS \u015fi for\u0163ili guvernamentali eleni. Polimlu ahurhi prit atacarea a for\u0163ilor guvernamentali di c\u0103tra aribelii comuni\u015fti tru locurli dit munta di la sinurlu cu Iugoslavia \u015fi Arbinisia. Scupolu a comuni\u015ftilor eara surparea a regimlui legitim monarhic, lugursitu fascistu, \u015fi timil\u2019iusearea a unei ripublica socialista. Ama conflictul anamisa di Stalin \u015fi Tito nsimna azindzearea a gherililor comunisti gartesti, a deapoa Partidlu Comunistu Grec s-ndripta c\u0103tra Moscova. Ase, Tito apufusi ncl\u2019idearea a sinurlor iugoslave cu Gartia \u015fi gherilili comuniste fura privati di agiutor vital, strateghic \u015fi moral. Arbinisia, cari eara sum influen\u0163a al Tito, trapsi mana \u015fi ea tra s-andrupasca comuni\u015ftil\u2019i gret. P\u00e2n\u0103 tru yismaciuni 1949, pareili tut ma araspanditi di partizani comuni\u015fti ica s-pridara, ica tricura sinurlu tru Arbinisie di iu nai ma mu\u0163a emigrara tru vasiliili socialisti.<\/p>\n
\n
<\/p>\n
\n
<\/p>\n
Rom\u00e2nia agiundzea, ase, loclu nai cama uidisitu ali emigra\u0163ie comunista elena ti cafta un apanghiu. 200.000 di emigran\u0163a politit gret agiumsira tru vasiliili socialisti, dit cari anamisa di 11.500 \u015fi 12.000 di emigran\u0163a agiumsira tru Rom\u00e2nia: ficiurit, alumt\u0103tori, membri a familiilor aistor. Rom\u00e2nia lo nai cama marli numir di ficiurit gret, aproapea 5700, ahurhindalui cu anlu 1948, dit un total di aproapea 28.000 di ficiurit gret agiumta tru 7 stati comunisti. Nai cama marea colonie di ficiurit gret fu atea di Sinaia, cari eara pi lucru anamisa di 1948 \u015fi 1953.Tru hotelurli a sta\u0163iunil\u2019ei di pi valea a Prahoval\u2019ei eara aprucheat cu durn\u2019earea 1700 di ficiurit, a curi la si adavgar\u0103 alti ndau\u00e2 n\u2019il\u2019i di ficiurit nord-coreeni arifuga\u0163 tru Rom\u00e2nia di furn\u2019ia a polimlui di Coreea dit an\u2019il\u2019i 1950-1953. Prit tradi\u0163ie, tru Rom\u00e2nia s-avea stirnuta coloni\u015fti gret pi hiotea a chirolui. Agiumta tru sfeara di influen\u0163\u0103 sovietic\u0103, Rom\u00e2nia eara prefearat\u0103 di atel\u2019i cari avea fudzita dit Iugoslavia \u015fi Arbinisia.<\/p>\n
\n
<\/p>\n
\n
<\/p>\n
Istoriclu Radu Tudorancea di la Institutlu di Istorie \u201dNicolae Iorga\u201d di Bucure\u015fti spusi cum eara astipta\u0163 combatan\u0163al\u2019i comuni\u015fti gret tru Rom\u00e2nia: \u201dUna parti dit fo\u015ftil\u2019i alumtatori comuni\u015fti eleni cari fudzira dit Gartie tru bitisita a polimlui tivl emigrara \u015fi tru Rom\u00e2nia. Aoa s-harsira di agiutor di partea a autorit\u0103\u0163lor di Bucure\u015fti, pligi\u0163l\u2019i tra sa s-yitripseasca, alan\u0163a tra sa s-nveata cu condi\u0163iili dit vasilie \u015fi tra s-integreadza tru societatea rom\u00e2neasc\u0103. Existen\u0163a a unei importanta comunitati elena tru Rom\u00e2nia p\u0103rea c\u0103 va la agiuta ti integrari a atilor ti avea vinita tu atel chiro, maxus c\u0103 dit 1948 gruparea filo-comunist\u0103 di nauntrul a comunitatil\u2019ei elena avea apraftasita, cu agiutorlua a autorit\u0103\u0163lor rom\u00e2ne, s-aiba tru mana controlu tru arada a comunitatil\u2019ei \u015fi s-ndreaga una nau\u0103 entitate cu numa Uniunea Patriotic\u0103 Elen\u0103. Ase, pu\u0163an\u2019il\u2019i ti andrupa taburea regalista cari avea armasa tru Rom\u00e2nia eara marginaliza\u0163.\u201d Guvernul comunistu rom\u00e2n deadi agiutor filotim tra atel\u2019i di ma ninti membri a gherililor comunisti elene. Agiutorlu eara data pan di mardzina dimec la asiguripsea durn\u2019earea si yitripsearea medical\u0103 p\u00e2n\u0103 si paradz. Ca tru iti alta vasilie aputrusita di regimlu comunistu, \u015fi tru Rom\u00e2nia presa li manipula informa\u0163iile tra polimlu tivil grec.<\/p>\n
\n
<\/p>\n
\n
<\/p>\n
Ia ti spuni Radu Tudorancea: \u201dDizvartearea a polimlui tivil dit Gartia fu mutrit cu cilastaseari tru Rom\u00e2nia hiindalui yilipsit cabaia tru perioditili di partid. Tru una turlie ti s-astipta, spunerli dit presa rom\u00e2neasc\u0103 loara turlie a nascantor campanii serti, cumandusitit di partid, cari invariabil favoriza alumta a partizan\u2019ilor comuni\u015fti gret, slaghindalui niacumtinat taburea anglo-american\u0103 \u015fi rolu a l\u2019ei tru ansamblu a polimlui tivil grec. Liderlu comunistu grec Nikos Zahariadis avea pitricuta tru Rom\u00e2nia nica dit yinar 1948 pi Letferis Apostolou, acreditat ca reprezentantu a a\u015fi-numasitlui guvernu democratic ali Gartie.<\/p>\n
\n
<\/p>\n
\n
<\/p>\n
Borgili a aistui ave tru scupo ligatura cu autorit\u0103\u0163li rom\u00e2ni, amintarea agiitoari dit partea a guvernului RPR tra agiutarea a comuni\u015ftilor gret, yitripsearea a pligui\u0163lor \u015fi preg\u0103tirea a coloniilor di ficiurit gre ti lipsea s-hiba discl\u2019isi tru Rom\u00e2nia. Autorit\u0103\u0163li comunisti rom\u00e2ne deadira cabaia paradz ti agiutarea a emigran\u0163alor politit eleni. Agiutorlu financiar eara asiguripsit prit aanvalearea a unui buget consistentu tra PCG, masi ti anlu 1951 s-deadira aproapea 300.000 di dolari americani, la cari s-adavgara alti hargi tra cumanduseari.<\/p>\n
\n
<\/p>\n
\n
<\/p>\n
Paradzl\u2019i di la buget ahardzit ti PCG criscura tru anlu yinitor. Tru 1952 s-deadira aproapea 750.000 di dolari americani \u015fi multa alta paradz ti andruparea a editurlor. Scamnul a CC a PCG fu mutat Bucure\u015fti \u015fi la multa dit arada a activi\u015ftilor a PCG la si deadira casi mahalalu di lux Prim\u0103verii, tru nascanti vile secrete.\u201d Arifuga\u0163l\u2019i gret nu trapsira mana di la alumt\u0103 tra instaurarea a idealului comunistu tru vasilia a lor. El\u2019i avea lugursita azvindzearea ca hiindalui tiva provizoriu, hiindalui hazari candu ti s-hiba tra sa s-toarna la alumt\u0103, cara situa\u0163ia interna\u0163ional\u0103 u favorizeadza. Rom\u00e2nia agiundzea asi thimel\u2019ilu tra ac\u0163iuni a agen\u0163ilor comuni\u015fti gret tru Gartia, instrui\u0163i di ideologi comuni\u015fti gret cu stagii fapti Moscova.<\/p>\n
\n
<\/p>\n
\n
<\/p>\n
Ia ti spuni diznau Radu Tudorancea: \u201dMinduindalui una yinitoari ahurheari a ampuliserlor pi teritoriul elen, activi\u015ftil\u2019i gret dit Rom\u00e2nia \u015f-bagara tru minti tanearea ascumbusita a grupurlor di fo\u015fti partizani tru alert\u0103, hazari ti alumt\u0103. Tru 1950 fu ndreapta Breaza una \u015fcoal\u0103 politic\u0103 iu tanura matimi personaje cata cum Nikos Zahariadis \u015fi Vasilis Bar\u0163iotas. Respectiva entitati vrea s-ndreaga agen\u0163a ti eara hazari s-alumt\u0103 paranom pi teritoriul ali Gartie tra andruparea a cauzal\u2019ei comunista. Tru chirolu anamisa di 1952-1955, cama di 120 di ahtari activi\u015fti \u015fi agen\u0163a fura pitricu clandistin tru Gartie, mul\u0163 di el\u2019i hiindalui aca\u0163at di poli\u0163ia elen\u0103.\u201d<\/p>\n
\n
<\/p>\n
Moartea al Stalin \u015fi proceslu di desovietizari dusira \u015fi la moartea a cauzal\u2019ei a comuni\u015ftilor gret. Bagarea pi arada a ligaturlor anamisa di Rom\u00e2nia \u015fi Gartia, sinferurli a ligaturlor bilatearali, featir\u0103 ca op\u0163iunea a alumtilor cu ascherea s-hib\u0103 abandonat\u0103.<\/p>\n
\n
<\/p>\n
\n
<\/p>\n
(armanipsearea: Tascu Lala)<\/p>\n
<\/p>\n","protected":false},"excerpt":{"rendered":"
Anamisa di an\u2019il\u2019i 1946 \u015fi 1949, tru Gartia s-tanea un sandziros polim tivil anamisa di gherilili comunisti finan\u0163ati di URSS \u015fi for\u0163ili guvernamentali eleni. Polimlu ahurhi prit atacarea a for\u0163ilor guvernamentali di c\u0103tra aribelii comuni\u015fti tru locurli dit munta di la sinurlu cu Iugoslavia \u015fi Arbinisia. Scupolu a comuni\u015ftilor eara surparea a regimlui legitim monarhic, […]<\/p>\n","protected":false},"author":127,"featured_media":127891,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[48422],"tags":[48209,48455,48456,48231,46627,48458,48457],"coauthors":[],"class_list":["post-188575","post","type-post","status-publish","format-standard","has-post-thumbnail","hentry","category-pro-memoria-ro_ar","tag-comunista","tag-emigratia","tag-greaca","tag-polim","tag-politica","tag-tivil","tag-tru-romania"],"acf":[],"yoast_head":"\n