Cu tuti c\u00e2 tricur\u00e2 ma multu di 160 di c\u00e2ndu s-fea\u0163i Caragiale (30.01.1852) nica \u015f-az\u00e2 lu duchim ca un contemporan a nostru. N\u00e2sc\u00e2n\u0163\u00e2 vrur\u00e2 s-u limbidzasc\u00e2 ar\u00e2zga a lui \u015f-mutrir\u00e2 c\u0103tr\u00e2 vatra a lui str\u0103au\u015feasc\u00e2 ca un\u00e2 cl\u2019iai \u0163i ari tu scupo s\u00e2 scoat\u00e2 tu migdani t\u00e2p\u0103rli a temperamentului a lui, contradic\u0163iili, sir\u0163\u0103l\u2019ia \u0163i u spusi daima, a caracterlui a lui, sensurli a oper\u00e2l\u2019ei i\u015fi\u015fi. Aestu stur \u0163i lu ndoapir\u00e2 cubeulu a literatur\u0103l\u2019ei rom\u00e2neasc\u00e2 nu poati s-hib\u00e2 achic\u0103sit integral, tu tut\u00e2 complexitatea a lui, f\u0103r\u00e2 s-l\u2019i-u limbidz\u0103m ar\u00e2d\u00e2\u0163ina, prica ghenetic\u00e2, soia, mir\u0103chili, \u015f-alti aspecti \u0163i ts\u0103n di esen\u0163a a a\u0163ilui \u0163i ngr\u00e2psi \u201cUn\u00e2 carti chirut\u0103\u201d \u015f-ah\u0103nti alti capodoperi.
\nTu monumentala a lui lucrari , \u201cIstoria a literatur\u0103l\u2019ei rom\u00e2neasc\u00e2 dit ahurhit\u00e2 p\u0103n\u00e2 tu dz\u00e2lili di az\u0103\u201d marli critic rom\u00e2n George C\u0103linescu dz\u00e2\u0163i c\u00e2 nai ma vecl\u2019iu ascendentu cunuscut al I.L.Caragiale easti paplu a lui \u015etefan, adusu tu Rom\u00e2nie di domnul fanariot Ioan Gheorghe Caragea, \u0163i \u015fidzu pi tronlu a \u0162ar\u0103l\u2019ei Rom\u00e2neasc\u00e2 di la 27 di augustu 1812 p\u0103n di 29 di yizm\u0103ciun 1818. C\u0103linescu , cu tuti c\u00e2 nu aproachi ici un\u00e2 ar\u0103d\u0103tsin\u00e2 arbinisheasc\u0103, dz\u0103tsi c\u00e2 scriitorlu eara \u201dc\u0103rtilivos ca un palicar, f\u0103tsea halat ca un barcagi, sarcastic, mistificator\u201d sh-adavg\u00e2 c\u0103: vahi s\u0103ndz\u0103li a scriitorlui easti misticat, poati sh-dup\u00e2 dad\u0103.\u201d
\nTu Dic\u0163ionarlu a literatur\u0103l\u2019ei rom\u00e2n\u00e2 dit ahurhit\u00e2 p\u00e2n di 1900, editat la Institutlu di Lingvistic\u00e2, Istorie Literar\u00e2 shi Folclor a Universitatil\u2019ei Al.I.Cuza di Iashi, \u015f-\u0163i i\u015fi Bucureshti , tu 1979, p.157, angr\u00e2psea\u015fti, dup\u00e2 C\u0103linescu c\u00e2: \u201cI.L.Caragiale \u2026 Soie di idriot , paplu al C., un insu cu numa \u015etefan , vini tu v\u0103silie deadun cu domnul Ioan.Gh.Caragea, di la cari vahi u lo sh-numa di Caragiale. Di atsel\u2019i trei hil\u2019i Luca, Costache sh-Iorgu, doil\u2019i dit soni agiumsir\u00e2 cunuscu\u0163 ca theatrin\u2019i, \u015f-avur\u00e2 mari influen\u0163\u00e2, maxus Costachi Caragiale, andicra di nipot. Tat\u0103-su, Luca, fu \u015f-elu theatrinu un chiro, dapoia fu administrator ali ciuflichi m\u0103n\u0103stireasc\u00e2 M\u0103rgineni, avocat, shi maghistrat Ploieshti. Dada al Caragiale eara Ecaterina, fapt\u00e2 Karaboas, hil\u2019ia a unui embur dit c\u0103s\u0103b\u0103lu Brashov.\u201d etc. Un\u00e2 m\u0103rtirii sigur\u00e2 c\u00e2 paplu a scriitorlui, \u015etefan, pr\u0103m\u0103teftu, mirghigi, ic\u00e2 om \u0163i adra dultsen\u2019i, b\u00e2na Constantinopol, ninti s-yin\u00e2 cu domnul Caragea Bucure\u015fti, easti a\u0163ea c\u00e2 hil\u2019ilu a lui Luca, s-featsi Constantinopol tu 1912, anlu tu cari, dit meslu augustu Ioan Gheorghe Caragea vini domnu tu \u0162ara Rom\u00e2neasc\u0103. Prezum\u0163ia dup\u00e2 cari \u015etefan \u015f-u lo numa di la Caragea poati ic\u00e2 nu s-hib\u00e2 alithia. Lipsea\u015fti s-b\u0103g\u0103m oar\u00e2 ama c\u00e2 \u015etefan eara vrut di dragomanlu Caragea ca un di oamin\u2019ll\u2019i a lui. S-b\u00e2g\u0103mu oar\u00e2 \u015f-c\u00e2 numi cum suntu Caragea, Caragiale, Caragiu, Caragiani etc. nu suntu numi g\u00e2r\u0163e\u015fti, ama suntu arm\u00e2ne\u015fti . Tu shcurta a noastr\u00e2 carti Diznou ti ar\u0103d\u0103tsina arm\u00e2neasc\u00e2 a n\u00e2sc\u00e2ntor domn\u2019i di Valahia sh-Moldova, tipusit\u00e2 la Ed. Cartea Arom\u00e2n\u0103, Constan\u0163a, 1995, adu\u015fi ca baia argumenti ti ar\u0103d\u0103\u0163ina arm\u00e2neasc\u00e2 a num\u00e2l\u2019ei Caragea, tu capitolu cu titlu Di la Karadja la Caragea. Va s-aduc aminti ma\u015f \u00e2ndau\u00e2 di aesti argumenti. Tu c\u0103rts\u0103li VII sh-VIII a oper\u0103l\u2019ei a l\u2019ei Alexiada , scriitoarea bizantin\u00e2 Ana Comnena adutsi aminti faptili giuneshti a cum\u00e2ndarlui di orighini schit\u00e2 ic\u00e2 sarmat\u0103, dz\u0103tsi n\u00e2s\u00e2, ama dealihia arm\u00e2neasc\u00e2 , Argyros Karatzas ic\u00e2 Karadja, tu polimli \u0163i li purt\u00e2 Alexios I Comnen (1081-1118) contra a pecenegilor. Aestu Arghir Karadja, Mari Heteriah tu ascherea auxiliar\u00e2 (nig\u0103rtseasc\u0103), lo parti la alumta \u0163i fu amintat\u00e2 Lebunion, tu meslu apriir 1091, sh-dapoia fu num\u0103sit duce di Dyrachium (Durazzo). Cu mults\u00e2 seculi ninti di ac\u0103tsarea a Constantinopolului tu anlu 1453, di tur\u0163\u0103l\u2019i osman\u2019i, numa Caradja, ic\u00e2 Caragea u afl\u0103m tu izvuri documentari. Dit un\u00e2 spuneari a unui pitricut di orighini vlah\u00e2 la curtea a hanlui a Crimeil\u2019ei, \u00e2nvi\u0163\u0103mu c\u00e2 hanlu \u0103l\u2019i deadi a ai\u015ftui pitricut p\u00e2rnoan\u2019ia karadja, \u0163i va s-dz\u0103c\u00e2 om \u0163i alag\u00e2 li\u015foru, ca z\u00e2rcad\u00e2, p\u0103rnoan\u2019i \u0163i agiumsi dapoia un\u00e2 num\u00e2 avdz\u0103t\u0103. Un arm\u00e2n, Coste Carachia (Cara\u015fia) easti ngr\u00e2psit tu un documentu vene\u0163ian di la 6 di apriir 1402, adus aminti di isoplu Nicolae Iorga tu un\u00e2 comunicari dit Revista Istoric\u00e2 Rom\u00e2n\u0103, 1933, p.318., ca nicuchir pisti un velier di Enos. Un comis Caradja, chih\u00e2ie tu chirolu a domnului a \u0162ar\u0103l\u2019ei Rom\u00e2neasc\u00e2 Dan II-lu easti adus aminti c\u00e2 avea lig\u0103turi buni cu pr\u0103m\u0103tef\u0163\u0103l\u2019i di Constantinopol. Mirmintul di Zverec, anamisa di Epir \u015f- Dalma\u0163ia, u p\u00e2streadz\u00e2 \u015f-el aest\u00e2 num\u00e2. Numa Karadja eara cunuscut\u00e2 tu m\u00e2h\u00e2l\u0103lu Fanar tu 1453, a\u015fi cum dz\u0103tsi E.Rigo-Rangabe, tu lucrarea Livre d\u2019Or de la Noblesse Fanariote, tipusit\u00e2 Atena, tu 1904, p.75. Un Nicolae Caradja easti adus aminti Arta, tu anlu 1487. Un\u00e2 familii Caradja , di origini arm\u00e2neasc\u00e2 , s-dusi s-b\u0103neadz\u00e2 dup\u00e2 ac\u00e2\u0163area a Constantinopolului, tu 1453, tu Fanar, m\u00e2h\u00e2l\u00e2 tu cari b\u00e2nar\u00e2 m\u0103ri dragoman\u2019i \u015f-emburi , ti cari ngr\u00e2psea\u015fti Epaminonda Stamatiadi tu lucrarea a lui Biografiili a m\u0103rlor dragoman\u2019i gre\u0163 dit Amir\u0103ril\u2019ia Nturtseasc\u0103, tipusit\u00e2 Atena tu 1865, adus\u00e2 pi rom\u00e2neashti di Constantin Erbiceanu shi-editat\u00e2 Bucure\u015fti, tu 1897. Dimi Karadja ic\u00e2 Caragea , easti un\u00e2 num\u00e2 arm\u00e2neasc\u0103, veacl\u2019ie di seculi. Str\u0103p\u0103p\u0103n\u2019i cu aest\u00e2 num\u00e2 lipsea\u015fti s-hib\u00e2 nica c\u00e2fta\u0163 anamisa di Epir \u015f-Dalma\u0163ia, Arta, pi valea a Meglen\u0103l\u2019ei, \u0163i avea \u015f-numa Karadjova, Constantinopol, cum \u015f-tu \u0162\u0103rli Rom\u00e2ne\u015fti. C\u00e2 numa a fra\u0163lor Caragiali, hil\u2019l\u2019i al \u015etefan , nu eara g\u00e2r\u0163easc\u00e2, ma arm\u00e2neasc\u00e2, c\u00e2 atsel pap a scriitorlui \u015etefan eara di Constantinopol, easti tora un lucru limbid. Ama c\u00e2\u0163e tu\u0163 fac aest\u00e2 alatusi di-l\u2019i luyursescu gre\u0163 tu\u0163 atsel\u2019i \u0163i yin dit spa\u0163iul g\u0103rtsescu sh-c\u00e2\u0163e marli prozator \u015f-dramaturgu I.L.Caragiale nu \u015f-u spusi susto orighinea arm\u00e2neasc\u00e2, shi fea\u0163i \u015ficai cu ar\u0103d\u0103\u0163ina a lui idriot\u0103, easti ghini s-u du\u0163em ninti argumenta\u0163ia a noastr\u0103. S-b\u0103g\u0103m oar\u00e2 ma\u015f c\u00e2, tu idyia familii onomastic\u00e2, anamisa di Caragea sh-Caragiale, avem numa a profesorlui universitar, membru fondator a Academiil\u2019ei Rom\u00e2n\u0103, Ioan Caragiani, \u0163i s\u00e2 \u015ftii sigur c\u00e2 eara arm\u00e2n., ic\u00e2 numa a marilui actor di teatru, cinema sh-filmu, Toma Caragiu, l\u2019irtatlu frati a aleapt\u0103l\u2019ei doamn\u00e2 academician, Matilda Caragiu Mario\u0163eanu, autoari la multi studii \u015f-a marilui Dic\u0163ionar arm\u00e2nescu, DIARO.
\nS-n\u00e2 turn\u0103m tora la tat\u0103l a scriitorlui, Luca Caragiale, \u0163i tu \u0162ara Rom\u00e2neasc\u00e2 fu administrator a ciuflichil\u2019ei m\u0103n\u0103stireasc\u00e2 M\u0103rgineni, dapoia avocat, shi magistrat tu c\u0103s\u0103b\u0103lu Ploie\u015fti . Faptu Constantinopol tu 1812, easti sigur c\u00e2 featsi studii juridi\u0163i \u015f-un izvur zbura\u015fti ti Universit\u0103\u0163li di Padova \u015f-Bologna. C\u00e2 Luca, tat\u0103l a scriitorlui nu eara ni\u0163i grecu, ni\u0163i italianu, un\u00e2 m\u0103rtirii easti a\u0163ea c\u00e2 s-\u00e2ncurun\u0103 cu hil\u2019ia a pr\u00e2m\u00e2teftului bra\u015fovean Luca Chiriac Caraboa, \u0163i eara sigur arm\u00e2n, , cu tuti c\u00e2 n\u0103sc\u0103n\u0163\u00e2 istori\u0163 literari l\u2019i-u ngr\u0103psescu numa cu K tu ahurhit\u00e2 \u015f-cu s tu bitisit\u0103: Karaboas. S\u00e2 \u015ftii dit documenti \u015fi studii c\u00e2 tu m\u00e2h\u00e2l\u0103lu Schei di Bra\u015fov eara un\u00e2 colonii di arm\u00e2n\u2019i prucupsi\u0163 cum \u015f-c\u00e2 anamisa di membril\u2019i avdz\u0103\u0163 a Cas\u00e2l\u2019ei di Emburl\u00e2chi di Bra\u015fov eara \u015f-mul\u0163\u00e2 emburi arm\u00e2n\u2019i \u0163i avea lig\u00e2turi cu atsel\u2019i dit coloniili arm\u00e2ne\u015fti di Viena, Buda, Mishkolcz etc. Dada al I.L.Caragiale, Ecaterina Caraboa, eara hil\u2019ia a pr\u0103m\u0103teftului cu bumbac, Mi\u015fa (Mihai) Alexevici, num\u00e2 \u0163i u afl\u0103m la mul\u0163\u00e2 arm\u00e2n\u2019i \u0163i f\u0103tsea emburl\u00e2chi tu S\u00e2rbii, dup\u00e2 asp\u00e2rdzearea a metropol\u2019ei arm\u00e2neasc\u00e2 Moscopole , ic\u00e2 la atsel\u2019i \u0163i f\u0163ea tugireti cu Rusia. Ti atsel\u2019i \u0163i nu u \u015ftiu istoria a ar\u00e2sp\u00e2ndearil\u2019ei a arm\u00e2n\u2019ilor, ti lig\u0103turli comerciali \u0163i li avea el\u2019i tu tut\u00e2 Europa, numili \u0163i li avea pr\u0103mtef\u0163\u00e2l\u2019i arm\u00e2n\u2019i, al\u00e2xiti tu v\u00e2siliili iu avea agiums\u00e2 s-b\u00e2neadz\u00e2 , pot s-agiung\u00e2 la alatusi di interpretari. Baron\u2019i a Amir\u0103riil\u2019ei Habsburgic\u00e2, Sina, Dumba, Darvari, C\u00e2rja etc. cum shi Moga, \u015eaguna, Gojdu, Ciurcu etc., suntu numi a n\u00e2sc\u00e2tor personalit\u0103\u0163 \u0163i \u015ftim sigura c\u00e2 eara di orighini arm\u00e2neasc\u00e2. Sumcundil\u2019iem c\u00e2 George C\u0103linescu bag\u00e2 oar\u00e2 c\u00e2 socrul al Luca, afendu-su al Caragiale, eara arm\u00e2n, c\u00e2 aestu Caraboa, tsicara c\u00e2 easti ngr\u00e2psit tu documentili di atsel chiro ca graecus natione , aest\u00e2 u spunea ma\u015f relighia al Luca Chiriac Caraboa, dimi cri\u015ftin greco-ortodoxu.. Tu atsea \u0163i mutreashti originea alithia a a tet\u0103l\u2019ei multu avut\u00e2 al I.L.Caragiale, dimi Ecaterina Momolo Cardini, aest\u00e2 num\u00e2 Cardini eara un\u00e2 italenizari al Cara Dina. Aest\u00e2 Ecaterina Momolo Cardini eara hil\u2019ia a unui embur arm\u00e2n, , Timotei Gheorghevici, , sh-dup\u00e2 dad\u00e2 eara hil\u2019ia a idyiului embur brashovean Misha (Mihai) Alexe, ic\u00e2 Alexevici.. Ashi Ecaterina Momolo Cardini eara prot\u00e2 cusurin\u00e2 cu dad\u00e2-sa al I.L.Caragiale, sh-c\u00e2\u0163e nu avu taif\u00e2 l\u2019i-u al\u00e2s\u0103 avearea a marilui scriitor\u2026 Ashi cum s\u00e2 \u015ftii, scriitorlu nica di n\u2019ic b\u00e2n\u0103 anv\u00e2rligat di teatru, cum dz\u00e2si un exeget. L\u0103l\u0103n\u2019il\u2019i a lui, Costache \u015f-Iorgu Caragiali, eara autori, theatrin\u2019i sh-manageri di parei teatrali. Dup\u00e2 liceu, tsi-l featsi Ploieshti sh-Bucureshti, I.L.Caragiale \u00e2nchisi studiili la Conservatorlu di Art\u00e2 Dramatic\u0103. S\u0163ena \u0163i u avea nai ma aproapea tinirlu cu seati di cultur\u00e2 eara Teatrul Momolo , ic\u00e2 Momulo, a tet\u00e2-sai Ecaterina , cu p\u0103rnoan\u2019ia Momuleasa., un di protili teatri di Bucureshti.Cursurli a Conservatorlui bucure\u015ftean, \u0163i li featsi tu an\u2019il\u2019i 1868 — 1870 \u015f-iu lu avu profesor la clasa di art\u00e2 dramatic\u00e2 sh-mimic\u00e2 lal\u0103-su , dramaturgul Costache Caragiali, suntu ma\u015f un\u00e2 parti di cil\u00e2st\u00e2serli \u0163i li featsi ta s\u00e2-\u015fi fac\u00e2 un\u00e2 cultur\u00e2 s\u00e2n\u00e2toas\u00e2. Cu chirolu el agiumsi un bun cunusc\u00e2toru a cultur\u0103l\u2019ei universal\u00e2 sh-un mari meloman, cu mari mirachi ti muzica clasic\u00e2. S-fea\u0163i cunuscut ca jurnalistu tu revistili umoristitsi \u015f-polititsi. Easti redactor la jurnalu Timpul , deadun cu Mihai Eminescu, particip\u00e2 la adun\u0103rli a Junimil\u2019ei sh-public\u00e2 tu Convorbiri Literare pincipalili piesi di teatru (Un\u00e2 noapti furtunoas\u00e2, tu 1879, Lali Nida s-ampuliseashti cu str\u00e2nghil\u2019i, tu 1880, \u201cUn\u00e2 carti chirut\u0103\u201d, tu 1885, \u201cTu chirolu a Carnavalui\u201d, tut tu 1885, dapoia drama \u201cTaxiratea\u201d, tu 1890). Tu an\u2019il\u2019i 1881-82 easti revizor \u015fcolar, tu 1884 easti func\u0163ionar, la Reghia a Monopolurlor, c\u00e2ndu u cunuscu prota a lui nicuchir\u0103, Elena Constantinescu, cu cari avu un hil\u2019iu, poet sh-prozator, \u0163i s-aleapsi, Mateiu I.Caragiale. C\u00e2t multu s-azbur\u00e2m ti biografia al Caragiale, easti zori s-u spunem personalitatea complex\u00e2 a marilui scriitor. Maca, dox\u00e2 al Titu Maiorescu , tu stagiunea 1888-89 fu director gheneral a teatrilor, iu i\u015fi tu migdani prit ini\u0163iativ\u00e2 \u015fi sir\u0163\u00e2l\u2019ie, intridzli, \u015fu\u015futurl\u00e2chili, calominiili, cum fu stepsul pseftu di plagiat al Caion, l\u2019i-u nf\u00e2rm\u00e2car\u00e2 bana.. Ang\u00e2ldz\u00e2t\u00e2 di uspits\u0103l\u2019ia cu Alexandru Vlahuts\u0103, \u015f-maxus cu Barbu \u015etef\u0103nescu Delavrancea, (avocat cu anami, un chiro primar a Bucure\u015ftilor), bana al Caragiale lipsea\u015fti nica s-hib\u00e2 cercetat\u00e2 tu memorii \u015f-alti scrieri. Studii angr\u00e2psiti ma di multu, ama \u015f-ma aproapea di dz\u00e2lili di az\u0103, \u00e2ndrupar\u00e2 cu turlii di turlii di argumenti ipoteza a orighinil\u2019ei arm\u00e2neasc\u00e2 al I.L.Caragiale. Lipsea\u015fti s-ad\u00e2vg\u0103mu la atseali \u0163i li dz\u0103sim p\u00e2n\u00e2 tora nica ndau\u00e2 m\u0103rtirii. Profesorlu arm\u00e2n Sterie Diamandi, tu cartea a lui Oamin\u2019i \u015f-aspecti dit istoria a arm\u00e2n\u2019ilor , publicat\u00e2 tru 1940, angr\u00e2pseashti cum lu cunuscu tat\u0103-su cu I.L.Caragiale, epigramistul Teleor: \u201cTu spiritlu a orighinil\u2019ei arm\u00e2neasc\u00e2 al I.L.Caragiale yini aest\u00e2 s\u0163en\u00e2 \u0163i n\u2019i-u zuyr\u0103psi tat\u0103-n\u2019iu.Un\u00e2 dzu\u00e2 Teleor \u0103l\u2019i dz\u0103si al tati:Yina machidoane s-ti cunoscu cu un compatriot di-a vostru…\u015e-mi cunuscu cu Caragiale. Autorlu a \u201cCartil\u2019ei chirut\u00e2\u201d nu dz\u0103si ca nu easti arm\u00e2nu\u2026\u201d
\nUn altu argumentu veritabil easti su\u0163\u0103l\u2019ia al Caragiale cu marli om politic , di orighini arm\u00e2neasc\u00e2 Take Ionescu, la a curi partid Conservator-Democrat ader\u0103 \u015fi ari participat\u00e2 \u015f-la ma multi turnei electorali , cu tuti c\u0103, a\u015fi cum s\u00e2 \u015ftii, Caragiale u cutuyursi daima demagogia politic\u0103, \u015fi \u015f-pizui tu scrierli a lui em di liberal\u2019i, em di conservatori. Cercet\u0103tori cum fur\u00e2 N.Batzaria, Vasile Diamandi Aminceanlu sh.a., p\u00e2n\u00e2 \u015f-avdz\u00e2tlu critic literar \u015eerban Cioculescu, autorlu a monografiil\u2019ei Bana al I.L.Caragiale , Ed.Eminescu 1967, aduc argumenti dit bana a lui \u0163i spun intreslu al Caragiale ti lumea balcanic\u0103, ti alumta di di\u015ftiptari na\u0163ional\u00e2 a rom\u00e2n\u2019ilor transilv\u0103nen\u2019i etc. Tu un\u00e2 prezentari cu titlu Vatra a str\u0103p\u0103p\u0103n\u2019ilor al Caragiale, tipusit\u00e2 tu Almanahul Luceaf\u0103rul ti anlu 1983, , p.40-44, autorlu, N.Zarcada, \u015f-elu arm\u00e2nu dup\u00e2 num\u00e2, fa\u0163i un\u00e2 cald\u00e2 prezentari a arm\u00e2n\u2019ilor \u015fi spuni c\u00e2 ae\u015fti vlahi di la sud di Dun\u0103, fur\u0103.nu ma\u015f m\u0103ri emburi, c\u00e2 \u015f-m\u0103ri oamin\u2019i di cultur\u00e2. N.Zarcada afl\u00e2 un\u00e2 uiduseari di spirit anamisa di I.L.Caragiale \u015f-al\u0163\u00e2 prozatori \u015f- dramaturghi di far\u00e2 arm\u00e2neasc\u00e2 cum fur\u00e2 Branislav Nu\u015fici, ic\u00e2 Dragoliub Sotirovici. El aleadzi dit cartea al Sterie Diamandi \u0163i u adusim \u015f-noi aminti :lipseashti s-nu ag\u0103rshim un lucru caracteristic \u015f-cari spuni multi.Arm\u00e2n\u2019il\u2019i deadir\u00e2 a literatur\u00e2l\u2019ei s\u00e2rbeasc\u00e2 pi nai ma m\u0103rl\u2019i scriitori satiri\u0163 :Aleco Branislav Nu\u015fici (Alcibiade Nu\u015fi di Clisura), \u015f-Dragoliub Sotirovici, dit familia Sotir \u015eunda di Crushuva. \u015e-a\u0163ea \u0163i easti ma interesantu easti c\u00e2 harea a doilor scriitori easti soie di aproapea cu a\u0163ea al Caragiale.Clisureanlu Nu\u015fici s-pizuia\u015fti cu catandisea di tritseari a popului s\u00e2rbescu c\u00e2t\u00e2 civiliza\u0163ie. Idyia them\u00e2 u afl\u0103m sh-la crushuveanlu Dragoliub Sotirovici.Aest\u00e2 uiduseari spiritual\u00e2 anamisa di treil\u2019i scriitori nu easti un agioc a tihisearil\u2019ei, ama s-tradzi di la idyia ar\u00e2d\u00e2\u0163in\u00e2 etnic\u0103, dimi arm\u00e2neasc\u00e2. Ti mini aestu lucru \u00e2ngreac\u00e2 ma multu di a\u015fi dz\u0103sili documenti edificatoari\u2026\u201d Putem s-ad\u00e2vg\u0103mu la aest\u00e2 uiduseari spiritual\u0103, cu thimel\u2019iu etnic, dimi arm\u00e2nescu, atsea c\u00e2 marli scriitor satiric v\u00e2ryar , Aleco Kostandinov, autorlu al Bai Ganiu \u015f-a altor isturii \u00e2mplini di hazi sh-pez\u00e2, eara sh-el arm\u00e2nu. Cu aesti zboar\u00e2 u bitisim prezentarea, \u0163i ari tu scupo s-u spun\u00e2 tin\u2019ia \u0163i u avem ti marli scriitor arm\u00e2n-rom\u00e2n, I.L.Caragiale. Tu suflitlu a nostru avem umuti c\u00e2, di aclo iu easti lali Iancu n\u00e2 mutrea\u015fti ocl\u2019i a lui sc\u00e2piro\u015fi \u015f-cu sumar\u00e2slu pi budz\u00e2. Tu loc di concluzii voi s\u00e2 sumcundil\u2019edzu \u015f- c\u00e2, tu di\u015fcl\u2019idearea a anlui Caragiale, tu 30 di yinar a.c. 2002, prezidentul a Rom\u00e2niil\u2019ei. Ion Iliescu, tu zborlu \u0163i-l \u0163\u00e2nu la Academia Rom\u00e2n\u00e2, iu eara aduna\u0163 mul\u0163\u00e2 oamin\u2019i di cultur\u00e2, scoasi tu migdani c\u00e2 marli creator rom\u00e2n, alidzem, \u201cari ar\u00e2d\u00e2\u0163ina tu romanitatea dit spa\u0163iul balcanic.\u201d
\nJustin Tambozi<\/p>\n
\n
<\/p>\n
\n
<\/p>\n
Surs\u0103 imagine: http:\/\/www.ziarulmetropolis.ro<\/p>\n
<\/p>\n","protected":false},"excerpt":{"rendered":"
Cu tuti c\u00e2 tricur\u00e2 ma multu di 160 di c\u00e2ndu s-fea\u0163i Caragiale (30.01.1852) nica \u015f-az\u00e2 lu duchim ca un contemporan a nostru. N\u00e2sc\u00e2n\u0163\u00e2 vrur\u00e2 s-u limbidzasc\u00e2 ar\u00e2zga a lui \u015f-mutrir\u00e2 c\u0103tr\u00e2 vatra a lui str\u0103au\u015feasc\u00e2 ca un\u00e2 cl\u2019iai \u0163i ari tu scupo s\u00e2 scoat\u00e2 tu migdani t\u00e2p\u0103rli a temperamentului a lui, contradic\u0163iili, sir\u0163\u0103l\u2019ia \u0163i u […]<\/p>\n","protected":false},"author":187,"featured_media":191275,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[48551],"tags":[],"coauthors":[],"class_list":["post-191274","post","type-post","status-publish","format-standard","has-post-thumbnail","hentry","category-scriitori-armani"],"acf":[],"yoast_head":"\n