\u201cNumirlu a \u00e2nvita\u0163loru a no\u015ftri care s-aib\u00e2 un\u00e2 idhei, \u015f-nic\u00e2 s-dz\u00e2temu, ti literatura dialectal\u00e2, easti dipu n\u2019icu. Aproapea ca po\u0163 s\u00e2-l\u2019i misuri pi dzeadziti.
\n\u00c2nvi\u0163a\u0163 cari cunoscu literatura xean\u00e2 cu tuti minuti\u015furli,nu s-pidipsir\u00e2 ici ni\u0163i macari s-\u015fu\u0163\u00e2 frandz\u00e2li la un\u00e2 carti ngrapsit\u00e2 pi dialectu.Tru tratatili di istorie a literatur\u00e2l\u2019iei rom\u00e2n\u00e2 ni\u0163i un zbor ti literatura dialectal\u00e2 arm\u00e2neasc\u00e2, ca cum aest\u00e2 ni\u0163i nu easti”- ngr\u00e2psea la anlu 1940 Sterie Diamandi, tru ahurhita a capitolui mutrinda literatura arm\u00e2neasc\u00e2 dit cartea a lui “Oamin\u2019i \u015f-aspecti dit istoria a arm\u00e2n\u2019iloru”, tipusit\u00e2 Bucure\u015fti la anlu 1940.
\nDi atum\u0163ea tricur\u00e2 cama di 60 di an\u2019i, iara literatura arm\u00e2neasc\u00e2 nica arm\u00e2ni un\u00e2 dumeni nimutrit\u00e2 aproapea ici tru literaturli balcani\u0163i \u015f-romani\u0163i. Prica spiritual\u00e2 a un\u00e2l\u2019iei far\u00e2 \u0163i va s-intr\u00e2 tru patrimoniul european, \u015f-ca\u0163e nu, universal easti nica \u015f-adz\u00e2 al\u00e2sat\u00e2 diun\u00e2parti \u015f-cu chirolu easti piricl\u2019iu s-nu mata hiba adavgat\u00e2 \u015fi s-hib\u00e2 ag\u00e2r\u015fit\u00e2 ti daima.
\nMaca literatura folcloric\u00e2 arm\u00e2neasc\u00e2 fu studiat\u00e2 di cercet\u0103tori andicra di a\u0163ea daco-rom\u00e2neasc\u00e2 \u015f-balcanic\u00e2, literatura cult\u00e2 arm\u00e2ni dipu ag\u00e2r\u015fit\u00e2.
\n
\nI
\n
\nAmintarea a literatur\u00e2l\u2019iei cult\u00e2 arm\u00e2neasc\u00e2 fu \u00e2ndrupat\u00e2 di di\u015fcl\u2019idearea a protilor \u015fcoli rom\u00e2ne\u015fti tru horli \u015f-casabadzl\u2019ii arm\u00e2ne\u015fti tru Amir\u0103ril\u2019ia \u00c2ntur\u0163easca. Di aoa i\u015fir\u00e2 pro\u0163l\u2019i anvi\u0163a\u0163 arm\u00e2n\u2019i , care chiro di ma multu di 50 di an\u2019i tipusira jurnali, revisti, almanahuri \u015f-calendari ti conna\u0163ional\u2019i a lor.Tru fr\u00e2ndz\u00e2li a lor vidzur\u00e2 lun\u2019ina a stamp\u00e2l\u2019iei pi ninga crea\u0163ii folclori\u0163i \u015f-crea\u0163ii orighinali.
\nProta publica\u0163ie di aest\u00e2 turlii fu “Fra\u0163ila \u00eentru dreptate”, a curi prot numir i\u015fi la 22 di mar\u0163u 1880 Bucure\u015fti.
\nTru ahurhit\u00e2 literatura arm\u00e2neasc\u00e2 avea un caractir didactic \u015f-di propagand\u00e2 na\u0163ional\u00e2`, iara n\u00e2sc\u00e2n\u0163\u00e2 di ae\u015fti pro\u0163 scriitori armasir\u00e2 ma\u015f tru scara ma n\u2019ica di versificatori ica gazetari, cum fur\u00e2 Andrei Bagav, I.Arginteanu, Iotta,etc. Protlu autor cari agiumsi cunuscut easti Mihail Nicolescu, autorlu a poeziil\u2019iei “Sclavlu”, cari, b\u00e2gat\u00e2 pi noti cunuscu un\u00e2 mari ar\u00e2sp\u00e2ndeari tru comunita\u0163li arm\u00e2ne\u015fti cu numa: \u201cSpuni-n\u2019i bre gione\u201d
\nLa anlu 1888, Costa Belemace tipusi tru revista “Macedonia” poezia “Dim\u00e2ndarea p\u00e2rinteasc\u00e2”, cari, tru \u015fcurtu chiro agiumsi un\u00e2 alithia “Marseillaise” a arm\u00e2n\u2019iloru. Ea l-fea\u0163i avdz\u00e2tu \u015f-nimuritor pi poet care agiumsi s-hib\u00e2 luyursitu trubadurlu na\u0163ional a arm\u00e2n\u2019iloru.
\n
\nP\u00e2rinteasca dim\u00e2ndare
\nN\u00e2 sprigiur\u00e2 cu foc mare,
\nFra\u0163 di muma \u015fi di-un tat\u00e2,
\nNoi Arm\u00e2n\u2019i di eta toat\u00e2.
\n
\nDi sum plocili di murmin\u0163\u00e2
\nStrig\u00e2 a no\u015ftri bun\u2019i p\u00e2rin\u0163\u00e2:
\n“Bl\u00e2stem mari s-aib\u00e2-n cas\u00e2
\nCari di limba lui si-alas\u00e2.
\n
\nCare-\u015fi las\u00e2 limba lui
\nS-lu ard\u0103 pira focului,
\nSi s-dirin\u00e2 yiu pri loc,
\nSi-li si frig\u00e2 limba-n foc.
\n
\nEl n- vatra-li p\u00e2rinteasc\u00e2
\nFumealia s-nu-\u015f h\u00e2riseasc\u00e2;
\nDi fumeli curun\u2019i s-nu ba\u015fe,
\nNat -n leag\u0103n si nu -nfa\u015fe.
\n
\nCare fudze de-a lui mum\u00e2
\n\u015ei di p\u00e2rinteasca-li num\u00e2,
\nFug\u0103-li doara Domnului
\n\u015ei dul\u0163eamea somnului!”
\n
\nPrit acri\u015ftearea a numirlui di tipuseri arm\u00e2ne\u015fti tru decheniili \u0163i vinir\u00e2 tinira literatur\u00e2 arm\u00e2neasc\u00e2 cult\u00e2 avu c\u00e2bilea s\u00e2 s-ar\u00e2sp\u00e2ndeasc\u00e2 \u015fi s-agiung\u00e2 cunuscut\u00e2 tru comunit\u00e2\u0163li arm\u00e2ne\u015fti. Alti publica\u0163ii armane\u015fti dit a\u0163el chiro eara “Gazeta Macedoniei”(1897-1901), “Revista Pindului” (1898-1899), cum\u00e2ndusit\u00e2 di marli poet clasic arm\u00e2n Nu\u015fi Tulliu, tru cari \u015f-tipusi multi di poeziili a lui.Tru ahurhita a secului XX i\u015fir\u00e2 \u015f-alti revisti: “Fra\u0163il\u2019iia”, cum\u00e2ndusita di Nicolae Batzaria (1901-1902), “Lumina”, care i\u015fi Bituli (1903-1908), tipusit\u00e2 di corpul didactic \u015f-biseriches-cu, “Graiu bun” (1906), cum\u00e2ndusit\u00e2 di scriitorlu arm\u00e2n Marcu Beza, “Lilicea Pindului”(1910-1911), “Peninsula Balcanic\u0103”, “Flambura”, care s-tipusi S\u00e2run\u00e2 (1912-1914) \u015f-multi alti cari, di nispetea a condi\u0163iilor finaciari slabi, nu putur\u00e2 s-ias\u00e2 chiro cama lungu.
\nS-tipusea ma multu ,poezie, ama \u015f-proz\u00e2 \u015fcurt\u00e2. Apostol Carafoli,profesor Ianina are scriat\u00e2 \u015f-dau\u00e2 piesi di teatru: “Piru\u015fana” \u015f-“Furl\u2019ii”, iara C.Cosmescu fea\u0163i ma multi adapt\u0103ri dupa Moliere, tute aeste produc\u0163ii dramati\u0163e hiinda giucati pi s\u0163eni andreapti tru sculiili dit Machidunia istoric\u00e2.
\nTru chirolu di la bitisita a secului XIX \u015f-p\u00e2n di doilu polim mondial i\u015fi tru migdani una pleiad\u00e2 di scriitori arm\u00e2n\u2019i luyursit\u00e2 ca b\u00e2rnul a clasi\u0163lor.
\nDit ae\u015fti l\u2019i-adu\u0163em aminte Nu\u015fi Tulliu, Marcu Beza, Nicolae Batzaria,Tache Caciona,George Murnu,Nicolae Velo, Zicu Araia,Ion Foti,Vasile Papa Ianu\u015fi \u015f-George Ceara. N\u00e2\u015fi s-amintar\u00e2 \u015f-tricur\u00e2 ficiuramea tru horli arm\u00e2ne\u015fti di la sud di Dun\u00e2, cunuscanda di aproapea folclorlu, bana di cathe dzuu\u00e2, idealurli na\u0163ionali \u015f-evenimentili ligati di istoria a arm\u00e2n\u2019iloru.
\nUna parti di n\u00e2\u015fi: Nu\u015fi Tulliu, Nicolae Batzaria, Marcu Beza,\u015f-al\u0163\u00e2 ngr\u00e2psir\u00e2 \u015f-pi limba rom\u00e2neasc\u00e2, f\u00e2r\u00e2 ama s-agiung\u00e2 la idyia scar\u00e2 artistic\u00e2 cu a\u0163eali ngr\u00e2psiti arm\u00e2nea\u015fti.
\nUna excep\u0163ie fu George Murnu, care amint\u0103 un loc ahoria tru literatura rom\u00e2neasca prit stridu\u0163erli f\u00e2r\u00e2 pareacl\u2019i tu literatura mondial\u00e2 a epopeilor homeri\u0163i “Iliada” \u015f-“Odisseia”. El easti \u015f-autorlu a mu\u015fat\u00e2l\u2019iei poezii “Picurar-lu”, cari n\u00e2 adu\u0163i dininti un\u00e2 ntreag\u00e2 lumi \u015f-di\u015fteapt\u00e2 tru suflitlu a cathi unui arm\u00e2n nostalghia a unui paradhis \u0163i chiru.
\n
\n
\n
\n
\n
\n
\nTu albe, cu palasca-n br\u00e2n,
\nC\u00e2ciula tut pi fr\u00e2mte,
\nEu dit z\u00e2mane n\u2019i-escu arm\u00e2n
\n\u015ei picurar di munte.
\n
\n
\nT\u00e2mbarea n\u2019i-easte casa mea,
\nFumeal\u2019ie n\u2019i-am cupia,
\nTilefi bana-n\u2019i dau tr\u00e2 ea
\n\u015ei ea n\u2019i-da ban\u00e2 a n\u2019iea.
\n……………………………….
\nPerlu-n\u2019i si mut\u00e2, ar\u00e2d \u015f-\u0163\u00e2n
\nC\u00e2ciula mea pi fr\u00e2mte;
\nI-un c\u00e2ntic bana-n\u2019i di Arm\u00e2n
\n\u015ei picurar di munte.”
\n
\nThemili a literatur\u00e2l\u2019iei arm\u00e2neasc\u00e2 cult\u00e2 suntu a\u0163eali amintati dit condi\u0163iili spe\u0163ifi\u0163i di bana, dit istoria frimtat\u00e2 a arm\u00e2n\u2019ilor, zugr\u00e2psinda mu\u015futea\u0163a a locurlor arm\u00e2ne\u015fti, z\u00e2n\u0103\u0163li di adeti (picurari, c\u00e2rv\u00e2nari, tihni\u0163), alumta tr\u00e2 p\u00e2strarea a identitatil\u2019iei na\u0163ional\u00e2 anamisa di multilii etnii cu sinferuri disuidusiti dit Bal-can\u2019i, acl\u2019im\u00e2nda la ap\u00e2rarea a limb\u00e2l\u2019iei strau\u015feasc\u00e2, ic\u00e2 pl\u00e2msir\u00e2 xinitia.
\nUn loc importantu aca\u0163\u00e2 lirica erotic\u00e2 \u015f-poezia di hazi.Tra s-exemplific\u0103mu va n\u00e2 d\u00e2n\u00e2simu la Nida Boga, scriitorlu cu nai ma l\u00e2ryuria oper\u00e2 ,cari ngr\u00e2psi un\u00e2 ntreag\u00e2 epopee tru stihuri, cari are la thimel\u2019iu bana \u015f-z\u00e2n\u0103\u0163li a arm\u00e2n\u2019iloru. Easti zborlu ti “Voscopolea” tru care autorlu \u00e2nyiadz\u00e2, tru ma multu di 150 di soneti imaghinea a pulitiil\u2019iei arm\u00e2neasc\u00e2 thimil\u2019iusit\u00e2 di picurari \u015f-cari agiumsi un\u00e2 alithia vatr\u00e2 di cultur\u00e2 \u015f-civiliza\u0163ie urban\u00e2, tru chirolu di nai ma mari dezvoltari, un\u00e2 “\u0162itati di lun\u2019in\u00e2”.
\n
\n“Biseari\u0163ile \u015faptidz\u0103\u0163 \u015f-bin\u0103ile
\nCu fr\u00e2mtea di mirmer pitrundu norlu;
\nLu-ntrea\u0163e canda di car\u015fi Tomorlu
\nAcademia Nau\u0103 cu s\u0103r\u0103ile.
\n
\nMitropolea e \u015f-n\u0103s\u0103 n\u0103 p\u0103late,
\nDeadun cu a\u0163ea ti urf\u0103name cas\u0103,
\nSpitalu-n \u0163er s-agiung\u0103 nu alas\u0103
\nA pulitiilei uminitate.
\n
\n\u015e-cu stampa pot arm\u00e2n\u2019ili si s-alavd\u0103,
\nC\u0103 soa\u0163\u0103 ni Athina nu u are,
\nTu xinitie grailu -a lor va s-avd\u0103.
\n
\nTu\u0163 emburli c\u00e2nd yin dit xeane p\u0103r\u0163\u0103
\nTi a vo\u015fopolean\u2019ilor lun\u2019inare
\nAduc sfinduchi \u0103mplini \u015fi cu c\u0103r\u0163\u0103
\n
\nTi jali, multi dit scrierli a autorlor arm\u00e2n\u2019i anamisa di a\u0163eali dau\u00e2 polimi mondiali armasir\u00e2 tru manuscris, ica fura tipusiti, tru a\u0163el chiro tru revisti cari urdina pu\u0163\u00e2n. Easti chirolu c\u00e2ndu Tache Papahagi, cunuscutu lingvistu di far\u00e2 arm\u00e2neasc\u00e2 tipusi tru Rom\u00e2nie pi n\u00e2scan\u0163\u00e2 di scriitorl\u2019ii arm\u00e2n\u2019i tru colec\u0163ia “Biblioteca Na\u0163ional\u00e2 a arm\u00e2n\u2019iloru”, dupa \u0163i, tut elu, tru 1922 avea tipusit\u00e2 un\u00e2 Antologhie arm\u00e2neasc\u00e2” tru care avea scrierli a nai ma m\u0103rlor scriitori arm\u00e2n\u2019i di atum\u0163ea.
\nDaua hop\u00e2 a literatur\u00e2l\u2019iei arm\u00e2neasc\u00e2 cult\u00e2 ahurhea\u015fti dup\u00e2 doilu polim mondial \u015f-neadzi n\u00e2inti p\u00e2n\u00e2 tru dzua di az\u00e2. Reprezentan\u0163\u00e2l\u2019i a nalilor b\u00e2rni di scriitori arm\u00e2n\u2019i s-toarn\u00e2 la vecl\u2019ili themi dit un\u00e2 perspectiv\u00e2 cama avut\u00e2 tru metafori \u015f-cu un\u00e2 ma mari tehni a ngr\u00e2psearil\u2019iei, hiinda ma expresivi \u015f-ma interiorizati.
\nTru chirolu di dup\u00e2 doilu polim mondial scrierli tru versuri \u015f-proz\u00e2 a multor autori arm\u00e2n\u2019i armasir\u00e2 un\u00e2 literatur\u00e2 di saltari, c\u00e2\u0163e arm\u00e2n\u2019il\u2019ii agium\u0163\u00e2 s-b\u00e2neadz\u00e2 tru stati balcani\u0163i ahoria, n\u00e2sc\u00e2nti di eali cu cum\u00e2nduseri dictatoriali nu putur\u00e2 s-li tipuseasc\u00e2. Un\u00e2 catandisi niheam\u00e2 ma bun\u00e2 avur\u00e2 scriitorl\u2019ii arm\u00e2n\u2019i dit Rom\u00e2nie.
\nA\u015fi, la anlu 1975 videa lun\u2019ina a stamp\u00e2l\u2019iei Antologhia di liric\u00e2 arm\u00e2neasc\u00e2” \u00e2ndreapt\u00e2 di Hristu C\u00e2ndroveanu \u015f-dup\u00e2 doi an\u2019i “Antologhia di proz\u00e2 arm\u00e2neasc\u00e2, di idyiul autor, iara la anlu 1985, i\u015fi marea antologhie “Un secul di poezie arm\u00e2neasc\u00e2”,\u00e2ndreapt\u00e2 di Hristu C\u00e2ndroveanu \u015f-Kira Iorgoveanu, tuti aesti av\u00e2nda \u015f-transpuneri pi limba rom\u00e2n\u00e2. Un\u00e2 parti dit autorl\u2019ii arm\u00e2n\u2019i dit Rom\u00e2nie \u015f-tipusira scrierli la Editura LITERA di Bucure\u015fti , pi paradzl\u2019ii a lor.
\nTru aesti antologhii, pi ninga autorl\u2019ii clasi\u0163 afl\u0103m \u015f-reprezentan\u0163\u00e2 a literatur\u00e2l\u2019iei arm\u00e2neasc\u00e2 moderna: Nicolae Caratan\u00e2, Constantin Colimitra, George Perdichi, Atanasie Nasta, Ioan Cutova,Teohar Mihada\u015f, Costa Guli, Hristu C\u00e2ndroveanu, Zahu Pana \u015f-doi tiniri poe\u0163 contemporan\u2019i Kira Iorgoveanu \u015f-Vasile Tode.
\nLa anlu 1985 , un\u00e2 parei di arm\u00e2n\u2019i cari b\u00e2neadz\u00e2 tru diaspora apufusi s-tipuseasc\u00e2 prota revist\u00e2 arm\u00e2neasc\u00e2 di larg\u00e2 ar\u00e2sp\u00e2ndeari, care avea tru scupo p\u00e2strarea \u015f-acri\u015ftearea a grailui arm\u00e2nescu, darea di curaiu a literatur\u0103l\u2019iei arm\u00e2neasc\u00e2 \u015f-b\u00e2garea a ai\u015ftei tru urdinarea a acsiilor culturali europeani. Easti revista ZBORLU A NOSTRU cari iasi Freiburg, tru Ghirmanie,hiindalui editata di prof.univ.V.Barba .
\nYinearea la puteari a nalilor democra\u0163ii tru a\u0163eali di ma n\u00e2inti state comunisti dit Balcan\u2019i, fu ahurhita ali un\u00e2 nau\u00e2 etap\u00e2 tru dezvoltarea a literatur\u00e2l\u2019iei arm\u00e2neasc\u00e2 prit acri\u015ftearea a numirlui di publica\u0163ii pi arm\u00e2nea\u015fti: DESTEPTAREA, DIM\u00c2NDAREA, ARM\u00c2NAMEA, BANA ARM\u00c2NEASCA, RIVISTA DI LITERATUR\u0102 \u015eI STUDII AROM\u00c2NE, MINDUIAREA ARM\u00c2NEASC\u00c2, tru Rom\u00e2nie, FENIX, GRAILU ARM\u00c2NESCU, ARM\u00c2NA MACHEDONA, tru F.R.I.Machidunia, FRA\u0162ILA tru Ar-bini\u015fii, \u015f-LUN\u2019INA tru naua Iugoslavii.
\nTru idyiul chiro fur\u00e2 adrati \u015f- ma multi edituri spe\u0163ializate tru literatura arm\u00e2neasca: CARTEA AROM\u00c2NA tru S.U.A, Editura a Funda\u0163iil\u2019iei “DIM\u00c2NDAREA PARINTEASCA” tru Rom\u00e2nie, Biblioteca Na\u0163ional\u00e2 Arm\u00e2neasc\u00e2 tu R. Machidunia \u015f.a.
\nTru aesti revisti \u015f-la aesti edituri fura tipusiti crea\u0163ii literari nu ma\u015f a scriitorlor clasi\u0163 \u015f-modern\u2019i ama i\u015fira tru migdani \u015f-numi nali, reprezentan\u0163\u00e2 a b\u00e2rnilor ma tiniri \u015f-a a\u0163ilor cama tricuti, cu mirachi ti acri\u015ftearea a grailui arm\u00e2nescu, sa spun\u00e2 cari suntu n\u00e2\u015fi \u015fi spiritualitatea tru care s-amintar\u00e2.
\n\u0162icara prit tematic\u00e2 literatura modern\u00e2 \u015f-contemporan\u00e2 arm\u00e2neasc\u00e2 nu poati sa s-disfac\u00e2 di dip di paradhislu chirut tra daima a ban\u00e2l\u2019iei picurareasc\u00e2, prit forma \u015f-turlia di ngr\u00e2pseari, prit dimensiunea filozofic\u00e2 \u015f-di mutreari c\u0103tr\u00e2 nuntru, aest\u00e2 caft\u00e2 s-agiung\u00e2 tru idyia scar\u00e2 a acsiil\u2019iei cu alanti literaturi a lumil\u2019iei.
\nUn reprezentantu di fr\u00e2mti a b\u00e2rnului di poe\u0163 modern\u2019i arm\u00e2n\u2019i easti Atanasie Nasta,autorlu a poeziil\u2019iei “Antribarea picurareasc\u00e2”, un\u00e2 di nai ma mu\u015fatili \u0163i fur\u00e2 scriati pi arm\u00e2nea\u015fti.
\n“N\u0103 liarta – Doamne, aest\u0103 -ntribare
\n\u0162i n\u0103 c\u0103rti n\u0103 noapte-ntreag\u0103n yis:
\nC\u00e2nd aruiesc cupiile di n\u2019ilioare-
\nI ma mu\u015fat la tine-n paradis?
\n
\n
\nN\u0103 avr\u0103 cu an\u2019iurizme ca di-nveaste ,
\nCa n\u0103 harau\u0103 dul\u0163e n\u0103 pitrunde –
\nS-birbili c\u00e2nt\u0103! O, Doamne,
\nParadislu a t\u0103u mac\u0103 nu easte
\nUn \u0163er ma limpid ca un\u0103 h\u0103ryie,
\nSurin cu izvure \u015f-cupii di oi,
\nCu mun\u0163 anal\u0163 , ca tru Machidunie –
\nAhtare un paradis nu e tr\u0103 noi!
\n
\nScriitorl\u2019i arm\u00e2n\u2019i di az\u00e2 ngr\u00e2psescu ma multu poezie, n\u00e2scan\u0163\u00e2 di n\u00e2\u015fi hiinda \u015f-autori di proza.Dramaturghie arm\u00e2neasca contemporan\u00e2 ngr\u00e2psea\u015fti Ilia Colon\u2019ia dit Arbini\u015fie.
\nPoezia contemporan\u00e2 arm\u00e2neasc\u00e2 adun\u00e2 ma multi b\u00e2rni; di la cunuscutlu scriitor Teohar Mihada\u015f, Matilda Caragiu Mario\u0163eanu, Afrodita To\u0163ili reprezentan\u0163\u00e2 a b\u00e2rnului cama tru ilichie, p\u00e2n di dip tinira Tania Verioti. Anamisa di ae\u015fti, poe\u0163l\u2019i aminta\u0163 tru daua giumitati a alushtui secul: Kira Iorgoveanu Man\u0163u, Vasile Tode, Sirma Guci, Vanghiu Zega, Vanghea Mihani Steryiu,Clodiana Zguri, Santa Djica, Dina Cuvata, Mihai Prefti, Spiru Fuchi,
\nIlia Colonia, George Vrana, poe\u0163 arm\u00e2n\u2019i dit Rom\u00e2nie, FRI Machidunia \u015f-Arbini\u015fie. Videm cumu s-ncl\u2019iag\u00e2 alithia \u015fcol\u2019i di poezie tru aesti v\u00e2silii balcani\u0163i ,cathi un\u00e2 di eali agiut\u00e2nda la amintarea a n\u00e2sc\u00e2tor bo\u0163 nali tru lirica arm\u00e2neasc\u00e2. Un\u00e2 di nai ma aleaptili bo\u0163 easti a\u0163ea al George Vran\u0103:
\n
\n“Portu tu mini n\u0103 lumi aleapt\u0103,
\nChirut\u0103 tu hau\u0103 di suflit,
\nMurmint surupatu .
\nPortu tu mini yisi-ngrupati
\nN\u0103diili zgrumati
\nZghicuri di jali –
\nCurmati di apal\u0103 du\u00eaman\u0103!
\nPortu tu minin\u0103 lumi ca moart\u0103
\nU port cum \u00d0\u015f poart\u0103n\u0103 mum\u0103
\nVleatlu-l\u2019i i la groap\u0103…”
\n
\nA c\u00e2 proza easti un ghen literar ma pu\u0163\u00e2nu ufilisitu di scriitorl\u2019i arm\u00e2n\u2019i di az\u00e2 \u015f-aua avem numi care prindi s-hib\u00e2 adusi aminti.
\nCola Fudulea ngr\u00e2psea\u015fti poezie, texti di c\u00e2nti\u0163i, memorialistic\u00e2 \u015f-ari mari hari ti proza \u015fcurt\u00e2. Schi\u0163ili a lui umoristi\u0163i lu fac s-hib\u00e2 luyursit un alithia Caragiale a arm\u00e2n\u2019ilor. Nustimada a dhialoglui, ironia cari nu din\u2019ic\u00e2, buna cunu\u015fteari a mentalitatil\u2019iei di adeti a arm\u00e2n\u2019ilor dit b\u00e2rnili cama tricuti, cari di multi ori aca\u0163a polim cu lumea modern\u00e2 da sari \u015f-pruspi\u0163\u00e2mea alu\u015ftor schi\u0163i.
\nUn altu prozator multu interesantu easti Ilie Ceara care ama anv\u00e2lea\u015fi ma multi dumenii tru scrierli a lui: microromani, sch\u0163i umoristi\u0163i, adu\u0163eri aminti, ama \u015f-proz\u00e2 fantastic\u00e2 di multu bun\u00e2 calitati.
\nLu-al\u00e2s\u0103mu tru bitisit\u00e2 Teohar Mihada\u015f, poet \u015f-prozator, scriitor avdz\u00e2t tru literatura rom\u00e2n\u00e2 contemporan\u00e2, care scrie ma multu pi limba rom\u00e2n\u00e2. \u0162icara c\u00e2 tru nai ma multili dit romanili a lui ac\u0163iunea s-dizv\u00e2rtea\u015fti ma multu tru Rom\u00e2nii, mentalitatea arm\u00e2ni a\u0163ea arm\u00e2neasc\u00e2, iara nostalghia a locurlor iu s-amint\u0103 arupi di ah\u00e2nda, mu\u015futea\u0163a a locurlor di aoa di\u015ftipt\u00e2nda daima tru suflitlu a lui imaghini di aclo, dit mun\u0163\u00e2l\u2019i a Pindului.
\nIa, tru pu\u0163\u00e2ni zboar\u00e2 \u0163i easti literatura arm\u00e2neasc\u00e2 di aieri \u015f-di az\u00e2. \u0162icara c\u00e2 p\u00e2n\u00e2 tora ma\u015f \u00e2ndau\u00e2 edituri tipusescu literatur\u00e2 arm\u00e2neasc\u00e2, iara alti edit\u0103ri s-fac ma\u015f prin buna vreare a n\u00e2sc\u00e2ntor sponsori., literatura arm\u00e2neasc\u00e2 nica b\u00e2neadz\u00e2, iara scriitorl\u2019i arm\u00e2n\u2019i nica ngr\u00e2psescu. \u015e-poati, cari \u015ftii, cariva, iuva va s-\u00e2nvea\u0163\u00e2 \u015f-di aest\u00e2 literatur\u00e2, f\u00e2r\u00e2 di cari literaturli balcani\u0163i \u015f-a\u0163eali romani\u0163i arm\u00e2n cama oarf\u0103ni.
\n
\n
\n
\n
\n <\/p>\n
<\/p>\n","protected":false},"excerpt":{"rendered":"
\u201cNumirlu a \u00e2nvita\u0163loru a no\u015ftri care s-aib\u00e2 un\u00e2 idhei, \u015f-nic\u00e2 s-dz\u00e2temu, ti literatura dialectal\u00e2, easti dipu n\u2019icu. Aproapea ca po\u0163 s\u00e2-l\u2019i misuri pi dzeadziti. \u00c2nvi\u0163a\u0163 cari cunoscu literatura xean\u00e2 cu tuti minuti\u015furli,nu s-pidipsir\u00e2 ici ni\u0163i macari s-\u015fu\u0163\u00e2 frandz\u00e2li la un\u00e2 carti ngrapsit\u00e2 pi dialectu.Tru tratatili di istorie a literatur\u00e2l\u2019iei rom\u00e2n\u00e2 ni\u0163i un zbor ti literatura […]<\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[48551],"tags":[],"coauthors":[],"class_list":["post-191290","post","type-post","status-publish","format-standard","hentry","category-scriitori-armani"],"acf":[],"yoast_head":"\n