Vru\u0163 ascult\u0103tori, neaua \u0163i di ma mul\u0163\u00e2 an\u2019i nu para u vidzumu anv\u00e2li anlu aestu tutu loclu \u015f-n\u0103 adusi aminti di iern\u2019ili di v\u00e2r chiro. Ti a\u0163ea tr\u0103 emisiunea a noastr\u0103 di az\u0103 aleapsim un njc fragmentu dit romanlu a scriitorlui arm\u00e2nu Teohar Mihadash (1918 –1996) “Steaua a c\u00e2nilui” tsi ishi tru anlu 1991, la Ed, Dacia, ditu Rom\u00e2nie, tu cari autorlu u c\u0103nt\u0103 mushuteatsa a chirolui di iarn\u0103, c\u0103ndu da neau\u0103 pisti tut loclu, nispeti di harau\u0103 sh-minduiari, di tucheari tu mushuteatsa aratsi a fisiljei ,
\nTi Teohar Mihadash iarna easti chirolu a pitrundeariljei tru eternitati, a lunjn\u0103rlor vitsini cu amir\u0103riljia a sp\u0103streariljei f\u0103r\u0103 cusure, c\u0103ndu suflitlu s-dislacseashti di strimtul stranju a truplui tra s-nchiseasc\u0103 libir pisti chiro sh-locu ta s-agiung\u0103 un\u0103 parti dit eternitatea ishishi.
\nScrierli al Teohar Mihadas cum ali itsi altui mari scriitor , nu sh-li spun v\u0103rn\u0103 oar\u0103 tute sensurle la prota lectur\u0103, c\u0103tse la n\u0103s actsentul cadi ma puts\u0103n pi parm\u0103tusearea ishishi sh- ma multu pi zugr\u0103psearea a nasc\u0103ntor momenti di mari lirismu, tsi omlu li \u0103nd\u0103museashti mash una oar\u0103 tu bana a lui, sh-dit cari iasi ishishi mushuteatsa a ban\u0103ljei.
\nAshi, c\u0103dearea a neau\u0103ljei agiundze s-hib\u0103 un\u0103 dealithia amir\u0103rilje a ducherlor, tru cari, cu agiutorlu a adutseariljei aminti sh-a m\u0103yiilor a ljei fatsi lig\u0103tura mistic\u0103 cu Dumnidz\u0103lu tsi li featse tute di pristi loc.
\nMarea hare di scriitor al Teohar Mihadash n\u0103 fatsi s-duchim deadun cu el, tru chirolu ali lectur\u0103 aesti st\u0103ri di suflit \u0103mplini di un adiljiat poetic, tsi l\u0103 da un\u0103 lunjn\u0103 m\u0103yipsit\u0103, \u0103mplin\u0103 di un\u0103 mushuteats\u0103 traghic\u0103.
\nIa cari suntu \u0103ndau\u0103 di minduierli a scriitorlui arm\u00e2n Teohar Mihadash tu chiro di iarn\u0103, un fragmentu dit romanlu ” Steaua a c\u00e2nilui”.<\/p>\n
\n
<\/p>\n
\n
<\/p>\n
Fragmentu dit romanlu \u201cSteaua a c\u00e2nilui\u201d di Teohar Mihadas ( 1918-1996)
\nApridutsearea: Ta\u015fcu Lala<\/p>\n
\n
<\/p>\n
Iarna, cama spusi Toma, easti ti mini chirolu ali eternizari \u015f-a lun\u2019in\u0103rlor vi\u0163ini cu amir\u0103ria a sp\u0103strearil\u2019ei f\u0103r\u0103 cusuri. Muzic\u0103 ma mari \u015f-ma pitrunz\u0103tor ciciurat\u0103, tru nai ma ah\u00e2ndoasa \u015f- f\u0103r\u0103 trup cutie di rezonan\u0163\u0103, nu s-afl\u0103. Libirarea easti di dip, i\u015fearea dit anv\u00e2rligare: harao f\u0103r\u0103 num\u0103 \u015fi an\u0103l\u0163are. Durn\u2019eari ma h\u00e2rioas\u0103 tu lumea di didindi , iara nu s-afl\u0103 \u015f-ni\u0163i andamusi ma dul\u0163i \u015f-ma ascumt\u0103 cu tuti a\u0163eali \u0163i fur\u0103 tru un chiro \u015f-cu tu\u0163 a\u0163el\u2019 \u0163i b\u00e2nar\u0103 v\u00e2r\u00e2oar\u0103. Tuti stealili s-ascundu diun\u0103oar\u0103 cu loclu \u015f-materia tut\u0103 s-fa\u0163i neau\u0103, tu un\u0103 turlie di c\u00e2ntari f\u00e2r\u00e2 bo\u0163, anv\u00e2lit\u0103 cu neau\u0103. H\u0103rli ali tri\u0163eari didindi dipun imir \u015fi liturghic pisti suflitli a noastri \u015fi \u015f-afl\u0103 loclu \u0163i lu avur\u0103 tru altu chiro \u015f-tru alti locuri. Pisti niaduchitili ah\u00e2ndin\u2019 \u00e2mplini di chis\u0103 dit noi, pisti ah\u00e2ndin\u2019li oarbi iu lucreadz\u0103 puterli a Harlui, dipuni t\u00e2cut c\u00e2nticlu a neau\u0103l\u2019ei \u0163i adu\u0163i cu ea un somnu imir, iara prosuplu ah\u00e2ntu fuviros di p\u00e2n\u0103 atum\u0163ea a a\u0163ilor ah\u00e2ndin\u2019, s-acoapir\u0103 cu sumar\u00e2slu a l\u2019ertaril\u2019ei. Paradhislu n\u0103 easti dat diznou, iara noi n\u0103 adun\u0103m cu a\u0163el\u2019 \u0163i fum tru chirolu \u0163i tricu. Apala fuviroas\u0103 di la por\u0163\u0103li a avinaril\u2019ei \u015feadi \u015f-ea t\u00e2cut\u0103 ca v\u00e2r\u00e2 mumie, anv\u00e2lit\u0103 di neau\u0103. Aduche\u015fti adil\u2019atlu al Dumnidz\u0103 cum si stricoar\u0103 pisti tut loclu ca un multu h\u00e2rios \u015fi l\u2019ert\u0103tor sumar\u00e2s. B\u00e2\u015fearea a a\u0163ilor \u0163i \u00e2l\u2019 avem chirut\u0103 di multu agiundzi haraua f\u00e2r\u00e2 mardzin\u0103 a tuchearil\u2019ei tru N\u00e2s. Paradhislu easti un\u0103 amir\u0103rie a c\u0103derlor niacumtinari di neau\u0103, dinclo di moarti, turnarea tru nimoartea dit cari chiru i\u0163i tor di ban\u0103, \u0163i tora s-aduchea\u015fti ma\u015f ca una culend\u0103 alb\u0103, ciciurarea a un\u0103l\u2019ei isturie dit z\u00e2mani, \u0163i nu mata s-bitisea\u015fti. C\u00e2ndu da neaua \u00e2n\u2019 aduc aminti di m\u0103rl\u2019i b\u00e2rba\u0163 dit istorie, di marea a lor singur\u0103tati, di a\u0163el\u2019 dit istoria a s\u00e2ndzilui a meu, di irniulu tu cari s-trapsir\u0103, di m\u0103rli vreri \u0163i li b\u00e2nai tru alti b\u0103n\u2019, di cari nu mata n\u2019-aduc aminti — una \u00e2n\u2019 pari Sumer, alt\u0103 Troia, tru un\u0103 \u0163itati di pi p\u0103dzli analti a Et\u0103l\u2019ei di Mesi, Ninive, ic\u0103 tru p\u00e2durli dit patridha a mea a\u0163ea di dinclo di eti \u015f- galaxii. — di mini a\u0163el di ah\u00e2nti ori muritor, aoa, i cari \u015ftie iu, tru alti locuri, iarn\u0103, al\u0103tusitor di alithea hymnu a hiin\u0163\u0103l\u2019ei a noastri. C\u00e2t p\u0103r\u0103punsi\u0163 suntu a\u0163el\u2019 \u0163i nu ti cunoscu! C\u00e2ndu ahurhe\u015fti s-ti spun\u2019 tru tut\u0103 arm\u00e2tusearea isih\u0103 a hiin\u0163\u0103l\u2019ei a tau\u0103, tru tut\u0103 nihiin\u0163a a ta ciuciur\u0103tor c\u00e2nt\u0103toari, cum fug dit udadzl\u2019i a b\u0103n\u0103l\u2019ei tu\u0163 glarl\u2019 a l\u2019ei, ca guzgan\u2019l\u2019i atun\u0163ea c\u00e2ndu duchescu c\u0103 va s-neac\u0103 c\u0103rayea. Tini neau\u0103 hii nicarea tu ah\u00e2ndin\u2019li hymni\u0163i di pisti alanti cipiti. Nu mata hiinda el i\u015fi\u015fi, suflitlu a nostru agiundzi s-hib\u0103 i\u015fi\u015fi eternitatea, un\u0103 fa\u0163\u0103 tric\u0103toari a ai\u015ftei. Nu mata arm\u00e2ni altu \u0163iva di noi, ma\u015f stran\u2019ili al\u0103g\u00e2nda dup\u0103 aumbrili \u0163i earam un\u0103oar\u0103, ca z\u0103vonlu dup\u0103 un\u0103 \u00e2nveast\u0103 noau\u0103 dit cari armasi ma\u015f adu\u0163earea aminti. \u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026\u2026<\/p>\n
\n
<\/p>\n
\n
<\/p>\n
\u2026 duhlu dit mini, cari nu \u015f-afl\u0103 ni\u0163i isihie, ni\u0163i amp\u0103cari \u015f-cari \u015ftie \u0163i easti irniulu alithea — nu aestu ali Sahar\u0103, ama a\u0163el a ni\u00e2nduplicatului nisomnu- \u015f-lu afl\u0103 somnul ma\u015f atum\u0163ea c\u00e2ndu, tru urdin\u0103rli a meali, agiungu tru locurli iu da neau\u0103. \u015ei intr\u00e2nda tru lumea a lor m\u00e2yipsit\u0103 n\u2019-aduc aminti\u2026Intru diznou tru mitiryiulu a ficiuramil\u2019ei, cu a\u0163eali c\u00e2nti\u0163i di ciudie a l\u2019ei cari s-p\u00e2rea c\u0103 si stricoar\u0103 dit i\u015fi\u015fi inima pliguit\u0103 a Hristolui \u00e2ndreptru tru inimili a noastri sp\u0103striti. Atum\u0163ea, tru m\u0103yia a a\u0163ilor lumi ca dit p\u00e2rmithi — \u0163i ma\u015f c\u0103dearea a neau\u0103l\u2019ei li adu\u0163i n\u00e2poi tru fantazia a noastr\u0103 — ma\u015f atum\u0163ea c\u00e2ndu nafoar\u0103 da neaua ca tru un trap, eali s-amint\u0103 dit hiin\u0163\u0103li singuri, ca n\u00e2sc\u00e2n\u0163 druiz tru mesea a p\u00e2durilor, ic\u0103 pi c\u00e2mpuri \u015fi atum\u0163ea \u0163\u0103 yini tru minti a\u0163ea \u0163i nu mata easti, a\u0163el, ic\u0103 a\u0163ea \u0163i nu mata easti\u2026<\/p>\n
\n
<\/p>\n
\n
<\/p>\n
Amintu diznou dimensiunea a feericlui \u015f-duchescu c\u0103 dealithea duhlu a meu fu suflat tru mini di Duhlu A\u0163el Marli \u015fi \u00e2ndreg cu agiutorlu adu\u0163earil\u2019ei aminti \u015f-a m\u0103yiilor a l\u2019ei lig\u0103tura mistic\u0103, lun\u2019inoas\u0103, feeric\u0103 \u015fi muscuvulsit\u0103 c\u00e2nt\u0103tor cu Prin\u0163ipiul dit cari azvoami crea\u0163iunea. Chiro a mutritilor c\u0103tr\u0103 nuntru, \u201ciarna, chiro a art\u0103l\u2019ei sirin\u0103, limbida iarn\u0103\u201d. Limbidz\u0103mea ca di Paradhis, sp\u0103strit\u0103, f\u0103r\u0103 picat, dz\u00e2\u0163i poetlu, c\u00e2ndu ti ne\u0163 ayalea \u015fi lun\u2019inos tru haraua f\u00e2r\u00e2 m\u0103rdzin\u2019 \u0163i ari tru ea c\u00e2ntic \u015fi disc\u00e2ntic, ca di muscuvulseri albi \u015f-albi lun\u2019in\u0103ri.
\nC\u0103dearea a neau\u0103lei easti amir\u0103ria a pitrundeariei didindi, c\u00e2ndu him iara ficiuri\u0163 \u015fi ciudiili s-fac ca dinitea a ocl\u2019ilor di ficiuri\u0163. C\u00e2ndu ahurhea\u015fti s-da neau\u0103, maxus pisti locurli irinii — fa\u0163a a loclui \u00e2mplin\u0103 di sufri ca prosuplu a Harlui \u015fi tr\u0103n\u2019ipsit\u0103, s-al\u00e2xea\u015fti.
\nAtum\u0163ea da neau\u0103 canda pisti prosuplu a Hristolui, canda loclu tut easti truplu \u015fi prosuplu a Lui, iara uranoulu \u00e2mplin di isiha c\u00e2ntari alb\u0103 s-pari c\u0103 easti m\u0103rtirisirea a lui f\u00e2r\u00e2 bitisit\u0103.<\/p>\n
\n
<\/p>\n
\n
<\/p>\n
Sectia Arm\u00e2neasc\u0103<\/p>\n
\n
<\/p>\n
Autor: Ta\u015fcu Lala<\/p>\n
\n
<\/p>\n
\n
<\/p>\n
<\/p>\n","protected":false},"excerpt":{"rendered":"
Vru\u0163 ascult\u0103tori, neaua \u0163i di ma mul\u0163\u00e2 an\u2019i nu para u vidzumu anv\u00e2li anlu aestu tutu loclu \u015f-n\u0103 adusi aminti di iern\u2019ili di v\u00e2r chiro. Ti a\u0163ea tr\u0103 emisiunea a noastr\u0103 di az\u0103 aleapsim un njc fragmentu dit romanlu a scriitorlui arm\u00e2nu Teohar Mihadash (1918 –1996) “Steaua a c\u00e2nilui” tsi ishi tru anlu 1991, la […]<\/p>\n","protected":false},"author":187,"featured_media":191450,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[48551],"tags":[48801,48802],"coauthors":[],"class_list":["post-191449","post","type-post","status-publish","format-standard","has-post-thumbnail","hentry","category-scriitori-armani","tag-steaua-a-canilui","tag-teohar-mihadas-1918-1996"],"acf":[],"yoast_head":"\n