\u201cMini lucredzu tu Grecia si am scris\u0103 trei volumi di poezii. Volumlu dit soni s-acl\u2019iiam\u0103 “C\u00e2ntiti barbare” Am lucrat\u0103 multu la el.Volumlu “C\u00e2ntiti barbare” cuntinuesti minduirli a meali ti soia a noastr\u0103 r\u00e2m\u00e2neasc\u0103. Figura literara ti u voi ma multu io easti metafora. Mini nu voi sa spun ironii la fratl\u2019ii a mei, ironizedzu mas nieducatia a lor colectiva.R\u00e2m\u00e2n\u2019il\u2019ii a nosti va s-aib\u0103 un\u0103 educatie colectiv\u0103 ti patriotismu ca vitin\u2019il\u2019ii a nosti ti nu n\u0103 vrea buneata, al\u2019i stim cari suntu. Facu propaganda cu istorii pseft\u0103. Noi arm\u00e2n\u2019il\u2019ii, cum dzatem tut, noi dit Arbinisii dz\u00e2tem r\u00e2m\u00e2n\u2019il\u2019ii, avem un suflit mult viteaz. Noi, r\u00e2m\u00e2n\u2019il\u2019ii tu Balcan\u2019i him suflitlu a Balcan\u2019ilor. Ahurhita a cultur\u0103l\u2019iei a arbineslor u au fapt\u0103 r\u00e2m\u00e2n\u2019il\u2019ii. Si aestu lucru easti cunuscut s-di arbinesi . Nai nai ma marli patriot arbines, Samil Frasari, ti easti cu r\u0103d\u0103tin\u0103 f\u0103rsiroat\u0103, arm\u00e2neasc\u0103,ari dz\u00e2s\u0103 s-li d\u0103m andriptati a arm\u00e2n\u2019ilor di Arbinisii c\u00e2ndu s-f\u0103tem statlu a nostu nou, c\u0103 alt\u0103 turlii va n\u0103-l\u2019iia statul. Aest\u0103 easti scriat\u0103 tu cartea a lui “Albania ti ari fut\u0103, ti easti s-ti va s-hib\u0103\u201d.Cartea “C\u00e2ntiti barbare” al\u2019i b\u0103gai aestu titlu c\u0103 asi sunt mutriti di alant\u0103 poemili a mealio, ca “c\u00e2ntiti barbare” , suntu mutriti s-di n\u0103sc\u0103nt\u00e2 frat di a mei ca “c\u00e2ntiti barbare” . Minduiescu n\u0103sc\u0103nt\u0103 fratl\u2019ii a mei c\u0103 noi nu avem literatur\u0103, ti u vrem limba ti u scriemu. Ari agiumt\u0103 propaganda greac\u0103 ti dz\u0103ti ca noi r\u00e2m\u00e2n\u2019il\u2019ii limba s-u grim goal\u0103 acas\u0103. Ti u vrem limba s-u scriem. Un\u0103 limb\u0103 ti nu s\u0103 scrie si s-greasti goal\u0103 acas\u0103 eati un\u0103 limb\u0103 moart\u0103, easti ca un\u0103 constructii f\u0103r\u0103 thimel\u2019iiuri .Tu ccartea aest\u0103 am c\u00e2ntitli ti cauza a noastr\u0103, c\u00e2ntiti ti vreari , c\u00e2ntiti ti yinitor. Tu poeziili a meali sunt conteptili metaforichi: soarli, speranta, cinusa, vinitorlu, aduterli aminti. Mini li l\u2019iau aduterli aminti si li leg cu suflitlu a meu , cu un\u0103 minari mult lisoar\u0103 pot s-u arup suprafata a tricutlui, s-l\u2019iau lucri dit tricut si s-li duc tu vinitor. Mini pot s-u l\u2019iiau cinusa s-pot s-u fac cantic, pot s-l\u2019iau pomlu si s-lu fac loc. Pot s-u l\u2019iau ag\u00e2rsearea si s-u fac speranta, pot s-u l\u2019iau speranta s-u fac ag\u00e2rseari . Ti aestu lucru an\u2019i da potenta a limb\u0103l\u2019iei a noastr\u0103. Tu un\u0103 poezii dit aestu volum scriu c\u0103 Dumnidza c\u00e2ndu li feati limbili eali eara tuti plini ma tu calea ali istorii andaua limbi ti nu sea s-avea c\u00e2ntiti, ma avea forta, loar\u0103 di la limbili ti stea goal\u0103 c\u00e2ntitli, zbo\u00e2r\u00e2li ti l\u2019i-arisea ma mult si aesti limbi, m\u0103ratili armasir\u0103 cu mult put\u00e2ni . Aest\u0103 c\u00e2te, tu chirolu di az\u0103, aesti limbi ti sunt mult v\u00e2rtoasi, ti tora ti ciudii s-acl\u2019iiama limbii plini, limbii moderni ,limbili ateali mari caft\u0103 ta s-li moar\u0103 ateali limbili n\u2019it. Ma Dumnidzalu nu poati s-alasa ta s-moar\u0103 asi limbili n\u2019it s-n\u0103 pitricu noi , poetl\u2019ii ta s-ap\u0103r\u0103m aesti limbi cama n\u2019it. Poeziili a populilor nit sunt aesti c\u00e2ntiti museati, c\u00e2ntiti tragichi. Aesta soii di poezii easti nuntru tu aest volum. Mini escu poet ali vreri, ali musuteat\u0103,scriu ti suflitlu a r\u00e2m\u00e2n\u2019ilor,ma mult scriu ti disteptarea a noastr\u0103 national\u0103 . Mini escu poet ti voi s-c\u00e2rtescu suflitlu a arm\u00e2n\u2019ilor. Aist\u0103 easti obligatia a noastr\u0103: cum s-aflam atea cali ta s-disf\u0103tem poarta ali speranta? Duchescu ca fratl\u2019ii a mei suntu tu una scutidi absolut\u0103.S-aflam momentul s-u disf\u0103tem poarta s-intr\u0103 lun\u2019ina, n\u0103dia. Niculturatia a noastr\u0103 nu easti c\u00e2te noi nu stim s\u0103 scriem poezii , ma vrem sa scriem pi limba noastr\u0103. Aesti zboar\u0103 putani mini li fac concepti.Lipseasti s-achic\u0103seasc\u0103 r\u00e2m\u00e2n\u2019il\u2019ii c\u0103 s-noi avem soarli a nostru, avem limba a noastr\u0103 mult musat\u0103. S-hib\u0103 limba a noastr\u0103 a gretlor ti ari scriat\u0103 traghediili a lor mult museati, a s-hib\u0103 limba a noastr\u0103 a arbineslor?Ti ds\u00e2ti marli scriitor Kadare ti limba lui, io dz\u00e2c c\u0103 libmba a noastr\u0103 easti limb\u0103 ti sta cu tin\u2019iie, tu aradha a limbilor balcaniti. C\u00e2nd si tornu c\u00e2ntitli arm\u00e2nesti pi aesti limbi, cititorl\u2019ii si scriitorl\u2019ii vitin\u2019i s-cidusescu. Mini aest\u0103 am zburat\u0103 cu mult\u0103 ti dz\u00e2c andau\u0103 c\u00e2ntiti ti s-u aduc cu c\u00e2ntitili populari, ti nusuntu poezii moderni. Poetl\u2019i modern\u2019i vitin\u2019i s-ciudusescu di poezia a noastr\u0103, c\u0103 el\u2019ii nu au atel suflit ti lu-au c\u00e2ntitli a noastri. Tu c\u00e2ntitli zboarili angreac\u0103 multu c\u0103 suntu zboari ti li ari al\u00e2sat\u0103 Dumnidz\u0103u ta s-u apar\u0103 aest\u0103 limb\u0103. Tu poezia a mea am s-un\u0103 c\u0103nticlu ti punti. Aest\u0103 punti u adar\u0103 masturii cu m\u0103sturlachea a lor, el\u2019ii suntu vitin\u2019il\u2019ii a noci. El\u2019i u adar\u0103 aest\u0103 punti, tu aestu moment tu Balcan\u2019i si aest\u0103 punti cadi. Cadi puntea si s-adnar\u0103 vitin\u2019il\u2019ii a nostri s\u0103 zburasc\u0103 un cu alant, c\u0103 puntea va s-adutea mult\u0103 p\u00e2radz. Si s-minduiescu el\u2019i, cum s-adar\u0103 s-u analt\u0103 puntea ta s-l\u2019iia p\u0103radzl\u2019ii. S-tu atel momentu ved un\u0103 mul\u2019iiari mult musat\u0103, cu samii \u0103n cap, ti nu easti di-a lor. S-el\u2019ii dz\u00e2c: “Noi va s-u ngrup\u0103m aest\u0103 mul\u2019iiari ta s-adr\u0103m puntea. S-u ngrupar\u0103 mul\u2019iiarea. Mul\u2019iiarea pl\u00e2ndzea c\u0103 cilimanlu lu al\u00e2s\u0103 f\u0103r\u0103 lapti s-aclo iu l-u scoasi sinlu isi un hicu si aestu hicu silighea lapti. (mini aesta legenda u am avdzata la dada).L-u adun\u0103 un c\u00e2lator s-lu deadi a cilimeanlui ta s-bea. Asi al loar\u0103 europeili aestu cantic si l-u featir\u0103 legend\u0103.Simbolicaa aistei leghend\u0103 s-aducheasti multu efcula.
\nVreau sa spun cu cartea a mea di poezie c\u0103 literatura a noastr\u0103 arm\u00e2neasc\u0103 tu aest moment caft\u0103 cvalitati. S-noi, c\u00e2t putem vrea s-d\u0103m cvalitati. Goal\u0103 cvalitatea tu un\u0103 literatur\u0103 easti un\u0103 arm\u0103 multu v\u00e2rtoas\u0103, ta s-apunem c\u0103 noi avem vitalitati tu s\u00e2ndz\u00e2li a nostru. Si europeili au vidzut\u0103 aestu lucru, ca tu Balcan poati s-him singurlu popul ti nu c\u00e2ftam nica sinuri, armi nu amin\u0103m , scriem goal\u0103 poezii.
\nVATAMAI TATI
\n
\nNiaduchit, fara minduiari,
\nloai catutlu si-l vatamai tati.
\nCatutlu intra tu chealea veacl\u2019i,
\nfapta ca iasca si sandzali aburos
\ncura chicuti, chicuti\u2026
\nChicutli di sandzi adapa loclu,
\niu am siminata simita mea,
\ns-aclo,
\ncreasti museat,
\npomlu ali agarseari.
\nAngusa,
\ncu funea lai a Eriniilor,
\nmi ari acatata di grumaz .
\nPoarta catra tricut
\neasti ancl\u2019iisa.
\nS-cari easti atel mort
\nti poati s-n\u2019i-u da cl\u2019iaia?
\nNu am chiro:
\nsuflitlu a tatan\u2019iui,
\nbotli di didindi
\nmi agudesc ca cioc tu urecl\u2019ii.
\nMi ciucutesc
\ns-disfac poarta a vinitorlui
\nMa cl\u2019iaia di aza
\ni-nicata di sandzi.
\nCai n\u2019i-u da garantia
\nca cu cl\u2019iia di aza
\npoati s-u disfaca
\nusa a vinitorlui.
\n
\nSI ANCUPARA SI SPERANTA
\nPistipsii s-mini la speranta
\nU steam ca asi cum easti scaparoasa,
\nasi va mi angaldza ca soarli.
\nNu astiptam varaoara ca si speranta s-ancupara
\ns-ca prostituta iasi dit casa a vinitorlui,
\naprindi la usa una tigara
\nastiptandalui sigura client alept,
\nti noi l\u2019i-avem ca marl\u2019ii a nostri.
\n
\n
\n
\n
\nSINGURATATI
\nEsc singur.
\nAesta apirita galita
\nsi scrii tu suflitlu a meu.
\nS-la vatra a l\u2019iei s-aprindi
\nfoclu ali speranta.
\nMa pi verdeasa
\na sentimentilor a meali,
\ncadi ceaflu ali indiferenta a voastra.
\nUscat, saramol\u2019iu
\nca lutefereli albi s-museati,
\nca una scapirari tragica si absurda.
\nMini aprind teri la mirmintal\u2019i a zboaralor,
\nS-di caldura a pirilor a lor,
\ntu aest camp alb,
\ns-ved vulodz di laschi.
\nMani prit vulodz va s-iasa virdeata
\nVa s-creasca cauza
\nDi iarba moali.
\nCa s-loat
\ndi pi la vitin\u2019i
\ncatuti turusiti
\nta s-bilit, ca specialisti
\ncauza noastra.
\n
\nCALEA DI NAMISA
\nNamisa di atea ti s-frimta tru maduua a noastra,
\nSi atea ti sa scrii tu carti
\nexista una handachi mari.
\nAspardzem ma mult chiro
\nTa s-li scriem tu carti,
\ndicat li frimtam tu maduua a noastra.
\nTu goliatea ti si-adara
\ndi la maduua pan tu carti
\nadram Moscopolea a noastra
\ncu umutea ca avem aleapta,
\ncalea di namisa.
\n
\nCAFI POPUL ARI UNA MOSCOPOLI
\nCafi popul ari una Moscopoli
\nPopuli virtoasi adara tu itido chiro
\nMoscopolea a lor
\nMaca aest chiro ti-l undzesti
\nU asparg ta sa scoala una alta manat
\nNoi ayunitl\u2019ii dit Moscopolea di adiver
\nAclo iu nidzem na ciucutim s-adram Moscopolia a noastra
\nCu ahant dor si nicurmari
\nMa nu fitem alttiva
\nNa fatem exemplu ti alant
\nS-ni fatem forta eftina
\nTi atel\u2019i ti disfac
\nfronti nali ti lucru.
\nCONTINUARI TI S-BITISEASTI TU MOARTI
\nL\u2019iau la telefon parintal\u2019i a mei
\nta s-ved cati zboara ari armasa.
\nMani va mi l\u2019ia la telefon ficiorlu a meu
\nta s-anveata cati zboara am vatamata.
\nPaimani nipotlu a meu
\nva ntreaba ficiorlu a meu
\niu sint murmintal\u2019ii ali limbi.
\nAri iseata moda naua
\ns-nicuchira a lui ,
\nhil\u2019iie di una limba xeana,
\ncafta s-duca lilici.
\nDIMNEATA ALAXIM STRAN\u2019IILI ALI IPOCRIZII
\nHim raman\u2019i emigranta.
\nA cilimean\u2019ilor a nostri la grim
\npi limba arbiniseasca.
\nSi scol dit somn
\nta s-neaga la scoala
\nta s-anveata limba greaca.
\nDapoia alaxim stran\u2019iili ali ipocrizii
\ncu trei prechi di documenti ngepi
\nnidzem la securitatea greaca
\nta s-lom yeniki taftota omoyenes
\nFacandalui taha ca nu n-aduchesc
\nca him rasa nigreaca
\nna bat palmili pi anumir.
\nS-deadun cu nasi videm
\nCum cadi pit stran\u2019iili a noastri
\ndeadun cu lacran\u2019ili
\npluburlu ali existenta.
\nSimpatitli pramatefta
\nlaspi ali astindzeari.
\nDupu prandz
\nintram tu casa a noastra
\nsi astiptam cu angusa tilifon
\ndi parintal\u2019i a nostri
\nti pi limba ramaneasca na ntreaba
\ncand va u lom taftotita.<\/p>\n
<\/p>\n","protected":false},"excerpt":{"rendered":"
\u201cMini lucredzu tu Grecia si am scris\u0103 trei volumi di poezii. Volumlu dit soni s-acl\u2019iiam\u0103 “C\u00e2ntiti barbare” Am lucrat\u0103 multu la el.Volumlu “C\u00e2ntiti barbare” cuntinuesti minduirli a meali ti soia a noastr\u0103 r\u00e2m\u00e2neasc\u0103. Figura literara ti u voi ma multu io easti metafora. Mini nu voi sa spun ironii la fratl\u2019ii a mei, ironizedzu mas […]<\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[48842],"tags":[],"coauthors":[],"class_list":["post-192857","post","type-post","status-publish","format-standard","hentry","category-portreti"],"acf":[],"yoast_head":"\n