\n
<\/p>\n
Sistemi di scriari pi arm\u00e2neasti<\/p>\n
\n
<\/p>\n
Arm\u00e2n\u2019il\u2019i ahurhir\u0103 s\u0103 ngr\u00e2pseasc\u0103 arm\u00e2nea\u015fti di suti di an\u2019i. Prota cu grami g\u00e2r\u0163e\u015fti \u015f-dapoia cu grami latiniche\u015fti. Cu tuti ca nai ma mul\u0163\u0103 di arm\u00e2n\u2019i b\u00e2neadz\u0103 tu G\u00e2r\u0163ie, nu putem s-ngr\u00e2psim arm\u00e2nea\u015fti cu grami g\u00e2r\u0163e\u015fti c\u00e2\u0163e limba g\u00e2r\u0163easc\u0103 nu ari sonurli ce,ci, ge, gi, \u015f, j, ni\u0163i n molai, ni\u0163i l moali, ni\u0163i dz \u015f-dimi ni\u0163i grami uidusiti ti aesti. Az\u0103 tu\u0163 suntu sinfun\u2019i c\u0103 nai ma uidisitlu alfabet ta s\u0103 ngr\u00e2psim arm\u00e2nea\u015fti easti a\u0163el latinichescu ufilisit di tuti limbili neolatini. Singura problem\u0103 aoa easti a\u0163ea c\u0103 tu limba arm\u00e2neasc\u0103 ari n\u00e2sc\u00e2nti sonuri \u0163i vahi nu li avea tu latina clasic\u0103 \u015f-ti cari lipsea\u015fti s-apufusim cum s-li ngr\u00e2psim. N\u0103sc\u0103nti di aesti sonuri li afl\u0103m \u015f-tu alti limbi neolatini iu cafi un li ngr\u00e2psea\u015fti alt\u0103 turlie.
\nVa s-ahurhim cu sonlu l moali. Ae\u015ftu son portughejl\u2019i lu ngr\u00e2psescu cu lh, iara spaniol\u2019i cu doi ll. Scriitorl\u2019i a no\u015ftri clasi\u0163 lu ngr\u00e2psir\u0103 l\u2019i, iara a\u0163el\u2019i contemporan\u2019i, \u0163i ufilisescu computerlu, lu ngr\u00e2psescu lj, iu j ari valoari di semnu moali.
\nUn altu son easti n moali, cari portughejl\u2019i lu ngr\u00e2psescu nh, spaniol\u2019i n cu semnu pisupr\u0103, italian\u2019i\u2019i \u015f-francejl\u2019i gn. Scriitorl\u2019i a no\u015ftri clasi\u0163 lu ngr\u00e2psir\u0103 n cu semnu pisupr\u0103, iara a\u0163el\u2019i contemporan\u2019i, \u0163i ufilisescu computerlu lu ngr\u00e2psescu nj, iu j ari valoari di semnu moali. El poati s-hib\u0103 ngr\u00e2psit \u015f-n\u2019i.
\nSonlu gamma, ca tu zborlu yumar, \u0163i lu afl\u0103m tu limba g\u00e2r\u0163easc\u0103, scriitorl\u2019i a no\u015ftri clasi\u0163 lu ngr\u00e2psir\u0103 cu v cu semnu pisupr\u0103, iara az\u0103 lu ngr\u00e2psim cu y.
\nSonlu dz , ca tu zboar\u0103li, dzean\u0103, dziniri, scriitorl\u2019i a no\u015ftri clasi\u0163 lu ngr\u00e2psir\u0103 cu daua grami d \u015fi z, iara d-na acad, Matilda Caragiu Mario\u0163eanu lu ngr\u00e2psea\u015fti d cu un\u0103 virgul\u0103 pirghios.
\nSonurli \u015f \u015fi \u0163 li aflam tu limba rom\u00e2n\u0103 iu s-\u00eengr\u00e2psescu s cu virgul\u0103 pirghios \u015fi t cu virgul\u0103 pirghios. Scriitorl\u2019i a no\u015ftri clasi\u0163 li ngr\u00e2psir\u0103 dup\u0103 modelu rom\u00e2nescu, cu diacriti\u0163i, iara a\u0163el\u2019i contemporanj cu sh \u015fi ts, dup\u0103 normili interna\u0163ionali.
\nAgiundzem tora la vocali. Di aesti problemili di scriari suntu ma\u015f la \u0103 \u015fi \u00ee. La limbili neolatini aesti dau\u0103 sonuri li afl\u0103m ma\u015f tu portughez\u0103, iu nu au grami ahoryea \u015f-tu rom\u00e2n\u0103 iu s-ngr\u00e2psescu a cu semnu pisupr\u0103 \u015f-i cu semnu pisupr\u0103. Sonlu \u0103 lu afl\u0103m \u015f-tu limba arbini\u015feasc\u0103 iu s-ngr\u00e2pseas\u0163i e cu dau\u0103 puncti pisupr\u0103. C\u00e2\u0163e la f\u0103r\u015firo\u0163 nu lu ari sonlu \u00ee, c\u0103 ma\u015f sonlu \u0103, dl.Tiberiu Cunia \u0163i di mul\u0163\u0103 ani cil\u0103st\u0103seas\u0163i ti standardizarea a limb\u0103l\u2019ei arm\u00e2neasc\u0103, pripusi s-hib\u0103 ufilisit\u0103 grama a cu una linie pisupr\u0103 cari gr\u00e2mostean\u2019il\u2019i va u ghiv\u00e2seasc\u0103 c\u00e2ndu \u0103, c\u00e2ndu \u00ee, iara f\u0103r\u015firo\u0163l\u2019i va u ghiv\u00e2seasc\u0103 \u0103.
\nTi am\u00e2rtie, ti aesti dau\u0103 sistemi di scriari s-fea\u0163ir\u0103 multi \u00eenc\u00e2ceri anamisa di arm\u00e2n\u2019i, la cari n\u00e2sc\u0103n\u0163\u0103 le deadir\u0103 \u015f-conota\u0163ii polti\u0163i.
\nVa s-c\u00e2ft\u0103m tora s-analiz\u0103m cari suntu p\u0103r\u0163\u0103li buni \u015f-nibuni a ai\u015ftor sistemi.
\nPartea bun\u0103 a vecl\u2019iului sistem eara c\u0103 li \u0163\u00e2nea tuti particularit\u0103\u0163l\u2019i a limb\u0103l\u2019ei. Ufilisearea al v cu sedil\u0103 pisupr\u0103 u spunea ar\u00e2d\u00e2\u0163ina latinicheasc\u0103 a n\u0103sc\u0103tor zboar\u0103 cum suntu yin, yi\u0163\u0103l \u015f.a. Problema easti ama c\u0103 aestu son lu afl\u0103m \u015f-tu zboar\u0103 cu ar\u0103d\u0103\u0163in\u0103 g\u00e2r\u0163easc\u0103 cum easti zborlu yiatru \u015f.a. Di alt\u0103 parti ufilisearea a seamnilor diacriti\u0163i u spunea soia cu alti limbi neolatini.
\nNoulu sistem easti ca dealithea, cama li\u015for ti ufiliseari pi computer, ama u spuni cama pu\u0163\u00e2n latinitatea a limb\u0103l\u2019ei.
\n <\/p>\n
<\/p>\n","protected":false},"excerpt":{"rendered":"
Sistemi di scriari pi arm\u00e2neasti Arm\u00e2n\u2019il\u2019i ahurhir\u0103 s\u0103 ngr\u00e2pseasc\u0103 arm\u00e2nea\u015fti di suti di an\u2019i. Prota cu grami g\u00e2r\u0163e\u015fti \u015f-dapoia cu grami latiniche\u015fti. Cu tuti ca nai ma mul\u0163\u0103 di arm\u00e2n\u2019i b\u00e2neadz\u0103 tu G\u00e2r\u0163ie, nu putem s-ngr\u00e2psim arm\u00e2nea\u015fti cu grami g\u00e2r\u0163e\u015fti c\u00e2\u0163e limba g\u00e2r\u0163easc\u0103 nu ari sonurli ce,ci, ge, gi, \u015f, j, […]<\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[48866],"tags":[],"coauthors":[],"class_list":["post-193055","post","type-post","status-publish","format-standard","hentry","category-grai"],"acf":[],"yoast_head":"\n