Him tru dz\u00e2le di Pa\u015fte \u015fi fa\u0163im urarea Hristolu Nv\u2019ie ! Sec\u0163ia armneasc\u00e2 di la RRI v\u00e2 oar La mul\u0163\u00e2 an\u2019i, v\u00e2 mul\u0163an\u2019iisea\u015fte \u015fi v\u00e2 dz\u00e2\u0163e s-b\u00e2na\u0163 mul\u0163\u00e2 an\u2019i cu s\u00e2n\u00e2tate \u015fi harau\u00e2. Si cade s-citim, has ca un decalog, ma s\u00e2 si poat\u00e2 a\u015fi, a harau\u00e2l\u2019ei \u0163i u adu\u0163e N\u0103ulu Testamentu, cu dza\u0163e paragrafe di-tru textul al Matei, la nv\u2019iarea a Hristolui. Shi n\u00e2 agiut\u0103m aoa di arm\u00e2nipsirea fapt\u00e2 di un\u00e2 turlie di \u201cgalilean\u201d, nu di amu 2 m\u2019il\u2019e di an\u2019i di-tru Galileea, ama di dz\u00e2lile a noastre, \u0163i b\u00e2neadz\u00e2 tru Galia, prezidentu la AFA, domnul Iancu Perifan:
\nAnv\u2019iarea Hristolui adus\u00e2 pi arm\u00e2nea\u015fte di Iancu Perifan, Prezidentul di la Su\u0163ata TRA ARMANAMI — A.F.A. di Paris,
\nDup\u0103 Apostolul Matei, capitolul 28
\n1. Dup\u0103 \u0163i tricu S\u00e2mb\u00e2ta, \u015fi c\u00e2ndu ahurhi s-apir\u00e2, Dum\u00e2nic\u00e2, Maria Magdalena \u015fi alant\u00e2 Marie s-dusir\u00e2 la groapa Hristolui.
\n2. Shi aclo, s-trimbur\u0103 loclu, Anghelul al Dumnidz\u0103 dipuse di Analtu, deade cheatra nanaparte di pi murmintu, \u015fi \u015fidzu pi ea.
\n3. Shi asc\u00e2pira Anghelul, al\u00e2xit tu albe, ca neaua,
\n4. Shi di frica LUI, a\u0163el\u2019i \u0163i vigl\u2019ea murmintul, si l\u00e2ht\u00e2rsir\u00e2 \u015fi s-fea\u0163ir\u00e2 ca mor\u0163\u00e2.
\n5. Shi Anghelul, dz\u00e2\u0163e a daulor Marii: Nu v\u00e2 asp\u00e2rea\u0163 ! Mini \u015ftiu c\u0103-L C`FTA\u0163 PI iisus A\u0163EL \u0162i fu \u00eenc\u00e2rf\u00e2sit pi cru\u0163e.
\n6. EL nu easte aua. EL \u00eenv\u2019ie, a\u015fi cum avea dz\u00e2s\u00e2. V\u2019ini\u0163 di vide\u0163 loclu iu eara \u00eengrupat.
\n7. Du\u0163i\u0163-v\u00e2 aghon\u2019ea, \u015fi spuni\u0163 la Fra\u0163l\u2019I a LUI, c\u0103 I1nv\u2019ie dit mor\u0163\u00e2 ! El va v\u00e2 ias\u00e2 dinintea a voast\u00e2. Galilea, aclo va-l vide\u0163. Aeste aveam s-v\u00e2 dz\u00e2cu !
\n8. Shi fudzir\u00e2 aghon\u2019ea di la murmintu, cu fric\u00e2 \u015fi cu harau\u00e2 mare, al`g\u00e2ndalui s\u00e2 sun\u00e2 la Apostoli, marea h\u00e2bare !
\n9. Shi c\u00e2ndu al\u00e2gau calea, IISUS l\u00e2 i\u015fi dininte \u015fi l\u00e2 dz\u00e2se: H\u00e2rsi\u0163-v\u00e2 ! Shi eale s-apruchear\u00e2 di EL, \u015fi c\u00e2dzur\u00e2 la cicioarle a LUI !
\n10. IISUS l\u00e2 dz\u00e2se: Nu v\u00e2 asp\u00e2rea\u0163. Du\u0163i\u0163-v\u00e2 \u015fi dz\u00e2\u0163i\u0163 la fra\u0163l\u2019I a MEI, s-duc\u00e2 Galilea \u015fi aclo va MI vead\u00e2 !
\n
\nAma, s-videm un m\u2019ic comentariu poetic \u015fi di-tru Rom\u00e2nia.
\nManuela Peanci scrie:
\nChicuti ditu s\u00e2ndz\u00e2li a Lui – ou\u00e2 aroshi pi measa a noast\u00e2,
\nPonlu a Lui – zghiclu a njeljloru la t\u00e2ljeari,
\nL\u00e2c\u00e2rnjlji a Lui – lilicii tsi mushuts\u00e4scu padea,
\nBoatsea a Lui – c\u00e2mbana tsi asun\u00e2 pritu tut\u00e2 hoara,
\nVrearea a Lui – lunjina s\u00e2mt\u00e2 ditu a noasti c\u00e2ndili.
\nH\u00e2rsitsv\u00e2 shi aprucheats\u00e2 Vrearea a Lui, Arm\u00e2name!
\nHristolu Anyie!
\nPashti cu harau\u00e2! S\u00e2n\u00e2tati shghineats\u00e2 savets\u00e2 arm\u00e2njlji a mei di iutsido!
\nCu tinjii shi vreari,fumeljia Peanci Nelu ,Manuela shi Theya Alexandru.
\nAndon Hristo dz\u00e2\u0163e \u015fi oar\u00e2:
\nFrats armanji,
\nHaros Pashtili, Hristolu injlia, darihina inlia !
\nLa s-inliam sh-armanamea, anda s-lucram ti vigheari limba a nostra armaneasaca ninti la casa a nostra, la reghionul, hoarea, casibalu, sh-dapoea sh-la sistemul di nvatsament a statilui.
\nAndon
\nStergh\u2019iu Toza di la Su\u0163ata Fara arm\u00e2neasc\u00e2, dit Rom\u00e2nia, f`lcarea Timi\u015foara dz\u00e2\u0163e:
\nDuruts armanji
\nHristolu anyie! Pashti cu haraua, sanatati sh tihi la tuti fumeilji.
\nAdza tu aesta dzua pisita ti creshtinitati, imi vini tu minti s-anchisescu una cali naua.
\nDumnidzau tsana armanamea tu bana sh ti aestu lucru avem borgea s-adram ma multi ti armaname sh ti romanitatea orientala.
\nPi aesta cali va dau habarea ofitsial, voi s-mut hlambura armaneasca a Faraeji, voi s-candidez ca Prezidentu al Fara Armana.
\nAm una abordari, strategie, viziuni naua ti amintaticul a nostru.
\nVoi tsan FARA diparti di interese personali sh politice.
\nTuts atsei cari vor s-hina ninga mini ai ashteptu.
\nHaristo multu la tuts cari fura pana tora, minduescu ca mini pot s-adar ma multu ti Fara.
\nCu vreari armaneaca
\nSteryiu Toza
\n
\nA\u015fi cum \u015fti\u0163, in\u015fe numirlu di primuvear\u00e2, pi me\u015fl\u2019I mar\u0163u \u015fi apriir a revist\u00e2l\u2019ei Fr\u0103\u0163ia, \u0163i u scoate Su\u0163ata, cu sediul Tirana, R\u0103m\u0103n\u2019il\u2019i dit Albania. Textul n\u00e2-l pitrea\u0163e redactorul-\u015fef, domnul Jani Gu\u015fo. S-lom \u015fi noi urarea tr\u00e2 s\u00e2rb\u00e2toarea di Pa\u015fte:
\nH\u00c2RIOASI DZUUA DI PA\u015eTI!
\nLa 5 di Mailu, easte [\u015fi noi dz\u00e2\u0163im tora c\u0103 fu, anlu aestu] Pa\u015ftele Mare, dzuu\u00e2 s\u00e2mt\u00e2 ti tu\u0163 ortodoxi. Arm\u00e2\u00f1l\u2019I sunt\u00e2 pisticiozi ortodoxi, cu mare vreari di Dumnidzeu. Dzuua di Pa\u015fti n\u00e2 spuni inyiarea al Hristo, hil\u2019iu a Dumnidzeului. Dup\u00e2 inyierea el s-dusi la Tat-su n-\u0163er \u015fi s-turn\u00e2 s\u00e2mt. Tr\u00e2 tu\u0163 cri\u015fti\u00f1i, iu\u0163ido n\u2019lume, Pa\u015ftili da harau\u00e2 mare, c\u00e2\u0163e dup\u00e2 inyearea al Hristo achic\u00e2sim\u00e2 pi noi ap\u00e2rarea a Lui. La Hristolu poati s-ni ncl\u2019in\u00e2m i s-c\u00e2ft\u00e2m yirtari ti m\u00e2rtili fapti \u015fi s-imn\u00e2m n-tru bana tu iri\u00f1ii, cu sufultu lu\u015furat.
\nCri\u015fti\u00f1l\u2019i Pa\u015ftili u s\u00e2rbtorez\u00e2 cu sufi ltu \u015fi harau\u00e2, cu m\u00e2nc\u00e2turi buni \u015fi nvi\u015fteari n\u00e2li. Arm\u00e2\u00f1i nearg\u00e2 la biserci di tu s\u00e2mt\u00e2 serea \u015fi aco a\u015fteapt\u00e2 inyiarea al Hristolu cu \u0163eari apresi, avd\u00e2 liturghia. Arm\u00e2\u00f1l\u2019i a no\u015f\u0163 dit Curceau ar mari tihi\u00e2 ca u avd\u00e2 liturghia pi limba a noastr\u00e2, \u0163i u da Papu Dhimitraq Veriga.
\nDup liturghii pisticiosil\u2019i cicuteasc\u00e2 oauli rro\u015fi cu unu alantu dz\u00e2c\u00e2ndalui Sostanesti!\u201d Anda unu dz\u00e2\u0163iHeistoluinyie! alantu al\u2019i respundi (apandasi) Dealihea- inyie!\u201d. Dup\u00e2 aist\u00e2 cu mari harau\u00e2 s-torn\u00e2 a casa a lor \u015fi s-discrum\u00e2 pu\u0163in p\u00e2n\u00e2 s-yin chirou s-adar\u00e2 m\u00e2nc\u00e2turili di pr\u00e2ndzu a s\u00e2rb\u00e2toril\u2019ei. Tu aisti m\u00e2nc\u00e2turi cama cu simasii (importan\u0163\u00e2) esti \u00f1eu friptu tu sul\u00e2.
\nDitu inima a lor tu aist Dzuu\u00e2 curr\u00e2 ma\u015fi vreari ti fra\u0163l\u2019i \u015fi oamil\u2019i alan\u0163. Tu aist\u00e2 cali poati \u0163i tu lumi s-aib\u00e2 p\u00e2ci \u015fi bun\u00e2tri\u0163eari namsa di oaml\u2019i, s-aib\u00e2 agiut\u00e2ri ti a\u0163el\u2019i \u0163i sunt\u00e2 ma oarfi \u00f1i, ti a\u0163el\u2019i \u0163i ar langoari…
\nCu arastea di Pa\u015fti, Presidentsia a Suaiatiei \u201cArm\u00e2\u00f1l\u2019i dit Albania\u201d, cu centru la Tirana, i Redacia al \u201cFra\u0163ia\u201d, li oar\u00e2 dit in\u00e2m\u00e2 membril\u2019i \u015fi cititorl\u2019i di iu\u0163ido.
\nHriosu \u015fi la mul\u0163 a\u00f1i!
\n
\nN\u00e2 turn\u0103m tru Rom\u00e2nia, la Tulcea, iu, meslu \u0163i tricu f\u00e2lcarea Tulcea, avu trru dzua di 28 apriir nale alidzeri, dupa cu n\u00e2 informeadz\u00e2 Steric\u0103 Fudulea, tru un` \u015fcurt\u00e2 h\u00e2bare cu numa:
\nTitlul di
\nPrezidentu di Tinjie
\na F\u00e3lcariei Tulcea a Far\u00e3ljei Armaneasc\u00e3 ditu Rom\u00e3nii.S-aleapsi una naua cumandaseari mashi di fciori shi feati tiniri tsi suntu tu ilichiea di 30-38 di anji cu miduearea ca armanamea ari ananghi di tinirame tsi au tu suflitu shi tu mindueari tsinearea tu bana a limbaei shi-adetsilor armaneshtsi .ARMANJI DAIMA DEADUNU CA SINGIRLU Naua Cumandaseari a F\u00e3lcariei easti-Constantin Popescu –Prezidentu di Tinjie-Sterica Fudulea-Prezidentu-Iorgoveanu Geoga-prim-vice-prezidentu-Mergeani Dumitru-secretar Gheneral-Gaea Monica-vice-prezidenta juridic-Bizdu Stelian-vice-prezidentu economic-Mergeani Mariana- vice-prezidenta invatamant-Dumitru Enache –vice-prezidentu relatii interetnice-Puflene Theo- vice-prezidentu social-Mergeani Dina — vice-prezidentu mediul de afaceri
\nSTERICA FUDULEA
\nPrezidentu a Consiliului di Cumandaseari
\nFalcarea Tulcea a Faraljei Armaneasca ditu Romanii
\n
\n
\nAudio–>
\n07.mai.2013, Hristu Stergh\u2019iu<\/p>\n
<\/p>\n","protected":false},"excerpt":{"rendered":"
Him tru dz\u00e2le di Pa\u015fte \u015fi fa\u0163im urarea Hristolu Nv\u2019ie ! Sec\u0163ia armneasc\u00e2 di la RRI v\u00e2 oar La mul\u0163\u00e2 an\u2019i, v\u00e2 mul\u0163an\u2019iisea\u015fte \u015fi v\u00e2 dz\u00e2\u0163e s-b\u00e2na\u0163 mul\u0163\u00e2 an\u2019i cu s\u00e2n\u00e2tate \u015fi harau\u00e2. Si cade s-citim, has ca un decalog, ma s\u00e2 si poat\u00e2 a\u015fi, a harau\u00e2l\u2019ei \u0163i u adu\u0163e N\u0103ulu Testamentu, cu dza\u0163e paragrafe […]<\/p>\n","protected":false},"author":36,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[48889],"tags":[48925,48924],"coauthors":[],"class_list":["post-193202","post","type-post","status-publish","format-standard","hentry","category-agenda-armaneasca","tag-prezidentu-a-consiliului-di-cumandaseari","tag-sectia-armneasca-di-la-rri"],"acf":[],"yoast_head":"\n