Arhiusim cu un\u00e2 h\u00e2bare \u0163i u avdz\u00e2t la Radio Rom\u00e2nia Interna\u0163ional, tru \u015fcurta redactare a colegului a nostru Valentin \u0162ig\u01ceu. Ama noi va aleadzim un\u00e2 parte \u015fi ma \u015fcurt\u00e2 a \u0163il\u2019ei h\u00e2bare. Ca un\u00e2 h\u00e2bare di mal\u00e2m\u00e2, ma s-n\u00e2 lom dup\u00e2 numa a localitatil\u2019ei iu si \u0163\u00e2nu evenimentul, c\u00e2s\u00e2blu Zlatna, sigura dup\u01ce z\u00e2natea a oamin\u2019ilor di aclo, tru negura a li istorie c\u00e2ndu si scutea mal\u00e2ma di-tru loc. Zlatna si \u0163\u00e2nu Festivalulu Interna\u0163ional di Filmu Etnografic, iu Radio Rom\u00e2nia Inerna\u0163ional oferi pi n\u00e2ng\u00e2 alte premii, \u015fi premiul tr\u00e2 originalitate ru promovarea a idenititatil\u2019ei cultural\u00e2. Premiul fu data a pelicul\u00e2l\u2019ei di lungu metraj a coordonatorului di la sec\u0163ia arm\u00e2neasc\u00e2 di la RRI, regizorulu Toma Enache tr\u00e2 filmul \u201cNu escu faimos, ama escu arm\u00e2n\u201d.<\/p>\n
\n
<\/p>\n
Ecoulu a filmului agiumse \u015fi tru America, ica ma ghine dz\u00e2s fu dus aclo di Institulu Cultural Rom\u00e2n, tru acic\u00e2c\u00e2sire cu Municipalitatea a c\u00e2s\u00e2b\u01celui New York.<\/p>\n
\n
<\/p>\n
Primarulu a c\u00e2s\u00e2blui NY, Bill de Blasio, deade un\u00e2 ni\u015fane pi 5 ciri\u015far a filmului \u201cNu escu faimos\u2026.\u201d<\/p>\n
\n
<\/p>\n
Disigura, Bill de Blasio \u0163\u00e2nu isape di loculu di iu v\u2019inea Toma Enache, di-tru Rom\u00e2nia, un loc importantu tru strateghia european\u00e2 a Statilor Unite. Adu\u0163im aminte c\u01ce, s\u00e2mb\u00e2t\u00e2 7 ciri\u015far, un\u00e2 pareie di trei membri a Comisil\u2019ei di rela\u0163ii externe di-tru Senatulu a Statilor Unite vinir\u00e2 tru Rom\u00e2nia. Fostul candidat republican la pre\u015fedin\u0163il\u2019e, John McCain, colegulu a lui Ron Johnson \u015fi democratulu Chris Murphy si adunar\u00e2 cu pre\u015fedintile Traian B\u0103sescu, cu reprezentan\u0163\u00e2 a Guvernului \u015fi cu parlamentari rom\u00e2n\u2019i. Lughursi\u0163 anamisa di-a \u0163el\u2019i ma influen\u0163\u00e2l\u2019i membri a Congresului american si celebri tr\u00e2 atitudinea a lor critic\u00e2 fa\u0163\u01ce di Moscova, McCain \u015fi Johnson fur\u00e2 du\u015fi, tru apriliu, \u015fi tru Republica Moldova (ex-sovietica, majoritar romanofona), tr-a exprimare, pi fondul a criz\u00e2l\u2019ei di-tru Ucraina, sus\u0163\u00e2nirea a Statilor Unite fa\u0163\u01ce di administra\u0163ia pro-occidentala di la Chi\u015fin\u01ceu. Vizita a senatorilor american\u2019i Bucuresti si fea\u0163e dup\u01ce \u0163i, mesulu \u0163i tricu luna trecuta si afl\u01ce Bucure\u015fti vicepre\u015fedintile Joe Biden, iara gioi \u015fefulu a Pentagonului, Chuck Hagel, si-are adunat\u00e2, la Constan\u0163a (sud-est, portu la Marea Neagr\u01ce), cu ministrulu rom\u00e2n a Ap\u01ceraril\u2019ei, Mircea Du\u015fa.<\/p>\n
\n
<\/p>\n
Ama v\u2019inim la proiectul chinematografic sus\u0163\u00e2nut di ICR (filiala di) New York. A\u015fi cum scrie tru articolul tipusit tru jurnalul Rom\u00e2nia Liber\u01ce, autor Cristian Hagi, tru numirulu di dum\u00e2nic\u00e2, 8 ciri\u015far:<\/p>\n
\n
<\/p>\n
Dzuua di 5 ciri\u015far fu declarat\u0103 Dzuua a prezervaril\u2019ei a cultur\u00e2l\u2019ei vlah\u01ce\/arom\u00e2n\u01ce di c\u0103tr\u01ce primarulu a New York-ului, Bill de Blasio. Evenimentul si fea\u0163e cu ocazia a premier\u00e2l\u2019ei, tru metropol\u0103, a filmuui \u201dNu escu faimos, ama escu arom\u00e2n\u201d, reghizat di const\u0103n\u0163eanulu Toma Enache.<\/p>\n
\n
<\/p>\n[\u2026]\n
\n
<\/p>\n
Primarulu –dup\u01ce cum si dz\u00e2\u0163e tru articol – numi filmul a lu Toma Enache, protulu lungmetraj pri arom\u00e2nea\u015fte, un punctu di referin\u0163\u0103 tru istoria a vlahilor. \u201dA\u015ftipt\u0103m cu nir\u0103vdare –dz\u00e2se primaruu a NY – produ\u0163irea a unor nale filme arom\u00e2ne \u015fi continuarea a contribu\u0163il\u2019ei c\u0103tr\u01ce c\u00e2s\u00e2b\u01celu a nostru a vlahilor new york-ezi\u201d, bitisi zborulu a lui Bill de Blasio. Proclama\u0163ia dat\u0103 di primarulu a New York-ului fut citit\u0103 (diavasit\u00e2) di domnulu Nick Balamaci, pre\u015fedintile a asocia\u0163il\u2019ei F\u00e2r\u015ferotul, di-tru SUA. A\u0163issta (proclama\u0163ie) v\u2019ine la ndau\u00e2 sept\u0103m\u00e2n\u2019i dup\u0103 \u0163i, la premiera di-tru Machedonia a pelicul\u00e2l\u2019ei particip\u01ce \u00eensu\u015fi pre\u015fedintile a statului, Gjorge Ivanov.\u201d<\/p>\n
\n
<\/p>\n
Tru articolulu di-tru Rom\u00e2nia Liber\u00e2 si fa\u0163e un\u00e2 descriire a, cit\u01cem,<\/p>\n
\n
<\/p>\n
Turneul-ui American<\/p>\n
\n
<\/p>\n
Nu escu faimos, ama escu arom\u00e2n\u201d agiumse \u00een Statile Unite ale Americ\u00e2 la bitisita a mesului \u0163i tricu. P\u00e2n\u0103 tora — dz\u00e2\u0163e Cristian Hagi — si fea\u0163ir\u00e2 proiec\u0163ii tru Washington, Charllote, New York \u015fi Fairfield, \u015fi ar\u01cem\u00e2ne ca turneulu s\u0103 si bitiseasc\u00e2 \u00een Los Angeles. Echipa care vine tr\u00e2 premiera a lu\u015ftui filmu easte format\u0103 di-tru regizorulu Toma Enache \u015fi actoril\u2019i Lic\u0103 Gherghilescu \u015fi Teodora Garofil.<\/p>\n
\n
<\/p>\n
\n
<\/p>\n[\u2026]\n
\n
<\/p>\n
\n
<\/p>\n
Filmul – si spune tru articol – are ob\u0163\u00e2nut\u00e2 premiul Maestrale Unica, \u0163r-a \u0163ea ma buna reprezentare a unei minoritate lingvistic\u00e2 \u00eentr-un filmu, la Festivalul Interna\u0163ional di Filmu \u201cBabel\u201d, din Cagliari, Italia, desf\u0103\u015furat sum Analtul Patronaj a Parlamentului European. Pelicula, distribuit\u0103 \u00een Rom\u00e2nia di MediaPro Distributions, si situeadz\u0103 pi locul 5 tru isapea a \u0163ilor mai vizionatile pelicule rom\u00e2ne\u015fte di-tru 2013.<\/p>\n
\n
<\/p>\n
\n
<\/p>\n
Di la aest\u00e2 ni\u015fane — proclama\u0163ia – di NY, putem s-dz\u00e2\u0163im, ligat di dzua 5 ciri\u015far, \u015fi 6, alant\u00e2 dzu\u00e2, a debarcaril\u2019ei a trupilor aliate tru Normandia, c\u01ce a\u0163ea sear\u00e2 fu ca un\u00e2 debarcare arm\u00e2neasc\u00e2 tru America. Adu\u0163im aminte c\u01ce, doilu polim mondial arhiusit la 1939, avu soarta apof\u01cesit\u00e2 di la debarcarea tru Normandia, la 6 ciri\u015far 1944, p\u00e2n\u00e2 pi 30 ciri\u015far, c\u00e2ndu ispaea arhiusi s\u00e2 si limbidzasc\u00e2 tru favoarea a alia\u0163\u00e2lor. Aest\u00e2 debarcare fu c\u00e2ftat\u00e2 ninca di-tru 1942 c\u00e2ndu avur\u00e2 adunare reprezentan\u0163\u00e2l\u2019i a SUA, Anglia \u015fi Rusia, Roosvelt, Churchil \u015fi Stalin, iu Stalin si pl\u00e2ndzea di grealile cheardiri \u0163i li au el\u2019I [pi fortntul di estu di la armatile ghirmane. Ama american\u2019il\u2019i tru dzua 5 di ciri\u015far 2014, nu avur\u00e2 ni\u0163e un\u00e2 cheardire, di la filmul a lu Toma Enache. Tut\u00e2 lumea amint\u01ce, \u015fi noi n\u00e2 h\u00e2rsim cu lucurlu aestu. S-b\u00e2neadz\u00e2 arm\u00e2namea !<\/p>\n
\n
<\/p>\n
\n
<\/p>\n
\n
<\/p>\n
******************<\/p>\n
\n
<\/p>\n
\n
<\/p>\n
Maca di la Marea Debarcare ca una maree a Ocheanului Atlantic \u015fi ca un\u00e2 chimat\u00e2 di aschere \u0163i tut v\u2019inea, a trupilor aliate contra a Ghirmaniil\u2019ei nazist\u00e2 pi plaja di-tru Normadia, nord\u2014vestul a Fan\u0163\u00e2l\u2019ei, (maca) tricur\u00e2 70 di an\u2019i, s-dipunim la lucre cama m\u2019i\u0163, la numire \u015fi la unit\u01ce\u0163 temporale ma m\u2019i\u0163, di la numirulu di 70 di an\u2019i, la \u0163el di 50 di dz\u00e2le, dup\u01ce dz\u00e2lile tricute di la pa\u015fte, di-tru aprier p\u00e2n\u00e2 mesulu aestu, pi 6 di ciri\u015far, c\u00e2ndu c\u00e2dzu s\u00e2rb\u00e2toarea a R\u00e2sal\u2019ilor, \u015fi fu al\u00e2sat\u00e2, dup\u01ce nom \u015fi dzuu\u00e2 nilucr\u01cetoare; (ic\u01ce nil\u00e2l\u00e2toare, ma s-n\u00e2 du\u0163im p\u00e2n\u00e2 di terminlu latinescu \u201claboratoria\u201d, dup\u01ce care easte \u201celaborat\u201d tru duhlu, tru spiritlu a limb\u00e2l\u2019ei, \u015fi zborulu arm\u00e2nescu \u201cl\u00e2l\u00e2toare\u201d, dzuu\u00e2 \u0163i si lucreadz\u00e2). Tru un email di pi 6 di ciri\u015far, Goran Pu\u015futiclu fa\u0163e ur\u01cerile cre\u015ftine\u015fte \u0163i si cad, alidzem, :<\/p>\n
\n
<\/p>\n
\n
<\/p>\n
La 50 di dzali dupa Pashti, Samtul Duh dipusi pisti apostolji-a lui. Aesta dipuneari-a Samtului Duh easti mari sarbatoari crishtineasca a curi Armanjlji alji dzac Arisalji. Tu Ripublica Machidunia — dz\u00e2\u0163ea pi 6 ciri\u015far Goran Pu\u015futiclu – aza easti dzuua nilucartoara dupa nom, ti mbistimenjlji crishtinji. Tu Rumanii Luni (pi 9 ciri\u015far ad\u00e2vdzem noi) easti dzuua nilucartoara, ti tuts banatorlji, sh-ti-atselji ambistimenji sh-ti-atselji ma-ptsan mbistimenji.<\/p>\n
\n
<\/p>\n
Cum tsi s-hiba. Ti multsa anji Arisaljilji [\u2026]\n
\n
<\/p>\n
Cu tinjii,<\/p>\n
\n
<\/p>\n
Goran Pushuticlu<\/p>\n
\n
<\/p>\n
\n
<\/p>\n
Tru un m\u2019ic comentariu adu\u0163im aminte c\u01ce numa a s\u00e2rb\u00e2toaril\u2019ei di \u201cRusalii\u201d (ic\u01ce R\u00e2sal\u2019ile) v\u2019ine di la un zbor latinescu \u201cRosalia\u201d, di la \u201crosa\u201d, trandafil, ic\u01ce \u015fi ma ghine babuche di trandafil. Aest\u00e2 lilice va s\u00e2 spun\u00e2 c\u01ce dup\u00e2 zboar\u00e2le di-tru Evanghelie, cndu Ioan f\u00e2\u0163ea p\u00e2tidzarea cu ap\u00e2 tr\u00e2 spilarea simboic\u00e2 a picatilor, dup\u01ce el va v\u2019inea Hristolu, ca un soare a b\u00e2searic\u00e2l\u2019ei, \u0163i vrea fac\u00e2 p\u00e2tidzarea cu Duh S\u00e2mtu, iara Matei Evanghelistul dz\u0163ea (c\u01ce va u fac\u00e2) cu Duh S\u00e2mtu \u015fi cu foc, adic\u01ce foculu a soarilui, simbolizat ah\u00e2t ghine di hroma a buchetiloor \u015fi a gr\u01cedin\u2019ilor di trandafil\u2019i, di la care \u015fi-u l\u2019ia numa \u015fi s\u00e2rb\u00e2toarea a 50-lor di dz\u00e2le di la Pa\u015fte, s\u00e2rb\u00e2toarea a \u201cRosaliilor\u201d. \u015ei, tra-s fa\u0163im \u015fi ma ghine un\u00e2 metafor\u00e2 dup\u00e2 zboar\u00e2le a Hristolui, care dz\u00e2\u0163e \u201cL\u01cesa\u0163 copiil\u2019i, m\u2019i\u0163l\u2019i, tra-s v\u2019in\u00e2 la mine\u201d, s-tradzim un\u00e2 metafor\u00e2 di-tru dramaturghia a marilui William Sakespeare, care tru sonetile a lui unea foculu a lilicil\u2019ei di trandafil, ca un\u00e2 Feat\u00e2 Alb\u00e2 ca Neaua, vahi \u015fi el dup\u00e2 un francez, Francois Villon, cu mu\u015futea\u0163a a \u201cneurilor di alt\u00e2 oar\u00e2\u201d (versul a lu Francois Villon). Ama putem s-ar\u00e2m\u00e2nim \u015fi la teatru, cu un altu autor francez, Jean Baptiste Poquelin (ca un altu Ioan P\u00e2tidz\u00e2torulu, Jean Baptiste), Moliere, di-tru care Mihai Sima traduse pi arm\u00e2nea\u015fte un\u00e2 pies\u00e2, Tartuffe. N\u00e2 adu\u0163im a\u015fi aminte di fosta a noastr\u00e2 coleg\u00e2 Mirela Sima, care are un ficior, cu mu\u015futea\u0163a a \u201cneurilor di alt\u00e2 oar\u00e2\u201d, fpatu tru meslu andreu, tru bitisit\u00e2 di an, \u015fi tora la dzua a Cilimeanlui, di la prot di ciri\u015far, avea umplut\u00e2 ic\u01ce \u00eemplinit\u00e2 giumitatea di an c\u00e2t are tricut\u00e2 tru anulu \u0163i him; iara pi 6 di ciri\u015far, la S\u00e2rb\u00e2toarea a trandafil\u2019ilor eara \u015fi el ca un\u00e2 b\u00e2buche (ca un boboc) di trandafil la s\u00e2r\u00e2toarea a Rosaliilor. S\u00e2 spunim c\u01ce easte faptu pi 27 andreu ast\u00e2 iarn\u00e2, tr\u00e2 dzuu\u00e2 di S\u00e2mtul \u015etefan, a\u015fi c\u01ce-l\u2019i b\u00e2gar\u00e2 \u015fi aest\u00e2 num\u00e2, di cara, dup\u00e2 cum si dz\u00e2\u0163e el \u00ee\u015fi vine cu ea. S-b\u00e2neadz\u00e2 \u015etefan \u015fi tutn\u00e2oar\u00e2 tu\u0163 cilimean\u2019il\u2019i, (cilimean\u2019i) a cure num\u00e2 fu la prot ciri\u015far, \u015fi tut s\u00e2rb\u00e2toare a lor fu \u015fi dzua a b\u00e2buchilor di trandafil, \u201cAr\u00e2sal\u2019ile !<\/p>\n
\n
<\/p>\n
\n
<\/p>\n
***************************<\/p>\n
\n
<\/p>\n
\n
<\/p>\n
Si cade ca f\u00e2r\u00e2 mare chefe s-trea\u0163im \u015fi la punctul trei, ic\u01ce la pozi\u0163ia a treia a clasamentului mondial di tenis profesionistu tr\u00e2 feate WTA: Simona Halep. I\u0163ii tru clasamentulu 100 WTA, di la loculu \u0163in\u0163e, iu eara s\u00e2mb\u00e2t\u00e2, fu alinat\u00e2 promvat\u00e2, pi loculu trei, dup\u01ce Serna Wiliams \u015fi chinezoaica Na Li. Simona Halep care pi NaLi u are \u015fi b\u00e2tut\u00e2, nu utu ama s-u azving\u00e2 pi Maria \u015earapova, care easte tora pi loculu \u0163in\u0163e WTA, clasamentulu tru tenisulu profesionistu femini. S\u00e2mb\u00e2t\u00e2 fu a patra oar\u00e2 cndu maria \u015earapopva u azvimse pi Simona Halep. Alinarea a l\u2019ei tru clasamentu fu spectaculoas\u00e2, di iu an ea eara ma\u015fi ru a daua giumitate, sum numirulu 50, di luni 9 di ciri\u015far ea easte misurat\u00e2 tru prota giumitate, ama tru caplu a prot\u00e2l\u2019ei giumitate, pi loculu trei. Adu\u0163im aminte ca pri-tu aestu turneu \u015fi amintatic a li Simona Halep, Rom\u00e2nia a li cure hrome di stat fur\u00e2 reprezentate di giuc\u00e2toarea di Constan\u0163a, agiumse diznou pi stadionulu di tenis di la Roland Garros dup\u01ce ma multu di 30 di an\u2019I, c\u00e2ndu avea amintat\u00e2 tr\u00e2 Rom\u00e2nia Virginia Ruzici, care tora easte managerulu a li Simona Halep. Virginia Ruzici avea amintat\u00e2 turneuu di la Roland Garros tru anulu 1978. \u015ei videm c\u01ce tora u al\u00e2s ghine u\u015fa di\u015fcl\u2019is\u00e2 cum si dz\u00e2\u0163e tr\u00e2 Simona Halep, a cure l\u2019i ndreadze cu mare m\u00e2sturl\u00e2che programulu a turneilor. Tora a\u015ftipt\u01cem tr\u00e2 Simona amintati\u0163e \u015fi rezultate mu\u015fate la turneulu di la Wimbledon. Haide Simona !<\/p>\n
\n
\nAsculta\u0163 aoa!
\n