\n
<\/p>\n
Vru\u0163 oaspi\u0163, v\u0103 grim tra s\u0103 participa\u0163 la un nou concursu cu premii, \u201cVacan\u0163\u0103 tru sudulu a Litoralului rom\u00e2nescu a Amaril\u2019ei Laie\u201d. Concursul easte dedicat a unuia di principalile puncte di atrac\u0163ie \u00een Rom\u00e2nia tr\u00e2 turi\u015ftil\u2019i xen\u2019i \u015fi rom\u00e2n\u2019i, cu accentu pi Mangalia, \u0163itatea Callatis di-tru antichitate, \u015fi bairlu di 6 sta\u0163iun\u2019i di-tru partea di not a Litoralului (Jupiter, Saturn, Venus, Neptun, Olimp \u015fi Cap Aurora).<\/p>\n
\n
<\/p>\n
\n
<\/p>\n
V\u0103 invit\u0103m s\u0103 urm\u0103ri\u0163 emisiun\u2019ile RRI, siteul www.rri.ro \u015fi profilurile di Facebook, Twitter, Google+ \u015fi LinkedIn, s\u0103 r\u0103spundi\u0163 corectu, \u00een scris, la ndau\u00e2 \u00eentrib\u0103ri \u015fi pute\u0163 sa aminta\u0163. Concursul va s\u01ce \u0163\u00e2n\u01ce p\u00e2n\u0103 pi 30 aprier, data a po\u015ft\u00e2l\u2019ei.<\/p>\n
\n
<\/p>\n
\n
<\/p>\n
M\u01cerile Premii va s\u01ce hib\u01ce dau\u0103 sejururi tr\u00e2 dau\u0103 persoane, di 8 (optu) dz\u00e2le, cu cazare 7 (\u015fapte) nop\u0163\u00e2 tru camer\u0103 diplo, cu pensiune complet\u0103, di care un sejur dz\u00e2lile 12-19 iunie \u015fi al doilea sejur tru perioada 6-13 agheazm\u01ceciune 2015, amindaule la Hotel \u201dDelta\u201d di-tru Jupiter, jude\u0163ulu Constan\u0163a. Ca di arad\u01ce lipsea\u015fte s\u0103 v\u0103 asiguripsi\u0163 pi isapea a lui transportulu interna\u0163ional p\u00e2n\u0103 tru Rom\u00e2nia \u015fi, ma c\u0103 si v\u00e2 hib\u00e2 necesar\u0103, viza tr\u00e2 Rom\u00e2nia.<\/p>\n
\n
<\/p>\n
\n
<\/p>\n
Concursul easte sponsorizat di Hotel \u201dDelta\u201d – SC Delta Aurora SA \u015fi easte organizat deadun cu Prim\u0103ria a Municipiului Mangalia, Muzeulu di Arheologhie Callatis\u201d Mangalia \u015fi al\u0163\u00e2 parteneri locali.<\/p>\n
\n
<\/p>\n
\n
<\/p>\n
Localitatea easte men\u0163ionat\u0103 tru documentile genoveze di-tru secolul al XIII-lea. Numa di Mangalia\u201d apare tru a\u0163ist\u0103 form\u0103 tru 1593, iara adu\u0163irea \u0163i u are cu denumiri t\u0103t\u0103re\u015fti din reghiune \u015fi prezen\u0163a a unei important\u01ce comunitate di t\u0103tari tru c\u01ces\u01ceb\u01ce atest\u0103 orighinea t\u0103t\u0103reasc\u0103 a denumiril\u2019ei. Anterior a secolului al XIII-lea, localitatea apare sum numa antic\u01ce di Callatis, care fu un\u01ce colonie a \u0163itatil\u2019ei gr\u01ce\u0163easc\u01ce Heraclea Pontica (az\u01ce Ere\u011fli tru Turchie) di-tru secolul al VI-lea \u00eeHr. Portul \u015fi giumitate di c\u01ces\u01ceb\u01celu di-tru antichitate sunt amu\u015fi acoperite di ape. \u00cen ciudia a polimilor \u015fi a l\u00e2xearil\u2019ei a st\u0103p\u00e2nirilor, c\u01ces\u01ceb\u01celu prucupsi 1200 di an\u2019i, nisc\u00e2tiori liber, uneori sum st\u0103p\u00e2nirile succesive a per\u015filor, macedonenilor, dacilor, romanilor, av\u00e2nda ba\u015fi moned\u0103 proprie. \u0162itatea easte distrus\u0103 un\u00e2oar\u01ce cu n\u0103p\u01cedirea a populilor migratoare di-tru secolile VIII \u015fi IX. Easte par\u0163ial adrat\u01ce diznou tru secolul XI un\u00e2oar\u01ce cu intrarea diznou a Dobrogei sum st\u0103p\u00e2nirea bizantin\u0103, ama easte distrus\u0103 diz nou tru 1225, ars\u0103 di t\u0103tari.<\/p>\n
\n
<\/p>\n
\n
<\/p>\n
Mangalia agiundze port modernu (al doilea portu maritim rom\u00e2nescu dup\u0103 Constan\u0163a), cu 3000 di locuitori permanen\u0163\u00e2 tru 1938 (piste 10000 veara). C\u01ces\u01ceb\u01celu si dezvolt\u0103 \u015fi crea\u015fte rapid agiutat di plaja di arin\u00e2, care si tinde pi ma mul\u0163\u00e2 kilometri. Dup\u0103 ultimul polim mondial agiundze zon\u0103 militar\u0103 di frontier\u0103 \u015fi turismul stagneadz\u0103. Tru 1954 easte diz nou di\u015fcl\u2019is a tutulor, iara di-tru 1962 c\u01ces\u01ceb\u01celu agiundze un importantu chentru turistic: tru p\u0103durea Comorova, de-a lungul a amaril\u2019ei, suntu construite 6 sta\u0163iun\u2019i balneoclimateri\u0163e \u015fi di agrementu: Olimp, Neptun, Jupiter, Cap Aurora, Venus \u015fi Saturn. C\u01ces\u01ceb\u01celu are numiroase atrac\u0163ii turisti\u0163e, a\u0163eale mai importantile hiinda Moscheea Esmahan Sultan, Muzeulu di Arheologhie Callatis\u201d (care ap\u00e2nghisea\u015fte singurulu papirus din Rom\u00e2nia), Monumentul a Eroilor, Muzeulu a Marin\u00e2l\u2019ei, Herghelia Mangalia, rezerva\u0163ia natural\u0103 Hagieni, portul turistic, Pi\u015ftireaua Movile (care nu easte di\u015fcl\u2019is\u01ce a publicului \u015fi care ciudusi lumea \u015ftiin\u0163ific\u0103 mondial\u0103 pri-tru ecosistemulu a lui complet izolat di mediul exterior), P\u0103durea Comorova, Movila Documaci, edificiul bizantin, Lacul Mangalia, \u0162itatea Callatis, Pe\u015ftera Limanu.<\/p>\n
\n
<\/p>\n
\n
<\/p>\n
\u015ei tora, \u00eentrib\u0103rile:<\/p>\n
\n
<\/p>\n
– Cum si numea Mangalia tru antichitate?<\/p>\n
\n
<\/p>\n
– \u0162i spileie, pi\u015ftireau\u0103 unicat la nivel mondial si afl\u0103 tamam l\u00e2ng\u0103 Mangalia?<\/p>\n
\n
<\/p>\n
– Cum se cl\u2019iam\u01ce sta\u0163iun\u2019ile di-tru sudulu a Litoralului rom\u00e2nescu a Amaril\u2019ei Neagr\u01ce?<\/p>\n
\n
<\/p>\n
– Numi\u0163 5 atrac\u0163ii turisti\u0163e din Mangalia sau di aproapea aclo.<\/p>\n
\n
<\/p>\n
\n
<\/p>\n
V\u0103 paraclasim s\u0103 n\u01ce scrii\u0163 \u0163i v-are determinat\u01ce s\u0103 participa\u0163 la concursu \u015fi di \u0163i aform\u2019ie urm\u0103ri\u0163 programile RRI on air sau \u00een mediul online.<\/p>\n
\n
<\/p>\n
\n
<\/p>\n
Coordonatile a noastre: Radio Rom\u00e2nia Interna\u0163ional, str. General Berthelot nr. 60-64, sector 1, Bucure\u015fti, PO Box 111, cod 010165, fax 0040.21.319.05.62, e-mail: arom@rri.ro. Pute\u0163 s\u01ce n\u01ce r\u0103spundi\u0163 p\u00e2n\u0103 la 30 aprier, data a po\u015ft\u00e2l\u2019ei. Amint\u00e2toril\u2019i a M\u01cerilor Premii va s\u01ce hib\u01ce anun\u0163a\u0163 curundu dup\u0103 bitisirea a concursului, tr\u00e2 aveare chiro s\u0103-\u015fi preg\u0103teasc\u0103 excursiile \u00een Rom\u00e2nia, tru me\u015fil\u2019I ciri\u015far, respectiv agheazm\u01ceciune. Succes! (Alecu Marciuc, Eugen Cojocariu)<\/p>\n
\n
<\/p>\n
*******************************<\/p>\n
\n
<\/p>\n
Seminar di pa\u015fte la Tulcea tru dz\u00e2lille 28.mar-3.apr.2015, chiro di un\u00e2 septam\u0103n\u0103 s\u0103pt\u0103m\u00e2n\u0103, cu numa \u201cCon\u015ftientizarea a propril\u2019ei identitate\u201d (Awakening the identity). Seminarulu easte organizat di Su\u0163ata european\u00e2 YEN (Youth European Nationalities) \u015fi Su\u0163ata a Tiniilor Arm\u00e2n\u2019i din Rom\u00e2nia. La el particip\u00e2 v\u00e2r\u00e2 sut\u00e2 di tiniri di-tru ma ma multe (aproapea 15) state europeane: Ghirm\u00e2nie, Olanda, Danemarca, Austria, Elve\u0163ia, Polonia, Ungaria, Slovenia, Italia, Slovachia, Rusia, Ucraina, Albania, Republica Machedonia<\/p>\n
\n
<\/p>\n
Seminarulu di Pa\u015fte (Easter Seminar; adu\u0163im aminte c\u0103 pa\u015ftile catholic easte pi 5 apriir, adic\u0103 easte Sipt\u00e2m\u00e2na Mare la catolli\u0163, \u015fi pi 12 apriir la ortodoc\u015fi, adic\u0103 un\u00e2 sipt\u00e2m\u00e2na ninte di Sip\u0163\u00e2m\u00e2na Mare, di la Florii p\u00e2n\u00e2 la Pa\u015fte) easte \u0163el mai importantu evenimentu din cadrul re\u0163eau\u00e2l\u2019ei YEN, \u0163i si fa\u0163e tru i\u0163e an cu un\u00e2 sipt\u0103m\u00e2n\u0103 ninte di Pa\u015ftele a catoli\u0163ilor. A\u0163ist evenimentu easte organizat di c\u0103tr\u0103 un\u00e2 organiza\u0163ie membr\u0103 di-tru re\u0163eaua YEN \u0163i ap\u00e2nghisea\u015fte anual aproximativ 100 di participan\u0163\u00e2 di-tru toate p\u0103r\u0163\u00e2le a li Europ\u0103. Easter Seminar este, \u00een principal, un forum di al\u00e2ximintu di opinii \u015fi experien\u0163e \u00eentr\u0103 tineril\u2019i participan\u0163\u00e2.<\/p>\n
\n
<\/p>\n
**************************<\/p>\n
\n
<\/p>\n
Gala a Premiilor \u201cBana Arm\u00e2neasc\u00e2\u201d. A\u015fi cum si fa\u0163e di aproapea 20 an\u2019i, tru dum\u00e2nica di bitisit\u00e2 a mesului mar\u0163u, \u015fi anulu aestu, pi 28 mar\u0163u si fea\u0163e aest\u00e2 Gal\u00e2, cu numa Premiulu \u201cOmulu a Anului\u201d, tru organizarea a Federa\u0163il\u2019ei Liga a Ar\u00e2m\u00e2n\u2019ilor din Rom\u00e2nia. Participan\u0163l\u2019I si h\u00e2r\u00e2sir\u00e2 \u015fi di un mu\u015fat program artistic, dup\u00e2 cum dz\u00e2\u0163e un\u00e2 participant\u00e2, Mirela Sima-Biolan, alidzem, : \u201cTricum multu ghini! Cantatorilji na mayipsira cu boatsea a lor, iara giucatorilji di la pareia Vangilizmolu na umplura ocljilj di mushuteatsa.\u201d \u015ei fa\u0163e urarea: \u201cS-tsa da Dumnidza multa sanatati ti lucurlu tsi lu-adari shi puteari ta s-lu duts ninti, dle. doctor.!\u201d Easte zborulu di editorulu a revist\u00e2l\u2019ei Bana Arm\u00e2neasc\u00e2, gh\u2019iatrulu Dumitru Piceava.<\/p>\n
\n
<\/p>\n
Evenimentul di s\u00e2mb\u00e2t\u0103, 28 mar\u0163u, agiumtu la edi\u0163ia 18 (easte zborulu di Gala a Premiilor), si fea\u0163e la liceulu Mihai Viteazul, di Bucure\u015fti, deadun cu Festivalul (agiumtu la edi\u0163ia 12) di Folclor Arm\u00e2nescu.<\/p>\n
\n
<\/p>\n
Laudatio tr\u00e2 premian\u0163\u00e2 fu faptu di Aurica Piha \u015fi Enache Tu\u015fa. Fur\u00e2 date:<\/p>\n
\n
<\/p>\n
-Premiulu \u201cLujina a cartijei\u201d, a lu Nicolas Trifon ti cartea \u201cUnde este Arom\u00e2nia?\u201d;<\/p>\n
\n
<\/p>\n
-Premiulu \u201cOmlu a Anlui 2014\u201d ti musica, a li Elena Corina Badea;<\/p>\n
\n
<\/p>\n
-Premiulu \u201cOmlu a Anlui 2014\u201d ti sportu, a li Eliza Samara \u0163i gioac\u00e2 tenis di mas\u0103, loculu 3 tu Evropa \u015f 13 tru lumei; tru mesulu \u015fcurtu 2015 amint\u0103 protulu loc la Quatar Open;<\/p>\n
\n
<\/p>\n
-Premiulu \u201cOmlu a Anlui 2014\u201d ti excelen\u0163\u0103 fu durusit a li Adriana Boruna – un\u0103 tinir\u0103 \u0163i lucreadz\u0103 la Biblioteca Na\u0163ional\u0103 \u015fi \u00eendreapse proiectulu DReam, un agiutor ti diavasirea a c\u0103r\u0163\u00e2ilor ti oamin\u2019l\u2019i care nu ved;<\/p>\n
\n
<\/p>\n
-Premiulu \u201cOmlu a Anlui 2014-Gaudeamus Igitur\u201d fu durusit a li Tania Chihaia – una tinira cari intra prota la Facultatea di Farmacie di Bucureshti tu 2014, cu nota 9.90;<\/p>\n
\n
<\/p>\n
Premiulu \u201cPliscuta di malma 2014\u201d fu durusit a lu Aurel Papari.<\/p>\n
\n
<\/p>\n
\n
<\/p>\n
Cantara shi giucar\u0103 arm\u00e2nea\u015fte: (premiata) Elena Corina Badea, Camelia Bizdun\u0103, Elena Granzulea, Pero Tsatsa (di tru Makidunie), pareia Boa\u0163ea Pindului shi pareia Vanghilismolu, a cure num\u00e2 s\u00e2 uidisea\u015fte ah\u00e2t mu\u015fat cu numa a s\u00e2rb\u00e2toaril\u2019ei cre\u015ftin\u0103 \u0163i fu cu ndau\u00e2 dz\u00e2le ninte, s\u00e2rb\u00e2toarea a li H\u00e2bare Bun\u00e2, Vanghilizmolu.<\/p>\n
\n
<\/p>\n
\n
<\/p>\n
*********************************<\/p>\n
\n
<\/p>\n
Un evenimentu \u0163i canda primuveara astronomic\u00e2 lu adu\u0163e easte dzuua di 23 mar\u0163u, tr\u00e2 care tru calendarulu \u0163i lu ndreadze cu mare mirache fosta a noastr\u00e2 coleg\u00e2 Irina Paris-Naum, videm pri \u015fcurtu c\u0103:<\/p>\n
\n
<\/p>\n
“23.03.1991 – prota emisie pi arm\u00e2neashti la Radio Rom\u00e2nia Internatsional: colectivlu di redac\u0163ie: Alex.Gr.Dima, Nicolae Celea, Mariana Caragicu Coand\u0103, Irina Paris, Marilena Bara, Ta\u015fcu Lala. Secretari: Victoritsa Chiacu sh-Naca Traiana. Colaboratori: Prof.Univ.Dr.Nicolae Saramandu shi scriitorlu sh-criticlu Hristu C\u00e2ndroveanu.”<\/p>\n
\n
<\/p>\n
Lipsea\u015fte s-adu\u0163im aminte c\u0103 prota emisiune pi arm\u00e2nea\u015fte fu timil\u2019iusit\u00e2 la ini\u0163iativa a li Uniune ULCA, di Freiburg, tru Ghirm\u00e2nie, Uniunea tr\u00e2 Limba shi Cultura Armaneasc\u0103, prezidentu, atum\u0163ea, l\u2019iratulu prof dr. Vasile Barba tu lucru deadun cu directorlu RRI Vasile Doru Ionescu.<\/p>\n
\n
<\/p>\n
Nibnte di anulu 1989 emisiun\u2019i pi arm\u00e2nea\u015fte eara ap\u00e2nghisite un\u00e2 oar\u00e2 pi sipt\u00e2m\u00e2n\u00e2 tru arada a rubri\u0163ilor di la limba rom\u00e2n\u0103, la care invita\u0163 s\u00e2 zburasc\u00e2 pi arm\u00e2nea\u015fte personalit\u0103\u0163 din Rom\u00e2nia di far\u00e2 arm\u00e2neasc\u00e2, di cama multile ori scriitorulu Hristu C\u00e2ndroveanu, ama \u015fi \u00eenreghistr\u0103ri cu poezii \u015fi paramithe tru interpretarea a actorilor Toma Caragiu, ic\u0103 Ion Caramitru.<\/p>\n
\n
<\/p>\n
Hristu C\u00e2ndoveanu are participat\u00e2 ama \u015fi la emisiun\u2019i dup\u0103 1989, deadun \u015fi prof doctor Nicolae Saramandu \u015fi academician Matilda Caragiu Mario\u0163eanu, care-l\u2019i fu \u015fi profesoar\u00e2 a directorului RRI, Vasile Doru Ionescu. Emisiunea pi arm\u00e2nea\u015fte lu du\u0163e ninte a\u015fi dodecalogulu a li Matilda Caragiu Mario\u0163eanu.<\/p>\n
\n
<\/p>\n
\n
<\/p>\n
Asculta\u0163 aoa –> <\/p>\n
\n
\n