\n
<\/p>\n
Tru bitisita a sipt\u00e2m\u00e2n\u00e2l\u2019ei \u0163i him va s\u00e2 si fac\u00e2 un evenimentu , Bucure\u015fti. S\u00e2mb\u00e2t\u00e2, 16 mai, si fa\u0163e un\u00e2 lansare di c\u0103r\u0163\u00e2. Loculu iu si fac aeste lans\u0103ri easte Muzeulu a Hoar\u00e2l\u2019ei, cu numa \u201cDimitrie Gusti\u201d, di Bucure\u015fti. Evenimentul easte organizat di patru institu\u0163ii reprezentate di pre\u015fedin\u0163\u00e2l\u2019i \u015fi directoril\u2019i respectivi — \u015fi, l\u00e2 u spunim numa – : Ion Caramitru, pre\u015fedintile a Societatil\u2019ei di Cultur\u0103 Macedo-Rom\u00e2n\u0103, academiciana Sabina Ispas, directorulu a Instiututului di etnografie \u015fi Folclor \u201cConstantin Br\u0103iloiu\u201d, conferen\u0163iar universitar doctor Paulina Popoiu, managerulu a Muzeului Na\u0163ional al Satului \u201cDimitrie Gusti\u201d, professor Willy Wiso\u015fenschi, pre\u015fedintile a Funda\u0163il\u2019ei Cultural\u00e2 \u201cMu\u015fata Arm\u00e2n\u0103\u201d. Treile c\u0103r\u0163\u00e2 tr\u00e2 care si organizeadz\u00e2 aeste lans\u0103ri suntu pi arad\u00e2: \u201c\u201dLecturi vizuale\u201d Etnologice la arom\u00e2n\u2019il\u2019I din Albania. Zona Corcea\u201d, volum realizat di conferen\u0163iar universitar doctor Nistor Bardu, doctor Iulia Wiso\u015fenschi, doctor Emil \u0162\u00e2rcomnicu \u015fi Cat\u0103lin Alexa. Alt\u00e2 carte easte volumulu \u201cRom\u00e2nii di nafoara a grani\u0163ilor. Memoriul a consilierului di lega\u0163ie Emil Opri\u015fanu\u201d, volum \u00eengrijit di professor universitar doctor Nicolae-\u015eerban Tana\u015foca. A treia carte easte \u201cAtlasulu lingvistic a dialectului arom\u00e2n\u201d, relizat di professor universitar doctor Nicolae Saramandu \u015fi editat di professor universitar doctor Manuela Nevaci.<\/p>\n
\n
<\/p>\n
Cu aest\u00e2 ocazie va s\u00e2 si fac\u00e2 \u015fi vernisajulu a expozi\u0163il\u2019ei di fotografii \u201cArom\u00e2n\u2019il\u2019i din zona Corcea — Istorie \u015fi actualitate tru imaghini\u201d.<\/p>\n
\n
<\/p>\n
*******************************<\/p>\n
\n
<\/p>\n
\n
<\/p>\n
\n
<\/p>\n
Aoaltari, S\u00e2mb\u00e2t\u00e2 \u015fi dum\u00e2nic\u00e2, 9 \u015fi 10 mai, la C\u00e2mpulung, c\u00e2s\u00e2b\u0103 tru sudulu a li Rom\u00e2nie, la poalile a mun\u0163\u00e2lor Carpa\u0163i, si fea\u0163e un evenimentu ligat di bana a arm\u00e2n\u2019ilor di z\u00e2mane, cum b\u00e2na s-dz\u00e2\u0163im tru mun\u0163\u00e2l\u2019i Pindu. Lig\u00e2tura eara filmul care si lans\u0103, cu numa \u201cC\u00e2rvanea arm\u00e2neasc\u00e2\u201d. Evenimentul fu organizat di Su\u0163ata \u201cNicu hagi — Carpa\u0163i-Pind\u201d, su\u0163at\u00e2 di C\u00e2mpulung, su\u0163at\u00e2 arm`neasc\u00e2-rom\u00e2neasc\u00e2. Filmul fu lansat dum\u00e2nic\u00e2, \u015fi zbura\u015fte di bana cu cal\u2019l\u2019i a arm\u00e2n\u2019lor. Zbur\u00e2r\u00e2 \u00een deschidere Al Gica \u015fi Ta\u015fcu Lala. Diapoaia fu vizionat filmul, care \u0163\u00e2nu un\u00e2 s\u00e2hate. Easte un film artistic, ama \u015fi documentar, un\u00e2 dram\u0103 documentar\u0103, docu-dram\u0103. Regizor-scenarist Pero \u0162a\u0163a, di-tru Machidunie, c\u00e2nt\u00e2torulu Pero \u0162a\u0163a, care easte \u015fi \u00een rolul pricipal. Filmul spune cum eara arm\u00e2n\u2019il\u2019i, cu celni\u0163 \u015fi picurari, diapoia c\u00e2rv\u00e2nari, care du\u0163ea pr\u00e2m\u00e2tii, acump\u00e2rate di la celnni\u0163 \u015fi vindute la al\u0163\u00e2 celni\u0163, cum si d\u00e2n\u00e2sea pi calea la v\u00e2r\u00e2 hane, \u015fi cum \u015fi spunea bana tru c\u00e2nti\u0163e. Cum pr\u00e2m\u00e2tia, adrat\u00e2 di la m\u00e2xulea di oi, eara ca\u015fi \u0163i si vindea, cum si tundea oili, cum si la \u015fi cum si sc\u00e2rmina, cum si tur\u0163ea l\u00e2na \u015fi hirulu si vindea a\u015fi I si mpiltea p\u00e2rpodz \u015fi flanele. Tru filmu pri n\u00e2ng\u00e2 Pero \u0162a\u0163a, care easte c\u00e2rv\u00e2nar, ama \u015fi c\u00e2nt\u00e2, gioac\u00e2 \u015fi Costel Framazon, \u015fi Gicu Farmazon. Naratorulu a filmului easte Ta\u015fcu Lala. Gioac\u00e2 \u015fi Emil Hagi, care easte celnic, gioac\u00e2 \u015fi Mihaela Hagi, celnicoan\u2019e. C\u00e2rv\u00e2naril\u2019i au tru filmu,cal\u2019i, \u015fapte cal\u2019i, da\u0163 di firma cu numa \u201c\u015eapte cai\u201d, a lu Dan Mo\u015fneagu, un rom\u00e2n di-tru su\u0163ata \u201cNicu Hagi\u201d. \u00cen alte roluri, Crasimira Farmazon, Vanghea Kumzovska, di Cru\u015fuva. Film\u0103rile si fea\u0163ir\u00e2 \u00een Rom\u00e2nia. Giucar\u00e2 ma multe feate arm\u00e2ne, apoia Boa\u0163ea Pindului, Fra\u0163\u00e2l\u2019i Bracea, c\u00e2nt\u0103 Cristi Andon, care avu \u015fi el un rol. Filmar\u0103 George Grasu \u015fi Coli Caranica.<\/p>\n
\n
<\/p>\n
Diapoia zbur\u00e2 tr\u00e2 filmu regizorulu \u015eerban Marinescu care dz\u00e2se c\u0103 filmul spune lucre care nu s\u00e2 \u015ftiu di-tru bana arm\u00e2neasc\u00e2, \u015fi c\u0103 filmul poate s\u0103 hib\u00e2 prezentat la i\u0163e festival di filmu. Zbur\u00e2 Katia Maxim, apoia \u015fi Enache Tu\u015fa. Participan\u0163\u00e2l\u2019i la aestu eveniment fur\u00e2 invita\u0163 la un cocteil di pite, ca\u015f arm\u00e2nescu. Si fea\u0163ir\u00e2 cadure.<\/p>\n
\n
<\/p>\n
La manifestarea di C\u00e2mplung lansarea a filmului, fapt\u00e2 dum\u00e2nic\u00e2, nu fu singurulu evenimentu.<\/p>\n
\n
<\/p>\n
S\u00e2mb\u00e2t\u00e2 fu spectacolul Pind-Carpa\u0163i, \u015fi promo\u0163ia a cartil\u2019ei Titan Vals, un\u00e2 adaptare pi arm\u00e2nea\u015fte a pies\u00e2l\u2019ei di teatru, comedie \u00een treie acte, a lu Tudor Mu\u015fatescu; adaptarea u fea\u0163e Nicolae Zdrula. Zbur\u00e2, di la \u201cArs Docendi\u201d, Viorel Cr\u0103ciun, apoia Viorel Zdrul\u0103 (hil\u2019ilu a lu Nicolae Zdrul\u0103) \u015fi Alexandru Gica.<\/p>\n
\n
<\/p>\n
La spectacol loar\u00e2 parte ansamblurile di C\u00e2mpulung, di m\u2019i\u0163 \u015fi di m\u0103ri, care si cl\u2019eam\u00e2 \u201cCarpa\u0163i Pind\u201d, diapoia Boa\u0163ea Pindului, pareia \u201cPilisterulu\u201d, Elena Grandzulea, Camelia Bizdu \u015fi Corina Elena Badea, Pero \u0162a\u0163a \u015fi Cristi Andon, din Rom\u00e2nia. S\u00e2mb\u00e2t\u00e2 dicsear\u00e2, dup\u0103 spectacol, fu un\u00e2 mu\u015fat\u00e2 sear\u00e2 armneasc\u00e2, cu c\u00e2ntic \u015fi gioc.<\/p>\n
\n
<\/p>\n
Dum\u00e2nic\u00e2 tahina si vizit\u0103 bustul a lu Tudor Mu\u015fatescu, di-tru parcul \u201cMersi\u201d, di C\u00e2mpulung, adrat di Dumitru Pasima. Adu\u0163im aminte \u015fi c\u0103 tut di Dumitru Pasima easte \u015fi bustul a lu Dinicu Golescu di la liceulu cu idia num\u00e2, iu autorulu, Dumitru Pasima si fotografie cu bustul adrat di el, atum\u0163ea, aoa \u015fi 4o di an\u2019i.<\/p>\n
\n
<\/p>\n
**************************<\/p>\n
\n
<\/p>\n
Dup\u0103 cum n\u00e2 informeadz\u00e2 Goran Pu\u015futiculu, sipt\u00e2m\u00e2na \u0163i tricu, tru capitala Scopia si \u0163\u00e2nu, ca di mul\u0163\u00e2 an\u2019i, Panagh\u2019irulu interna\u0163ional a cartiljei. P\u00e2n\u00e2gh\u2019irulu easte agiumtu la edi\u0163ia XXVII. Loar\u00e2 parte edituri autohtone, di-tru Machidonia slav\u0103, ama \u015fi di anvrliga, di-tru \u201car\u0103dz\u00e2mulu a Balcanului\u201d — cum dz\u00e2\u0163e Goran Pu\u015futiculu. Eara vinite \u015fi edituri di cama largu, di-tru Italia \u015fi Suedia. Editura, care di cama di dza\u0163e an\u2019i particip\u0103 la aestu p\u00e2n\u00e2gh\u2019ir, fu \u015fi un standu ahoria a UCAM, Unia ti cultura-a Arman\u2019ilor dit Machidunie. \u201cShi-anlu-aestu — dz\u00e2\u0163ea Goran Pu\u015futiculu – UCAM easti singura cari ari shtandu cu cartsa ti limba, isturia, cultura Armaneasca\u201d.<\/p>\n
\n
<\/p>\n
Aest\u00e2 informa\u0163ie, \u0163i cathe primuvear\u00e2, n\u00e2 v\u2019ine ca un\u00e2 tradi\u0163ie, cum dz\u00e2\u0163e Goran, tradi\u0163ie care \u0163\u00e2ne di cama di dza\u0163e an\u2019i, fa\u0163e ca redactorulu-\u015fef a revist\u00e2l\u2019ei \u201cFr\u0103\u0163ia\u201d di Tirana, domnul Iani Gu\u015fo s\u00e2 pricunoasc\u00e2 un\u00e2 oar\u00e2 ma multu lucrulu \u0163i lu fa\u0163e su\u0163ata UCAM \u015fi pre\u015fedintile a l\u2019ei, Dina Cuvata, dispre care dz\u00e2\u0163e c\u0103: \u201c Dina fatsi lucru di ahata anj tsi va mash alavdari\u201d. \u015ei domnul Cristo Goci easte simfun cu p\u00e2rearea a domnului Iani Gu\u015fo; tru un email dumnil\u2019I a lui dz\u00e2\u0163e, alidzem, : \u201cDomnu Jani Gusho ma shi altsi!<\/p>\n
\n
<\/p>\n
Lucru al Dina KUVATA, cai nu ari ochlji nu poata su viada pute. Cai nu vrea su viada, nu va spoata shiba aproapea di alithia. Vrets sdzatsets ti Dina ca easti nevricu i altu civa, tdzatsetsu! Shi mini va su dzacu: easti nevricu..! Ma cai di armanjlja cu temperamentu nueasti nevriku? …..<\/p>\n
\n
<\/p>\n[\u2026] Tu manjli ameali amu un dictinar Arbinuseashti – Aramaneashti…! Di 400 di fatsi…! Faptu di Dina Kuvata…! Juva nu si allavda Dina ti aistu multu mari lucru. Ari ninga alti shasi dictionari dipisiti. Juva nu dzasi ca tsi opera ari adarata….! Amu nturmana dictionaru a lui arbiniseashti-Armaneashti shi zboir di harau…. Dina sni baniadza…!\u201d<\/p>\n
\n
<\/p>\n
\n
<\/p>\n
Audio –><\/p>\n
\n
<\/p>\n
\n