\n
<\/p>\n
Un anun\u0163u:<\/p>\n
\n
<\/p>\n
Concursu \u201cContemporan cu Br\u00e2ncu\u015fi: Constantin Antonovici\u201d<\/p>\n
\n
<\/p>\n
Vru\u0163 so\u0163, v\u0103 invit\u0103m grim participa\u0163i la un nou concursu cu premii, \u201cContemporan cu Br\u00e2ncu\u015fi: Constantin Antonovici\u201d. Easte un concursu dedicat a celebrului sculptor Constantin Br\u00e2ncu\u015fi \u015fia unuia di a\u0163el\u2019i mai importan\u0163i discipoli a lui, Constantin Antonovici (1911–2002), care avu un\u00e2 ngh\u2019ilicit\u0103 carier\u0103 tru Europa \u015fi SUA. Di tu\u0163 arti\u015ftil\u2019i care au lucrat\u0103 cu Br\u00e2ncu\u015fi, fu singurulu care avu un certificat di recomandare simnat di a\u0163ista. Antonovici absolvi Artile Mu\u015fate la Ia\u015fi (1939), apoia are studiat\u0103 3 an\u2019i la Academia di Arte Mu\u015fate di Viena, dup\u0103 care 2 ani \u00een Tirol. La Paris agiundze tru 1947, iu \u00eel cunoa\u015fte pi Br\u00e2ncu\u015fi, arada di care lucreadz\u0103 4 ani. Di-tru 1953 are activat\u0103 la subsolul a catedral\u00e2l\u2019ei newyorkez\u0103 St. John the Divine. Constantin Antonovici are participat la numiroase expozi\u0163ii \u015fi are amintat\u0103 competi\u0163ii di sculptur\u0103 \u00een Canada, Austria, Fran\u0163a, Italia, Rom\u00e2nia \u015fi SUA. Di crea\u0163iile a lui clasi\u0163e amplasate tru spa\u0163ii publi\u0163e lipsea\u015fte s\u00e2 spunim capachea di marmur\u0103 di pi cripta episcopului William T. Manning, un\u0103 cru\u0163e di cheatr\u0103 de 2 metri pi fa\u0163ada di vest a Catedral\u00e2l\u2019ei St. John the Divine, bustul a fostului pre\u015fedinte Dwight Eisenhower aflat la Casa Alb\u0103. Motivulu chentral a oper\u00e2l\u2019ei a lu Antonovici fu bufni\u0163a, a cure l\u2019i-are fapt\u0103 reprezent\u0103ri tru diferite spuniri \u015fi ipostaze.<\/p>\n
\n
<\/p>\n
\n
<\/p>\n
V\u0103 invit\u0103m s\u0103 urm\u0103ri\u0163 emisiun\u2019ile RRI, siteul www.rri.ro \u015fi profilurile di Facebook, Twitter, Google+, LinkedIn, s\u0103 r\u0103spundi\u0163 corectu, \u00een scris, la \u00eentrib\u0103ri \u015fi pute\u0163 s-aminta\u0163. Concursul va s\u0103 \u0163\u00e2n\u0103 p\u00e2n\u0103 pi 15 gh\u2019inar 2016, data po\u015ft\u00e2l\u2019ei.<\/p>\n
\n
<\/p>\n
\n
<\/p>\n
Marile Premiu va hib\u0103 un\u0103 excursie di 7 dz\u00e2le (6 nop\u0163\u00e2) cu pensiune complet\u0103 (\u00een perioada 15-30.04.2016) tr\u00e2 2 ascult\u0103tori RRI, tru jude\u0163ul Gorj, locul di-tru care ap\u0103rn\u2019i spri lume Br\u00e2ncu\u015fi. Amint\u00e2toril\u2019i va viziteadz\u0103 casa natal\u0103 a artistului \u015fi multe alte atrac\u0163ii \u015fi mu\u015fute\u0163 a zon\u00e2l\u2019ei, arhiusinda cu Ansamblul monumental Calea Eroilor\u201d di la T\u00e2rgu Jiu, omagiu adus a eroilor c\u0103dzu\u0163 \u00een Primulu Polim Mondial, proiectat \u015fi construit di Constantin Br\u00e2ncu\u015fi. \u0162eale 4 componente sculpturale, Measa T\u0103\u0163earil\u2019ei, Aleea a Scamnilor, Poarta B\u00e2\u015fearil\u2019ei \u015fi Coloana f\u0103r\u0103 Bitisit\u0103 (Coloana Infinit\u0103), sunt dispuse pi tut a\u0163eau\u0103\u015fi ax\u0103, orientat\u0103 di la vest spri est, cu un\u0103 lundzime di 1275 di metri. Alu\u015ftor l\u00e2 si adavg\u0103 b\u0103searica S\u00e2m\u0163\u00e2l\u2019i Apostoli Petru \u015fi Pavel, inaugurat\u0103 la 7 brumar 1937, la tut a\u0163eau\u0103\u015fi dat\u0103 cu Poarta B\u00e2\u015fearil\u2019ei.<\/p>\n
\n
<\/p>\n
\n
<\/p>\n
Concursul easte organizat deadun cu Chentrulu di Cercetare, Documentare \u015fi Promovare Constantin Br\u00e2ncu\u015fi\u201d T\u00e2rgu Jiu \u015fi al\u0163\u00e2 parteneri locali. Ca di arad\u0103 lipsea\u015fte s\u0103 v\u0103 asiguripsi\u0163 pi cont propriu transportul interna\u0163ional p\u00e2n\u0103 \u00een Rom\u00e2nia \u015fi, ma c\u0103 si v\u0103 hib\u0103 necesar\u0103, viza tr\u00e2 Rom\u00e2nia. Tr\u00e2 a\u0163el\u2019i \u0163i nu amint\u0103 M\u0103rile Premii va avem premii \u015fi men\u0163iuni \u00een obiecte, oferite di Chentru.<\/p>\n
\n
<\/p>\n
\n
<\/p>\n
\u015ei tora, \u00eentrib\u0103rile:<\/p>\n
\n
<\/p>\n
– Care easte motivulu chentral a oper\u00e2l\u2019ei a lu Constantin Antonovici?<\/p>\n
\n
<\/p>\n
– Pri-tru \u0163i fu unic Antonovici di tu\u0163 arti\u015ftil\u2019i care au lucrat\u0103 cu Br\u00e2ncu\u015fi?<\/p>\n
\n
<\/p>\n
– C\u00e2t chiro \u015fi iu are lucrat\u0103 sculptorulu Constantin Antonovici cu maestru-s\u0103u?<\/p>\n
\n
<\/p>\n
– \u0162i opire celebre a lu Br\u00e2ncu\u015fi si afl\u0103 tru ansamblul monumental Calea Eroilor\u201d di la T\u00e2rgu Jiu?<\/p>\n
\n
<\/p>\n
\n
<\/p>\n
V\u0103 rug\u0103m s\u0103 n\u0103 scrii\u0163 \u0163i v\u0103 fea\u0163e s\u0103 participa\u0163 la concursu \u015fi, ma multu, c\u0103\u0163e asculta\u0163 emisiun\u2019ile RRI sau n\u0103 urm\u0103ri\u0163 programile \u00een mediul online.<\/p>\n
\n
<\/p>\n
\n
<\/p>\n
Coordonatile a noastre sunt nial\u00e2xite: Radio Rom\u00e2nia Interna\u0163ional, str. G-ral Berthelot nr. 60-64, sector 1, Bucure\u015fti, PO Box 111, cod 010165, fax 00.40.21.319.05.62, e-mail: arom@rri.ro A\u015ftipt\u0103m r\u0103spunsurile a d(umnil\u2019lor a)vs. p\u00e2n\u0103 la 15 gh\u2019inar 2016, data po\u015ft\u00e2l\u2019ei. Amint\u00e2torulu a Marilui Premiu va hib\u0103 anun\u0163at curundu dup\u0103 a\u0163ea, tra a-\u015fi preg\u0103teasc\u0103 excursia \u00een Rom\u00e2nia. Succes! (Alecu Marciuc, Eugen Cojocariu)<\/p>\n
\n
<\/p>\n
**************************<\/p>\n
\n
<\/p>\n
Un articol tru presa turca di-tru Romania, ligat di n\u0103ulu filmu a lu Toma Enache, \u201cArman\u2019il\u2019i\u201d.<\/p>\n
\n
<\/p>\n
Tru Gazeta bilunara, adica di daua ori pri luna ica pri mes, gazeta tur\u0163easca \u0163i apare \u00een Rom\u00e2nia, cu numa Zaman-Romania, numirulu di pi 01-15 andreu 2015, Emil Stanciu scie un articol cu numa \u201cParfum de Balcani\u201d — cu ghilimele pi aesta exresie metaforic\u0103, \u015fi continuare cu explica\u0163ia — film documentar despre arman\u2019i, di la fra\u0163\u00e2l\u2019i Manakia p\u0103n\u0103 tru dz\u00e2lile a noastre. Aest\u0103 explica\u0163ie easte un\u0103 reluare a titlului \u0163i lu are filmul, poate nu dip uidisit — minduim c\u0103 aest\u0103 fu p\u00e2rearea a lu Emil Stanciu – maca easte spu\u0103 \u015fi numa a protului filmu, adic\u0103 \u201cNu sunt faimos, ama escu arm\u00e2n\u201d. Emil Stanciu u alas\u0103 aten\u0163ia s-hib\u0103 ma\u015fi pi aestu al doilea filmu, cu titlu iindependentu, \u201cdi la fra\u0163\u00e2l\u2019i Manakia p\u0103n\u0103 tru dz\u00e2lile a noastre\u201d.<\/p>\n
\n
<\/p>\n
Easte una explica\u0163ie didip uidisit\u0103, \u0163i spune un mu\u015fata \u201cparfum di Balcan\u2019i\u201d, care aca\u0163\u0103 di la filmile a fra\u0163\u00e2lor Manakia tru care si ved arm\u00e2n\u2019I, achic\u00e2sinda, sigura \u015fi anulu 1905, a decretului dat tr\u00e2 arm\u00e2n\u2019I, la c\u00e2ftarea a statului roman, tra s-hib\u00e2 pricunuscu\u0163 minoritate tru imperiul otoman, imperiu \u0163i ama eara un l\u00e2ndzit a li Europ\u00e2, \u015fi lo tra s\u00e2 si asparg\u00e2 nu priste multu chiro, iara la 1922 si fea\u0163e Republica Turcia, av\u00e2nda nu sultan, c\u0103 un pre\u015fedinte, Mustafa Kemal Atatiurk.<\/p>\n
\n
<\/p>\n
A\u015fi c\u0103 \u0163i nu putu s\u00e2 si fac\u0103 la 100 di an\u2019i, di la anulu a iradelui, 1905, care si fea\u0163ir\u0103 100 tru 2005, si fea\u0163e tru anulu 2015, la 110 an\u2019i di la iradeaua a sultanului Abdul Hamid.<\/p>\n
\n
<\/p>\n
Easte un documentar cu parfum di jubileu, cu ah\u00e2t ma multu cu c\u00e2t si bazead\u0103 pi cartea, tru cama marea parte, pi cartea a lu Gustav Weigand, scris\u0103 aoa \u015fi v\u00e2r\u00e2 120 di an\u2019i, la 1894, Die Aromunen. Anulu aestu cartea fu dizn\u0103u tradus\u0103 \u00een limba roman\u0103 di un bun cunosc\u0103or a limb\u00e2l\u2019ei ghirman\u0103, ar\u0103m\u0103nulu muzicolog, \u015fi tr\u00e2 a\u0163ea putem s\u0103-l compar\u0103m cu un altu cunosc\u0103tor di limbe xeane, printer care \u015fi a limb\u00e2l\u2019ei tur\u0163easc\u0103, domnitorulu di pi la 1710, iatu avem invers, 310 an\u2019i di atum\u0163ea, domnitorulu a li Moldov\u0103 Dimitrie Cantemir, care scrise un sistem di nota\u0163ie muzical\u0103 tru cultura tur\u0163easc\u0103, atum\u0163ea candu eara la Constatinopol. Traduc\u0103torulu di anulu aestu, 2015, a cartil\u2019ei di aoa \u015fi 130 di an\u2019i, Die Aromunen, easte muzicologulu Christian Bandu, specializat rtu muzic\u0103 b\u00e2siricheasc\u0103, \u015fi care are scris\u0103 \u015fi un c\u00e2ntic relighios dedicat a lu Papa di orighine ghirman\u0103, Benedict al XVI-lea. Tradu\u0163irea a lu Christian Bandu fu fapt\u00e2 la mare nivel cu agiutorulu di specialitate a unui lingvistu Mariana Bara. Pi aestu materaial si-are bazat\u0103 filmulu documentar a lu Toma Enache, \u015fi tutun\u00e2oar\u0103, a\u015fi cum adu\u0163e \u015fi aminte, pri dodecalogulu a li Matilda Caragiu Mario\u0163eanu. Filmul fa\u0163e nu ma\u015fi un\u00e2 prezentare istoric\u0103, el agiundze \u015fi p\u00e2n\u0103 tru dz\u00e2lile a noastre, cu numile \u0163i deadir\u0103 aname, fotbalistul Gheorghe Hagi, tora antrenor, \u0163i fu, un\u00e2 mu\u015fat\u00e2 uidiseare cu miletea a revist\u00e2l\u2019ei \u0163i tora are publicat\u0103 articolulu, antrenor tru Turchie, la echipa di fotbal Galata Saray, \u015fi tut un\u00e2 sportiv\u0103 di boie mondial\u0103, tenismena Simona Halep, loculu 2 tru clasamentul mondial.<\/p>\n
\n
<\/p>\n
\n
<\/p>\n
Audio –><\/p>\n
\n
<\/p>\n
\n
<\/p>\n
\n