Tamam dicseara di prindu C\u00e2rciun, pi 24 andreu, ma s-lughursim dup\u0103 calindarulu pi stilul n\u0103u, si fea\u0163e un evenimentu cultural Scopia, la care, dus ca participantu tru public, prezidentul a Unil\u2019ei tr\u00e2 Cultura a Arm\u00e2n\u2019ilor dit Machidunie (UCAM) Dina Cuvata fea\u0163e aclo un\u00e2 completare cu un\u00e2 informa\u0163ie ligat\u0103 di evenimentu, ama pitricu informare \u015fi pi internet, di la care u d\u0103m \u015fi noi h\u00e2barea a\u015fi cum u scrise el. Alidzem spusile a lu Dina Cuvata, a cure lilmb\u0103 curat arm\u00e2neasc\u0103 easte un\u00e2 urneche tr\u00e2 noi.<\/p>\n
\n
<\/p>\n
\n
<\/p>\n
\u201cAsarnoaptea, Scopia, tu una ducheani ti cartsa, s-featsi promotsii-a paturlor cartsa di una Antologhii armaneasca di cantits. Autorlu-a cartiljei easti Hristu Mular, shi cantator shi mastur ti ghitara. Aesta promotsii s-featsi shi cu ucazea-a iurtuseariljei a 60-lor di-anji di bana-al Hristu Mular.<\/p>\n
\n
<\/p>\n
Promotsiea u dusi Cocio Topuzovski, poet cari zburashti shi-armaneashti, shi el di Crushuva shi tora easti shi Secretar ti colaborarea internatsionala la Uniea-a Scriitorlor dit Machedoniea. Promotor fu Iane Cogeabashia, shi el compozitor shi muzicolog di soi Meglenit, cari zbura multu musheat sh-ti lucurlu-al Hristu Mular, sh-ti cantitsli armaneshtsa.<\/p>\n
\n
<\/p>\n
Promotsiea ahurhi cu cantarea-a daulor strofi di canticlu “Spuni-nji, bre gione!”, cantat di una feata\/nveasta, nu shtiu tsi easti, a deapoaea canta shi nica un cantic machidunescu shi un armanescu.<\/p>\n
\n
<\/p>\n
Anji feci ti ghini, cu caftari ljirtari, ca mi mintii tu-atsel musheat lucru, di spush ca canticlu “Spuni-nji, bre gione” easti adrat di Poetlu Natsional a Armanjlor Mihali Nicolescu. Spush ca el eara faptu tu-anlu 1835, tu hoara Tarnuva, ninga Bituli shi muri tu-anlu 1865, tu casabalu Giurgiu, dit Vlahii. Dzash ca Dumidza ashi li-adusi lucrili di, tu bitimea-a anlui, s-iurtuseasca shi dauli iubilei: 180 di-anji di-anda s-featsi shi 150 di-anji di-anda muri autorlu, Mihali Nicolescu.<\/p>\n
\n
<\/p>\n
Manifeastatsiea s-featsi shi ma musheata ca tu soni tuts oaspitslji fura chirnisits cu lacumi, avdzata lacumi di Crushuva, ashi cum di una eti suntu-ashtuptats oaspitslji Crushuva.<\/p>\n
\n
<\/p>\n
Avea vinita multsa oaminji, multsa Armanji, ama shi oaspits bunji di-al Hristu shi s-featsi una musheata andamasi cas ti bitimea-a anlui 2015, cari bitiseashti ti-ndauua dzali.<\/p>\n
\n
<\/p>\n
Sa-lji uram al Hristu Mular sanatati, ghineatsa shi s-poata shi-alta oara shi cu-alta ucazi s-na-aduna noi Armanjlji, [\u2026]\n
\n
<\/p>\n
Cu tinjii,<\/p>\n
\n
<\/p>\n
Dina Cuvata<\/p>\n
\n
<\/p>\n
Iara noi \u00eel\u2019i dz\u00e2\u0163im evharisto a lu Dina Cuvata tr\u00e2 aest\u00e2 mu\u015fat\u0103 h\u00e2bare !<\/p>\n
\n
<\/p>\n
**************************<\/p>\n
\n
<\/p>\n
Un film di desene animate tr\u00e2 cilimean\u2019I fu adrata di Dini \u015fi Anda Trandu, cunoscu\u0163 tr\u00e2 talentul a lor di c\u00e2nt\u00e2tori, \u015fi \u0163i au scoas\u0103 \u015fi ma multe CD-uri cu muzic\u0103 arm\u00e2neasc\u00e2 \u015fi romneasc\u0103, ama \u015fi muzic\u0103 rock \u015fi pop. Tora si minduir\u0103 ca tru doar\u00e2le \u0163i li adu\u0163e Pap C\u00e2rciun s\u00e2 fac\u0103 aist film di desene animate. Ca un\u0103 turlie di \u201ccaset\u0103 cu doar\u0103\u201d va s-dz\u00e2\u0163im noi ca parafraz\u0103 la titlul a cartil\u2019ei a cure autor easte Dini Trandu, \u201cLum\u2019ina dit sinduche\u201d. Ligat di naua \u201ccaset\u0103\u201d (cu ghilimele dz\u00e2s) tr\u00e2 ficiuri\u0163 Dini Trandu dz\u00e2\u0163e:<\/p>\n
\n
<\/p>\n
Ti tuts cilimeanj, sh-n\u0101pots ta s-avd\u0101, s-anveats\u00e2 limba arm\u0101neasc\u0101 …<\/p>\n
\n
<\/p>\n
“Lupu sh-capra cu shapti iedz”<\/p>\n
\n
<\/p>\n
Adaptari cu Dini sh-Anca Trandu \u015fi oar\u0103 Videari Bun\u00e5 (sigura a filmului) \u015fi S\u0101rb\u0101torili cu s\u0101n\u0101tati sh-harau.<\/p>\n
\n
<\/p>\n
Paramitulu spus mu\u015fat pi arm\u00e2nea\u015fte, dup\u0103 Fra\u0163\u00e2l\u2019i Grimm, easte cu iedz cma arm\u00e2ne\u015fti (\u015fi nu ghirman\u2019I): Lambru, Cola, Hrista, Spiru, Dina, Sutiri \u015fi, cama m\u2019iculu, ama \u015fi cama mintimenulu, Chita. Un paramit \u015fi un film di mare mu\u015futea\u0163\u00e2 ! Iara spunearea easte fa[t\u0103 di un mastur la paramite, cum easte Dini Trandu.<\/p>\n
\n
<\/p>\n
********************************<\/p>\n
\n
<\/p>\n
Slujb\u0103 relighioas\u0103 \u015fi spctacol di Pap-C\u00e2rcin pi 10 andreu la B\u00e2searica S\u00e2m\u0163\u00e2l\u2019i C-tin \u015fi Elena di Constan\u0163a. N\u00e2 informeadz\u0103 Goran Pu\u015futiculu:<\/p>\n
\n
<\/p>\n
Drepturile \u0163i arm\u00e2n\u2019il\u2019i li c\u00e2fta tru imperiul ottoman, \u015fi date pri-tru iradeaua di la 1905, li videm date, ca slujba tru b\u00e2searic\u0103 \u015fi tru Rom\u00e2nia, slujb\u0103 fapt\u0103 p\u0103n\u0103 pi 10 andreu di 9 ori la b\u00e2searic\u0103 Amiradz\u00e2l\u2019i Constantin \u015fi Elena, di Constan\u0163a. Suflitulu a li\u015ftei ac\u0163iune fu \u015fi easte domnul Nicu Caramihale, cu mare agiutor \u015fi di la pidimolu evlogh\u2019isit a lu Dina Cuvata, care fea\u0163e arm\u00e2nispirea a c\u0103r\u0163\u00e2lor s\u00e2mte, a\u015fi c\u0103 putur\u0103 s-c\u00e2nt\u0103 pi armnea\u015fte la aeste slujbe pref\u0163\u00e2l\u2019I Gh\u2019eorgh\u2019e Dima, Na\u015fcu Caraiani \u015fi Lucian S\u0103ftescu. Slujbile si fea\u0163ir cuevlogh\u2019isirea (binecuv\u00e2ntarea) a dip-analtului — n\u00e2 informeadz\u00e2 Goran Pu\u015futiculu — dispot a li Dobroge Teodosie \u015fi cu ndruparea a preftului paroh Ciprian Stoichin. Lipsea\u015fte, arada di numa a domnului Nicu Caramihale s-u spunim \u015fi numa domnului Nicu Racu, doil\u2019i s-alumt\u0103 di v\u00e2r\u00e2 trei me\u015fi tr\u00e2 aestu lucru \u015fi aeste diavase b\u00e2siriche\u015fti pri arm\u00e2nea\u015fte, tru calitatea a lor di cum\u00e2ndari a su\u0163at\u00e2l\u2019ei relighioas\u0103 arm\u00e2neasc\u0103, la care prezidentu easte domnul Nicu Racu. A, el fu \u015fi psaltu la aeste liturghii. La ultima liurghie, di gioia, sipt\u00e2m\u00e2na \u0163i tricu, 10 andreu, maca si aproache s\u00e2rb\u00e2torile di iarn\u0103, fu \u0163\u00e2nut \u015fi un program artistic tr\u00e2 C\u00e2rciun, a\u015fi cum n\u00e2 informeadz\u0103 Goran Pu\u015futiculu, alidzem, :<\/p>\n
\n
<\/p>\n
Dinaoara dupa zborlu di ghinueari shi haristuseari a mbistimenjlor tsi la-l featsi preftul Yioryi Dima, scularlji-a dascalitsaljei Zoe Gica a curi numa “Lilici dit Mai” u shtiu tuts al tsanura spectacolu cu musheati canits shi colindi pi limba armaneasca. Canda baserica s-umplu shi cu nica ma mari vluyii, ca Armanjlji tsi vinira nu shtea tsi va s-faca shi fura multu harioshi ca shi-u-avdzara limba di dada sh-tu-ahtari turlii, di nai ma tinirli barnuri armaneshtsa. Tinjisita doamna Zoe Gica nica una oara u vidzum cat di importantu shi fara di preaclji lucru adara di cama di yinghits di-anji ti vigljearea shi nichirearea-a limbaljei armaneasca. Ficiorlji alji durusira cu pacheti pishcheshi ti Carciun N . Racu shi N. Caramihali, cari avura angatan shi tuts prezentsalji s-bea cati una ceai calda i cati un yin hertu. U featsira aesta chirniseari shi di ispetea ca dzalili aestu avura sh-yiurtii ti numa-a lor ti Yi-Nicola, cari fu Sambata tsi tricu. S-la hiba ti multsa anji shi bircheavis sh-ti gairetea tsi-u fac ta sa si avda limba armaneasca tu basearica.<\/p>\n
\n
<\/p>\n
Ti liturghia cu iubileu shi cu spectacul artistic vini sh-echipa di la TV Neptun shi featsi habari. Jurnalista shi cameramanlu dolji Armanji, ea di-al Bajdechi shi el di-al Ceara. Marius Teja adra caduri.<\/p>\n
\n
<\/p>\n
Goran Pu\u015futiculu<\/p>\n
\n
<\/p>\n
\n
<\/p>\n
Evenimentul fu gh\u2019ilipsit \u015fi tru pres\u0103, tru care videm \u015fi ndau\u0103 p\u00e2reri s[puse di participan\u0163\u00e2l\u2019I la evenimentu. Seamnnile a citaril\u2019ei:<\/p>\n
\n
<\/p>\n
“Easte mare lucru faptul c\u0103 liturghia se \u0163\u00e2ne pi arm\u00e2nea\u015fte, \u015fi limba noastr\u0103 di mam\u0103, grailu a nostru si avde di la arhiusita \u015fi p\u00e2n\u0103 la bitisita a slujb\u00e2l\u2019ei. Cathe-un om lipsea\u015fte s\u0103-\u015fi zburasc\u0103 limba lui matern\u0103 \u015fi vine momentul ca noi s-u avdz\u00e2m tru b\u00e2searic\u0103”, dz\u00e2se preftul Dima George.<\/p>\n
\n
<\/p>\n
Dizn\u0103u seamnile a citaril\u2019ei tr\u00e2 un\u00e2 nau\u00e2 p\u00e2reare:<\/p>\n
\n
<\/p>\n
“Toate zboar\u00e2le suntu b\u00e2gate di noi di-tru dic\u0163ionarulu pi care \u00eel avem arm\u00e2nescu-rom\u00e2nescu \u015fi rom\u00e2nescu–arm\u00e2nescu. Lipsea\u015fte s\u0103 n\u0103 \u0163\u00e2nim graiulu a nostru arm\u00e2nescu \u015fi s\u0103 n\u0103 \u0163\u00e2nim tradi\u0163iile a noastre”, dz\u00e2se Nicolae Racu, ini\u0163iatorulu a propuneril\u2019ei. Dup\u0103 liturghie, un grup de colind\u0103tori arom\u00e2n\u2019i aduse haraua a v\u2019inearil\u2019ei s\u0103rb\u0103torilor tru casa di cultu, b\u00e2searica.<\/p>\n
\n
<\/p>\n
\n
<\/p>\n
\n
<\/p>\n
Audio –><\/p>\n
\n
<\/p>\n
\n
<\/p>\n
\n