{"id":661012,"date":"2015-06-05T10:54:00","date_gmt":"2015-06-05T07:54:00","guid":{"rendered":"http:\/\/devrri.freshlemon.ro\/actualitati\/entipusi-premiera-a-filmului-carvanea-armaneasca-regizor-pero-tata-id661012.html"},"modified":"2015-06-05T10:54:00","modified_gmt":"2015-06-05T07:54:00","slug":"entipusi-premiera-a-filmului-carvanea-armaneasca-regizor-pero-tata","status":"publish","type":"post","link":"https:\/\/www.rri.ro\/ro_ar\/cultura-si-adet-armanesti\/oaspit-la-microfonlu-rri\/entipusi-premiera-a-filmului-carvanea-armaneasca-regizor-pero-tata-id661012.html","title":{"rendered":"Entipusi premiera-a filmului \u201cCarvanea arm\u00e2neasca\u201d regizor Pero Ta\u0163a"},"content":{"rendered":"

Entipusi premiera-a filmului \u201cCarvanea arm\u00e2neasca\u201d<\/strong><\/p>\n


\n <\/p>\n

regizor Pero Tata<\/strong><\/p>\n


\n <\/p>\n


\n <\/p>\n

Dupa videarea a filmului moderatorlu, prof. Alexandru Gica, calisi oaspitl\u02b9i ti eara vinit tru sala-a Tentrului Cultural \u201cApa Ansarata\u201d di Campulung Muscel ta si spuna entipusili, s-baga ntribari, sa spuna critit andicra di aestu filmu:<\/p>\n


\n <\/p>\n

– Regizorlu SERBAN MARINESCU:<\/strong><\/p>\n


\n <\/p>\n

\u201cProta s prota voi s-va spun ca mi ciudisiiu ti daua lucri:<\/p>\n


\n <\/p>\n

Prota,ca una etnie ari ahata furteata ta sa spuna cari easti si ahata tin\u02b9ie ti ardatina. Aesta lipseasti sa u nvitam noi, easti di simasie. Spuneam ma ninti ca pistipsescu ti scupolu a unlui filmu documentar. Scupolu a unlui filmu documentar easti s-ta spuna tiva ti nu stii. Aestu easti protlu lucru.<\/p>\n


\n <\/p>\n

S-ti mini, escu candasitu, ti nai multa di arman\u02b9 aestu filmu limbidzasti tiva ti habari nu aveam s ti aesta va hiritisescu, va spun ma marea tin\u02b9ie, dit suflitu. Dealihea, steam ndaua lucre ca itido insu, ti arman\u02b9, ama turlia tu cari autorl\u02b9i si autorlu, spun autorlu, voi sa spun ti domnul Hagi cari easti producator, una turlie di celnic di sum munti, di aoa, ti arm\u00e2n\u02b9, si regizorlu apraftasira una turlie ti nu s-ari preacl\u02b9e s-tana tu schepea atea ali mae nu masi cadhurli, s-va sa spun nica na oara, aradatin\u02b9ili, emotiili, pirmithili, c\u00e2ntitli lucri di mari simasie.<\/p>\n


\n <\/p>\n

Dit videala tehnica filmul n\u02b9 si s-pari ca easti adrat ti anami si al\u02b9i hiritisescu atel\u02b9i ti featira priza directa, s-filmara. Easti un filmu pi cari putet s-lu parastisit cu framtea ndzeana iutido. Nu mas tu una sala ama s-pi un postu di televiziuni. Si easti ghini s-u-adrat cate oamin\u02b9il\u02b9i lipseasti s\u2019nveata, sa stiba, cari hit s-cat museat stit s-va tanet tu bana adetli, nica na oara u spun aesta.<\/p>\n


\n <\/p>\n

Tut cu tut nica s-conventia ti u featitu, s-cl\u02b9eama ca una mana di oamin\u02b9 eara si producatori, tanura s blendili, giucara tu filmu cu multa hazi s va hiritisescu ti aesta, napoi u spun easti una conventie ti io u akicasiiu s nu mas mini, escu candasitu, tuta lumea.<\/p>\n


\n <\/p>\n

Dimi, dat-l\u02b9iu ninti ! Hiratimati la tut atel\u02b9i ti bagatu anumira si apraftasitu s-adrat aesta si maxus a domnului Hagi, cari, ia, apraftasi s-adara aoa una sala di proiectie s-di evenimenti exceptionala si un filmu exceptional. Hiratimati s cama mari !\u201d<\/p>\n


\n <\/p>\n

– ION CRACIUN — directorlu a Editural\u02b9ei \u201cARS DOCENDI\u201d di la Universitatea Bucuresti.<\/strong>:\u201dAn\u02b9 pari un lucru di curayiu apraftasitu pan di mardzina. Curayilu a vostu dusi ma largu pana s tu dzuua di aza. Mi ndridzeam s-va spun ca spusit curayiu maca lu\u2019calisitu aoa regizorlu Serban Marinescu. Ti atea easti un lucru absolut spetial\u201d.<\/p>\n


\n <\/p>\n

– Ec. GHEORGHE HAGIVRETA<\/strong>: \u201cTu bana a noastra culturala ies tu videala ptani evenimenti di aesta turlie s dupa filmul cari spun io fu ti anami , al Toma Enache \u201cNu hiu faimos, ama escu arm\u00e2n\u201c alanci s filmul aestu. Easti un lucru bun s-videm partea mplina a putirlui si aveam umutea ca va s-iasa s alti filmi di aesta turlie. S tora una ntribari ti domnul regizor Pero Tata:<\/p>\n


\n <\/p>\n

– Ti va sa spuna sticlu\/ secventa atea cu \u201casteapta-mi astara dupa ti alanta dormu ?\u201d<\/p>\n


\n <\/p>\n

– Moderatorlu, prof. ALEXANDRU GICA<\/strong>: \u201cFac remarca maxus ti publiclu romanescu nu stiu cat duchitu sirtal\u02b9a a atil\u02b9ei secventa, di un humor teribil, cu mari hazi feata aruca cu paralu\/ moneda pit firidha ligat di una cioara ta s-da semnu a vrutlui a l\u02b9ei, ghini ma , tu idyiul kiro ari ngatan s-nu cheara paralu s-lu tradzi napoi tu uda pit firida, s-cl\u02b9eama ca ta s-esta icunom easti candasearea nai ma vartoasa tu lumea arm\u00e2neasca\u201d.<\/p>\n


\n <\/p>\n

– Prof. ENACHE TUSA, Universitatea \u201cOvidius\u201d di Constanta:<\/strong> \u201cBuna dzuua la tut ! Escu vinit ti prota oara C\u00e2mpulung Muscel, haristusescu a domnului Hagi ti c\u00e2liserli multi ori fapti tu tintil\u02b9i an\u02b9 dit soni, c\u00e2liseri fapti personal, ti fumeal\u02b9a a mea s ti Sutata di Constanta. Noi n-avem adunata multi ori. Mi h\u00e2rsescu ti v\u00e2 ved mult\u00e2 di voi di atel\u02b9i ti hit c\u00e2n\u00e2scutl\u02b9i a mei, arm\u00e2n\u02b9 si rom\u00e2n\u02b9 s cu harauua li spun hiratimatli la tut atel\u02b9i ti avura prota s prota ideea ti aestu documentar, id\u00e9e ti yilipseasti az\u00e2 tu un\u00e2 pelicula di filmu una bana ti nu mata s-ari vidzut\u00e2 di v\u00e2r\u00e2 60-70 di an\u02b9.<\/p>\n


\n <\/p>\n

Escu proofesor ma lucredzu s cu socilogia s antropologia s maxus cu antropologia aesta a comunitatlor. Dobrogea easti un muzeu yiu ma sa spunem antropologic a deapoa arm\u00e2n\u02b9l\u02b9i prit atea ti b\u00e2nai io tu fumeal\u02b9a a mea, c\u00e2te b\u00e2nai s cu maili a meali s cu p\u00e2p\u00e2n\u02b9il\u02b9i a mel\u02b9, b\u00e2nai n\u2019hoar\u00e2 loclu\/ spatiul aestu identitar ti noi lu yilipsim ca hiindalui isnafea\/ comunitatea, s\u00e2 spunem, exceptionala cu numa hoara cari apridus\u00e2 zbor cu zbor ti noi angreac\u00e2\/ spuni ma multu andicra di loclu aretcu di b\u00e2naticu.<\/p>\n


\n <\/p>\n

Deapoa, fudzii la studii cum fati iti tiniru, agiumsu tu una alta f\u00e2lcari di Arm\u00e2n\u02b9 prit ncurunari si aoa \u00e2l\u02b9 haristusescu a nicukir\u00e2l\u02b9ei ca mi dusi aclo. Tu comunitati him iara tu un\u00e2 parei adnat\u00e2 stog, parei di Arm\u00e2n\u02b9, aest\u00e2 arad\u00e2 cu f\u00e2rsirot iu li t\u00e2nem adetli si tuti yisterli a isnafil\u02b9ei a noasta<\/p>\n


\n <\/p>\n

Voi s\u00e2 spun c\u00e2 anda lu\u2019mutream filmul n\u02b9-adus aminti di tut ti aveam vidzut\u00e2 la maia-a mea, stran\u02b9ili a l\u02b9ei, moeabetli a maiil\u02b9ei a mea cu alanti moasi ti li ac\u00e2taiu tu bana-a mea, anda earam cilimeanu, p\u00e2p\u00e2n\u02b9il\u02b9i a mei cari tundea oili, p\u00e2rint\u00e2l\u02b9i,l\u00e2l\u00e2n\u02b9il\u02b9i a mei c\u00e2te io criscui anamisa di tutiput\u00e2 mult\u00e2 an\u02b9 di dz\u00e2li p\u00e2na am\u00e2natu c\u00e2ndu fudzii di acasa. Nica s oi am p\u00e2scut\u00e2, tumsu oi u spun tora dit aesta experienta si una cumata dit aestu n\u02b9ic loc identitar lu vidzui diznau aoa multu ghini yilipsitu Minduescu ca easti un amintaticu cum spunea Yioryi Hagivreta dupa filmul al Toma Enache, ti easti ti-anami.<\/p>\n


\n <\/p>\n

Easti un altu amintaticu ti atea ti va s-dz\u00e2ca isnafea\/ identitatea, structura, axia-a arm\u00e2n\u02b9ilor, yistearea culturala arm\u00e2neasca s ma multu di ah\u00e2tu reprezentarea-a arm\u00e2n\u02b9ilor, a noastra a tutulor a atilor ti b\u00e2nam si azbur\u00e2m arm\u00e2neasti a un\u00e2l\u02b9ei identitati, a un\u00e2l\u02b9ei et\u00e2, a un\u00e2l\u02b9ei adeti si cadealithea a un\u00e2l\u02b9ei aduteari aminti museat\u00e2 c\u00e2te aoa suntu ac\u00e2tati tu moeabeti si aduterli aminti prit cadurli ti li videm s fumeili di v\u00e2r kiro.<\/p>\n


\n <\/p>\n

Eali arm\u00e2n tu mintea a noastra, a tutulor s luyursescu ca regizorlu, actorl\u02b9i, scriitorl\u02b9i, muziciean\u02b9il\u02b9i va s-cil\u00e2st\u00e2seasca ta s-u-t\u00e2n\u00e2 yie aesta limba.<\/p>\n


\n <\/p>\n

Haristusim la tut atel\u02b9 ti ndreapsir\u00e2 aest\u00e2 andamasi maxus a domnului Emil Hagi si a doamnal\u02b9ei Hagi s la tut atel\u02b9i di C\u00e2mpulung cari featira trop ta s-fac\u00e2 aest\u00e2 andamusi si hiratimati la tut actorl\u02b9i c\u00e2te suntu actori tu alithea noima aca multa di el\u02b9 profesional nu lucreadza pi aesta zanati spunem asi una zanati di mari sinferu s complexa.<\/p>\n


\n <\/p>\n

Nica mi harsescu ca lu-ved si dl. Serban Marinescu a curi filmi n\u02b9-au hari. Io escu cu vreari ti filmu s ti aesta vin\u02b9iu C\u00e2mpulung. Hiratimati la tut nica na oara, va haristusescu ti uspitlachi si hiratimati a atilor ti eara mintit tu regizari s cadealihea ti ideea ti u avura ti aestu filmu.<\/p>\n


\n <\/p>\n

Haristusim la tut s hailrlatica ti ma largu !\u201c<\/p>\n


\n <\/p>\n

– AURICA PIHA — Redacator la RRI, Sectia arm\u00e2neasca:<\/strong> \u201cHiratimati ! Hiratimati a domnului Hagi s-la tuta pareia maxus ca stiu ndaua lucri. Stiu ca fu una idhee asi ncalar cum s-dzati s filmarli si multi dit pirmithi fura asi adhoc s lucrat ti anami. Stiu ca tut avet emotii si voi s-va spun nica na oara s mi harsescu ti lu-calisitu domnul Marinescu cate lu cundil\u02b9e \u201cpidimolu a vostu\u201d. Lucurlu a vostu nu fu geaba si asi cum dzasi si profesorlu Enache Tusa noi stim, dit ateali ti avem ghivasita, di la papan\u02b9, ama barnurli ti yinu numata stiu aoproapea ici tiva dit bana-a arm\u00e2n\u02b9ilor di aoa s v\u00e2ra 80-100 di an\u02b9. Si easti multu ghini, dimi filmul aestu easti ghini aprukeat s-lucrara museat pan tru soni tuti stenili. Hiratimati si a sotl\u02b9ui meu (Tascu Lala) si a doamnal\u02b9ei Hagi cari spusi musuteata tu interpretari. Di tiniri ti sa spun, el\u02b9i totna au harisma a lor tru pirmituseari, featili suntu mseati. Vanghea Kuzmanoska, easti ti-anami. Hirataimati al Pero el avu una vreare s feati un pidimo di her si masi io stiu c\u00e2ti cal\u02b9iuri feati dit Macedonia si p\u00e2na aoa nica s cu autostoplu. Bravo Pero ! Hiratimati si al Coli Caranica cari tu ahurhita fu ar\u00e2s ta s-intr\u00e2 tu aestu proiectu ama io minduescu ca avu hairi aca s-alasa arasu. Angrica ta s-ti alasi arasu Coli\u201d.<\/p>\n


\n <\/p>\n

– Scriitoarea CATIA MAXIM:<\/strong> \u201dVa haristusescu multu di multu ! Ta sa spun tu harea di spectator cari vini s-veada un filmu cari ti s-hiba loclu iu lu vidzu, neise, tu una sala a unlui Camin Cultural ica tu una sala di cinematograf multu eleganta. Ti mini, va spun cu inima discl\u02b9isa escu cabaia emotionata di spontaneitatea, di tut bairlu di seamni\/ simboluri si di metafori ti io tu harea di rom\u00e2n li vidzui s li xanavidzui tu aestu filmu.<\/p>\n


\n <\/p>\n

Cundil\u02b9edzu maxus cumata di documentari ti c\u00e2rvanari, un\u00e2 pirmithuseari nidatata, una pirmituseari ti putem s-u-ascultam diznau s dupu 100 di an\u02b9. Hiratimati la tuta pareia si ti s-va spun nica escu emotionata. Easti un filmu ti angreaca multu di multu si un filmu cari n\u02b9-adusi harauua maxus ti musuteata s ti turlia cum cura limba arm\u00e2neasca. Agiumsu pi isapea anda u ascultu limba arm\u00e2neasca, ca duchescu c\u00e2t museata easti aesta limba, duchescu catu lisor cura, c\u00e2ta harauua poati s-aduca a unlui om ti nu zburasti limba arm\u00e2neasca ama ti u avdi ca un\u00e2 poezie niacumtinata nidatata.<\/p>\n


\n <\/p>\n

Hiratimati !<\/p>\n


\n <\/p>\n

RRI — Sectia Armaneasca 12.05.2015<\/p>\n


\n <\/p>\n


\n <\/p>\n

Reporter Tascu Lala<\/p>\n


\n <\/p>\n


\n <\/p>\n


\n <\/p>\n


\n <\/p>\n


\n <\/p>\n


\n <\/p>\n

<\/div>\n


\n