2024 va ta s\u2019ias\u0103 tu migdani ca anlu a m\u0103rloru proiecte di infrastructur\u0103 tru Rom\u00e2nia. S\u0103 stihisi c\u0103 anlu aestu s\u2019hib\u0103 programati patru ar\u0103d\u0103riki di alidzeri: locale, europarlamentare, generale \u015fi preziden\u0163iale. Tru aest\u0103 noim\u0103, administra\u0163ia di Bucure\u015fti adusi tu menga a cet\u0103\u0163ea\u00f1iloru domenile pi cari ae\u015f\u0163\u0103 ditu soni li lugursescu deficitare, ntr\u0103 cari atelu ali infrastructur\u0103 medical\u0103.<\/p>\n
<\/p>\n
Tru dekenili ditu soni, politicienii rom\u00e2ni s-loar\u0103 borgea s\u2019da cali ti construc\u0163ia di spitale regionale, unit\u0103\u0163i medicale mamut, cari s\u2019ah\u0103rdzeasc\u0103 servicii moderne \u015fi centralizate tr\u0103 popula\u0163ia ditu m\u0103rli reghiuni ali v\u0103silie. Proiectili am\u0103nar\u0103 di itia a birocra\u021biillei \u015fi a xikillei di finan\u0163ari. Luc\u0103rli ama preayalea ayalea s\u2019ndreapsir\u0103.<\/p>\n
<\/p>\n
Dup\u0103 \u0163i tu mar\u0163u ahurhir\u0103 lucr\u0103rli la Spitalul Reghionalu di Urgen\u0163\u0103 Craiova, tru sud-asc\u0103pitata ali Rom\u00e2nie, a deapoa tru apriiuru, ateali di la Spitalu Regional di Urgen\u0163\u0103 Ia\u015fi, tru nord-est, la bitisita a st\u0103m\u00e2n\u0103llei \u0163i tricu fu nkisit\u0103 construc\u0163ia a Spitalui Regional di Urgen\u0163\u0103 Cluj-Napoca, tru nolgica ali v\u0103silie. Valoarea proiectului n\u0103strea\u0163i 700 di milioane di euro, iarapoi vadelu di bitiseari easti pruvidzutu pisti trei a\u00f1i. Unitatea medical\u0103 easti amplasat\u0103 tru localitatea Flore\u015fti \u015fi va s\u2019aib\u0103 aproapea 850 di apaturi, un heliportu \u015fi 22 di s\u0103lluri di opera\u0163ie.<\/p>\n
<\/p>\n
Dusu ti \u0163eremonia di s\u0103pari loclu, cari bag\u0103 semnulu simbolicu ti ahurhita-a lucr\u0103rlor, ministrul S\u0103n\u0103tatillei, Alexandru Rafila, spusi c\u0103, tru Rom\u00e2nia, calitatea asisten\u0163\u0103llei medical\u0103 va s\u2019hib\u0103 ma bun\u0103, nica \u015fi pritu construirea a\u0163iloru trei spitale regionale. Uidisitu cu aestu, tru Rom\u00e2nia ahurhescu construc\u0163iili di spitale cu mult\u0103 iru\u015fi \u015fi suntu di multu bun\u0103 calitate, haristusit\u0103 a p\u0103radzloru aprukea\u0163 di la Uniunea European\u0103 pritu Planlu Na\u0163ionalu di Redresare \u015fi Rezilien\u0163\u0103, ama \u015fi di itia c\u0103 mul\u0163\u0103 oficiali locali suntu axi \u015fi au sinferu. El spusi c\u0103, tru aestu kiro ari 20 spitali cari suntu tru construc\u0163ie ic\u0103 la cari construc\u0163ia va s\u2019ahurheasc\u0103 tu \u015fcurtu kiro, iara aestu lucru s\u2019fa\u0163i di itia \u015fi a primarilor \u015fi prezident\u0103loru di consilii judi\u0163ene cari au un sinferu legitim tra s\u2019veaglle s\u0103n\u0103tatea a comunit\u0103\u0163ilor pi cari li coordoneadz\u0103.<\/p>\n
<\/p>\n
Cara Rom\u00e2nia ari sinferu ta \u015f-creasc\u0103 livelu di calitate a actului medical ari annaghi nu ma\u015f di un\u0103 infrastructur\u0103 modern\u0103, ama \u015fi di un numiru duri s\u2019hib\u0103 di yea\u0163r\u0103 ghini preg\u0103ti\u0163. Ti am\u0103rtie, sistemlu di s\u0103n\u0103tate a v\u0103siliillei s\u2019ampulisea\u015fti cu un\u0103 xiki di cadri medicale, tru condi\u0163iile tru cari mul\u0163\u0103 di elli fugu ta s\u2019mutreasc\u0103 ti s\u0103n\u0103tati pacien\u0163\u0103 tru stati ditu vestul ali Europ\u0103. Uidisitu cu Colegiulu Medicilor ditu Rom\u00e2nia, naete di fudzeari ditu v\u0103silie la yea\u0163\u0103rlli cu ilikia di p\u0103n\u0103 la \u00a035 di ani easti di 58% pi fondul a unui deficitu di 15.000 di yea\u0163r\u0103 la nivelu na\u0163ionalu.<\/p>\n