La ilichia di 77 di a\u00f1i, Nicu Covaci, a\u021bel \u021bi thimilliusi c\u00e2n\u00e2scuta parei Phoenix, muri viniri dicsear\u00e2.
\nH\u00e2barea s-teasi cu\u0219ia tu tut\u00e2 v\u00e2silia, uidisit cu axia artistic\u00e2 a a\u021bilui \u021bi va s-arm\u00e2n\u00e2 ti totna tu isturia cultural\u00e2 ali Rom\u00e2nie.<\/p>\n
Nicu Covaci s-afl\u0103 tu 19 di aprir 1947, tu c\u00e2s\u00e2b\u0103lu Timi\u015foara, \u0219-fu compozitoru, chitaristu, c\u00e2nt\u00e2toru, pictoru \u015fi grafician. Nica di ficiuricu lo lec\u021bii di pianu, acordeonu, limb\u00e2 fr\u00e2n\u021beasc\u00e2, englezeasc\u00e2 \u0219i ghirman\u00e2. C\u00e2nt\u0103 la muzicu\u021b\u00e2 \u0219-la chitar\u00e2. Bitisi Liceulu di Arti Plasti\u021bi \u015f-Institutlu di Arti Plasti\u021bi ditu Timi\u015foara. Avea mirachi ti atletismu, canotaju, boxu, anotari \u0219-motocicleti.<\/p>\n
Deadunu cu unu so\u021bu di sculie, Nicu Covaci thimilliusi, tu 1961, pareia di chitari\u015f\u021b\u00e2 S\u00e2m\u021b\u00e2lli, a curi num\u00e2 u al\u00e2xir\u00e2, tu 1964, tu Phoenix. Tu chirolu dit ahurhit\u00e2, 1964-1966, Phoenix c\u00e2nta tu s\u0103li studen\u0163e\u015f\u021b\u00e2 \u015f-tu cluburi dit Timi\u015foara c\u00e2nti\u021bi a nisc\u00e2ntoru parei cu anami tu a\u021belu chiro \u2013 The Beatles, The Rolling Stones, The Monkees ic\u0103 The Animals. Forma\u021bia Phoenix agiumsi c\u00e2n\u00e2scut\u00e2 tu tut\u00e2 v\u00e2silia anda fu c\u00e2lisit\u00e2 Bucure\u015fti, tu emisiu\u00f1i di televiziuni.
\nDup\u00e2 protlu con\u021bertu ditu Capital\u00e2, tu 1965, tu sala a Institutlui di Art\u00e2 Teatral\u00e2 \u015fi Cinematografie, pareia fu c\u00e2lisit\u00e2 s-\u00e2nreghistreadz\u00e2 tu studioulu a Radioului na\u0163ional.<\/p>\n
Tu 1974, anda pareia eara tu cipita a chirolui a llei etno-rock, Phoenix fu, ama, d\u00e2n\u00e2sit\u00e2\/az\u00e2pt\u00e2sit\u00e2 di reghimlu comunistu al Nicolae Ceau\u0219escu.
\n\u201eB\u00e2gai oar\u00e2 c\u0103 nu mata neadzi a\u0219i \u0219-apufusi s-fugu. Un\u00e2 agiumtu Amsterdam, ahurhii s-negu la studiouri, ta s-mi interesedz cumu potu s-c\u00e2ntu ma largu cu pareia tu xeani. Singura culaie eara s\u00e2-lli scotu contra a nomlui dit v\u00e2silie. Dipirarea mi pimsi s-adaru gestul aestu. \u00c2lli b\u00e2gai tu boxili Marshall \u015f-n\u00e2 lomu calea pisti sinuru.\u201d \u2013 pirmithlu Nicu Covaci pi blogulu a lui ti cumu apruftusir\u00e2 s-fug\u00e2 ditu Rom\u00e2nie membrilli ali parei.
\nD\u00e2n\u00e2sir\u00e2 tu Ghirm\u00e2nie \u0219i tricur\u00e2, pi hiotea a chirolui, pritu al\u00e2xeri, pritu disp\u00e2r\u021b\u00e2ri \u0219-turn\u0103ri tu parei, Nicu Covaci \u015fi colega\u00f1illi ma veclli ditu parei i ma n\u0103i c\u00e2ntar\u00e2 cu numa Mad House \u0219i Transsylvania Phoenix.<\/p>\n
Un\u00e2\u0219un\u00e2 dup\u00e2 Revolu\u021bia anti-comunist\u00e2 ditu 1989, pareia s-turn\u0103, ama, tu Rom\u00e2nie \u0219-avu protlu con\u021bertu tu v\u00e2silie tu mai 1990. Antribatu ti \u021bi armasi suc\u021beslu al Phoenix, ah\u00e2tu mari \u0219-dup\u00e2 dechenii di anda ankisi \u0219-cu unu publicu di tuti ilichiili, Nicu Covaci ap\u00e2nd\u00e2si aplo: \u201eE, avemu \u0219-tora unu publicu, di la 7 la 70 di a\u00f1i, \u021bi c\u00e2nt\u00e2 zboru cu zboru c\u00e2nti\u021bli a noasti. Nu mata himu ni tiniri, ni-m\u0219a\u021b, ama himu di pistusini\u201d.
\nVa s-arm\u00e2n\u00e2 tu isturia a muzic\u00e2llei rock rom\u00e2neasc\u00e2 c\u00e2nti\u021bi \u021bi nu va s-kear\u00e2 can\u00e2oar\u00e2 \u0219-\u021bi zbur\u0103scu tu stilu etno-rock di nai ma ararili \u0219-ma v\u00e2rtoasili arhetipuri a spa\u021biului rom\u00e2nescu \u2013 \u201eVremuri\/Z\u00e2mani\u201d, \u201eMugur di fluier\/B\u00e2buki di fluiar\u00e2\u201d, \u201eCei ce ne-au dat nume\/A\u021belli \u021bi n\u00e2 deadir\u00e2 numa\u201d ic\u0103 \u201e\u00cen umbra marelui urs\/ Tu aumbra ali mari urs\u00e2\u201d\u2026<\/p>\n
Adu\u021bemu aminti c\u0103 pareia Phoenix ari c\u00e2ntat\u00e2 \u0219-unu c\u00e2nticu arm\u00e2nescu, c\u00e2\u021be un membru a llei, Mircea Baniciu, easti arm\u00e2nu dup\u00e2 fen-su. C\u00e2nticlu u ari numa \u201cC\u00e2nticlu a cucuveau\u00e2llei\u201d \u0219-easti singurlu c\u00e2nticu hard-rock cu stihuri arm\u00e2ne\u0219\u021b\u00e2, stihuri \u021bi suntu loati dit cartea: \u201cTexte macedo rom\u00e2ne. Basme \u0219i poezii poporale de la Cru\u0219ova\u201d di Dr. M.G. Obedenaru, tu 1891, c\u00e2nticlu XXVII, fr\u00e2ndz\u00e2li 196-199.<\/strong><\/em><\/p>\n \u201cC\u0103ntic-lu a cucuv\u00e9u\u0103-llei<\/p>\n Cucuv\u00e9u\u0103 \u2019nbufunat\u0103, Cas\u2019 a\u00e7ea \u00e7i te alina\u0219\u012d C\u00e2nticlu pute\u021b s-lu asculta\u021b aoa:
\nS\u2019 nu t-afla\u012d d\u2019iu t\u2019a\u012d aflat\u0103!
\n\u00c7i e\u0219t\u012d ah\u0103t bl\u0103stimat\u0103,
\n\u0218\u2019ah\u0103t multu \u2019nf\u0103rm\u0103cat\u0103?…
\nPi cae cas\u0103 a\u012d stat\u0103,
\n\u0218\u2019 pi ca\u012d ugiac a\u012d c\u0103ntat\u0103
\nDit thimelli\u016d s\u2019a\u016d r\u0103v\u0103it\u0103
\n\u0218\u2019 oami\u00f1\u012d-lli to\u021bi a\u016d murit\u0103!<\/p>\n
\nDupu \u00e7in\u0103ri (\u021bin\u00e2) di c\u0103nta\u0219\u012d,
\nEr\u00e0 unu\u012d celnic mare,
\n\u00c7i o\u012d-le n-avea misurare;
\n\u0218\u2019irghileie cu dio\u021b\u012d,
\n\u00c7i \u2019\u0219i p\u0103\u0219\u00e7ea pi tu liv\u0103\u0221\u012d;
\nCall\u012d cu i\u00e9pe misticate,
\n\u0218i mule multu mu\u0219ate.
\nAvea hill\u012d, avea nur\u0103r\u012d;
\nTo\u021b\u012d cu f\u00e9te \u0219\u2019 cu ficior\u012d.
\nPi cas\u0103, de-anda \u2019ll\u012d c\u0103nta\u0219\u012d,
\nPar\u2019c\u0103 (canda) strof-lu (strof = taxirati, dirin, chiameti) \u00eelli b\u0103ga\u0219\u012d.
\nO\u012d-le se \u2019ng\u0103lbe\u0221ir\u0103,
\n\u0218\u2019 p\u0103n de un\u0103 \u00eelli supsir\u0103.
\nMule \u0219\u2019 call\u012d tu n\u0103 mu\u00e7\u00e9r\u0103
\nP\u0103sc\u00e9ndu se \u2019nf\u0103rm\u0103car\u0103.
\nIepi-le se \u2019ns\u0103r\u00e7inar\u0103,
\n\u0218\u2019 tu fitalliu t\u00f3te crepar\u0103.
\nTihtusir\u0103 hill\u012d, nur\u0103r\u012d,
\nCu f\u00e9te, cu to\u021b\u012d ficior\u012d.
\nGi\u0103cur\u0103 p\u00een\u0103 putur\u0103,
\n\u0218\u2019 to\u021b\u012d sum loc ascum\u021b\u012d fur\u0103!
\nCas\u2019 ar\u2019mase pundixit\u0103,
\n\u0218i di omi\u00f1\u012d ni-mutrit\u0103;
\nP\u00een c\u0103\u0221u \u0219i s\u2019 f\u00e9\u00e7e pade
\n\u0218i crisc\u00f9 i\u00e9rb\u0103 \u0219\u2019 livade!…\u201d<\/p>\n
\nPhoenix – C\u00e2nticlu a cucuveaualiei
\n