La cum\u00e2nd\u00e2rseara ali Banc\u00e2 Na\u021bional\u00e2 ali Rom\u00e2nie easti ananghi di du\u021beari ninti a luc\u00e2rlui, ama \u0219-di tri\u021beari c\u00e2t\u00e2 un b\u00e2rnu cama tinir di speciali\u015f\u021b\u00e2 \u2013 dz\u00e2si, mar\u021b\u00e2, tu Parlamentu, a\u021belu di ma ninti ama \u0219-a\u021belu di tora guvernator ali BNR, Mugur Is\u00e2rescu.
\n\u02baA\u021belu di ma ninti\u02ba, c\u0103 el cum\u00e2nd\u00e2rsea\u0219ti aestu importantu ad\u00e2r\u00e2mintu ali v\u00e2silie, aproapea f\u00e2r\u00e2 d\u00e2n\u00e2seari, nica ditu 1990, dimi di 34 ditu a\u021belli 75 di ban\u00e2. \u0218-curm\u0103 activitatea tu fr\u00e2mtea ali Banc\u00e2 \u021aentral\u00e2 ma\u0219 ti un an \u2013 anamisa di 22 di andreu 1999 \u0219i 28 di andreu 2000 \u2013 ti thesea di prot-ministru ali Rom\u00e2nie.
\nGuvernator \u02batora\u02ba, c\u0103, dup\u00e2 audieri f\u00e2r\u00e2 emo\u021bii tu comisiili di spe\u021bialitati, Leghislativlu di Bucure\u0219ti \u00e2lli fea\u021bi tislimi, tutu a lui, misiunea ta s-cum\u00e2nd\u00e2rseasc\u00e2 BNR, a\u021bea \u021bi anv\u00e2rtu\u0219eadz\u00e2 recordul di guvernator \u021bi cum\u00e2nd\u00e2rsi nai ma multu un\u00e2 banc\u00e2 \u021bentral\u00e2 ditu lumi.
\nMugur Is\u0103rescu t\u00e2xi c\u0103 institu\u021bia tu fr\u00e2mtea a curi easti ti nica un mandat va s\u00e2 scad\u00e2 infla\u0163ia, f\u00e2r\u00e2 ta s-fac\u00e2 re\u021besiuni tu v\u00e2silie, asiguripsindalui, tutun\u00e2oar\u00e2, stabilitatea a p\u00e2hadzlor, f\u00e2r\u00e2 ta s-da n\u00e2poi cri\u015ftearea icunumic\u00e2 pi un kiro lungu:
\n\u02baEsti cunuscut c\u0103 tu condi\u0163ii di stabilitati relativ\u00e2 a p\u00e2hadzlor, un scupo di cre\u015fteari tu cazlu a nostu di 2,5% cu plus-minus 1% icunumia crea\u0219ti cama ghini. Ari \u015fansi ma m\u0103ri s-avem \u015fi stabilitati macroicunumic\u00e2 \u015fi s-avem \u015f-cre\u015fteari icunumic\u00e2 susto pi kiro lungu. Va s-avin\u0103mu, a\u0219i cum adr\u0103m \u0219-an, s-asiguripsim stabilitatea a p\u00e2hadzlor, f\u00e2r\u00e2 ta s-b\u00e2g\u0103mu tu piriclliu stabilitatea finan\u021biar\u00e2.\u02ba
\nTi Consiliul di Administra\u0163ie ali BNR apruchear\u00e2 avizi buni Leonardo Badea, protu-vi\u021beguvernator, Florin Georgescu \u015fi Cosmin Marinescu, vi\u021be-guvernatori, cata cum \u0219-reprezentan\u021b\u00e2 a PSD, PNL \u0219i UDMR. USR s-aspusi nih\u00e2rsit c\u0103 tu cum\u00e2nd\u00e2rsearea executiv\u00e2 nu ari \u0219-candida\u0163 andrup\u00e2\u021b di opozi\u0163ie.
\nDeputatlu Claudiu N\u00e2sui: \u02baAvem ananghi di un\u00e2 Banc\u00e2 Na\u0163ional\u00e2 \u021bi s-aib\u00e2 scupo di thimelliu stabilitatea a p\u00e2hadzlor, nu ta s-caft\u00e2 s-umpl\u00e2 \u015f-al\u021b\u00e2 scupadz, cum easti s-agiut\u00e2 Chivernisea tu nisc\u00e2nti hopi-clleai, pritu nisc\u00e2nti tocuri ma \u00f1i\u021b \u015f-prit borgi ma li\u0219oar\u00e2.\u02ba
\n\u00c2lli deadi apandisi a coleganlui liberal, Florin Roman: \u02baCara voi vrea s-avea\u021b pripuniri corecti \u015f-buni, mini nu pistipsescu c\u0103 adz\u00e2 nu vrea s-avea\u021b votlu. Aidi\u021b s-al\u00e2s\u0103m ar\u00e2dearea nan\u00e2parti \u0219i s-yinim ti lucru, nu ma\u0219 tu campanie electoral\u00e2.\u02ba
\nTu \u021bi mutrea\u0219ti liderlu AUR, George Simion, aestu dz\u00e2si xikea di profesionalismu a nisc\u00e2ntor ditu a\u021belli vota\u021b: \u02baPutem, maca vre\u021b, s-n\u00e2 arc\u0103m ocllilli pi CV-urli a\u021bilor pripu\u0219i la Banca Na\u0163ional\u00e2 di voi \u015fi s-videm maca sunt sinecuri, maca sunt locuri caldi \u015f-ghini p\u00e2ltiti i oami\u00f1illi pripu\u0219i suntu axi ta s-lucreadz\u00e2 tu a\u021bea dumeni.\u02ba Mandatulu ali parei di tora ditu fr\u00e2mtea ali Banc\u00e2 Na\u021bional\u00e2 easti di 5 a\u00f1i.<\/p>\n
Autor: Roxana Vasile
\nApridu\u021bearea: Mirela Sima-Biolan<\/p>\n","protected":false},"excerpt":{"rendered":"
La cum\u00e2nd\u00e2rseara ali Banc\u00e2 Na\u021bional\u00e2 ali Rom\u00e2nie easti ananghi di du\u021beari ninti a luc\u00e2rlui, ama \u0219-di tri\u021beari c\u00e2t\u00e2 un b\u00e2rnu cama tinir di speciali\u015f\u021b\u00e2 \u2013 dz\u00e2si, mar\u021b\u00e2, tu Parlamentu, a\u021belu di ma ninti ama \u0219-a\u021belu di tora guvernator ali BNR, Mugur Is\u00e2rescu. \u02baA\u021belu di ma ninti\u02ba, c\u0103 el cum\u00e2nd\u00e2rsea\u0219ti aestu importantu ad\u00e2r\u00e2mintu ali v\u00e2silie, aproapea […]<\/p>\n","protected":false},"author":187,"featured_media":813176,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[69],"tags":[148342,156004,47440,156003],"coauthors":[116465],"class_list":["post-814411","post","type-post","status-publish","format-standard","has-post-thumbnail","hentry","category-actualitati","tag-bnr-ro_ar","tag-guvernator-ro_ar","tag-icunumie","tag-mugur-isaresc"],"acf":[],"yoast_head":"\n