14 candida\u021b ti preziden\u021biali
\nBiroulu Electoral \u021aentral scoasi tu padi, gioi, lista dit soni a candida\u0163lor la alidzerli preziden\u0163iali di estanu. Tu cursa ti thesea di prezidentu ali Rom\u00e2nie intr\u00e2 10 candida\u0163 andrup\u00e2\u021b di forma\u021biuni politi\u021bi \u015fi 4 independen\u0163\u00e2. BEC adr\u0103, pritu tr\u00e2dzeari \u0219curti\u021ba, arada tu cari elli va s-hib\u00e2 pi buletinili di vot\/psif tu protlu turu. A\u0219i, pi protlu loc easti Elena Lasconi \u2013 Uniunea Asc\u00e2pa\u021b Rom\u00e2nia, iara pi daua pozi\u0163ie easti George Simion \u2013 Alian\u0163a ti Unirea a Rom\u00e2\u00f1ilor. Treia pozi\u0163ie u ari premierlu di tora, Marcel Ciolacu, ditu partea ali Parei Su\u021bial Dimucrat\u00e2. Dapoaia yini Nicolae Ciuc\u0103 \u2013 Pareia Na\u0163ional\u00e2 Liberal\u00e2, Kelemen Hunor \u2013 Uniunea Dimucrat\u00e2 Maghiar\u00e2 ditu Rom\u00e2nie \u0219-Mircea Geoan\u00e2, candidat independentu. Candidatura la preziden\u021billie a lider\u00e2llei ali partie S.O.S. Rom\u00e2nia, Diana \u015eo\u015foac\u00e2, nu fu aprucheat\u00e2 di giudic\u00e2torlli ali Curti Constitu\u0163ional\u00e2. Apofasea a loru ac\u00e2\u021b\u0103 tu isapi moabetea a llei public\u00e2, Diana \u015eo\u015foac\u00e2 nu ti\u00f1isea\u0219ti borgea di ti\u00f1iseari ali Constitu\u0163ie \u015fi \u00e2ng\u00e2s\u00e2ea\u0219ti la al\u00e2xeri di thimelliu a nomurloru dimucrati\u021bi a Statlui. Ea dz\u00e2si c\u0103 apofasea CCR fu abuziv\u00e2. Protlu turu a alidzerloru preziden\u0163iali va s-fac\u00e2 tu 24 di brumaru, iara doilu tu 8 di andreu. Campania electoral\u00e2 ti alidzerli preziden\u0163iali ahurhea\u0219ti ufi\u021bialu tu 25 di sumedru.
\nDizn\u0103u zbur\u00e2mu ti Schengen
\nApruchearea ali Rom\u00e2nie \u015f-ali V\u00e2ry\u00e2rie la Spa\u0163iul Schengen \u015f-cu sinurli terestre fu, dizn\u0103u, pi aghenda a mini\u015f\u021br\u00e2loru evropea\u00f1i di Interni, \u021bi s-and\u00e2musir\u00e2, gioi, Luxemburg. Afstria easti singurlu stat \u021bi nica easti contra, ministrul afstriac di interni, Gerhard Karner, dz\u00e2\u021bi c\u0103 moabetea easti pi calea a\u021bea buna. Ministrul rom\u00e2nu di Interni C\u0103t\u0103lin Predoiu \u021bi fu la consiliul JAI, dz\u00e2si dizn\u0103u c\u0103 Rom\u00e2nia umpli tuti criteriili di aderari. C\u00e2t\u00e2lin Predoiu: TRACK \u201cRom\u00e2nia easti etim\u00e2 ditu tuti punctili di videari ta s-ader\u00e2 la Schengen \u015f-pi sinurlu terestru. Umplum tuti condi\u0163iili, iara pro\u021beslu di aderari pi sinurli aereani s-dusi ghini. \u021aifrili aspunu c\u00e2tu multu sc\u00e2dzumu migra\u0163ia contra a nomlui\u201d. Comisarlu evropeanu ti Emburl\u00e2chi di Nuntru, Ylva Johansson, dz\u00e2\u021bi c\u0103 aderarea ali Rom\u00e2nie \u015fi V\u00e2ry\u00e2rie va s-hib\u00e2 dizn\u0103u zbur\u00e2t\u00e2 tu Consiliul ditu andreu \u015f-c\u0103, p\u00e2n\u00e2 atum\u021bea, va s-fac\u00e2 p\u00e2z\u00e2r\u00e2pseri. \u201cRom\u00e2nia \u015f-V\u00e2ry\u00e2ria umplur\u00e2 tuti condi\u0163iili \u015f-adrar\u00e2 ma multu di c\u00e2tu eara ananghi \u015fi hiu multu optimistu \u015f-amu n\u00e2dia c\u0103 aest\u00e2 apofasi va s-hib\u00e2 loat\u00e2 c\u00e2tu cama ayo\u00f1ia, c\u00e2tu u amu mini thesea aesta\u201d \u2013 dz\u00e2si ufi\u021bialul evropeanu.
\nJgllioati di simasie ti ap\u00e2rarea ali Rom\u00e2nie
\nRom\u00e2nia va s-ancup\u00e2r\u00e2 patru radari di mari puteari di la Statili Uniti. Sistemlu Sentinel easti irbapi s-bag\u00e2 oar\u00e2 la unu singiru di obiecti aeriani \u015f-va s-creasc\u00e2 para multu capa\u021bitatea ali Rom\u00e2nie di curmari a curailui \u015f-di ap\u0103rari contra a poten\u0163ialiloru fuvirsitori. Radarli di a\u021belu ditu soni b\u00e2rnu va s-completeadz\u00e2 capa\u021bit\u0103\u021bli di ap\u00e2rari aerian\u00e2 ali v\u00e2silie, ma multu tu \u021bi mutrea\u0219ti b\u00e2garea oar\u00e2 di cu kiro a vehiculiloru aeriani f\u00e2r\u00e2 pilotu, fuvirseri \u021bi s-vedu ninga sinurli na\u0163ionali, anda s-fa\u021bi polimlu di pri\u0219c\u00e2villi ali Arus\u00edi contra ali Ucrain\u00e2, dz\u00e2si ministrul ali Ap\u00e2rari, Angel T\u00eelv\u0103r. Tutn\u00e2oar\u00e2, el fu, dz\u00e2lili di ma n\u00e2poi, tu vizit\u00e2 tu Balca\u00f1illi di Asc\u00e2pitat\u00e2, la ahrhita ali un\u00e2 nau\u00e2 rota\u0163ie ali un\u00e2 parti di simasie a deta\u015famentiloru di aschirladz muta\u021b tu Pri\u015ftina, tu Kosovo, \u015f-tu Sarajevo, tu Bosnia \u015fi Her\u0163egovina. Loarea a cumandului ali misiuni EUFOR easti un\u00e2 pricunu\u0219teari a profesionalismului \u015f-a mirachillei a aschirladzloru rom\u00e2\u00f1i tu aest\u00e2 misiuni di simasie dz\u00e2si ministrul tu Sarajevo, iu s-fea\u021bi un\u00e2 andamusi cu echipili di cumandu a structuriloru UE \u015fi NATO \u015f-un\u00e2 andamusi cu aschirladzlli rom\u00e2\u00f1i \u021bi adar\u00e2 misiuni tu Bosnia \u015fi Her\u0163egovina. Iara tu c\u00e2s\u00e2b\u0103lu Pri\u0219tina, Angel T\u00eelv\u0103r deadi asiguripseri c\u0103 Rom\u00e2nia easti etim\u00e2 s\u00e2-\u015fi adar\u00e2 borgea ti \u021b\u00e2nearea a securitatillei tu Balca\u00f1illi di Asc\u00e2pitat\u00e2. S-adun\u0103 cu echipa di cumandu ali opera\u0163iuni NATO di \u021b\u00e2neari ali irini KFOR, iu Rom\u00e2nia ari un\u00e2 contribu\u0163ie di simasie \u015f-cu aschirladz rom\u00e2\u00f1i \u021bi suntu tu misiuni tu aestu teatru di opera\u0163iuni. Tut tu arada a securitatillei tu reghiuni, ministrul di Nafoar\u00e2, Lumini\u0163a Odobescu, lo parti, \u00f1iercuri, la Summitlu Ucraina \u2013 Evropa di Notu-Apirit\u00e2 di Dubrovnik, evenimentu iu statili \u021bi llia parti vulusir\u00e2 un\u00e2 Declara\u0163ie comun\u00e2 ti \u201cborgea colectiv\u00e2 di andrupari multidimensional\u00e2 ti Ucraina\u201d.
\nApofasi loati Bucure\u0219ti
\nChivernisea rom\u00e2neasc\u00e2 vulusi un\u00e2 apofasi pritu cari da izini la importul di oau\u00e2 \u015f-di carni di g\u00e2llin\u00e2 ditu Ucraina, ma\u0219 cara aestea s-uidisescu cu standardili ali Uniuni Evropean\u00e2. Apofasea yini, anda condi\u0163iili tu cari crisc\u00e2torilli rom\u00e2\u00f1i di g\u00e2llini l\u00e2 fea\u021bir\u00e2 t\u00e2mbihi a autorit\u0103\u021bloru c\u0103 pi p\u00e2zarea di nuntru al\u00e2ncir\u00e2 produsi avicoli ieftini ditu v\u00e2silia vi\u021bin\u00e2 \u021bi nu s-uidisescu, ama, cu standardili ali UE. Executivlu vulusi nica dau\u00e2 misuri ti \u0163\u00e2nearea a produc\u0103toriloru agricoli ndophi \u021bi au z\u00f1ii di la xeri: compensa\u0163ii finan\u021biari \u015f-curmarea a rambursarillei (turnarea a p\u00e2radzloru) a creditiloru emu di tora, emu a\u021beali di ma n\u00e2poi p\u00e2n\u00e2 tu agustu 2025. Pi di alt\u00e2 parti, tut st\u00e2m\u00e2na aesta, Parlamentul ali Rom\u00e2nie fea\u021bi ma serti pidepsili ti trafican\u0163\u00e2lli di oami\u00f1i, di cara aestu fenomenu criscu multu. A\u0219i, Camera a Deputa\u0163loru vulusi, ca foru \u021bi llia apofasea, unu proiectu di nomu, \u021bi pruveadi c\u0103 \u00e2ng\u00e2s\u00e2irea i f\u00e2\u021bearea ma li\u0219oar\u00e2 ti b\u00e2gari tu practico ali prostitu\u0163ie i maca a\u021belli \u021bi li pingu mullerli i featili s-adar\u00e2 ahtari lucru, au v\u00e2r\u00e2 h\u00e2iri (llia p\u00e2radz), va s-hib\u00e2 pidipsi\u021b cu ahapsi di la 7 la 15 a\u00f1i. Ma multu, statlu va s-da asisten\u0163\u00e2 giuridic\u00e2 f\u00e2r\u00e2 p\u00e2radz \u015fi compensa\u0163ii finan\u021biari a victimiloru a abuzuriloru.<\/p>\n
Summit-lu a patrimoniului culturalu Evropeanu di Bucure\u0219ti
\nAnamisa di 6 \u015fi 8 di sumedru, Bucure\u015ftiul fu nicuchirlu a Summit-lui Evropeanu a Patrimoniului Culturalu, nai ma di simasie evenimentu ti \u021b\u00e2neara a patrimoniului culturalu ditu Uniunea Evropean\u00e2, ama \u015fi \u021beremonia di ah\u00e2rdziri a ni\u0219e\u00f1iloru \u201eEuropa Nostra 2024\u201d. Spe\u021biali\u015f\u021b\u00e2lli ditu dumeni zbur\u00e2r\u00e2 ti politi\u021bli di finan\u0163ari \u015f-proiectili di restaurari \u015fi viglliari a patrimoniului. Cu aest\u00e2 fur\u00f1ie, 60 di organiza\u021bii niguvernamentali \u0219-profesionali simnar\u00e2, ti prota oar\u00e2, un memorandum ti viglliarea a patrimoniului culturalu ditu Rom\u00e2nie. Documentul ari \u021bin\u021bi misuri di ananghi ti f\u00e2\u021bearea ma bun\u00e2 a cadrului di nomu \u015f-ti scutearea tu migdani a patrimoniului.<\/p>\n
Autor: Daniela Budu
\nApridu\u021bearea: Aurica Piha<\/p>\n","protected":false},"excerpt":{"rendered":"
14 candida\u021b ti preziden\u021biali Biroulu Electoral \u021aentral scoasi tu padi, gioi, lista dit soni a candida\u0163lor la alidzerli preziden\u0163iali di estanu. Tu cursa ti thesea di prezidentu ali Rom\u00e2nie intr\u00e2 10 candida\u0163 andrup\u00e2\u021b di forma\u021biuni politi\u021bi \u015fi 4 independen\u0163\u00e2. BEC adr\u0103, pritu tr\u00e2dzeari \u0219curti\u021ba, arada tu cari elli va s-hib\u00e2 pi buletinili di vot\/psif tu […]<\/p>\n","protected":false},"author":187,"featured_media":798507,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[46389],"tags":[46536,146726,147681,146901,156861,46510],"coauthors":[116465],"class_list":["post-819347","post","type-post","status-publish","format-standard","has-post-thumbnail","hentry","category-eveniment-top-ro_ar","tag-alidzeri","tag-aparari","tag-romania-ro_ar","tag-schengen-ro_ar","tag-traficantu","tag-ucraina"],"acf":[],"yoast_head":"\n