Consiliul Suprem di Ap\u0103rari a V\u0103siliillei, and\u0103musitu gioi Bucure\u015fti, agiumsi cu isapea c\u0103 ari n\u0103sc\u0103nti atacuri \u0163iberneti\u0163i cu scupolu ta s\u2019al\u0103xeasc\u0103 corectitudinea pro\u0163eslui electoral ditu protlu tur a alidzerloru preziden\u0163iale ditu Rom\u00e2nia, disv\u0103rtitu tru 24 di brumaru. Membrilli CSAT p\u0103r\u0103stisir\u0103 is\u0103ki tu lig\u0103tur\u0103 cu piriclliuri \u0163i pot s\u2019hib\u0103 ti securitatea na\u0163ional\u0103, fapti di n\u0103sc\u0103n\u0163\u0103 actori \u0163iberneti\u0163 statali \u015fi non-statali tru nisc\u0103nti infrastructuri IT&C, suportu tr\u0103 pro\u0163eslu electoralu.<\/p>\n
<\/p>\n
Elli spusir\u0103 c\u0103 easti cadealihea c\u0103, tru catandisea di tora di securitati reghional\u0103 \u015fi maxus electoral\u0103, Rom\u00e2nia, deadunu cu alti stati ditu Flancul Esticu al NATO, agiumsi un lucru di amprotusa tr\u0103 ac\u0163iunile ncuntrati a n\u0103sc\u0103ntoru aht\u0103ri actori, maxus Federa\u0163ia Rus\u0103, exist\u00e2nda ditu partea ali\u015ftei un sinferu tru crea\u015ftiri ta s\u2019al\u0103xeasc\u0103 aghenda public\u0103 tru su\u0163iitatea rom\u00e2neasc\u0103 \u015fi coeziunea su\u0163ial\u0103.<\/p>\n
<\/p>\n
Ti \u015fcurtu kiro dupu publicarea concluziilor ditu andamasea Consiliului Suprem di Ap\u0103rari a V\u0103siliillei, Servi\u0163iul di Telecomunica\u0163ii Spe\u0163iali, cari asiguripsi suportulu tehnic tru pro\u0163eslu electoralu, spusi c\u0103 ari aht\u0103ri atacuri. STS spusi c\u0103 numirlu \u015fi complexitatea atacurlor criscu din\u0103oar\u0103 cu aprukearea a scrutinlui, ama c\u0103 aesti fur\u0103 curmati \u015fi c\u0103 nu fur\u0103 aflati vulnerabilit\u0103\u0163 tru \u0163i mutrea\u015fti darea, tru condi\u0163ii di securitati, a servi\u0163iilor electroni\u0163i b\u0103gati dinintea ali Autoritati Electoral\u0103 Permanent\u0103, organizatorlu alidzerloru.<\/p>\n
<\/p>\n
Un\u0103 alt\u0103 concluzie ali andamasi CSAT fu a\u0163ea c\u0103 platforma di su\u0163ializari TikTok lu-agiut\u0103 C\u0103lin Georgescu, candidatlu \u0163i easti lugursitu ca extremistu pro-arus, anti-UE \u015fi anti-NATO, cari agiumsi pi doilu locu dup\u0103 protlu tur a preziden\u0163ialilor. Dup\u0103 \u0163i mutrir\u0103 documentili, membrilli a Consiliului agiumsir\u0103 cu isapea c\u0103 Georgescu avu h\u0103iri pritu un\u0103 vidzut\u0103\/ un\u0103 expuniri cabaia mari tru condi\u0163iili tru cari TikTok nu \u0103lli b\u0103g\u0103 zori s\u2019nsimneadz\u0103\/ s\u2019bag\u0103 damca pi clipurli electorali cu codlu unic di identificari, \u0163i \u0103lu da Autoritatea Electoral\u0103 Permanent\u0103, un\u0103 borgi b\u0103gat\u0103 pritu leghisla\u0163ia electoral\u0103 rom\u00e2neasc\u0103.<\/p>\n
<\/p>\n
Aest\u0103 turlie, vizibilitatea alu\u015ftui criscu cabaia multu andicra di alan\u0163\u0103 parti\u0163ipan\u0163\u0103 tru pro\u0163eslu electoralu, cari fur\u0103 pric\u0103n\u0103scu\u0163 di algoritmilli TikTok ca hiinda candida\u0163 tru alidzerli preziden\u0163iale, a deapoa con\u0163\u0103nutlu promovatu di ae\u015f\u0163\u0103 fu n\u0163irnutu cabaia multu, di u \u00f1icur\u0103 vizibilitatea lor pi livelu a ufilisitorloru di pi platform\u0103.<\/p>\n
<\/p>\n
TikTok nu apruke ama c\u0103b\u0103\u0163li. Tru un comunicat pitricutu ti \u015fcurtu kiro dup\u0103 spunearea concluziilor CSAT, compania chinez\u0103 spusi c\u0103, p\u00e2n\u0103 tru aestu kiro, nu afl\u0103 lucri salami ti un\u0103 \u201eopra\u0163iuni di influen\u0163\u0103 ascumt\u0103\u201d cari s\u2019aib\u0103 tu scupo alidzerli preziden\u0163iali ditu Rom\u00e2nia \u015fi ni\u0163i lucri di influen\u0163\u0103 xean\u0103. Cu tuti aestea, membrilli a Consiliului Suprem di Ap\u0103rare a V\u0103siliillei c\u0103ftar\u0103 a autorit\u0103\u0163lor \u0163i au borgi tru dumenea securitatillei na\u0163ional\u0103, a\u0163iloru \u0163i au borgi ti buna dizv\u0103rteari a pro\u0163eslui electoralu, catacum \u015fi a organilor di pusputeari penal\u0103 s\u2019nkiseasc\u0103 ntr\u0103oar\u0103 cu meatrili \u0163i suntu ananghi ti limbidzarea a luc\u0103rloru p\u0103r\u0103stisiti tru andamasea di lucru.<\/p>\n
Autoru: Sorin Iordan
\nArm\u0103nipsearea: Ta\u015fcu Lala<\/p>\n","protected":false},"excerpt":{"rendered":"
Consiliul Suprem di Ap\u0103rari a V\u0103siliillei, and\u0103musitu gioi Bucure\u015fti, agiumsi cu isapea c\u0103 ari n\u0103sc\u0103nti atacuri \u0163iberneti\u0163i cu scupolu ta s\u2019al\u0103xeasc\u0103 corectitudinea pro\u0163eslui electoral ditu protlu tur a alidzerloru preziden\u0163iale ditu Rom\u00e2nia, disv\u0103rtitu tru 24 di brumaru. Membrilli CSAT p\u0103r\u0103stisir\u0103 is\u0103ki tu lig\u0103tur\u0103 cu piriclliuri \u0163i pot s\u2019hib\u0103 ti securitatea na\u0163ional\u0103, fapti di n\u0103sc\u0103n\u0163\u0103 actori […]<\/p>\n","protected":false},"author":187,"featured_media":836518,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[69],"tags":[159181,159182,150155],"coauthors":[116465],"class_list":["post-837257","post","type-post","status-publish","format-standard","has-post-thumbnail","hentry","category-actualitati","tag-alidzeri-przidentiali","tag-atacuri-tibernetiti","tag-csat-ro_ar"],"acf":[],"yoast_head":"\n