P\u00e2n\u00e2 tu soni, tu Schengen
\nBuna h\u00e2bari a st\u00e2m\u00e2n\u00e2llei, a\u015ftiptat\u00e2 \u015f-confirmat\u00e2, ufi\u021bialu, gioi, fu apruchearea acutotalui ali Rom\u00e2nie, deadunu cu V\u00e2ry\u00e2ria, tu spa\u0163iul ivropeanu di libir\u00e2 urdinari. Tu bitisita a meslui mar\u021bu, partenerlli ivropea\u00f1i fur\u00e2 di c\u00e2buli cu apruchearea a dauloru stati tu Schengen cu sinurli aeriani \u015fi maritimi. Dup\u00e2 \u021bi Olanda \u015fi maxus Afstria trapsir\u00e2 m\u00e2n\u00e2 di la-ncuntrarea a loru, Consiliul di Giusti\u0163ie \u015fi Emburl\u00e2chi di Nuntru vulusir\u00e2, gioi, tu unanimitati, aderarea ali Rom\u00e2nie \u0219-ali V\u00e2ry\u00e2rie cu sinurli terestri la spa\u0163iul ivropeanu di libir\u00e2 urdinari di la 1 di yinaru. Ahurhindalui cu aest\u00e2 dzuu\u00e2, va s-fac\u00e2 controali ma\u0219 la sinurli ali R\u00e2m\u00e2nie cu S\u00e2rbia, Ripublica Moldova \u015f-Ucraina. Cu tuti aesti, pro\u021blli \u015fasi me\u0219i di la aderari, va s-fac\u00e2 nica controali c\u00e2ndu \u0219-c\u00e2ndu, un\u00e2 misur\u00e2 di siguran\u0163\u00e2 ta s-vead\u00e2 cumu s-du\u021bi libira urdinari. Aht\u0103ri controali temporari s-au fapt\u00e2 \u0219-pi alti sinuri interni ditu Schengen, di cara criscu multu numirlu a migran\u0163\u00e2lor contra a nomlui. Autorit\u0103\u0163li di Bucure\u015fti s-h\u00e2rsir\u00e2 di apruchearea ali v\u00e2silie tu Schengen, cundillindalui c\u0103 apofasea va s-duc\u00e2 la un\u00e2 urdinari cama ayu\u00f1isit\u00e2 ti \u021bet\u0103\u0163e\u00f1i, p\u00e2radz loghisti\u021b ma p\u021b\u00e2\u00f1i ti companii, cri\u015ftearea a competivitatillei ti produsili \u015fi servi\u021biili rom\u00e2ne\u015f\u021b\u00e2 pi p\u00e2zarea ivropean\u00e2, oportunit\u0103\u0163 di emburl\u00e2chi \u015f-locuri di lucru.<\/p>\n
Maratonu electoralu nibitisitu
\nTu ahurhita a st\u00e2m\u00e2n\u00e2llei \u021bi s-bitisi, rom\u00e2\u00f1illi lipsea s\u00e2 \u0219tib\u00e2 numa a a\u021bilui cari va l\u00e2 hib\u00e2 prezidentu tu ae\u0219\u021b\u00e2 \u021bin\u021bi a\u00f1i \u021bi va s-yin\u00e2. Tu 8 di andreu eara pruvidzutu doilu turu a alidzeriloru preziden\u0163iali, bitisita programat\u00e2 a maratonlui electoralu ahurhitu tu meslu ciri\u0219aru cu localili \u015f-ivroparlamentarili. Tu 6 di andreu, ama, Curtea Constitu\u0163ional\u00e2 anul\u0103 scrutinlu ti nai ma analta thesi, dup\u00e2 \u021bi b\u00e2g\u0103 oar\u00e2 c\u0103 pro\u021beslu electoralu fu vi\u021biat\/aspartu tu tutu chirolu c\u00e2tu s-dizv\u00e2rti, s-fea\u021bir\u00e2 ma multi lucri contra a nomlui, iu leghisla\u021bia electoral\u00e2 fu c\u00e2lcat\u00e2. A\u021belu \u021bi s-h\u00e2rsea di aestu pro\u021besu electoralu aspartu di atacurli hibridi ali Arusie, uidisitu cu spusa a servi\u021biiloru di informa\u0163ii, vrea s-hib\u00e2 a\u021belu \u021bi avea amintat\u00e2 protlu turu, candidatlu independentu C\u0103lin Georgescu, unu extremistu proarusu, antioc\u021bidentalu apresu \u015fi miraclli ti liderli fasci\u015f\u021b\u00e2 rom\u00e2\u00f1i ditu chirolu anamisa di dauli polimuri mondiali. Parchetlu \u00eei investigheadz\u00e2, tora, doi ditu so\u021blli a lui, c\u00e2cea\u021b ma ninti. Unlu, suspectat c\u0103 vrea s-adar\u00e2 z\u00f1ii tu Capital\u00e2, easti mutritu cu ang\u00e2tanu ti niti\u00f1iseara a reghimlui a armiloru \u015f-a b\u00e2rutillei, opera\u0163iuni cu articoli pirotehni\u021bi \u015fi instigari\/ang\u00e2s\u00e2iari public\u00e2, iara alantu ti filiseara di simboluri leghionari, dimi di extrema dreapt\u00e2 antisemit\u00e2 \u015fi criminal\u00e2 ditu a\u00f1illi \u201930. Financial Times llia minduita a anali\u015f\u021b\u00e2lor, \u021bi dz\u00e2cu c\u0103 grup\u0103rli paramilitari tu Rom\u00e2nie, cu un\u00e2 vidzut\u00e2 multu \u201emacho\u201d, \u021bi adu\u021bi deadunu relighia cu ultrana\u021bionalismul, criscu di itia c\u0103 autorit\u0103\u021bli nu \u0219-adrar\u00e2 lucurlu \u0219i \u00e2lli al\u00e2sar\u00e2 ar\u00e2hati.<\/p>\n
Pro-ivropea\u00f1illi ditu yinitorlu Parlamentu, p\u00e2z\u00e2r\u00e2pseri ti un\u00e2 chivernisi comun\u00e2
\nPrezidentul Klaus Iohannis, a curi mandatu va s-lundzeasc\u00e2 p\u00e2n\u00e2 la n\u0103ili alidzeri, adun\u0103 n\u0103ulu Parlamentu tu dzuua di 20 di andreu. Patru forma\u0163iu\u00f1i pro-ivropeani, PSD, PNL, USR, UDMR \u015fi trei \u021bi s-aspusir\u00e2 suveranisti, AUR, SOS Rom\u00e2nia \u015fi POT, va s-hib\u00e2 tu yinitorlu leghislativu, \u021bi in\u0219i dup\u00e2 alidzerli ditu 1 di andreu. Cu aproapea dau\u00e2 treimi ditu mandati, pro-ivropea\u00f1illi, la cari s-adavg\u00e2 deputa\u0163lli a minorit\u0103\u0163lor na\u0163ionali, ahurhir\u00e2, st\u00e2m\u00e2na aesta, p\u00e2z\u00e2r\u00e2pseri ti un\u00e2 chivernisi di larg\u00e2 coali\u0163ie. Adu\u021bemu aminti c\u0103, nintea a doilui turu a preziden\u0163ialilor, PSD, PNL, USR, UDMR \u0219-gruplu a minorit\u0103\u021blor na\u021bionali avea simnat\u00e2 pactul ti un\u00e2 coali\u021bie proivropean\u00e2 \u0219-ivroatlantic\u00e2. Documentul vrea s-d\u00e2n\u00e2seasc\u00e2 agiundzearea pi thesea cama analta ditu statu al C\u0103lin Georgescu. Dup\u00e2 anularea a scrutinlui, semnatarlli a\u021bilui documentu \u015fi-aspusir\u00e2 dizn\u0103u borgea \u0219i t\u00e2xir\u00e2, tora, unu programu guvernamentalu \u021bi va s-angreac\u00e2 pi dezvoltari \u0219i reformi, ac\u00e2\u021b\u00e2ndalui tu isapi \u021bet\u0103\u021beanlu. Ei fur\u00e2 di c\u00e2uli c\u0103 easti ananghi di unu planu salami di eficientizari \u0219-di sc\u00e2deari a h\u0103rgilor publi\u021bi \u0219-ali birocra\u021bie tu administra\u021bia public\u00e2. Tutn\u00e2oar\u00e2, s-achic\u00e2sir\u00e2 s-creasc\u00e2 ritmolu a investi\u0163iilor \u015f-a reformiloru ditu Planlu Na\u0163ionalu di Redresari \u015fi Rezilien\u0163\u00e2.<\/p>\n
Infla\u0163ia, problema di daima
\nYinitorlu executivu di Bucure\u015fti va s-aib\u00e2 dininti ma multi provoc\u0103ri, pritu cari cri\u0219tearea a pistillei tu clasa politic\u00e2, reforma a institu\u0163iilor a statlui \u015fi, nu ma n\u00e2poi, problemili icunomi\u021bi. Un\u00e2 ditu aesti ditu soni easti infla\u0163ia. Eaa easti dat\u00e2 di scunchiri la servi\u021biili po\u015ftali, poami\/imi\u0219i proaspiti \u015fi margarin\u00e2, rata a infla\u0163illei criscu dizn\u0103u andicra di meslu di ma ninti. Iara infla\u0163ia di cathi anu, raportat\u00e2 tu sumedru 2024 la brumaru 2023, criscu dizn\u0103u, doilu mesu arada, agiung\u00e2ndalui la 5,11% di la 4,67 di pro\u021benti tu sumedru. Un\u00e2 ditu itiili ti cri\u0219tearea a infla\u0163illei easti defi\u021bitlu bugetar multu mari, \u021bi Chivernisea s-pidipsea\u0219ti s-lu finan\u0163eadz\u00e2, exiyisescu anali\u015f\u021b\u00e2lli. Prognoza fapt\u00e2 di p\u021b\u00e2nu chiro di BNR scoati tu padi c\u0103 infla\u0163ia va s\u00e2 scada t\u00e2\u0219 tu 2026 sum 3,5% tu anu.<\/p>\n
St\u00e2m\u00e2na sportiv\u00e2
\nCampioana ali Rom\u00e2nie la fotbal, FCSB (Bucure\u015fti), bitisi isa cu forma\u0163ia ghirm\u00e2neasc\u00e2 Hoffenheim, gioi dicsear\u00e2, tu xeani, tu 6-a etap\u00e2 ditu Europa League. Bucure\u015fte\u00f1illi suntu pi pozi\u0163ia a 10-a tu grupa unic\u00e2 \u015fi sunt multu aproapea di calificarea tu primuveara ivropean\u00e2. Au nica te-a giucari dou\u00e2 meciuri tu yinaru, ditu cari a\u021belu dit soni easti pi terenlu a loru cu multu c\u00e2n\u00e2scuta ehip\u00e2 anglicheasc\u00e2 Manchester United. Tu handbal, na\u0163ionala feminin\u00e2 ali Rom\u00e2nie agiumsi pi loclu 11 la Europeanul iu nicuchir\u00e2 fur\u00e2 Afstria, Ungaria \u015fi Elve\u0163ia. Cu tuti aesti, agioclu ali echip\u00e2 \u021bi armasi f\u00e2r\u00e2 vedeti di cara s-trapsi unu contingentu \u00e2ntregu, pritu cari superstarlu Cristina Neagu, fu, prea-aoa \u0219-prea-aclo, unu agiocu bunu. A c\u0103 nu s-a\u0219tipta, na\u0163ionala agiumsi tu faza a grupilor di prota thesi, dup\u00e2 azvindzerli cu Cehia \u015fi S\u00e2rbia, iara aclo azvinsi, a\u0219i cumu nu s-a\u0219tipta, Suedia.<\/p>\n
Autor: \u0218tefan Stoica
\nApridu\u021bearea: Aura Piha<\/p>\n","protected":false},"excerpt":{"rendered":"
P\u00e2n\u00e2 tu soni, tu Schengen Buna h\u00e2bari a st\u00e2m\u00e2n\u00e2llei, a\u015ftiptat\u00e2 \u015f-confirmat\u00e2, ufi\u021bialu, gioi, fu apruchearea acutotalui ali Rom\u00e2nie, deadunu cu V\u00e2ry\u00e2ria, tu spa\u0163iul ivropeanu di libir\u00e2 urdinari. Tu bitisita a meslui mar\u021bu, partenerlli ivropea\u00f1i fur\u00e2 di c\u00e2buli cu apruchearea a dauloru stati tu Schengen cu sinurli aeriani \u015fi maritimi. Dup\u00e2 \u021bi Olanda \u015fi maxus Afstria […]<\/p>\n","protected":false},"author":187,"featured_media":811720,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[46389],"tags":[160321,148760,47274,160322,160320,146901],"coauthors":[116465],"class_list":["post-843749","post","type-post","status-publish","format-standard","has-post-thumbnail","hentry","category-eveniment-top-ro_ar","tag-fcsb-bucuresti-ro_ar","tag-fotbal-ro_ar","tag-inflatie","tag-maraton-electoral-ro_ar","tag-reformi","tag-schengen-ro_ar"],"acf":[],"yoast_head":"\n