Dup\u00e2 unu mesu \u0219-\u00e2ndau\u00e2 dz\u00e2li di anda vini la puteari, chivernisea di coali\u0163ie di Bucure\u015fti, cum\u00e2nd\u00e2sit\u00e2 di liderlu liberal Ilie Bolojan, tradzi tora prota cripari: Drago\u015f Anastasiu, unlu ditu a\u021belli \u021bin\u021bi vi\u021bepremieri, singurul f\u00e2r\u00e2 background politicu, \u021bi yini ditu mediul di emburl\u00e2ki, dz\u00e2si dum\u00e2nic\u00e2 c\u0103 s-da \u00e2mpadi di pi scamnu. Apofasea a lui s-fa\u021bi di cara in\u0219i tu migdani, tu pres\u00e2, c\u0103 un\u00e2 ditu firmili a lui fu mintit\u00e2, ma ninti, tu unu dosaru di aru\u0219feti. Aestu lucru s-avea bitisit\u00e2 tu 2023 cu condamnarea definitiv\u00e2 ti luari di p\u00e2radz (ti mi\u0219teari) \u0219i trafic di influen\u021b\u00e2 ali un\u00e2 inspectoari a Fiscului.<\/p>\n
Dup\u00e2 spusa alu Anastasiu, el \u015fi so\u021blu a lui fur\u00e2 di c\u00e2buli, la presiunea ali lucr\u00e2toari di la Aghen\u0163ia Na\u0163ional\u00e2 di Administrari Fiscal\u00e2, s\u00e2 simneadz\u00e2 unu contractu fictiv, \u021bi nu eara dealihea, pritu cari p\u00e2ltea cathi measu c\u00e2tr\u00e2 un\u00e2 su\u021bietati num\u00e2sit\u00e2 di ea. Anastasiu dz\u00e2si c\u0103 firmili a lui di transportu fur\u00e2 buni, f\u00e2r\u00e2 lucri contra a nomlui la tuti controloalili a statlui, ama c\u0103 aest lucru nu lu afiri di presiuni ditu partea a Fiscului. Aestu easti, taha, contextul tu cari fu di c\u00e2buli s-p\u00e2lteasc\u00e2 ta s\u00e2-\u0219i ascap\u00e2 emburl\u00e2kea \u015f-pi lucr\u00e2torilli a lui, cundille Anastasiu. El nu dz\u00e2si c\u0103 adr\u0103 ghini \u021bi adr\u0103, ama dz\u00e2si c\u0103 firma a lui nu adr\u0103 evaziuni fiscal\u00e2.<\/p>\n
Tutn\u00e2oar\u00e2, dz\u00e2si c\u0103 statlu easti c\u00e2b\u00e2tli di itia c\u0103 nu easti unu partener ndreptu, bunu ti mediul di emburl\u00e2ki. Anastasiu luyursea\u0219ti c\u0103 easti \u0163inta a nisc\u00e2ntor atacuri ankisiti di vrearea a chivernisillei ta s-al\u00e2xeasc\u00e2 companiili di stat \u015fi dz\u00e2\u021bi c\u0103 apufusi s-da \u00e2mpadi di pi scamnu, ta s-nu asparg\u00e2 imaginea a chivernisillei \u015fi m\u0103rlli scupadz a llei.<\/p>\n
Drago\u015f Anastasiu: \u201cTu aestu climatu, mini vedu limbid c\u0103 nu mata potu s-agiutu, c\u0103 i\u021bido lucru \u021bi va-lu dz\u00e2cu i c\u0103 i\u021bido lucru \u021bi va s-adaru, va s-aruc\u00e2 ma largu urut\u00e2 efterii pi mini ti nisc\u00e2nti lucri \u021bi nu suntu dipu dealihea. Aesta easti sibepea ti cari, zbur\u00e2ndalui cu premierlu, \u00e2lli dz\u00e2\u0219u c\u0103 va s-adaru ma multu ar\u0103u di iu s-adaru bunu \u015f-c\u0103 vini oara s-fugu. Vgarea a mea ditu Chivernisea ali Rom\u00e2niei nu va s-dz\u00e2c\u00e2 c\u0103 reformeli nu lipsea\u0219ti s-fac\u00e2 ma largu\u201d.<\/p>\n
Drago\u015f Anastasiu \u00e2lli dz\u00e2si a premierlui Ilie Bolojan s-cum\u00e2nd\u00e2seasc\u00e2 elu i\u0219i\u0219i pareia di lucru interministerial\u00e2 adrat\u00e2 ti reformarea\/al\u00e2xearea companiilor di stat, iara oami\u00f1illi di afaceri \u021bi vor s-agiut\u00e2 statlu tu aestu pro\u021bes s-nu u kear\u00e2 mirakea.<\/p>\n
Dup\u00e2 demisia a coleganlui a lui di ma ninti ditu chivernisi, ministrul a finan\u021biloru, Alexandru Nazare, dz\u00e2si c\u0103 ANAF easti un\u00e2 institu\u0163ie disfunc\u0163ional\u00e2, iara abuzurli a llei nu suntu lucri n\u0103i. Nazare dz\u00e2si c\u0103 nu s-vidzu p\u00e2n\u00e2 tora un\u00e2 miraki dealihea ti al\u00e2xearea a ANAF-lui, ta s-creasc\u00e2 gradlu di colectari \u015fi ta s-fac\u00e2 digitalizarea a institu\u0163illei.<\/p>\n
Fu ananghi di demisia a vi\u021bepremierlui Drago\u015f Anastasiu \u0219-nu putea s\u00e2 s-fac\u00e2 alliumtrea, iara reforma a companiilor di stat va s-duc\u00e2 ma largu, dz\u00e2si Dominic Fritz, prezidentul USR, partie ditu coali\u0163ia guvernamental\u00e2.<\/p>\n
Purt\u00e2torliu di zboru ali AUR (opozi\u0163ia na\u0163ionalist\u00e2, suveranist\u00e2), Dan T\u00e2nas\u00e2, dz\u00e2\u021bi c\u0103 cuvenda alu Anastasiu easti un\u00e2 turlie ti puvrii ti spuneari a c\u00e2batillei \u015f-un\u00e2 dukim\u00e2seari pseft\u00e2 di al\u00e2xeari a mi\u0219tearillei tu un\u00e2 curbani \u015fi ali aru\u0219feti tu martiraj.<\/p>\n
Autor: Floren\u021ba Zaharescu
\nApridu\u021bearea: Ta\u0219cu Lala<\/p>\n","protected":false},"excerpt":{"rendered":"
Dup\u00e2 unu mesu \u0219-\u00e2ndau\u00e2 dz\u00e2li di anda vini la puteari, chivernisea di coali\u0163ie di Bucure\u015fti, cum\u00e2nd\u00e2sit\u00e2 di liderlu liberal Ilie Bolojan, tradzi tora prota cripari: Drago\u015f Anastasiu, unlu ditu a\u021belli \u021bin\u021bi vi\u021bepremieri, singurul f\u00e2r\u00e2 background politicu, \u021bi yini ditu mediul di emburl\u00e2ki, dz\u00e2si dum\u00e2nic\u00e2 c\u0103 s-da \u00e2mpadi di pi scamnu. Apofasea a lui s-fa\u021bi di […]<\/p>\n","protected":false},"author":187,"featured_media":912556,"comment_status":"closed","ping_status":"closed","sticky":false,"template":"","format":"standard","meta":{"_acf_changed":false,"footnotes":""},"categories":[69],"tags":[174319,47154,174320,174317,174318],"coauthors":[116465],"class_list":["post-913695","post","type-post","status-publish","format-standard","has-post-thumbnail","hentry","category-actualitati","tag-anaf-ro_ar","tag-demisie","tag-dragos-anastasiu-ro_ar","tag-misteari-ti-banari","tag-vitepremier"],"acf":[],"yoast_head":"\n