Documentar, Sighişoara easti atestată dit anlu 1280, sum numa di Castrum Sex. Nucleul primordial a casabalui fu una taitati di arifugiu pi plateea superiora a mayulal’ei ali Titati.
Cunuscuta cu numa “Perla ali Transilvanie”, Sighişoara easti tru tentrul ali Românie, pi cupan’ia a arâului Târnava Mare, tru giudeţlu Mureş. Documentar, Sighişoara easti atestată dit anlu 1280, sum numa di Castrum Sex. Nucleul primordial a casabalui fu una taitati di arifugiu pi plateea superiora a mayulal’ei ali Titati. Singirlu di fortificaţii, adrat tru etili 14-15, aduna dit ahurhita un casaba-titate a masturlor sighişorean’i organizaţ tru 14 di isnahi. Murlu lungu di 930 di meatri avea 14 di pirguri di apărare, ditru care 9 suntu pi cicior şi ază.
Tru Eta di Mesi, Sighişoara insi tru prota thesi ca una ditri cele mnai ma vartoasi ţitat dit aestă parti ali Europa. Eara un ditru tentrele urbane cu anami ali Transilvaniei. Simasia a l’ei nu eara masi economica. Nica di atumtea, cultura agiuca un rol salami tru bana a ţitatil’ei.
Ahurhindalui cu anlu 1992, cafi veară s-tani Festivalu di arta medievala, cari ascumbuseasti ndaua dzat di n’il’i di oamin’i. Titatea easti valoroasa şi ca arhitectura, şi ca “depozit” di cultura. Anamisa di yisterli ti nica suntu tru bana Sighişoara dit perioada medievala, s-aradpsescu şi una colecţie de carţa aeretchi cari eara tanea di comunitatea ghirrmana dit casaba. Muzeulu a Sighişoaral’ei apanghiseşti una importanta expoziţie de heraldica şi numismatica. Tru baserica a Manastirlui Dominican, cafi dumanica suntu organizate conterti di orga. Dit 1999, Titatea a Sighişoaral’ei fu acatata tru isapi pi lista a monumentilor UNESCO. Aza, Sighişoara easti un punctu di atracţie tra turişti, hiindalui goala titati medievală dit Europa banata acutotalui.
Armanipsearea: Tascu Lala
Linkuri utile
Copyright © . All rights reserved