Prinţul Charles tru România
Nu suntu mulţa xen’il’i cu anami pi cari român’il’i să-l’i aiba loata di suflitu, aproapea, şi să-l’i lugurseasca ca suntu dit isnafea a lor. Iara nai ma cu anami dit aeşta easti clirunomlu a carunal’ei Britanica, Prinţul Charles, cari, di dauă decenii, yini totna tru România, iu easti şi contribuabil, ti furn’ia că ş-ancupăra aoa ndaua imobile. Cu mirakea tra fisea şi arhitectura ali Transilvanie (centru), el thimil’iusi una fundaţie ti promoveadză casili di patrimoniu — casi, tităţ, baserit fortificate — dit aşezărle thiml’iusiti di coloniştil’i saxoni viniţ aclo tru Evul Mediu. N’ercuri, prezidentul Klaus Iohannnis alu tin’isi cu Ordinlu Naţional “Steaua ali Românie” tru Grad di Mari Cruti, ca semnu di tin’ie tra activitatea a lui tru România şi tra promovarea a imaginil’ei a aistei tru lume.
Bogdan Matei, 31.03.2017, 12:04
Nu suntu mulţa xen’il’i cu anami pi cari român’il’i să-l’i aiba loata di suflitu, aproapea, şi să-l’i lugurseasca ca suntu dit isnafea a lor. Iara nai ma cu anami dit aeşta easti clirunomlu a carunal’ei Britanica, Prinţul Charles, cari, di dauă decenii, yini totna tru România, iu easti şi contribuabil, ti furn’ia că ş-ancupăra aoa ndaua imobile. Cu mirakea tra fisea şi arhitectura ali Transilvanie (centru), el thimil’iusi una fundaţie ti promoveadză casili di patrimoniu — casi, tităţ, baserit fortificate — dit aşezărle thiml’iusiti di coloniştil’i saxoni viniţ aclo tru Evul Mediu. N’ercuri, prezidentul Klaus Iohannnis alu tin’isi cu Ordinlu Naţional “Steaua ali Românie” tru Grad di Mari Cruti, ca semnu di tin’ie tra activitatea a lui tru România şi tra promovarea a imaginil’ei a aistei tru lume.
Clirunomlu a Carunal’ei saluta buna ligatura anamisa di ateali daua vasilii şi mărturisi, diznau, vrearea ahandoasă andicra di români. Tut ti vrui s-adaru tru aesta dit soni 20 an’i, di când yinu tru România, fu atea tra să-l’i agiut român’il’i să-şi aducă aminte di unititatea a cultural’ei a lor, di clirunumia arhitecturală şi, ma nsus di tuti, di potenţialu a lor tru lumea di ază” — cundil’e nasu cu pistipseari. Cu premierlu Sorin Grindeanu, Prinţul feati moeabeti tra situaţia a român’ilor dit Marea Britanie după Brexit, tra ligaturli polititi şi militari anamisa di ateali daua vasilii, aliati tru arada al NATO, şi tra simfunzarea a minduerlor a lor pi marli teme di politică externă.
Cu miraki tra adetli populare, Prinţul di Wales dusi şi la Muzeulu Naţional al Hoaral’ei di Bucureşti, iu sa spusi harsitu di casili vecl’i huryitesti şi di adetli tradiţionale, giuca ncor deadun cu una parei populara, ghinui masturl’i şi feati moeabeti cu cafi un di el’i, cu sinfer tra tehnea şi parmatiili ufilisiti. Dinintea a unal’ei casa tradiţionala adusa dit Delta a Dunăl’ei, Prinţul Charles fu astiptat di atel di ma ninti multiplu campion olimpic şi mondial la caiac-canoe Ivan Patzaichin, cari al’i durusi una vâslă cu simnătura a lui.
Directoarea ali instituţie, Paula Popoiu, nu ş-ascumsi niti emoţia, niti haraua (TRACK): Prinţul Charles vini la Muzeulu a Hoaral’ei. An’i spusi tora, anda fudzi, că Muzeulu a nostru easti magnific, că va s-toarna diznau un kiro tru aestu muzeu. An’i pari fantastic ca un om ahât di important şi cari fati ahi multu tra România şi tra promovarea a adetlor s-yină aoa, tru muzeu, şi să spună că easti magnific.”
Agenda a vizital’ei oficiala a Prinţului acata tru isapi şi una andamusi cu Patriahul a Baserical’ei Ortodoxa Române (confesiune majoritară), Daniel, cata cum şi una tina, practic, tru familie, cu cusurina a lui işis, cama di largu, Principesa Margareta, custodili a Carunal’ei ali Românie. Prota amintata dit ateali tinti hil’i a atilui dit soni Suveran ali Românie, Mihai I (1940 — 1947), aesta cumanduseasti Casa Regală după ti, aoa si un an, Majestatea a Lui, nonagenar şi greu landzidu, s-trapsi dit bana publică.
Autor: Bogdan Matei
Armanipsearea: Tascu Lala
