Alăxeri tru Guvernul ali Românie
Aretcu fura pareili executivi ali Românie post-comunisti cu una dinamică di personal idyealui pi irusi ca atea a actualui Guvernu PSD — ALDE, cumandusitu di social-democratlu Sorin Grindeanu, rezultat dupu alidzerli legislativi dit 11 di andreu 2016 şi bagat pi scamnu tru ahurhita a aistui an. Tru 23 di scurtu, eara remaniaţ titularl’i a atilor nu ma puţan di patru portofolii – Justiţie, Economie, Mediu di Afaceri şi, respectiv, Fonduri Europene. Iniţial eara aştiptati nominalizări masi tra Justiţie şi Mediul di Afaceri, di iu miniştril’i avea fudzită tru havaia a greaual’ei criza politica provocata di minduearea a Guvernului tra s-alaxeasca, prit ordonanţă di urgenţă, codurli penale.
Bogdan Matei, 04.04.2017, 12:20
Aretcu fura pareili executivi ali Românie post-comunisti cu una dinamică di personal idyealui pi irusi ca atea a actualui Guvernu PSD — ALDE, cumandusitu di social-democratlu Sorin Grindeanu, rezultat dupu alidzerli legislativi dit 11 di andreu 2016 şi bagat pi scamnu tru ahurhita a aistui an. Tru 23 di scurtu, eara remaniaţ titularl’i a atilor nu ma puţan di patru portofolii – Justiţie, Economie, Mediu di Afaceri şi, respectiv, Fonduri Europene. Iniţial eara aştiptati nominalizări masi tra Justiţie şi Mediul di Afaceri, di iu miniştril’i avea fudzită tru havaia a greaual’ei criza politica provocata di minduearea a Guvernului tra s-alaxeasca, prit ordonanţă di urgenţă, codurli penale.
Duchiti di opinia publică, di presă, di opoziţia di dreapta di Bucureşti şi di partenerl’i occidentali ali Românie ca hiindalui un scupo tra alaxeari ritmolu a alumtal’ei anticorupţie şi tra afirearea tra s-da giueapi penală personaji influente dit politică şi administraţie, apofasea scoasi pi geadei suti di n’il’i di protestatari. Iniţiatorlu ali ordonanţa, impopularlu ministru ali Justiţie, Florin Iordache, vidzu zorea s-fudzi, iara titularlu di la Mediul di Afaceri, Florin Jianu, fudzi cu vrearea a lui, invocândalui furn’ii di conştiinţă. Fostu giudicător la Curtea Constituţională, Tudorel Toader, vini la Justiţie. La Mediul di Afaceri fu aleptu Alexandru Petrescu, cari trapsi mana, aesta turlie di la portofoliul ali Economie, iu acata scamnul Mihai Tudose, cari nica eara bagat pi aesta ipotisi tru cabinetlu Victor Ponta.
Iara la Fonduri Europeani fu bagata pi ipotisi Rovana Plumb, ea işisi fostu ministru tru protl’i an’i 2000, tru Guvernul al Adrian Năstase. Cara tuti aesti permutări s-featira su umbrela PSD, marli amintâtor, cu 45% dit voturi, a scrutinlui di asta iarnă, tora fu arada a partenerlui-junior la guvernari, ALDE, s-facă alăxeri tru formula di gioc. Luni, deadira giuratlu doi nai miniştri liberal-democraţ. ALDE u aleapsi tra funcţia di ministru a Mediului şi vicepremier Graţiela Gavrilescu, fostu ministru tra Relaţia cu Parlamentul. Tru loclu a aistei, vini liderlu a gruplui a senatorlor ALDE, Viorel Ilie. Cu una stămână năpoi, cumandusearea ALDE avea apufusita ritradzearea a andrupamintului politic tra coprezidentul a formaţiunil’ei, Daniel Constantin, vicepremier şi ministru a Mediului, tru havaia a niachicaserlor tut ma apreasi anamisa di aestu si alantu coprezidentu liberal-democrat, şeflu a Senatlui, Călin Popescu-Tăriceanu.
Membril’i ali coaliţie vidzura zori si acaţară tru isapi apofasea politică – declara, fără să-şi ascundă pismanea, omlu forte a coaliţiil’ei, prezidentul PSD, Liviu Dragnea. El işisi ţinta la tut ma multa contestatari social-democraţ, Dragnea numata comunică câ masi polemic şi, tru general, pi singirili di socializari cu predecesorlu a lui la capia a partidlui, fostul premier Victor Ponta. Iara presa speculeadză tut cama insistentu că Ponta şi Daniel Constantin au tiva chiro di anda ndreg, lansarea a unal’ei naua entitati politica, provizoriu numasită “naua stângă”, cari va u slagheasca suplimentar vartusamea a guvernaril’ei.
Autor: Bogdan Matei
Armanipsearea: Tascu Lala
