Dosarlu a prezidinţialiloru dit 2009
Parchetlu Genearal alu clasa dosarlu a alidzerlor prezidinţiale dit andreu 2009, cându senatorlu popular di aza Traian Băsescu ş-adjudeca doilu mandat di prezidentu ali Românie, după ti lu azvimsi tru turlu decisiv liderlu a PSD di atumtea, Mircea Geoană. Procurorl’ii cundil’eara că nu aflara asi spusi fapte paranom, cum abuzlu tru lucru ica falsificarea a documentelor şi a evidenţelor electorale. Parchetlu ari audieata pana tora ndoi politicieni care avea atumtea ipotisi cl’eaie tru statul român şi cafta documente, considerate yilipsitoari, di la Autoritatea Electorală Permanentă şi Serviciul di Telecomunicaţii Speciale.
Bogdan Matei, 28.06.2017, 12:18
Parchetlu Genearal alu clasa dosarlu a alidzerlor prezidinţiale dit andreu 2009, cându senatorlu popular di aza Traian Băsescu ş-adjudeca doilu mandat di prezidentu ali Românie, după ti lu azvimsi tru turlu decisiv liderlu a PSD di atumtea, Mircea Geoană. Procurorl’ii cundil’eara că nu aflara asi spusi fapte paranom, cum abuzlu tru lucru ica falsificarea a documentelor şi a evidenţelor electorale. Parchetlu ari audieata pana tora ndoi politicieni care avea atumtea ipotisi cl’eaie tru statul român şi cafta documente, considerate yilipsitoari, di la Autoritatea Electorală Permanentă şi Serviciul di Telecomunicaţii Speciale.
Dosarlu fu discl’is după ti controversatlu jurnalistu Dan Andronic spusi că, tru seara a doilui tur a prezidenţialelor di aoa si optu ani, l’i-andamusi, tru un cadru informal, procurorlu general Laura Codruţa Kövesi, tru aestu kiro şefă DNA, fostul director a SRI, George Maior, tora ambasador Washington, şi prim-adjunctul a aistui, Florian Coldea. Şi că al’i si păru că asistă la şedinţa a unei celula di criză, maxus că tuţ atel’i menţionaţ, nica spusi Andronic, eara tru piricl’iu s-hiba demişi dupu una victorii al Geoană. Di iu şi crisparea cu care va s-hiba astiptati exit-poll-urile ti alu spunea azvingator Geonă şi licşurarea di furn’ia a habarilei dit haryie că, după misurarea a voturlor, Băsescu aminta, pan tru soni, cu un avansu di masi ndaua dzat di n’il’i di sufragii. Independent di apofasea a Parchetlui, s-duc ma largu investigaţiili a comisiil’ei parlamentari speciale, thimil’iusita, tru primvaară, tut dupu declaraţiili al Andronic.
Prezidentul a Comisiil’ei Juriditi dit Camera a Deputaţlor, social-dimocratlu Eugen Nicolicea, exighiseasti: După cum ştiţ, până tora s-baga zori ca nu ai izini s-dut ma largu una anchetă tru Parlamentu cara ahurhi pusputearea penală, ica ma s-aiba tru lucru una anchetă la Parchet. Varnu nu spusi că, ma s-nu aiba una anchetă la Parchet, easti zn’iipsita ancheta parlamentară.”
Dit ahurhita, presa avea spusa ca hiindalui un exerciţiu perfect democratic, ama şi perfect platonic cercetarea tru Parlamentu a circumstanţilor cutulburati tru care s-tanu scrutinlu şi easti pi daua credibilitatea a atilui cari detona bomba. Tricut prit arest tru un dosar di corupţie, autor a unal’ei cărţulii a curi numa, 100% anti-Băsescu, zburasti tra candaserli a lui dit protl’i ani 2000, Andronic s-converti deapoa şi u prilo ipotisea, multu lucrativ, di consultantu politic a prezidentului ti deapoa fu aleptu diznau.
Dinintea ali comisie, el mărturisi că nu are date nai andicra di ateali prezentate, tru aestu kiro, tru mass-media şi niti inditii uidisitu cu cari alidzerli vahi fura fraudate. Niti audierea a nascantor politicieni ica diplomaţ di framti nu scoasi tru migdani revelaţii cutrimburatoari. Comentatorii cundileadza că ici tiva numata poate s-l’ia napoi mandatul prezidinţial al Băsescu şi varnu numata poate sa-lu faca pi Geoană şef a statlui. Rezultatlu gol previzibil easti, minduescu nasi, că va s-creasca nipistipsearea a românilor tru una clasă politică ti easti di cabaia kiro discreditată.
Autor: Bogdan Matei
Armanipsearea: Tascu Lala
