Hăbări ditu bana românească şi internaţională
SUMMIT – Prezidentulu Klaus Iohannis llia parti la summitul Consiliului European ditu 30-31 mai, cari va s’aibă tu amprotusa polimlu ditu Ucraina. Uidisitu cu Prezidinţillea, lidirllii europeni va să zburască modalități pritu cari s’da ma largu agiutoru politic, economic și financiar Ucrainăllei, inclusiv implicarea UE tru gaeretli di reconstrucție postbelică. Summitul Consiliului UE va să zburască, tutunăoară, ti ananghea tra s’agiută la anvărtuşearea a reziliențăllei ali Moldovă. Șefllii di stat și di guvern ditu UE va s’examineadză, tutunăoară, abordări tră s’asigura exporturile continue di alimente ditu Ucraina, tră s’agiută siguranța alimentară la nivel global. Agenda summitului includi, tutunăoară, jgllioati tră diversificarea și securizarea a izvuriloru di energie și a rutelor di aprovizionare.
Newsroom, 30.05.2022, 19:18
EMBARGUL – UE nu aprăftăsi s’agiungă dumănică la un acord mutrinda un embargo tra petrolului arusescu și s’așteaptă ca negocierile s’ducă ma largu şi adză. Diplomații UE minduescu s’agiungă la un consens tu ligătură cu scutirea a livrărilor di petrol cătră născănti state ditu Europa Centrală. Embargoul faţi parte ditu aţelu pachet di sancțiuni contra ali Rusie. Pachetul pruveadi eliminarea ntrăoară a băncăllei numirul ună ditu Rusia, Sberbank, nidari izini ti posturli di televiziune ruse ditu UE și adăvgarea di năi numi pe lista personalităților ruse a curi active fură ngllițate i a curi nu lă si da izini ta s’intră tru UE. Ungaria s-ncuntră a pachetului, susținânda că un embargo arusesc ti petrolu poati s-da ună goadă greauă a economiillei a llei, di itia că aestă văsilie nu poate s’importa petrol ditu alte surse. Republica Cehă și Slovacia și spusiră idyili găilipseri.
FMI – Ună dilegaţie a Fondului Monetar Internaţional, condusă di Jan Kees Martijn, va s’viziteadză România tru perioada 30 mai – 10 cirişaru, tra s’facă ună analiză a economiillei româneşti, diclară reprezentantul FMI tră Europa Centrală şi di Est, Nadiem Ilahi. Oficialli FMI va să zburască cu autoritățile române politiţle și evoluțiile economiţi și sunt aștiptaț să s’andămusească cu reprezentanțăli a Ministerului Finanțelor, Băncii Naționale, alti agenții guvernamentale, cum și a sectorului privat și ONG-urilor. Tru aistu kiro, România nu are un acord financiar tru dizvărteari cu FMI, acă Fondul evalueadză cathi an evoluția economiei românească.
CATAGRAFIA – Faza a doua a catagrafiillei natională ahurheasti tru 31 mai tru tută văsilia, candu cenzorllii va s’adună dati tru teren. Uidisitu cu Institutlu Național di Statistică, 47% ditu populația țintă bitisi procesul di autoenumerare online tru perioada 14 marţu – 27 mai. Faza a daua va s’ţănă tru perioada 31 mai – 17 alunaru. Aesta easte a 13-ţea catagrafie ditu istoria Româniillei și a 4-a după Revoluția ditu 1989.
Autoru: Udălu a hăbărloru
Armânipsearea: Taşcu Lala
