Hăbări ditu bana românească şi internaţională
Newsroom, 06.01.2022, 18:58
EPIFANIE – Embistimeñilli dit România sărbăturiscu adză Boboteaza, una ditu nai ma importante sărbători religioase dit văsilie. Aestă sărbătoari nsineadză dzuua tru cari Hristolu fu pătidzatu tru arâulu Iordan di cătră Ioan Pătidzătorlu. Tru aestă dzuuă, prefţălli facu liturghiseari specială și ampartu a embistimeñiloru apă ayiusită, cu numa agheasma. Embistimenilli ufilisescu tra ayisească casili, bunurli și prăvdzăli, di itia că spistipseaşti că aestă apă ghiniayiusită are puteri maghiţi și li veaglle. Tutunăoară, elli bea apă tru cathi tahinimă, kiro di optu dzuăle. Tră itia că aestă sărbătoare caftă ta s’hibă mulţă oamiñi, tru tuti băseriţli dit România, s-loară meatri tra s’ngărdească arăspândearea a năului coronavirus. Sărbătorli di iarnă dit România va s’ncllidă viniri cu ună festivitate di sărbătorisiri ti amintarea a Sâmtului Ioan Pătidzătorlu.
PROTESTI — Sindicaliștilli di la ALRO Slatina, tru notlu a Româniillei, nai mari fabrică di aluminiu dit Europa Centrală și di Est, işiră adză pi geadei tru semn di protestu andicra diapofasea ţi u lo cumăndusearea ta s’ñicureadză producția di itia a crizăllei energetică. Uidisitu cu protestatarlli, pisti 1.000 di lucrători suntu tu piriclliu s’hibă disponibilizaț. Protesti s’feaţiră și la favrica di aluminiu dit Tulcea, tru sud-est, dit itia că crsiscură păhadzlli la energie. Fabrica u ari ñicurată producția, iara lucrătorlli s-asparu că va ş-keară locurli di lucru. Tru ună altă evoluție, Partidlu Social Democrat (la putere) dimăndă că va s’caftă revizuirea ali legislație mutrinda protecția a cetățeañilor di itia a creastirillei constantă a păhadzloru la energie și gaze.
EDUCAȚIA — Suţatili a studențălor dit România dimăndară că va s’protesteada astăndză dinintea a Ministerlui ali Educație di București și va-lu contestă tru instanță ordinlu a ministrului cari alasă 730.000 dit elli fără burse. Consiliul Național a Elevilor cutugursi apofasea pritu cari Ministerlu ali Educație apufusi s’priveadză dză4ţ di ñilli di cilimeañi la ndreptul ti educație. Praglu tră ună bursă di merit fu alinatu di la 8,5 la 9,5, criteriu pi cari studențăllii îlu lugursescu ineficient și niadreptu. Tutunăoară, studenț4lli vor ca năulu criteriu s’hibă băgatu tu lucru tăş tru anlu ţi yini. Tu arada a lui, ministrul ali Educație Sorin Cimpeanu spusi tora ayoñea că la cursurli țănute online di itia ali pandemie notili fură distorsionate aţea turlie că 50% ditu studențălli dit România putea tra s’llia bursi di merit.
KAZAHISTAN – Rusia pitricu adză parașutiști tru Kazahstan tră s’curmă ună cumitie la nivel național după ţi prişcăviili mortale s-arăspândiră tru fostul stat sovietic, dimăndă Reuters. Autoritățli declarară că vătămară dzăţ di oamiñi tru prinţipalul căsăbă Almaty, kiro tru cari 13 membri a forțelor di securitate muriră, nica şi alţă doi a curi lă si tălle caplu. Uidisitu cu Reuters, ună reședință prezidenţială și biroulu ali primărie eara dauli tru foculu apresu. Di itia că internetlu fu ncllisu tru tută văsilia, amploarea completă a prişcăviillei fu imposibil di confirmat. Protestile ahurhiră după ună creaștere ună ş-ună a păhadzloru la combustibil, ama s-răspândi iruşi, di loară autoritățile pri napandica. Personalul diplomatic ali Românie di Almaty easti tru siguranță, iara misiunea diplomatică dit Kazahstan easti tru ligătură cu aţelli aproapea 100 di cetățeni români dit aestă văsilie, majoritatea experță cari lucreadză tru companii private, dimăndă Ministerlu di Externe ali României.
Autoru: Udălu a hăbărlor
Armânipsearia: Taşcu Lala
