Rezultati la alidzerli locali: Ciprian Ciucu amintã Bucureștiulu
Ciprian Ciucu amintã ipotisea di dimarhu a Bucureștiului, aşi cumu spuni isapea cu misurarea faptã tru secțiili di votari.
Tașcu Lala, 08.12.2025, 07:41
După misurarea faptă tu secțiili di votari di București, Ciprian Ciucu amintã 36,06% ditu voturli dati tru scrutinlu di dumãnică. Candidatlu PNL va lu-aibã mandatlu di edilu ali Capitalã până di alidzerli locali ţi va s’ţãnã dupu doi añi şi giumitati. Pi alanti locãri suntu Anca Alexandrescu (candidatu independentu, ndrupãtu di AUR) cu 22,01%, Daniel Băluță (PSD) cu 20,56%, Cătălin Drulă (USR) cu 13,88% și Ana-Maria Ciceală (SENS) cu 5,84%.
„Pitrecu hãbarea ti unitati trã partidili ditu suţata guvernamentală maxusu trã aţeali di ţentru-dreapta. Va s’avemu multu lucru deadunu la Dimarhia di București, va s’avemu multi proiecti ti adrari. Voi s’adaru ditu București proiectulu a banãllei a meauã. Și aesta nu ti şcurtu kiro, ama pi lungu kiro. Cãsãbadzlli cari s’alãxescu cadealihea au ananghi ti un dimarhu cari s’armãnã pi lungu kiro tu ipotisi”, spusi Ciprian Ciucă după ţi hãbãrisi isapea cu sondajili exitu-pollu di la oara 21:00.
Tut dumãnică, Marcel Ciolacu, deputatu PSD ţi ma ninti eara prezidentulu a suţialu-democraţloru, amintã prezidenţillea Consiliului Județeanu Buzău (51,97% ditu voturi).
Autoru: Licã Manolache
Armãnipsearea: Taşcu Lala
