Justiţia română şi anticorupţia
Bagat pi ipotisi tru 23 di scurtu, actualu ministru român al Justiţiei, Tudorel Toadir, fu dit ahurhita lugursitu atel cari lipseasti s-ndreaga marli zn’ii di imaghini ti al’i si adusira ali coaliţie PSD-ALDE di predecesorlu a lui, impopularlu Florin Iordache. Duchitaă di opinia publică, di presă, di opoziţia di dreapta di Bucureşti şi di partenerl’ii occidentali ali Românie ca hiindalui una tentativă tra sa slaghească irusea a alumtal’ei anticorupţie şi tra sa-l’i afireasca di giueapi penală personaji influente dit politică şi administraţie, minduearea al Iordache tra s-alaxeasca, prit ordonanţă di urgenţă, Codurile Penale scoasi pi geadei, astă-iarnă, sute di n’il’i di protestatari. Juristu ninregimentat politic, profesor universitar şi fostu giudicător la Curtea Constituţională, Toader nu trapsi mana si lo apofasi cari yinu al’iumtrea di cum aştipta majoritatea parlamentara.
Bogdan Matei, 06.04.2017, 13:09
Bagat pi ipotisi tru 23 di scurtu, actualu ministru român al Justiţiei, Tudorel Toadir, fu dit ahurhita lugursitu atel cari lipseasti s-ndreaga marli zn’ii di imaghini ti al’i si adusira ali coaliţie PSD-ALDE di predecesorlu a lui, impopularlu Florin Iordache. Duchitaă di opinia publică, di presă, di opoziţia di dreapta di Bucureşti şi di partenerl’ii occidentali ali Românie ca hiindalui una tentativă tra sa slaghească irusea a alumtal’ei anticorupţie şi tra sa-l’i afireasca di giueapi penală personaji influente dit politică şi administraţie, minduearea al Iordache tra s-alaxeasca, prit ordonanţă di urgenţă, Codurile Penale scoasi pi geadei, astă-iarnă, sute di n’il’i di protestatari. Juristu ninregimentat politic, profesor universitar şi fostu giudicător la Curtea Constituţională, Toader nu trapsi mana si lo apofasi cari yinu al’iumtrea di cum aştipta majoritatea parlamentara.
Stămâna ti tricu, el dimanda că auditlu externu pi cari ministerul ali Justiţiei va-lu baga tru lucru la Parchetul General, Direcţia Naţională Anticorupţie şi atea di Investigare a Infracţiunilor di Criminalitate Organizată şi Terorism ari tru scupo una yilipseari a lucurlui faptu di aesti instituţii, cari nu fura fapti di un decheniu s-cama. Di altă parte, ama, ministrul nu cafta tra s-fuga di pi ipotisi procurorlu general, Augustin Lazăr, şi capia ali DNA, Laura Codruţa Koveşi, lugursiţ di opinia publică chipitili di saghita a alumtal’ei anticorupţie, ama lugursiţ di mulţa social-democraţ şi liberal-democraţ thimil’iusitori ali aşi-numasita ripublica a procurorlor”, tru cari ndrepturli a omlui metodic fura călcate. Iara n’iercuri ministerlu ali Justiţie deadi aviz negativ la alaxerli fapti tru parlamentu tra proiectul di nom mutrindalui conflictul di interese.
Comisia juridică di la Camera a Deputaţilor avea aprucheata alaxeri tra articolili dit Codlu Penal, ase că sintagma conflict di interese eara alaxită cu “ufilisearea a ipotisil’ei tra favorizarea a nascantor persoani. Tutunaoara, tra s-hiba lugursita infracţiune bagarea a soiil’ei pi lucru ica alta aprucheaţ a unlui funcţionar public, lipsea s-adara una zn’ie di interes public”. Ma multu, Toader exighisi că instituţia ti u cumanduseasti ari una iniţiativă legislativă cari spuni si tra alaxearea a pruviderlor ligate di abuzlu tru lucru.
Aestu nu baga zori tra un prag valoric a zn’iil’ei tra respectiva infracţiune, ca alasă a instanţal’ei di giudicată apofasea di bagari tru practico a pideapsal’ei. Proiectul di nom mutrindalui alaxearea a Codurlor penal şi di procedură penală, elaborat di ministerlu ali Justiţie, simfun cu apofasili a Curtil’ei Constituţionali, va s-hiba bagat tru dezbaterea publica. Premierlu Sorin Grindianu dimanda că al’i cafta al Toader ca, tru yinitoarili 30 di dzale, să zburasca cu tuti părţali interesate ninti tra s-cafta avizlu a Guvernului tra aestu proiectu di nom.
Autor: Bogdan Matei
Armanipsearea: Tascu Lala
