PSD, pi protlu locu la alidzerli parlamentari
PSD inși pi protlu locu la alidzerli parlamentari, a dapoaia yinu AUR, PNL şi USR.
Tașcu Lala, 02.12.2024, 06:55
PSD inși pi protlu locu la alidzerli parlamentari, iara dupâ yinu AUR, PNL şi USR.
După misurarea a cama di 98% ditu secţiili di votari, Partia Suțial Dimucratâ lo Camera Deputaţlor cu 22,54% ditu voturli a electoratlui, Alianţa ti Unirea a Româñilor – 17,75%, Partia Naţional Liberalâ – 13,60%, Uniunea Salvaţi (Ascâpaț) România – 11,99%. Pi aanti locări suntu: Partia SOS România – 7,10%, Uniunea Dimucratâ Maghiară ditu Românie – 6,49% şi Partida a Oamiñilor Tiniri – 6,24%. Alanti partii şi alianţi avurâ sum 5%.
Idyiul lucru s-feați ș-tu Senat. Dupâ adunarea a cama 98% ditu secţiili di votari, Partia Suțial Dimucratâ avu 22,90% ditu voturli a electoratlui, Alianţa ti Unirea a Româñilor – 18,07%, Partia Naţional Liberalâ – 14,49%, Uniunea Salvaţi (Ascâpaț) România – 11,91%. Pi alanti locări suntu: Partidul SOS România – 7,51%, Uniunea Dimucratâ Maghiară ditu Românie – 6,54% şi Partida a Oamiñilor Tiniri – 6,18%. Alanti partii şi alianţi avurâ sum 5%.
Autor: Eugen Cojocariu
Apriduțearea: Mirela Biolan
