Puncte de videare mutrindalui demnitaril’i cu probleme în justiţie
De vineri, vicepremierulu român Sevil Shhaideh, ministru a Dezvoltaril’ei Reghională, şi ministrulu delegat trâ Fonduri Europeane, Rovana Plumb, sunt urmărite penal într-un dosar de corupţie. Uidisit DNA, vicepremierulu Shhaideh, la data a faptelor secretar de stat în ministerulu a Dezvoltaril’ei Reghională, easte cercetată trâ abuz în serviciu, iar Rovana Plumb, atumţea ministru a Mediului, trâ complicitate la abuz în serviciu. Procuroril’i anticorupţie susţân că, tru 2013, prin acţiunea concertată a unor persoane cu funcţii publiţe, părţâ din Insula Belina şi Braţulu Pavel, situate tru cupan’ea ale Dunăre, trecură ilegal din proprietatea statului tru aţea a judeţului Teleorman (sud), fief a actualului lider PSD, Liviu Dragnea. După ţe fură administrate, trâ maşi îndauă dzâle, di Consiliul Judeţean Teleorman, insula şi braţulu fură închiriate, tot ilegal, date cu niche a unei firmă privată. Aţeale doaua suprafaţe fac parte din domeniul public a statului, prin urmare, conchid procuroril’i, nu putea să hibă trecute în proprietatea a vreunui consiliu judeţean prin apofase de guvernu, că maşi prin leadze. DNA are şi solicitată ale Cameră a Deputaţâlor să da izine trâ arhiusirea ale urmărire penală în cazulu a Rovanâl’ei Plumb, care easte şi parlamentar, iar presa, societatea civilă şi opoziţia câftară, prompt, ună şi ună, demisia ţilor doauă membre a cabinetului. Conduţerea PSD lo apofasea, ama, să lă acordă aţea ţe are numită “îndrupămintu total” şi lă solicităă explicit să nu demisioneadză, di aform’ia că aestua va hibă un precedentu periculos. Şefulu a partidului, Liviu Dragnea, dzâse:
Bogdan Matei, 27.09.2017, 21:47
De vineri, vicepremierulu român Sevil Shhaideh, ministru a Dezvoltaril’ei Reghională, şi ministrulu delegat trâ Fonduri Europeane, Rovana Plumb, sunt urmărite penal într-un dosar de corupţie. Uidisit DNA, vicepremierulu Shhaideh, la data a faptelor secretar de stat în ministerulu a Dezvoltaril’ei Reghională, easte cercetată trâ abuz în serviciu, iar Rovana Plumb, atumţea ministru a Mediului, trâ complicitate la abuz în serviciu. Procuroril’i anticorupţie susţân că, tru 2013, prin acţiunea concertată a unor persoane cu funcţii publiţe, părţâ din Insula Belina şi Braţulu Pavel, situate tru cupan’ea ale Dunăre, trecură ilegal din proprietatea statului tru aţea a judeţului Teleorman (sud), fief a actualului lider PSD, Liviu Dragnea. După ţe fură administrate, trâ maşi îndauă dzâle, di Consiliul Judeţean Teleorman, insula şi braţulu fură închiriate, tot ilegal, date cu niche a unei firmă privată. Aţeale doaua suprafaţe fac parte din domeniul public a statului, prin urmare, conchid procuroril’i, nu putea să hibă trecute în proprietatea a vreunui consiliu judeţean prin apofase de guvernu, că maşi prin leadze. DNA are şi solicitată ale Cameră a Deputaţâlor să da izine trâ arhiusirea ale urmărire penală în cazulu a Rovanâl’ei Plumb, care easte şi parlamentar, iar presa, societatea civilă şi opoziţia câftară, prompt, ună şi ună, demisia ţilor doauă membre a cabinetului. Conduţerea PSD lo apofasea, ama, să lă acordă aţea ţe are numită “îndrupămintu total” şi lă solicităă explicit să nu demisioneadză, di aform’ia că aestua va hibă un precedentu periculos. Şefulu a partidului, Liviu Dragnea, dzâse:
Mulţâ colegi spusiră că nu poate să hibă acceptată şi easte periculoasă aestă abordare, că si bagă problema unui prejudiciu adus a statului cându un ahtare de transfer fudze din public şi agiundze în public. Aesta ar înseamnă că toate transferurile care avură loc până tora reprezintă un prejudiciu adus a statului român.” Preşedintele Klaus Iohannis, ama, easte categoric: miniştril’i vizaţ de ancheta DNA prinde să demisioneadză sau să hibă retrapţâ din funcţie. Persoane care sunt urmărite penal sau care fură condamnate penal nu lipseaşte să se aaflă la conduţerea ţarâl’ei — conchise şefulu a statului.
Klaus Iohannis: Doamnile ministru prindea, în varianta optimală, să demisioneadză. A doaua variantă acceptabilă lipsea sa hibă retrapte. Faptul că PSD faţe scut di aparare în varliga doamnelor ministru, nu easte di bun augur. Nu ştiu desii doamnele sunt câbate sau fară câbate, niţe nu-i lucurlu a meu şi nu easte niţe luculu a PSD să stabilească aestu lucru. Câbâtlâchea se stabileaşte di cătră giudecători.” Comentatoril’i remarcă, ama, elipsea di orixe, di apetit, trâ curăţenie în propriile aradarichi a majoritatil’ei guvernamentală PSD-ALDE. Trâş aieri, Comisia Juridică a Senatului deade aviz negativ, cu şapte voturi contra şi maşi patru trâ, a câftaril’ei DNA de arhiusire ale urmărire penală a ministrului trâ Relaţia cu Parlamentul, liberal-democratulu Viorel Ilie, acuzat că s-aibă intervenită în organizarea a unui concursu trâ angajarea a unor funcţionari publiţ în minister.
Autor: Bogdan Matei
Armânipsire: Hristu Steriu
