Spania amintă doilu a l’ei titlu mondialu la fotbal
Spania amintă doilu a l’ei titlu mondialu la fotbal, după ţi azvimsi Argentina cu 1-0.
Tașcu Lala, 20.07.2026, 22:03
Selecţionata ali Spanie amintă doilu a l’ei titlu mondialu la fotbalu, după ţi azvimsi Argentina cu scorlu di 1-0 (0-0, 0-0), după prilundziri, dumănică, pi New York/New Jersey Stadium, tru finala turneului a curi nicuchiri eara Statele Unite, Mexic şi Canada.
Campioana europeană en titre azvimsi campioana mondială pritu golu al Ferran Torres (106), tru unu meci tru cari fu tu amprotusa şi tru cari sud-american’il’i nu aminară niţi ună topă la poartă până la dişclidearea scorlui şi nu trapsiră pi spaţiulu a poartăl’ei niţi deapoa.
Spania amintă doilu a l’ei titlu mondialu dupu 16 di ani di la protlu, amintatu tru Africa di Sud, 1-0 cu Olanda, tutu după prilundziri, pritu un golu marcatu di Andres Iniesta.
Golu tră titlulu mondialu fu marcatu tru minuta 106, cându Pedro Porro amină topa tru careu, Nico Williams aşţă cu caplu, iara Ferran Torres amină topa sumu sturlu transversalu a poartăl’ei.
Spania fu echipa cama bună tru tutu imnaticlu aluştui turneu, tru chirolu anda Argentina ş-vini tru ori, di avu un imnaticu ti anami, cu şaptea a l’ei finală di Cupă Mondială, cari yilipsi ună carieră ti-anami a leghendarlui Lionel Messi, cari fu motorlu a selecţionatăl’ei Albiceleste până tru finală.
Autoru: Eugen Cojocariu
Armãnipsearea: Taşcu Lala
